富怡粉麵中西美食餐廳

Open Now

Now Closed

公司附近有一間外表睇落去都幾普通嘅潮式粉麵店，但自從試過一次佢哋啲牛腩之後，就覺得佢都算係隱世美食。我第一次食呢間野嘅時候，看到佢地餐牌，係覺得價錢非常之貴！佢地一碗單拼粉麵都要$45，喺九龍灣工業區嘅舊店消費來講，定價係非常進取！但見佢午市果陣總係塞爆人，我估應該都唔錯掛。因為粉麵唔太抵，所以我自己個人黎通常都係食佢哋個飯招牌切腩飯，一個餐差唔多價錢好似抵Ｄ。今日都唔例外，叫咗一份招牌切腩飯加凍飲都係$59，感覺上OK。凍檸蜜要再加兩蚊，但係都算幾大杯，唔錯。佢哋嘅牛腩其實係算切得非常大件，而且係好特別好似燒肉咁係方柱體嘅。至於味道，唔係一般嘅柱侯牛腩，亦都唔係清湯腩，佢地話係 『潮州新派切腩』，其實算係比較少見嘅潮州滷水牛腩。牛腩入味，但唔會太多醬汁味，會食到肉本身的味道，亦都唔會炆到非常稔，而係保留返個比較彈牙嘅口感。基本上佢哋牛腩都唔會過瘦或者過肥，好似每一舊都係標準，有瘦肉連埋一啲肥筋膜相間，咁樣唔會太肥又唔會太柴唔好食。一個飯餐嘅牛腩份量都好多，下邊仲有個生菜底仲有啲蘿蔔，吸哂Ｄ牛腩湯汁嘅精華，最緊要係佢個汁唔會太油太膩。如此小店出品，竟然同市區的牛腩名店能有一拼，可以話都

突然間好想食粉麵，就同同事去食呢間，一見到餐牌，得兩個字：勁貴！😵好啦！諗住如果好食都值得嘅⋯叫咗碗墨魚丸魚麵。開餐⋯完全冇特別，食食吓仲發現咗一隻大烏蠅，頂！即刻冇晒胃口😑😑😑😑😑😑即刻同職員講，勁低調咁幫我換咗新一碗總結：難食！污糟！唔飽！唔吸引！貴！🤮🤮🤮🤮🤮🤮🤮仲有⋯已經唔係繁忙時段食，個職員姐姐既態度好差👎🏻👎🏻👎🏻👎🏻👎🏻👎🏻👎🏻完全唔想比星

如果只是想拿拿聲食飽走人，唔介意受氣，我會推介這間餐廳。在九龍灣工作，所以經常會到這間粉面店食午飯。整體來說食物還可以的。大部份員工都好友善，但這兩天都是因為同一侍應，我決定以後不會光顧。昨天下午茶時間，入到餐廳，煮面既叔叔勁好人，提我有下午茶，但餐牌無寫。我問其中一位帶黑膠框女侍應下午茶係乜，佢唔應我，淨係話「食乜？而家落單！」我再問一次，佢仍然唔啋我，繼續「咁你食乜呀？」今天入到門口見到好多人，又見到這位帶黑粗膠框女侍應，咪問佢有無位，佢好似見唔到我一樣，黑面唔理我。我就再問一次，今次企到佢身旁，繼續黑面扮見我唔到。算數！諗住走人，點知遠處既另一位侍應聽到，叫我座低。（咁遠都聽到，點解佢唔踩我呢？）一間小小粉面店，食物質素普通，價錢中高，坐位不舒適，連待客都採「唔歡迎客人」態度，即使主動問問題都唔理，我實在諗唔到有乜理由要幫襯？

逢親想放肆一下食超級膩又大份嘢食嘅時候就會諗起呢一間富怡呢間餐廳係同事帶我嚟嘅佢哋一開頭就同我講呢度嘅牛腩河超級大份又好味果然係咁同普通粉面餐廳一樣有好多唔同選擇不過喺度睇左陣我就見到最多人揀嘅都係牛腩河今次我都揀咗牛腩飯仲有至尊河首先講下個牛腩飯牛腩好夠味而且好稔 食落口會自己溶一啲都唔un至於個湯亦都好夠味撈埋落啲飯到食真係一流係送飯嘅好選擇然後到個至尊河啲料夠晒足一個女仔係絕對食唔晒可能細食嘅兩個女仔分都夠可能煲得耐啲料同個面好入味唯一就係價錢呢就唔係咁平不過間唔中放肆下就冇問題

