季季紅風味酒家 (Closed)

星期天沒有煮飯，一家本想到河畔花園肥佬處吃飯，見新開了一間季季紅風味酒家，試一試吧！ 我們為貪不用加一，又可為泊在路邊的私家車放哨而揀選了樓下位置。啊！我錯了，樓下冷氣不足，焗得要命！ 且看食物質數…季季小炒皇： 頗多配料，有辣椒、菜寶、豬肚、帶子、鮮蝦、蝦干、甜豆、腰果和雞肉，味覺豐富，口感多變化…可惜辣了點！乳香豬1/4隻：食神推介，香料頗濃，乳豬來說已不算肥了！ 皮亦很脆…可惜鹹了點！赤小豆粉葛煲鮮魚：湯是十分好味，湯料十足，而且還保持肉質，令我不禁生疑…若是那麼夠火候，為何肉質仍能保持？連兩碗白飯，合共$229，晚飯而論，價錢算是一般，略嫌食物十清一濁，可能我們應嘗試地道雞粥、花螺等特色食品會平一點，好一點！

隔左2個月冇去季季紅. 飲個早茶睇下點先.冇人理. D WAITER 好似時運高0甘. 睇你唔到.座低開茶等左5分鐘先有人理.點心....WAH.....點解0甘差GA...腸粉一PAT PAT.燒賣唔熱.牛肉淋到....好似有水出0甘.炒米粉D味精多到一食就知.想點AR?!完全可以BAD LIST!回想2個月前, 我係寫第一篇食評. 我仲話係沙田最好既酒樓. 而家....好唔得LOR.睇黎佢都好快可以接埋了.

今朝飲茶飲到成肚氣, 真係想講講食物方便已經唔講, 比起附近既沙角村樂福, 乙明廣東館, 真係已經差兩條街.服務方面仲差, 冇人SERVE都唔止, WAITER見到你都視若無睹, 入一張點心紙足足要用2個字既時間先俾到個經理, 我地問佢"你信唔信我地已經示意左2個字", 佢竟然答"我信, 我梗信.....下刪一百字", 口中念念有詞.....睇唔清楚個經理叫乜名, 係一個男經理, 個頭梳到好似陳水扁.估唔到晚市已經差, 連早茶都差得咁緊要, 野食又唔係好食, 環境又唔係好, 又唔係平, 服務如此9流....已經唔會再幫襯.都唔明白咁既質素, 晚飯仍然大排長龍, 開到出門口, 仲可以入到OPENRICE心愛餐廳其中一間, 仲要有食家讚佢地, 上埋電視......希望大家用心去品嘗食肆, 齊齊向差既食肆SAY NO!!!!!!!!!!!!亦都希望季季紅既老闆, 如果見到依個POST, 一定要改善員工服務, 如果諗住只係做遊客生意, 唔做街坊生意既話冇所謂, 唔好期望會再幫襯, 因為正常人只會一試冇回頭.

住沙田都唔知原來有間專食乳豬既季季紅~~~一班為食友又出動啦.....果然出名係有道理.....個乳豬好好味......裡面係蝦飯~~~仲正.....可能個豬太好味.....我覺得其餸就無咁好~~~~~ 不過...我絕覺得可以再去....尤其係一家大細包枱既飯局~~~~最啱~~~~

經過數個月的經營，沙田那間季季紅的服務水準，依然強差人意，簡單地叫一壼普洱，卻給了香片給我們。問侍應一些菜式項目，竟然是我們還熟悉過她們的場面，莫非食客與服務人的身份岡位，在這裡要互相對調?!先來四份一隻烤乳豬，據說是它們的招牌貨，只得十二片的份量，平心而論其皮是香脆的，皮下那兩毫米的瘦肉，口感則有點嚡口了。未來妹夫還說有點硬......這個有點見仁見智，比上次吃的金兜記差得遠了。找間像樣的燒臘店，不難找到更佳出品。家人不愛豬肺湯，見到有豬肚「包」雞湯，也就點了一盅。看似一個小盅，也分到十碗上下的份量，奶白色的湯身，味道也算鮮濃，只是胡椒味少了一點。可惜不愉快的事件也隨即發生，侍應撈起半個豬肚和四份一隻雞後，竟然消失好一大段時間，詢問點菜的侍者，回覆竟是盅湯不包湯渣的。咁都有............原來那份湯渣，要交給廚房經過再行煎煮的處理，其實如果要花時間處理，理應預早通知一聲，據二樓的侍應說，這燉湯其實主要供應樓下的戶外食客，難道兩層樓的經營者是不同的 ? 雖然那湯料經過煎煮後的食味不差，但服務上的甩漏，令整餐晚飯添上一點掃興感。烤乳豬的套餐配搭是奇妙醬蒸烏頭，奇妙醬有幾奇秒可弄

是日酒樓泠氣壞咗, 全層只開咗一道門扯風...好鬼熱地板, 無論係廁所附近, 房入面定係走廊都極滑, 好驚食物, order 咗4樣.... 招牌菜大勝雞半隻 - 唔多熟, 好'鞋', 又無味..叫個 waiter 俾D豉油我等咗20分鐘 什菜煲 - 好大煲, 但一D味都無.... 粉絲蒸元貝 - 第一次食到一D鮮味都無既元貝.... 豉油王煎蝦....個賣相一D都唔吸引, 掂都唔想掂....總結: 無下次囉!

