婆婆家餃子館

Open Now

Now Closed

在大圍區要吃餃子從前我只懂往金禧商場,可惜好一段日子沒有前來已告結業、取名也是「婆婆家」同名之下,不只是否同屬老闆、就在數條街下地舖又在從生,再也不理真假吃餃子之心已驅使我推門之內。。。午巿雖然是平日也非常爆場,加上有學生優惠更見人頭湧湧、價錢上也算親民以餃子作例,坊間一般為十隻一碗,這裏就十二隻為一碗、分別有白菜豬肉、韭菜豬肉、粟米豬肉、四季豆豬肉、芹菜豬肉、蕃茄豬肉、香菇馬蹄豬肉、和羊肉京葱餃等起首價由HK$38.-HK$42.不等而且也有半份上~~點餐前問上姨姨淨餃子是否有湯附送?可惜答案是:「否」不過興幸的問她可否給一碗少少的用來濕口她也極為樂意《謝謝你哦》，送來的羊肉京葱餃每粒非常飽滿,加上熱氣驣驣未食已充滿期待．．咬開一顆羊肉香已隨之而散發陣陣肉香,加上京葱混合不添黑醋整件也來得太自然、一顆接一顆很快就報銷了~~以個人而言這份羊肉京葱餃絕對合格,而且吃畢也沒有吃到帶根肉、所以覺得值得推介!

間唔中都想吃得清一點。於我而言，一碗湯餃子麵，已足以可讓我平常運作蠻忙碌的腸胃歇息一下....一個人跑來大圍。就在距離火車站約七到八分鐘腳程的積信街裡頭，找到了這一間餃子店....除餃子外，這兒還有一系列的川菜菜式供應。喵到隣座那對操流利普通話的男女叫餃子之外又來了一大碟的水煑魚，尤如在開大餐般似的。我一向不太嚐川辣對之沒大興趣，看來還是專注於吃我的餃子算了....我坐的位置右手邊擺放了一整櫃子滿，盛在玻璃瓶內的嫣紅色辣醃菜，視覺效果確實甚奪目....在一眾餃子饀料選擇中，小弟一向對芹菜情有獨鐘。今天點的，就是一道芹菜豬肉餃麵....麵是帶點彈牙；湯味道十分淡。個人認為"白水"湯總比猛下味粉的好，所以這湯對我來說算是可接受；餃子是由幾位阿姐坐在店一旁密密手包製的，皮不算厚也不太薄，肉餡是鮮的但就稍為乾身了點不夠juicy。芹菜的香味是存在的但不算突出....這麵食落不太差但也不算令人吃後印象難忘。之前聽到有些人談到這裡的出品甚不濟....我看也並不至於太差嘛....

以前間唔中都會來這裡吃酸辣粉的, 但兩三個月沒來就發現他們的酸辣粉質素差了許多..今次去吃下午茶, 入去時只有我一個客...理應可以專注地煮我這一碗吧...點知來到一吃之下...發覺薯粉是超淋身的...完全不是彈牙煙韌的口感, 明顯是煮得太久了....單單是這一點我已經覺得好失望了..因為太淋既薯粉會變得超唔好吃配料方面是正常的, 有芽菜花生肉碎, 但酸辣粉慣常會落的炸菜和芫茜他們是沒有的, 而味道來說...我下單時有叫"小辣"...所以辣度小是合理的..但湯底感覺好淡口, 冇辣味之外又冇乜酸味....我要另外自己加枱上的辣油才有番D味道..  而下午茶餐送的豆漿, 又係淡而無味...

昨晚八點半左右行過見冇乜人排隊就進內幫襯，坐下一陣已經被叫換位置，ok就換吧！叫餐時店內的店員冇禮貌態度極差，食物非常之難吃豆漿淡冇味，我真的要向這家食店說88

某日接完讀緊二年級既囡囡放學就同佢去食餃子（係商場搬去地鋪食左好多年）囡囡好大食要自己食一碗，我食得好辣自己食一碗，再加上佢要必食窩笋，點知俾我發現左有個學生餐，有佢食既嘢，我叫侍應幫我落一個學生餐，同一碗餃子酸辣粉，一碟窩笋，佢回應我:（學生餐只供中學生，唔供應俾小學生！）Menu 沒有寫明，我覺得好激氣！

酸辣粉非常淡味，不辣不酸，花生很少，沒有番茜，榨菜，味道單調，肉碎多醃過，酸味根本吃不到，還有沒有套餐，一個人去吃，選擇不多，低質服務。價錢也不合理，我寧願去吃附近的譚X或鍋X大王，浪費我的胃。

麵有小昆蟲，都算，換第二樣野食，係咁追你問改乜，10秒都唔俾人諗下，趕收工咁，又算數喇，點知改左個飯，四眼老闆應左我，樓面阿姐應埋我，最尾冇人落單，漏埋.....，我嘈佢，佢話要時間整喎，但老闆在玩手機，師父企係度等收工咁，當時冇單的，唔好當我傻仔咁啦。另红燒排骨麵得4小塊排骨，餃子勺到皮爛哂，所以完全冇味，都唔明d餃子皮咁厚都可以爛，勵害，係呢間舖先做到！永不回頭！！

