安利大排檔 (Closed)

呢間係東大街食過好多次，自問係貪新鮮既人，但成左好多次都好鐘意食。😋😋小貼士⭐️：佢有兩間，呢間就老字號小小，但兩間差唔多，睇果人喜歡！-必叫 1: 魚蛋河 （$36)🐟魚蛋爽口彈牙，4粒魚蛋加2片魚片，加少少蔥花。 鮮味即係出曬黎！因為佢d 魚蛋係新鮮整出黎🤪 河粉厚度 同 軟硬度都係適中👍🏼必叫2: 炸魚皮 （$20）🐟食魚蛋粉點可以無炸魚皮，當炸魚皮浸落湯度，既配搭簡直不得了😋必叫3: 切腩撈粗($46)一定要試！牛腩夠林，亦夠香😋 撈麵香味十足，係蠔油加麻油下，撈出香港獨有的風味！必叫4: 鮮油多士 （$12）雖然好肥，但都要食😈😈一啖香脆 漢底既麵包🥯，加上凍冰冰既牛油🧈，一食即忍唔住食曬😋

行開東大街難得見到安利冇乜人排隊就走入去食下嘢先，嗌左碗魚蛋粗麵 ，魚蛋彈牙爽口，魚片一樣彈牙塊皮仲有少少脆，水準依然保持，之後都係忍唔住口叫多份鮮油奶多，牛油又厚又香，多士比較厚，但比例啱啱好，麵包外脆內軟每啖都充滿牛油同煉奶既香味，真係不得不試

今日下午去開筲箕灣工作，去了東大街的安利大排檔食午餐！因十二點幾去食，未到繁忙午飯時段，所以不用等位。今日叫了一個三併撈粗，有魚蛋，雲吞，牛肉，撈粗麵！麵用自制醬料撈好！上菜快！味道不錯！份量有點少，可能因為沒吃早餐，比較肚餓！牛肉幾夠味，魚蛋好口感👍👍

今日試咗個好出名嘅安利魚蛋粉，叫咗個切腩同片頭河粉再加四保河粉，咁樣個價錢分別係46同埋56，湯底係好濃郁好味，但係個河粉份量好少， 牛肉得幼幼的2-3條， 魚片頭好似一舊切左兩三塊咁樣。魚片頭就冇乜特別牛腩都冇乜特別。總括成碗野係好味嘅，但個價錢覺得有啲唔值。另外個炸魚皮都好好味好想試個多士，如果收費唔好咁貴河粉多啲就好

東大街必食 除左低調高手 仲有就係安利魚蛋粉佢出名就人人都知以下係我次次都必食既魚皮 咪睇佢細細碟但係其實好脆卜卜好多好好味 一路打一路流口水！同行友人叫咗片頭粗魚蛋切腩河粉加底而我必食必食既係四寶撈幼佢個撈幼係無得比咸咸地 又鮮味佢既四寶岩哂我依啲貪心既人可以一次過食哂想食既野好大碗架 次次都食唔哂次次四個人去食都會叫到一枱都係十碟咁因為又叫野飲又叫菜 而家打完都準備出發再去食喇！食到上癮既鋪頭 你唔係唔試呀？

同一條街有兩間安利 都係咁多人所以邊間有位就入邊間餐牌近乎一模一樣 其實我都唔知有咩分別🤷🏻‍♀️切腩魚片撈粗 | $50切腩腍得來亦有少許嚼口 魚片幾彈牙撈粗係我麵類首選 麵質爽不過腍但味道較淡加入佢地自家製辣醬增添香辣味就唔錯啦定價略貴 性價比偏低炸魚皮 | $20好耐冇食過炸魚皮 好香脆 餸麵一流🤗鮮奶油多士 | $14見好多人叫又試下佢多士烘得頗脆夾著大大嚿牛油好邪惡😈 仲有滿滿的煉奶 係幾好食炆腩魚蛋米 | $42另外湯米亦唔錯 但未算得上十分出色魚蛋可以更彈牙

幾時都話 越簡單既野越難整得好食 越難令人滿足 當中既表表者非蛋同麵包莫屬🤔膽固醇爆錶既菠蘿油一向多人中意食 同樣夾咗塊牛油既鮮油奶多一樣咁邪惡！😈😈細細件既方包都幾厚 烘咗底 外層微脆 包又鬆軟🍞夾住舊偏薄既凍冰冰牛油 包既熱度慢慢融化牛油 冷熱交融😻煉奶甜甜地🍼媽咪好邪惡吖 又肥多幾磅😲

在港島區食靚嘅清湯腩名店有很多間，單單係筲箕灣就有兩間安利及一間王林記。三間店舖，大家各有粉絲、各有自己的追隨者，今日不是要刻意去比較，但作為筲箕灣街坊，近年我食得最多的就是安利大排檔。其實兩間安利味道是接近的，只是在細節方法，大家有些微不同的做法。今日主要要講嘅係佢嘅切腩同魚片。清湯腩做得好重點係要有咬口得來又要淋身，即使火候要控制得好好住得過來，煮久了，就會好容易切腩會變得太碎無咬口。煮得唔夠，就會變得唔夠淋。影響口感及味道。但這間店在這方面確實做到恰到好處，屬於高水平。另外，魚片頭，點解一條在靚嘅魚片頭可以比街市買嘅貴上好幾倍？原因除了是用料之外，就是炸起來的香口味道能夠維持，呢點他屬於中上水平。呢一間比起另外一間安利看來最大好處，就是排隊時間可以短好多，當然各有勝長。我建議大家可以兩間都試吓，但作為一個心急的人，今近就已經選定了這間，祝大家用餐愉快。

