婆婆家餃子館

Open Now

Now Closed

今日同男朋友行完街途經大圍，見有d肚餓就決定係大圍搵野食😄行行下見到依間餃子店，就拉咗男朋友入去食，因為好耐冇食餃子了😂望一望餐牌，餃子款式都幾多選擇，搞到我心大心細唔知揀邊隻好😝餃子一份有12隻，可以轉湯麵(有麵，米粉，米線選擇)，價錢一樣但餃子數量就會變成5隻。最後我地2個都揀咗韮菜豬肉餃麵😂跟餐加$5要咗杯豆漿，另外我地嗌多個小食，男朋友知我鐘意食辣就提議嗌麻辣牛😆豆漿好快送上，飲返啖先，我覺得豆漿麻麻，好淡又冇咩豆味。等多一陣，2碗熱辣辣嘅餃子麵同麻辣牛一齊送上😊我習慣會飲一啖湯先，但令我有d失望，湯底好淡冇乜味，所以成碗麵都好淡口😯再試下個餃子，有驚喜喎😀餃子好足料，餃子皮唔厚，食落啖啖肉，有肉汁，唔錯唔錯😋😋早知嗌淨餃子，唔轉湯麵啦😂再嚟試下個牛，麻辣醬唔算太辣，但都有麻嘅感覺，牛份量都算多，切得比較薄身，配上麻辣醬食起上嚟都幾惹味😋下次可以再嚟試下其他款式嘅餃子先😆