富園

Open Now

Now Closed

星期日晚行過好多人排隊，就跟着排下試試有咩咁好食啦！羊腩煲-$148一至兩人份量，但冇跟爐上又冇生菜。最終冇叫到，轉左食二人餐$196🔸例湯係西洋菜湯好足料-好少飲到咁高質嘅例湯，飲完想再叫多碗，可惜果陣已經賣晒。🔸冰梅欖角骨-好惹味，而且肉質都好juicy，份量都唔少，唔錯！🔸富國一品煲-呢個反而一般，好似好名貴嘅材料，但罐頭鮑魚仔、沙爆魚肚、罐頭螺片⋯冬菇唔係好入味，味道好一般，唔推薦。我見呢度咕嚕肉都好似係招牌菜，但要$158又好似有啲貴，冇試到。下次可以再嚟試試嘅。

尋晚同朋友去食，啲餸菜都唔錯嘅，不過普通茶餐廳嘢，所以無特別影相 😬 一嚟就叫咗兩餸套餐，加多一個餸、大油菜同魚片頭河，兩餸餐同河粉有飲品，凍飲加錢，呢到全部都正常，無問題。後嚟屋企人想食三文治外賣，咁就 order，都明白呢啲時段係無餐嘅，不過店員話飲品有半價優惠，咁就叫咗一件三文治 + 2 杯凍飲，1 杯優惠咗 $10，另一杯正價，去到呢個位都係無問題 .....後來，朋友話不如叫多件三文治比佢屋企人，因為照計條數應該加多十多蚊就有喇，咁問一問店員後加有無優惠，佢話電腦會自己計，咁照落啦，張單嚟到係無計到優惠嘅，咁咪去問下收銀，佢應該最清楚㗎啦，埋到去佢話三文治係無任何優惠，係正價，佢話杯飲品應該係加落個河粉到，我都比佢搞到混亂，以為自己先前只係叫咗 2 杯飲品，返到枱諗諗下，唔係喎，之前已經加咗 3 杯凍飲錢 .... 即係遲入單嘅三文治係做唔返飲品優惠，電腦嘅設定真係 ..... 原本諗住再問，不過朋友已經比咗錢，佢話算，如果會去食嘅，記得諗清楚先落單，時間先後，價錢都會唔同 🤷🏻‍♀️不過其實最重要係收銀話無優惠，但張單其實又有 😡 唔知究竟係佢唔想比返我哋定係點啦 ☹️ 一間都

依到野食好食又唔貴，但收銀個啊婆每次問佢野都好似殺左佢全家咁，不斷呼喝d客。新開個陣食已經係咁差既態度，所以無食到依家，但過咁耐仲係咁既死人態度，完全無改善過，可能個啊婆老闆黎所以唔休做。不過佢咁既態度都預左佢唔在乎客人意見祝你生意興隆

夜晚食生日飯之前，朋友約咗去大埔行吓順便食下午茶，一食下午茶嘅話就諗起富園，之前試過湯河同焗飯，今次就試吓去啲炒嘢，因為之前見到啲炒嘢都好似好得。本來想嗌薯角炸髀，但係佢冇薯角所以就轉咗做雞扒蔥油撈公，另外就加咗個乾炒牛河。蔥油撈公啲薑蔥幾夠味，唔知係咪自家製。雞扒就比起上次焗飯個雞多少少，其實個蔥油都已經夠煞食。乾炒牛河聞落去都好有鑊氣，食落去唔算太油，跟住個friend問佢攞辣椒醬，竟然唔記得配佢個辣椒油，其實我覺得呢度啲辣椒油係炒粉麵同埋湯河嘅絕配，如果有機會嚟試嘅話又唔怕辣真係要食。

💬講到大埔人氣茶記，當然會諗起在海寶花園嘅嘅一間「富園」，無論早上、中午定係週六日，都係需要排隊入座，平靚正就係茶餐廳嘅文化。有潮州粉麵🍜，亦有炒粉麵飯，當然常餐快餐唔少得，起碼又睇得又食得，食物嚟講都算係水準之上，多選擇實有一款啱心水🥢.💬早餐經濟，蘿宋湯牛腩通粉好濃郁，牛腩附有筋膜有𡁻口，配厚多士同煙肉🥓炒蛋，全部賣相都吸引🤩.💬下午茶餐，可以揀乾炒牛河嘅鑊氣炒粉炒麵，非常有水準；或者魚蛋粉熱辣辣又夠大碗，連飲品🥤，抵食🤡

