季季紅風味酒家

Open Now

Now Closed

啲人話呢一間食燒豬燒鴨好出名，今日終於可以同屋企人一齊過嚟試一試。原來原隻燒豬嘅味道真係好特別，同平時食嗰啲燒腩仔好唔同。原隻燒豬皮脆口，個皮超脆，一咬落去就聽到嗰啲令人滿足嘅卡卡聲！肉質鮮嫩多汁。咬落去，真係好正！😋🐷🔥至於燒鴨，皮薄脆、肉嫩滑！肉質鮮美，咬落去帶出濃郁嘅燒鴨香氣！咬落去又唔會好韌🦆🔥😍不過，都要注意返，啲肉嘅油脂含量相對較高，有啲人可能會覺得有啲油膩。建議叫返多啲菜食。

前年都有食過季季紅最出名嘅有米乳豬🐷, 但當時因為疫情關係, 冇得堂食, 外賣返屋企, 覺得水準唔錯但未算有驚喜, 今次喺酒樓堂食, 估唔到咁有驚喜店員解釋畀我哋聽, 佢哋嘅乳豬全部用炭火燒烤🔥, 而且唔係細隻豬, 專程揀選中型size嘅豬🐖, 仲會喺我哋預約訂好嘅時間剛剛燒好, 等客人可以享用到熱氣騰騰嘅乳豬乳豬端上枱嘅時候係未斬, 但已經好有睇頭, 店員好好, 畀我哋手機食先🤭, 影完相之後先幫我哋攞去剪開, 剪開後香氣撲鼻, 真係見到好多煙, 未食都感受到隻乳豬熱燙燙, 咬下去, 乳豬皮脆到有聲, 皮脆肉嫩, 因為係"大"乳豬, 所以好多肉, 肉質真係好鮮嫩, 炒飯亦都好香, 好好味😋

今日去買點心，出面個姨姨已經冇禮貌我話比八達通，要收貴啲！真係唔明白！點解電子消費會貴之後又話收銀唔收出面點心八達通，唔想做生意！仲要問有咩點心，咩都冇🥲🥲其實佢D點心冇標價錢！都係佢哋話幾多錢！越嚟越覺得失望😮‍💨冇下次🥲🥲🥲🥲

成日啲朋友講到幾好食幾好食？今日真係去試吓？完全唔覺得好食真係試一次就夠叫咗例牌乳豬椒鹽豆腐豬肺湯炸乳鴿，芥末大蝦這款送餐牌真係可以正式下架😂啲蝦「霉」嘅！炸粉太多！嗰醬汁唔好味！一碟有六隻⋯⋯食咗2隻就唔想再食叫經理過嚟望吓⋯佢話換過幾隻比我😂你送俾我都唔會食⋯換俾我有乜用？ 這款菜式大家根本唔值得叫晚飯時間會送糖水⋯⋯經典🫣🫣個紅豆沙糖水⋯有煙出，但係唔熱嘅，水還水，紅豆還紅豆🫘！完全唔覺得係紅豆沙？這碗叫紅豆水😂😂全部都名過於實食一次就夠唔會再去

趁今日放假，就來藍地走走，搵間茶樓食下野。兩個人，叫左燒買，腸粉，牛肉，雞扎，再加碟燒肉飯。 燒買質感飽滿，味道唔錯，腸粉叫左叉燒腸，都香口，而牛肉都覺得唔錯，唔會太粉，雞托都足料，味道唔錯。 最後個燒肉飯，有火煙味，脆皮，咸味適中，老婆就話個燒肉飯既白飯就一般、食落糊口，所以要扣分。 最後，水滾都茶靚，唯獨裝修舊一點，洗手間衛生情況差少少！

知道e間乳豬有米包住 幾出名同屋企人約埋一齊食有米豬預早book好枱 特登入到去食 但非常一般😓隻乳豬完全唔好食arr個皮係脆既 但唔夠香 而肉超肥 完全食唔到再加上有幾濃烈既豬味🫣有d屋企人唔岩食

今日咁啱過到嚟元朗，就搭咗輕鐵去藍地去買燒味。呢度人影稀疏，但係呢度有間幾有名嘅燒肉店，就係季季紅。位置喺正村口，輕鐵站一出過橋就見到。鋪面大大隻季季紅嘅字眼，佢除咗有燒味賣，佢仲係一間茶樓。右手邊呢個位置就係佢嘅燒味檔。外賣咗半斤炭火燒肉同半斤拖羅叉燒返屋企個燒肉返到屋企仲脆嘅。呢個炭火燒肉真係好香炭火味，肉質有咬口。拖羅叉燒，個名幾得意。肉質香口乾身，值得一試。