婆婆家搬了新舖後第一次幫襯價錢都調整了家鄉豬手醬汁香濃不太鹹，帶少少甜用來撈飯就最啱豬手比較爽，如果喜愛淋的朋友要注意啦水煮魚同平時食開辣椒，辣油鋪面有所不同此汁帶香麻多於辣整體飯菜都可以地方不算寬敞店員都醒目見有人抄牌會叫客人

這款涼拌食的筍絲(金針的幼嫩莖葉)，平時很少食，外表翠綠口感似食芽菜(好爽口)，味道清甜，因為不是用油炒，唔肥膩本身少食麻辣，不過這款牛，不算勁辣，牛，-切得好薄身，有淡淡的麻辣味，少食辣的我，都食到(牛入味)涼菜(蓮藕)用薑炒，好爽口煎粟米豬肉餃子，皮薄，內裡豬肉多，即叫即煎，外賣都好熱辣辣羊肉麵，湯好濃，麵煮得剛好，不會太軟身，羊肉嫩，沒有腥和羶味值得再試

朋友第一次帶我來這裡吃飯, 雖然店名叫餃子館, 但原來它除了餃子之外 有很多其他飯面吃. 看見白飯套餐有款叫泉水雞, 之前未曾見過這個名, 心想會不會賣相似泉水般清徹呢, 想像得很吸引 就立即落單了. 來到見到跟想像中有很大落差, 原來泉水雞是辣的, 不過其實是我疏忽 因為MENU原來根本有隻辣椒顯示在泉水雞名字的旁邊.... 幸好它不算很辣, 我還食得到! 醬汁味道是可以的, 我估計這是麻辣吧, 都幾香, 也不算太油膩. 不過雞的份量就有點少了.... 約只有4,5件左右, 有不少還是背"隻"位置 根本沒有什麼雞肉... 所以食到中段已經差不多是食淨白飯撈汁.... 雞的質地也不太滑, 不知是否熟得太長時間 食落有點鞋.  眼見旁邊食客都在吃餃子 賣相都不錯, 可能這裡吃番餃子會好一點吧!這裡的人流很旺, 位與位之間都幾擠迫的... 地方衛生和服務都是不錯的, 就是坐得不太舒服 常常會被人撞到. 

今日同男朋友行完街途經大圍，見有d肚餓就決定係大圍搵野食😄行行下見到依間餃子店，就拉咗男朋友入去食，因為好耐冇食餃子了😂望一望餐牌，餃子款式都幾多選擇，搞到我心大心細唔知揀邊隻好😝餃子一份有12隻，可以轉湯麵(有麵，米粉，米線選擇)，價錢一樣但餃子數量就會變成5隻。最後我地2個都揀咗韮菜豬肉餃麵😂跟餐加$5要咗杯豆漿，另外我地嗌多個小食，男朋友知我鐘意食辣就提議嗌麻辣牛😆豆漿好快送上，飲返啖先，我覺得豆漿麻麻，好淡又冇咩豆味。等多一陣，2碗熱辣辣嘅餃子麵同麻辣牛一齊送上😊我習慣會飲一啖湯先，但令我有d失望，湯底好淡冇乜味，所以成碗麵都好淡口😯再試下個餃子，有驚喜喎😀餃子好足料，餃子皮唔厚，食落啖啖肉，有肉汁，唔錯唔錯😋😋早知嗌淨餃子，唔轉湯麵啦😂再嚟試下個牛，麻辣醬唔算太辣，但都有麻嘅感覺，牛份量都算多，切得比較薄身，配上麻辣醬食起上嚟都幾惹味😋下次可以再嚟試下其他款式嘅餃子先😆

間唔中都會黎呢度食晚餐～平時多數會食酸辣粉 或者 煎餃子～大圍黎講呢間食酸辣粉叫做最好味了～煎餃就邋可以啦～餃子皮唔算好薄，但餡料都幾多款揀 幾夠味！價錢都算合理的。今晚第一次試下呢度既白飯餐，叫左回鍋肉～雖然等左都成十五分鐘，但黎到見到佢係即炒又香噴噴都覺得好值得了！碟回鍋肉份量都算多，除左有回鍋肉 仲有幾多配料 如洋蔥 紅綠椒 都爆得相當好味！味道同出面既上海菜有少少分別，唔知係咪四川版本係唔同d呢，味道都係少少辣，但比平時食既上海版本仲更加香和惹味～令到我ko晒整碗白飯呢 當然食呢個餸就真係會油膩d了，吃完發覺碟子佈滿油分，塊豬肉就更加係不乏肥肉啦～不過間唔中食一次確係正～ 唯一希望就係如果佢呢個價錢既白飯餐可以包杯豆漿就好喇～