之前食下午茶，試過佢個腸腩河之後，係比馬鞍山嗰間分店好食好多，念念不忘又剛巧經過，自己行咗入嚟。入到嚟見到隔籬枱啲炒飯麵都好吸引，但係太大兜又唔算好肚餓，所以冇叫你食。未食午餐又想試吓啲新嘢，咁就叫咗個焗飯。分量嚟講唔算太大，一擺開d醬汁，炒飯底個蛋香味即刻撲鼻而來，聞到嗰陣香味心裏暗喜。但係一食落去個雞扒就有啲失望，一來唔夠厚得四小件，二來啲肉都幾削下嘅感覺⋯⋯個醬汁就正正常常茶餐廳嘅基本水準。本來食完之後上覆桌碗腸腩河，個焗飯份量雖然唔多，但係都真心飽。都係留返下次先再食。

夜晚同鄰居開大食會，預備好晚餐啲材料之後，就出咗大埔諗住食個下午茶。其實呢間舖喺馬鞍山都有，大埔店又真係未試過，已經行到好肚餓，最後決定都係入去坐低涼，一涼冷氣過一降溫先。呢排食得太多沙嗲牛麵，實在唔想再食。見佢有中式粉麵湯河，就忍唔住嗌咗個腸腩河嚟試。初頭都諗住快食快走，都冇諗住出食評。但係碗腸腩河嚟到嘅時候，隻眼突然間bling咗一下。啲牛腩冇點特別部位，不過都肥瘦適中。啲牛腸中間都唔會有勁厚㗎肥膏，同埋佢有啲似係小腸嘅部位，好有趙口追聲唔少得原來佢個辣椒油，辣得來超爽有後勁，唔覺意食咗兩大羮。下次如果出開嚟買餸，又多一個唔錯嘅選擇。

呢度嘅下午茶餐竟然有炒腸粉咁就梗係叫嚟試吓啦，因為唔想食嚟食佢都係乾炒牛河星洲炒米嗰啲，另外再叫咗一份牛油多士。先講過炒腸粉，略嫌濕咗少少，如果再吵得乾身啲再燶少少會好食好多香好多。多士其實係下午茶餐之一，可以揀兩款醬料，不過唔想食花生醬又唔想食煉奶又唔想食果jam所以叫佢就咁落牛油就OK，點知啲牛油比想像中孤寒，得個少少，好薄，都好嘅，食咗冇咁罪惡唔會好肥。

由一開始已經有幫襯，雖然只係收現金有d唔方便，但就覺得茶記黎講食物質素唔錯，中規中矩。一段時間冇黎，今日再黎照舊叫返個沙嗲牛麵早餐。牛肉質素差左，比以前韌左，麵未淥開已經上枱，炒蛋炒老左，火腿都係大路野，唔算太差，口痕可以一食。食左15分鐘左右，有位略胖男侍應已急急腳將食完既碗同碟收走，都唔係咩問題，香港日常。我同太太繼續飲埋杯茶飲，太太亦開始清潔牙齒準備戴牙套。然後係剩餘5分鐘內，該男侍應總共3次催埋單，話出面好多人，但我地仲飲緊杯奶茶，20分鐘就催埋單實在太過份，而且我地杯茶飲仲未飲完！老實講該侍應催埋單算好聲好氣。但呢個實在唔係做生意應有態度。肉眼睇佢地生意係唔錯，平時都有人排下隊，我今日黎食早餐都排左5分鐘。有時候放假嘆個早餐，食物都係其次，志在同朋友屋企人chill下，既然服務態度已經轉變，也都唔多加留戀。相信貴鋪多我一個客唔多，少我一個客亦都唔少。

一年之計在於春🌱，一日之計在於晨🌞。想每一日有一個好嘅開始，不妨由早餐入手。可能你會話「早餐啫，唔使搞咁多野啦。」香港人生活忙碌，好多時都無食早餐，或者食完都唔知自己食左啲乜。 最近附近少左一個食早餐嘅地方，變相而家富園食早餐會有段時間要等位。開左無幾耐，地方大，坐得都算舒適。 曾經有段時間好鍾意食丹麥多士，食遍附近早餐有得食丹麥多士嘅地方，而家亦越黎越多地方有得食。 炒蛋黎講唔係間間都好食，好怕嗰啲落牛油/奶嘅炒蛋，所以試新地方我通常會叫太陽蛋，太陽蛋要煎得好亦唔係咁易。 雪菜肉絲米黎講不過不失，米粉係偏軟身嘅，吸水力強。我食完個多士先影相，已經索左好多湯。 點解食多士先？好多人平時最後先食個包，亦好多人食到最後飽飽地唔想食個包。食包先可以確保唔會最後因為個包無乜味而唔想食，變相浪費左。呢個係我嘅諗法。

