Video
Opening Hours
Today
10:30 - 23:00
Mon
Closed
Tue - Sun
10:30 - 23:00
Above information is for reference only. Please check details with the restaurant.
經過俾佢招牌豆花吸引咗叫咗一碗熱豆花，豆腐花正常的，算唔錯，但係放喺枱上面嘅薑汁糖水就略嫌一點薑味都冇。再叫咗一碟腸粉，同佢講要多醬，佢用一個好愕然嘅態度，然後話 : 多醬？？要加一蚊咁都冇辦法啦，腸粉唔多醬汁邊會好食，所以照加。碟腸粉到咗，見到全部醬都係水汪汪，甜醬水汪汪、麻醬又係水汪汪，芝麻得幾粒，豉油死咸，真係好失望，仲要俾佢加咗一蚊。雖然係平民小食，十蚊三條，但絕對唔需要溝水 🥲 而且店員態度亦都唔係好友善。
continue reading
✨芝麻糊豆腐花（冷）就係冷豆腐花加上冷芝麻糊喺表面🖤其實我鍾意芝麻糊係凍的（雖然會出現凝固嘅情況），芝麻糊好有芝麻香，配豆花食幾特別.✨無糖豆漿（$10）呢間真好，有無糖、少糖、標準糖，我就鍾意無糖豆漿。第一 冇咁罪惡感，第二 更加突出豆味🤍🤍
continue reading
葵涌原來有間戲院，年初三赤口想睇戲，好奇下決定過來探索一下⋯⋯那間戲院，由於網上看不到售票情況，於是預早過去買票，買完戲票還有時間，決定四周行吓⋯⋯附近有間媽子豆花，決定小食一下。家庭式作業，相信是一家人，店名媽子豆花，相信是媽媽與兒子，以上只是筆者單方面想，未經證實⋯⋯喜歡看著掛上的餐單，以供選擇。反觀枱上的餐牌細細隻字，較為失色⋯⋯開放式廚房看著媽子行來行去，這邊廂煲海帶綠豆沙，那邊廂又在斟豆漿放入雪櫃，忙個不停，言談之間，無論豆腐、豆花、海帶綠豆沙甚至腐乳都是自家製⋯⋯筆者一聽到自家製腐乳，即時叮一聲，決定買番屋企試。由於豆漿可以熱無糖，正，天氣凍凍哋，暖在心頭。腸粉未見吸引，可能唔夠熱，質地韌韌，熱啲可能更佳。自家製腐乳~細$25, 中$34, 大$60，筆者買了細的回家試。整體來說進食期間，有很多外賣都是豆腐花，相信必定是招牌項目，老闆娘很有禮，看著她做海帶綠豆沙很吸引，可惜今次吃飽飽，下次再過嚟試。
continue reading
屋企樽腐乳剛好食晒，重遊舊地，店鋪依舊照常業😳，我馬上嘆碗豆花，望著阿姨接待客人如屋企人，這裡依然係我認識既媽子豆花～🥢腐乳：入口軟綿綿，豆味濃郁而咸味唔過份，有時諗唔到點調味就用佢👍🏻味道：🔅🔅🔅🔅新鮮：🔅🔅🔅🔅分量：🔅🔅🔅🔅衛生：🔅🔅🔅速度：🔅🔅🔅（5🔅為滿分）
continue reading
呢間真係葵涌石籬街坊糖水舖主打豆腐花、豆漿，有6款口味包括原味豆腐花、芝麻糊豆腐花、栗子紅豆豆腐花、海帶綠豆豆腐花、花奶豆腐花、胚芽豆腐花款式新穎，價錢合理原味豆腐花 $9 – $10 比較穩陣，夏天一定係揀冰凍豆腐花，冰感可以接受豆香幾濃，疑似自己磨製但片得比較厚，質地有啲偏向厚實，尚算滑溜糖漿同薑糖就偏淡價錢就幾平，屬於街坊價芝麻糊豆腐花 $11 – $12 表面係黑芝麻粉芝麻粉溶咗變漿糊狀，芝麻香唔夠濃未算中伏程度，但味道奇怪無晒凍黑芝麻豆腐花，熱食拎到返去需要放入冰箱先得，雪完變室溫除咗豆腐花，亦有少量小食牛肉球 $5 – $9 質感黏口，適合配搭辣油或喼汁基本同茶樓牛肉球差唔多，但價錢平一半有多飲品有原味豆漿、黑芝麻豆漿、胚芽豆漿3款胚芽豆漿 $12 就於原味豆漿中加入胚芽不過胚芽沉晒底，飲之前最好先搖勻豆漿本身有豆香味，覺得原味比加入胚芽更清甜
continue reading