早茶、午市見它人頭湧湧，以為不錯。點知…….午市小炒：椒鹽豆腐：豆腐不熱，外皮没有椒鹽，像隔夜似的，再用微波爐叮熱。煎腸粉：由開始等了超過半過小時，吃了一口。嘩！從未吃過這樣難吃的煎腸粉，外皮望落去是煎過，但吃下口就不覺，而中間腸粉像没煮過，怎可這樣難吃？腸粉質感差。什菜煲：本來是海味雜菜煲，我跟待應說，我不要海味，只給雜菜我可以了。他聽後說，這樣的話只有什菜，我說：對！但什菜煲來到後，依然是有海味的，我也没奈何。白飯：應該没有問題吧！錯了，由雜菜煲那位待應落單，所有食物(連雜菜煲)也到齊，但白飯仍未到，相信白飯不會比雜菜煲難弄吧。由於之前發生雜菜煲的事件，我專登不找回那位待應，我跟另一位待應說，她立即自己去盛一碗白飯給我，之前那位待應真的要檢討一下自己的工作態度。徐了燒味飯外，這間酒樓如不在食物質素改進的話，相信它的明星效應很難令它維持下來。

食品麻麻，而且服務員的服務非常差。我們食一餐飯的時間有個所謂的WAITER 問了我們6次仲有D咩未上。但其實佢自己每次上完菜都有MARK低來了什麼! 我不知是她的眼有問題還是個腦有問題。相比隔離X記就抵食得多，而且伙計十分醒目。

見咁多人讚, 心諗一定好好味啦..即時開開心心咁打電BOOK位同家人都季季紅食晚飯,點知D嘢超難食不在講, 待應超懶.飛起....好似唔想做咁... 果地板超"滑" 一步一驚心..好驚老人家會跌倒...成個場得小貓三四隻, 但D嘢食就出得超慢..心諗算啦..只要好食, 等吓..值得O既......就係咁等呀..等呀...D嘢食仲要一D都唔好食......~"~...慘!唯有寄望隻乳豬啦...但超奇怪囉...通常D乳豬 應該第一時間上菜啦..點知呢間招牌菜係食到最后先至到..最大獲係咬唔開....呢鋪大單啦...後生仔女都咁難咬得到咁叫個7X亞伯 點食呢....大家都開始有點黑面啦..D餸食哂個胡椒豬肚都仲未到...點搞...已經追再3次囉喎...唔通要自己入去煮...咁唯有再追啦..佢老板...原來果個部長攞咗張單去埋單喎...並唔係犎我哋追碟胡椒豬肚...但又唔出聲....我哋都冇叫埋單....顛O架...算啦..咁諗住食埋生果, 糖水咪走囉..點知..仲慶....條女待應話...冇呀...生果, 糖水都冇 賣哂..! 咩都冇呀..跟住即時轉身廢事睬我哋.......頂....咩人(

諗住去試下新o野上到去叫個4-6人套餐 $5xx落單個侍應好似唔知有呢個套餐咁逐樣問點點點揀乜到 d 菜o黎到都係好麻麻果隻大勝雞好多血唔多熟咁個小炒王就真係得個咸味條蒸烏頭亦好重泥味應該唔會再去幫襯題外話開親響呢個位置的酒樓都係做唔長好快執我估呢間都唔會例外祝佢好運

根據過往的經驗，越接近新年出外吃晚飯就越多人，酒樓食肆往往會限時限刻交枱，亦會設定一些套餐，不供應套餐以外的餸菜。所以今年我們決定年三十晚訂購盤菜到府上。由於以前曾經吃過一些快餐店式的盤菜，所以今次決定從圍村特色出發。揀選了數間的酒樓、元朗八鄉等的盤菜。經過大家商議後，最後選了這間剛開張的季季紅，這間酒樓未開張之前已張貼了明星飯堂四個字。另外還有一張TVB的肥滔及一些明星食照，甚至酒樓開張後，在它們派發的宣傳單張上印着‘明星飯堂’，還有一個TVB的標誌。擺明賣明星效應。但見它在’開飯’的食評也不錯，而它在屯門的總店也有不錯的口碑。我們點了一個六人份量的盤菜，這個盤菜相當夠份量，相信八個成人都夠吃，更何況我們有兩名女士加一位小朋友，才六人。盤菜味道挺不錯。豬肉、腐竹尤其入味，還外買了黃金脆膳，味道挺不錯。

