嫲嫲辣辣

Open Now

Now Closed

特登去嫲嫲辣辣買乾鍋外賣，好足料同好好味🤤第一次食就叫左香辣海鮮什錦干鍋 中辣，諗住什錦咩都可以一次過食晒🤣🤣🤣一打開已經見到個蟹蓋鋪面，外賣都排得咁靚👍🏻，入面啲海鮮有蟹、有鮑魚、有蜆仲有東風螺，樣樣都大隻多肉好味，配埋個中辣真係好惹味！另外我哋都有叫埋啲配菜，羊肉片、田雞、金錢肚、炸支竹等等，全部加晒入去乾鍋度都炒得好入味再加埋佢炒完都唔會好油，呢個真係要讚一讚但呢個分量兩個人都食唔晒 哈哈哈如果可以配埋碗白飯食就正啦😍😍😍

本來想去食光榮雞扒飯，但去到厚福街見到嫲嫲辣辣無人龍，博一博先，第一張檯就到，good fit la😍食餐佢都係晏就來，$69三餸抵食夾大件，tick 呀 tick, 美女們唔食辣就tick蔥爆，選好三餸扭轉背後選飲品，凍熱豆漿/汽水唔駛加錢，轉支裝細津路+$5，掂晒啦👍先上檯係我個個，超大兜😂小麻辣鯛魚片，羊肉雞軟骨，我去親都唔會揀蔬菜類，因為麻辣配肉類內臟好食好多架唔好比D超多超紅超爆的辣椒嚇親，小麻辣好香好麻唔太辣，不過食過幾次都唔敢挑戰中辣，下次會試試配來一碗白飯，老實講唔夠架，辣辣地一啖餸一啖飯可能食到3碗飯，不過唔好睇少D餸，份量好足架再來美女一號食蔥爆鯛魚片腩肉芋頭條，大量並蔥洋蔥唔駛講成為我囊中物，好正好正好正呀，芋頭我麻麻地無食，腩肉好食美女二號食的係。。。燈燈燈鄧！蔥爆鯛魚片金錢肚午餐肉金錢肚爽淋，午餐肉切條好食有無發覺到一個餸我地三個都有叫架呢？無錯喇！就係鯛魚片！肉質彈牙爽爽地唔梅口，無論蔥爆同麻辣都好匹配，最緊要無骨架！大家有機會來食試下佢啦😆

之前食晏食過不過好快落場所以要好早過嚟食。所以今日放假就夜晚過咗嚟食啦～發現原來晏晝好食過夜晚個喎！可能lunch 人冇咁多，變咗唔使咁快手，有啲質素1.叫左個麻辣炒田雞：沒有分辣度，味道真係好普通，冇乜特別有少少辣咁樣囉～又不是特別香。2.另外叫咗個唔知咩魚炒秋葵：反而呢個幾好食清清地。魚又滑不過入得黎梗係諗住食麻辣好食㗎啦，點知反而清清地嗰個幾好食喎！🤣如佢嘅嘢飲因為都16蚊一杯、寧願叫一支啤酒$20真係唔知係咪人多嘅關係呢平時食晏呢我都好鍾意食㗎！大約$68至$78.1個套餐，最緊要仲可以揀孜然粉呀！😍如果食晏來講真係好難得有呢隻味！唔係個個人都鍾意㗎我就超鍾意！ ＊孜然粉＊鍾意食嘅人都可以order呢隻味呀！

呢間係川菜為主的小店，有干鍋，水煮，酸菜，辣子，川炒等系列，非常吸引。自選干鍋好夠鍋氣入味，配料都有好多得揀，味道主要有麻辣，香辣，之然等...老乾媽炒大蜆香辣夠火喉，蜆肉肥美！辣子雞經油炸過一樣夠香辣，肉質脆口👍最後干扁四季豆水準正常

lunch行過見到呢間餐廳好多人幫襯，所以入去試吓。點知成兜乾鍋得個樣，最神奇係叫咗麻辣但一啲都唔麻同唔辣！！！🤔🤯 呢間餐廳嘅乾鍋又唔香又唔乾，同平時食嘅好大分別，個白飯又一pat pat咁......配菜自選三款，腩肉好乾，cheap cheap 口感，萵筍普通，唯一係雲南花菜唔錯。另外叫咗個酸菜炒鯛魚，佢話係招牌，但食落真係一言難盡，鯛魚嘅質地同味道...... 令我食咗一啖就唔想食。本身諗住po埋相，最後都係刪咗，我都係唔想再見到碟嘢😣