即使在市區，有些食店的平日晚市都不滿座。這晚和朋友相約在大埔富園晚飯，意想不到的是全店滿座，還要候位接近10分鐘才有位，估計食物質素應該不錯！朋友選雙拼麵食，我則選焗芝士黑椒牛脷飯。牛脷飯一送上，就見到芝士完全覆蓋飯面，正醬汁惹味，有黑椒香之餘又帶點微甜，黑椒味不會太嗆，還要有芝士香！牛脷軟稔入味，份量不少，很好吃！！牛肚雲吞河配郊外油菜，粉麵套餐不選飲品的話，可要油菜，不用額外加錢。牛肚份量足，爽口又入味。朋友說她那碗雙拼河粉的味道不錯。腩汁通菜，不用另加錢而言，份量算是適中，腩汁香而不鹹，通菜夠吸汁！食物味道幾好味，價錢無異於其他茶餐廳，難怪平日晚市也那麼旺場啊！

新裝修茶餐廳，走暖系列路線，環境舒服寬敞。 叉烧蛋白菜粒炒饭 賣相一般，配料較少，但分量十足不似下午茶份量，炒飯濕左啲啲，味道較淡，炒飯粒粒分明有鑊氣，水準可以，1750入座已經坐了9成人。凍檸茶好耐未見過咁大個杯，滿足滿足。期待下次試其他產品。服務員勤快有禮。現金支付。

雖然呢一間係一間茶餐廳，而佢嘅廚師推介冰鎮咕嚕肉都要$158 ，不過物有所值，可以講話賣相靚味道好。相係影唔到佢嘅震撼，不過我可以話你知真係好震撼，咕嚕肉外層嘅粉唔會好厚，所以咬落去啖啖肉，另外佢個汁都做得唔錯，再加埋佢有啲益力多爆珠，增加咗佢個汁嘅酸味，成件事都配合得好好。Close up啲就睇到啲益力多爆珠，另外除咗菠蘿之外佢仲有士多啤梨、蜜桃同埋藍莓，份量都算大，兩個人share都有機會食唔晒，一間普通茶餐廳有咁嘅質素真係好勁。

因為我家老闆的急燥個性，近年我已經很少吃焗飯，因為通常焗飯都要花些時間等候，難得今天是但入了一間新開張茶餐廳，時間尚早接近黃昏六點還有下午茶餐，於是一口氣要了兩個過往我很常吃的。幸好也不需等得很長時間，兩個焗飯便一起來了，在侍應姐姐還未把飯端上前時，咖哩的香味已飄到，我和老闆不約而同選擇先對付這個焗咖哩牛腩飯，這個香味十足的飯牛腩很稔份量也多，佈滿咖哩汁的飯是炒過的有點乾身更好吃，連跟飯的薯仔也煮得很好，整個焗飯都很出色。然後是焗芝士鮮茄豬扒飯，本身已經半飽的我本來也怕這飯會被比下去，慶幸這飯也同樣味道十足，鮮茄味道很突出也同樣是炒飯底，而豬扒竟然會在口裡溶化，這是我頭一遭的經驗，我也不知道這是好是壞，但美味我就很確定了。是但入了這茶餐廳的原因，是路過時發現晚飯時間未到，餐廳竟然已經接近坐滿人，心想這餐廳一定是有點問題吧。直至用膳完畢我就知道，這餐廳的問題在於食物的質素，以四十多元的下午茶價錢，這些焗飯實在有點超班了，哈哈~

是日晚餐晏咗出門口食成日喺大埔中心經過見到都未試過坐低食夜晚無咩選擇就坐低咗環境嚟講當晚坐低已經九點過咗晚市最忙時間入到去都唔會覺得地下好污糟痴立立可能新開嘅關係 餐牌枱櫈各樣嘢都新淨食物嚟講食茶記最緊要有有鑊氣自己叫咗個雞扒炒公仔麵(+5蚊轉咗烏冬)烏冬上先 份量正常 上枱已經聞到香噴噴老婆叫咗個福建炒飯 90蚊但係好大兜 應該夠兩個正常食量嘅人食一個炒飯加多個小菜 兩個人食就啱啱好最後食淨大半個飯要拎走食物等候嘅時間都合理餐牌嘅嘢食都多選擇大中有水準嘅茶餐廳選擇唔算多可以有下次