以前都見到呢一間餐廳有好多分店 但係呢幾年好似得返最後一間 見到上網好多唔同嘅食評評價都好不一 不過今次呢一個飯局係同事舉辦嘅 所以就去參與一下 試吓仲有冇以前嘅水準我哋冇叫到佢推薦嘅套餐 今次主要散叫為主 其中我個人覺得最有驚喜都係佢嘅有米豬 我哋每人都係食一至兩件乳豬再加幾淡飯 因為都有少少油膩嘅感覺 食得太多會食唔到其他餸 水準，我覺得keep度 係一個幾特別嘅菜式 其次個鮑魚 都係亮點 每人一隻 爽口鮮甜 有啲喜出望外嘅感覺 其他食物就冇乜太大驚喜 都係合格以上價錢方面每一位約$400連酒水 合理範圍之內

古天樂都曬得深色過隻乳豬，作為一隻健康嘅乳豬，大家一啲都唔洗怕食完熱氣，只需要怕佢唔夠熟。新年排隊買到隻咁嘅豬唔斷氣都算，唔好講和和氣氣 🙂 不愧係全港最後一間季季紅，大家有得食好食，再唔食佢成為左歷史果陣先後悔就無謂。

記得當年跟我家老闆第一次單獨約會，他已經跟我說，那天我做義工的地方有一間很具名氣的舊式酒家，名叫季季紅賣燒豬的。然後在若干年後，我們終於配合了天時地利人和，成功訂購了一隻有米豬。顧名思義，這隻石爐燒乳豬內釀滿炒飯，米飯份量多，炒飯炒得很乾身，固滲入了豬油仍然可以做到油而不油膩，色香味俱全。錫紙盤設計感覺有點氣派，外賣套裝還附送剪豬的較剪、膠手套和教學。這隻乳豬雖然有點小，但我覺得仍屬合理價錢範圍。

每逢新年或生日都會訂季季紅有米豬，有米豬需提早3日前預訂，乳豬會以原隻送上，不設切件。每次訂有米豬一收到隻豬大家都會好興奮嘩嘩聲。有米豬選用未滿月既乳豬仔，再將蝦米混合米飯炒香塞滿乳豬，乳豬皮用刀切開時聲音清脆脷落，再加上豬皮燒得金黃香脆，賣相好吸引。味道方面，乳豬內的炒飯吸收了肉汁及油香的精華，先食乳豬後食炒飯，感覺略為油膩及有飽肚感，不過作為食意頭菜都可以接受。外賣配件備有錫紙盒、紅色不織布袋、乳豬醬、一把剪刀、一對透明膠手套及剪豬說明圖。

聽講屯門有一間有返咁上下歷史嘅茶樓話好好食😋咁今日得閒一於入去藍地的季季紅試吓。今日係公眾假期「重陽節」好彩早咗嚟，如果唔係要等位，真係太多人食啦😳坐低見到啲點心紙一個字平🤩兩個字勁平🤩🤩種類繁多叫左個叉燒飯比個女食，半肥瘦叉燒，冇得頂👍佢講明係全港唯一地牢炭燒，食落真係有炭燒味，的而且確係好好味😋強烈推介呢度嘅叉燒😉鳳爪就麻麻哋了，唔太入味🙃腐皮卷個皮係炸到好脆，不過就咸咗啲，就比較「漏」。碟牛肉球叫做okay啦，不過不失，勝在夠平溫馨提示如果想食腸粉要係下午1:30之前要叫啦，如果唔係就冇啦，腸粉係好食嘅，煙煙靭靭，都係用炭燒嘅叉燒😋😋環境指數：🌟🌟🌟🌟味道指數：🌟🌟🌟🌟回頭指數：🌟🌟🌟🌟推介指數：🌟🌟🌟🌟🌟

好幾年前食過季季紅嘅有米豬覺得好好食屋企人分別都有食過，佢地都覺得好好食今年屋企人生日，屁股痕癢諗住買隻豬返屋企食啦$698(再加$80運費送到樓下)然後發現幾年後佢已經係另一回事lu可能堂食同外賣又真係好唔同嘅，但而家真係唔掂

昨晚睇完電視節目, 見到黎諾懿介紹炭火燒豬好似幾好味. 今日飛車入去買啦. 可能我只係買一斤燒肉唔係太受歡迎, 所以飽受燒味部掌刀師傅的晦氣招待. 但係為咗心目中美食, 唯有忍佢.返到屋企打開外賣盒, 整盒燒肉有超過三分之一係骨頭. 味道尚可, 但係燒肉皮完全唔脆兼且十分韌.伏！ 名過其實, 絕對無下次.

今日入左屯門玩本身冇諗住咁快食lunch但黎左依邊覺得好正好似返左大陸咁見到依間餐廳好似幾特別就入去食👣👣👣👣👣👣朋友話有分店 但我聽都未聽過Check左原來執剩一間燻蹄個煎腸粉好食👍👍諗住叫其他腸粉但佢賣晒牛肉球少有地有4粒👍鳳爪排骨👀👀👀👀粥個樣大碗其實個碗好淺啱啱好筆到3碗🤓🤓🤓🤓🤓🤓🤓🤓不過啲員工態度真係好差如果想開多啲分店 就要改改喇😖😖😖😖😖😖