鍾意食麻辣ge朋友出動！！話說最近口痕想吃乾鍋，終於比我搵到一間比我享下口福😍😍豬腸粉+鯛魚片+肥腸（$69）其實叫左田雞，但係可能落錯單，變了肥腸！豬腸粉口感幾好😂鯛魚片新鮮又彈牙，個辣有孜然味，好香！✌🏻想encore😍唔好見佢好似好多辣椒咁樣，其實唔係超級辣㗎唔係咁得人驚，我自己就覺得啱啱好，魚片吸左啲辣味落去，仲更加香！另外麻婆豆腐都幾滑，（$40）呢個又唔算好辣，其實叫一個啱啱好中和干鍋嗰個辣未😻

朋友介紹，於是去試一試，不設訂位，walk in 試試，7點去到，3位立即有位，現場都仲有兩三張4位枱。見現場大部份人都係食干煱，咁一於淨叫一個干煱算了。揀咗麻辣中辣，揀咗9款餸。牛肉、豬腸、雞腎、鷄翼尖、炸枝竹、紅薯粉、福花菜、魷魚鬚、雞軟骨。中辣冇咩辣度，似平時食嘅小辣咁，而佢哋唔同辣度唔同價錢，覺得比貴左。麻味完全唔覺，最失望。牛肉、豬腸正正常常鷄腎好細片好碎，唔多搵到。鷄翼尖肥嘟嘟，唔錯。紅薯粉唔夠淋、偏硬。其他食物都普普通通，整體都係唔太吸引。

去到尖沙咀成日都會係厚福街搵野食今次食呢間 因為上次行過見人多無去食所以今次就去食首先叫左個乾鍋 簡左孜然味小辣咁就自己選擇葷菜啦 雞軟骨 魷魚 午餐肉....好多野簡 咁味道好夠味 小辣都覺得夠因為我唔係幾食得辣孜然粉令到所有食物好香口 好似食緊大陸串燒咁 麻辣牛展可以！夠大塊 又雪到冷涼咁又辣辣哋！好爽每次食川菜都會必點土豆絲有無人同我一樣好鍾意食酸酸辣辣其實算多餸 有好多款小菜 價錢又合理

我同男朋友相識第一日佢就帶咗我過嚟食嫲嫲辣辣！！！所以呢間餐廳真係充滿回憶。❤️麻辣干鍋（微辣）+羊肉片、雞軟骨、秀珍菇、油麥菜、紅薯粉已經食過第三次，每次都係咁樣叫😂因為真係好好餸飯，下次有機會多啲人可以叫其他一齊食！❤️好想試佢嗰個酸菜魚！！！如果食得辣嘅話，除咗干鍋之外，仲有好多其他選擇！！！水煮魚、口水雞、地獄辣鍋⋯⋯好期待下次再過嚟食！人均消費：130HKD（晚市）（大概呢間店係我同寶寶相遇、相識嘅回憶❤️）

酸菜魚難吃到極之極點 第一次在香港食到如此概酸菜魚一個例牌價錢來講都唔算便質素卻同價錢兩回事能明顯吃得出魚唔新鮮就算魚骨有煎炸過還是遮唔住原有啲味道應該係死魚有種特別的味道仲有酸菜魚酸菜魚裡面根本見不到一丁點酸菜影味道很明顯是加白醋煮出來之所謂啲酸菜魚我見網上好評不少唔知道係唔係堂食同外賣有區別啲不同呢除了涼拌蓮藕仔是不過不失之外其他小炒菜式都是一次讓人失望的網上體驗還有明明睇得到落單填寫地址是酒店不是在屋企用餐卻沒有提供餐具細節欠缺（送餐人來到也沒錢能找零 通街去換零錢也是尷尬了）真實評論 有用的就睇 沒用的略過