星期六 .日勁多人, 四十幾張枱得十個都唔夠服務生, 叫左兩個湯來到沒有人分亦沒有比碗我們, 茶亦沒人加水; 地方好迫;背貼背; 食物味道一般, 個豬肺湯同魚湯都不錯, 其他跟之前食家差不多, 八人食了九百幾, 價錢ok啦~

一家人去吃午飯, 入到去好似街巿咁, 個地下係膠地版+油立立+水汪汪, 樓底好矮所以好困聲好噪, 我地6個人, 我地多人又唔想臨時轉地方食飯, 咁就'冼'住咁滑入去... 得個細房有位, 但係果房好污糟,有陣味, 100 尺多D 放2大3細枱! 嗰呀姐仲口多多爆左句話係佢地職員放飯的地方! 我地要轉枱, 佢地話可以, 食住先啦, 結果當然係食到尾都冇轉啦, 所以千其唔好入房, 係入面係完全冇人彩你, 理你的話都唔係好招呼, 個個都生手, 要菜單睇下都冇, 你話有幾嚴重~食物呢:~蓮'牛'餅俾錯左, 講左N次唔係點心個種, 係小菜個種, 叫佢換又有左件事~點心類: 叫左8個, 馬拉糕可以吃, 其他係多味精既屋邨茶樓貨~乳豬: 皮脆, 不過有一半都好厚肥膏~霸王雞:好'un', 冇特別味, 街巿腊味檔既味, 呃錢菜!~梅子骨:唯一好味d~其他小菜及炒飯兩碟(太普通, 唔寫)你估平嗎? 位位$150!!!!! 應該係計多左的, 但我地太想快D走, 同埋唔知又要等多幾耐, 諗左一陣就決定好罕有咁豪俾佢!堂食當然冇下次啦, 佢D外賣燒味(飯)反而係最好食

一眾食友曾於屯門藍地的季季紅設下禾香燒乳豬飯局，可惜那天事忙，因而不能出席，今這集團在沙田河畔設下分號，乳豬可以遲些再吃，倒有機會試其午茶點心的水準了。先來幾款大路蒸點，如蝦餃、燒賣、白菜餃等，都有一定的水準，起碼即叫即蒸，皮薄餡鮮，咖喱魷魚也盡顯爽口惹味，不過叉燒腸的粉皮拉得不滑，這方面的師傅要加把勁了。另有兩味懷舊點心，燒腩卷的白色外皮十分軟熟，主角的腩肉略為薄身，芋頭也不夠粉嫩，另一味懷舊的豬潤燒賣，用的雖不是甚麼黃沙豬潤，仍然爽嫩甘香，可惜牡丹雖好，其綠葉只是兩團淋身的肉球，先入為主下，這兩味仍然以老牌的「蓮香」班底稱霸。侍應可能新來，比較新手，要催促下才為我們加水，另一部長級人物為我們落單時，也頗為生疏，需要些日子來適應。吃完點心作熱身，到十一時的正場時間，見餐牌有多款十八元的小吃，花樣眾多，事前可滿有期待，可惜其的咕嚕肉，只是「和暖」的熱度，炸排骨也不夠香脆鬆化，酸甜滷汁一般而已。另一碟黃金蝦隻數眾多，除了熱度問題外，蛋黃芡汁也不夠重手，鮮甜有餘，鹹香不足，可謂強差人意。我喜愛喝的鹹菜煮豬肚，除了豬肚還算爽口，湯汁內的胡椒味近乎欠奉，味道只是「菜汁」，而不是一碗可口的「白湯

打著食食韜韜之名，分店於沙田河畔開張個多月，終於小弟生日晚上惠顧，誰知竟然名不符實，給小弟一個難忘的生日！當晚只客滿七成左右，部長侍應卻好像很忙的到處跑，我也不明白他們忙什麼，找個人點菜也沒有。招牌菜大勝雞半隻，不怎麼樣，雞皮肥，很油，肉質一點不滑。招牌菜乳香豬，一大層肥膏，話說小弟是第一次吃到有超厚肥膏的乳豬！大鱔球，鱔肉還沒炸透，一點兒也不脆，全碟只有五塊！菜膽湯，勁重雞粉味。蒜蓉芥蘭，不過不失，全碟只得七條！四人吃了五百元，最後結賬等了三十分鐘，無果盤、糖水送。服務、食物一點水準也沒有，卻是中上價錢，還利用食神韜韜之名來騙人，不去也罷！最後一提，此店正門還貼著開飯熱店大賞的海報，簡直不知羞恥！