行經安利見到大排長龍，我諗呢碗面應該大有來頭，就排埋一份啦！佢粉面既選擇唔算好多，但係就多左三文治、多士等等既野食。我地叫左坑腩河同雲吞河。佢地坑腩係切到細細舊，好方便一口一舊，第一下咬落去係爽口既，亦都夠淋同入面，但係以佢既價錢份量就真係小左d啦！雲吞河有4粒雲吞，鮮味彈牙👍🏻佢地既河粉夠薄好滑，但係就比夠容易碎。而我最欣賞係佢地既秘制辣椒醬，香味十足，辣度適中，唔食辣既男友都話好！後尾聽到隔離既食客話佢地既撈粗同多士好出名，下次真係要試下！

中午在筲箕湾覓食，离遠見到有間食店門口擠滿人，經過望望見貼上一張多年前煲呔曾前特首在這兒吃魚蛋粉。於是便拿個號碼等位，幸好食客流轉快，等了五分鐘左右便輪到。當然要試試魚蛋粉，十分鐘後有得食。一碗有四粒魚蛋、两塊魚片，加白菜葱花。魚蛋彈口得来不會像乒乓波的彈口，略帶少少魚味，河粉則普通不夠軟滑。清湯底吃起来不太咸，但吃完後不久則覺口渴。$36 一碗魚蛋粉普普通通吧。這𥚃似乎炸魚皮比較受歡迎，下次來要試試。

提起筲箕灣美食😋除了出名的雞蛋仔外還有安利的"切腩撈粗" "鮮油奶多"🍞東大街有兩間安利 兩間都有試過但個人比較喜歡安利大排檔若是在假日的午飯時段🕐一定會有長長的人龍👥所以我是假日午飯後的時間到每次都會必食"切腩撈粗$46" "鮮油奶多$14"👍有時還會加"即炸雲吞"😋切腩撈粗份量適中 牛腩軟熟🐂粗麵彈牙入味🍜鮮油奶多 烘過的多士加厚厚的牛油🍞練奶多到滿瀉 是邪惡必食之選 😈住在新界區都要專程來筲箕灣就是為了安利😋一定要來試試

安利有兩間 今次試住呢間先🤪「鮮油多士🥪($12)」嘅牛油超厚！多士係烘底超鬆軟厚多士 熱力將牛油係口到慢慢溶化 鹹香鹹香 令唔食開牛油嘅🐰小編一食愛上左🤦🏻‍♀️「清湯切腩撈粗麵🍜($46) 」牛腩夠淋 撈麵有麻油同蠔油香味 但比起鮮油多士 唔會太大驚喜💁🏻‍♀️-Actually, there are two different On Lee Restaurants in the Main Street East.🤪 The Butter Toast 🥪($12) is a dish of sandwiching a thick butter with 2 slices of thick roasted toasts. I enjoyed the salted butter gradually melting on the tongue. 🐰I have gotten addicted to it once I have tried it!🤦🏻‍♀️The Flat Noodles in Oyster Sauce Served with Beef Brisket🍜 ($46) is up

早兩日, 同老公經過筲箕灣東大街, 原本想食至愛的沙嗲串燒, 但見到太多人,所以周圍搵下有咩好食, 最後揀咗安利食下午茶。我點了鮮油奶多士, 我以為同普通奶油多無分別, 點知甫上枱,發覺原來是厚方包加兩片厚牛油, 賣相吸引,味道更加邪惡,冷冷的牛油被熱烘的多士夾得慢慢熔化, 加上甜美得很嘅煉奶,YUMMMMMMMMMMMMMMMMY直情有衝動想叫多一碟再食, 可惜唔想食太多, 對身體唔好, 所以忍住了。下次會再來光顧, 非常喜歡這個鮮油奶多士呢

以前細個間中都跟屋企人黎食。。。住kln 會專登搭車黎食野。。。。。再行去海邊睇人賣海鮮。。。。好多年冇黎。。。。今日心血來潮又想食魚片 。。。魚片雲吞河加到42蚊一碗。。。。一支細可樂就9蚊。。。。魚片仲係好彈牙。。。但就真係少左魚味喇雲吞都冇以前咁好。。。。吾知係咪因為蝦吾夠新鮮。。。食落吾太好味河粉都仲係滑既辣椒油仲係以前一樣咁鬼死辣.....支氣水又細支。。。。食到我滿頭大汗仲有地方依然係咁迫。。。。門口依然係好多人排隊。。。。

平時真係好少黎筲箕灣。今次為左食雞蛋仔山長水遠過黎，食完唔夠飽當然要繼續周圍覓食啦下午茶時間落住大雨都依然排晒長龍，門口又報晒報紙話曾蔭權呀梁振英呀都黎幫襯過，以為唔會點中伏啦，點知我地兩個都叫左切腩魚片頭撈面。撈面底真係唔錯既，彈牙就梗嫁啦，鹼水味唔重，岩晒我碗面上枱既時候已經撈好晒，唔洗自己搞一大輪，調味有少少咸得制，不過落少少醋中和番就剛剛好個湯都幾清，唔係味精湯。好啦讚完個面，伏位就黎啦。我都未食過咁柴既切腩既。大佬你50蚊碗都唔平，切腩件數唔少但舊舊唔係柴就有筋咬唔開既，真心硬食都食唔到喎牛味亦一d都唔香濃，唔知係煲到無晒味定點啦男朋友就話佢個碗d腩都ok，細細舊雖然唔好食但都叫哽得落。魚片頭亦唔覺有咩特別，魚味唔夠鮮，一般啦，比起佢d切腩都叫好少少既總捨黎講如果要落住雨等位黎食呢d質素既腩，我寧願幫襯大字茶餐廳d下午茶算