尖沙咀厚福街真的有很多不同的菜式的餐廳，這次友人介紹這間川菜《嫲嫲辣辣》，專吃干鍋👍🏻配菜種類也很多，果然不錯！———————————————干鍋客飯（自選配料）小辣 $209這次選了豬粉腸、五花腩片、肥腸、豬頸肉和油麥菜，肉量非常充足，一直都有肉吃的感覺，兩個人再各加個白飯，就非常飽了。很少見到有豬粉腸可以選擇，清洗得很乾淨也不會有苦味，大腸也是很乾淨，是有炸過的。豬頸肉和五花腩片煮得有點太熟，所以比較硬。本來很怕菜會吸了很多的油，但油麥菜吃起來不會很油，反而很香👍🏻但干鍋正體都炒得很香，小辣辣度適中，是吃得舒服的辣味🌶🌶————————————————環境：👅👅👅👅食物：👅👅👅👅性價：👅👅👅👅服務：👅👅👅

放工，約埋同事一齊食餐飯。我叫佐「左宗棠雞&麻婆豆腐＆白飯」要去食四川菜都expect一定會辣，衹係好好好辣，又或者係好鬼辣，理論上係咁樣啦，我唔係好頂得辣果種人，不過今餐嘅辣，我都仲Ok。左宗棠雞，呢道菜相傳係同大官 (左宗棠 &莫華倫) 有關，一定係除非唔係，雞件係有骨，好香口好惹味，味道係鮮明嘅中辣，雞件勁入味，送飯好正！麻婆豆腐，個麻婆汁係中辣而且好香，豆腐好滑，肉碎又夠多，再辣啲會更加好送飯！好好食！

朋友很愛川菜，卻有人不吃辣，有人不吃飯，有人不吃肉🤣🤣想不到這樣也吃得成！我們找到了尖沙咀的嫲嫲辣辣，點他們的招牌干鍋。有人不吃辣便點微辣，再各自點喜歡的配料，素的點素，我愛內臟點內臟，愛海鮮點海鮮，大家都能吃到自己愛的。很快店家便拿來一大鍋，光看就覺得爽🤪上面很多都是干辣椒，翻開底部就是我們點的配料，吃著有點像尋寶呢😆像是雞軟骨小小的，都被豆腐啊雞肉遮住了，要翻來覆去幾次才找得著。我最愛的是大腸，肥肥嫩嫩又入味，絕對是必點的一項！另外還加一盤臘肉炒花菜，這盤炒得有點油，而且肉太咸了，一定要配著菜吃，或者朋友配白飯就沒問題。結果我們也吃不完那一鍋，份量真的不少，每人不用$150吃飽飽，在尖沙咀這價位很可以！沒吃過干鍋的可以去試試喔～

作為一個麻辣控、除左麻辣火鍋、麻辣米線之外，都好鍾意食麻辣乾鍋！但喺香港真係好少地方有麻辣乾鍋食。原來公司附近、厚福街有一間食麻辣乾鍋同小菜嘅餐廳，Lunch同夜晚有唔同menu。Lunch嘅乾鍋可以自選3種餸、有菜有肉、而且可以揀香辣、麻辣，孜然或者蔥爆就唔辣。今次叫左麻辣小辣雞軟骨、豬頸肉同蓮藕仔。超級麻、辣唔會太辣、好入味會偏鹹少少。配飯一流！而且會包一碗白飯同飲品。平日免收加一！都幾抵食！

今天約了朋友去美食節，但他剛好中午有事要忙，那我就去到尖吵咀吃個午餐，然後再慢慢坐船去灣仔！這間之前朋友有推薦過，今天剛好有機會就來試試！干鍋客飯（６９元）這個客飯看起來好像比較貴，比他普通的午餐貴了十多元，但實際上完全是不能比較的！這次我就選了五花腩，肥腸和雞軟骨，鍋底就選了麻辣和小辣！這個送到來的時候是用了大大個湯麵碗來放的，內裡滿滿的料，可以看到大量辣椒和配料，看起來非常有食慾！整個吃起來是麻麻辣辣的，非常惹味，用來拌飯吃一流！不過我覺得小辣還是不太夠，可能叫中辣會好點，重口味人士要注意！配料的五花腩，肥腸和雞軟骨都給得非常多，你完全不會覺得不夠吃的，我覺得快２人份量了！五花腩爽滑，肥腸油香十足，雞軟骨爽脆！