之前食都不錯，當時重要介紹唔少同事去食。 今晚再食，入去坐先發現加咗價。 雖然加咗價，還是可以接受，就叫咗碗“淨紫菜三寶”。點知只系變咗“紫菜三寶麵”走麵。 重要3寶雲吞，水餃都系各得1粒。 如果系無貨，話聲我知改食其他。 又唔講聲，份量又少。 總之以後唔會再食佢。

柱候牛腩，清湯腩在香港都是大行其道，但潮式新派就比較少。這家經常光顧，永冇失望。唯一是中午人山人海！今天叫了一碗切腩米。熱辣辣撲鼻香的莞茜，一口香甜牛味濃湯，食慾大振。夾起带点肥的牛腩，甘香軟滑，米粉軟度適中，還配上生菜。完美简单的一个下午茶，連熱啡38蚊，低食㚒好味。

平日返工最鐘意去富怡買早餐食 20蚊就有大大碗粉麵食 仲跟餐飲 凍飲仲唔洗加錢添 啲粉麵全部都可以轉 轉米粉 通粉 麵 河粉都得 我就揀咗沙嗲牛肉煎蛋公仔麵 唔知點解食嗰時仲有塊午餐肉 雖然午餐肉有啲乾 但既然係多岀嘅 都冇所謂啦😂 牛肉都幾多㗎 有成4-5舊 又唔會好硬 好難咬 整體而言 都唔錯㗎😀

天氣又熱又落雨，完全冇mood出去食。今日公司OA介紹我食公司附近的牛腩米，話好出名好好食。於是決定试下。外賣都係$37，好抵，d牛腩好入味，又林，而且分量好多聽講佢d墨丸都好正，下次等我試下先！

Lunch有時貪方便叫外賣，呢度嘅牛腩米（$37/碗，唔包飲品）係我至愛之一！ 我1PM放lunch,通常我會早15分鐘打電話去order，然後1pm落去拎~ 呢間餐廳午市時間好爆架，每次落到去都見到好多人已經係門口等緊拎外賣。幾個姐姐做到踢晒腳，大約等5分鐘左右就拎得 一掀開蓋第一感覺就係覺得好豐富，大大碗放到好滿呀，仲有好香嘅腩汁味～牛腩份量多（有大約5-6大舊），最緊要係好好食！成個排腩一節節好分明，煮得好入味，而且淋得黎又有咬口  肥瘦剛剛好，佢d肥位係卡啦卡啦夾係2層肉中間，咬落去好有層次感 牛腩切得偏大～加埋上面啲蔥花好香，仲有例牌有幾條生菜係底 米粉索晒牛腩汁，又唔會鞋口，真係好滋味！  呢個牛腩米真係算幾驚喜 下次想試佢個牛肚，唔知係咪一樣咁正呢 店面有外賣牌。

今日晏晝冇帶飯啊，所以又嚟咗呢間食飯，今次我就叫咗個牛媽根飯。今次就等左有啲耐，不過黎到嗰陣都冇令到我失望，首先個牛媽根嚟到嗰陣已經好香騰騰，因為佢上面有啲我好鍾意蔥，咬落去軟林林，同埋好杰，證明佢煮得好好，好夠火喉。另外就配埋啲白飯夠晒飽。

今日就係第一日係呢一邊翻工，有咩嘢食我都唔知道，不過我行過嚟嗰陣都見到好多嘢食。今日嘅午飯就同事帶我去食啦。一入去就有位。效率都幾快。今日就叫咗個招牌切腩飯。＄47，加多杯冷熱飲品唔使另外價錢。佢嗰啲切腩同啲飯係分開嘅，有第二個碗另上嘅。份量都幾多下，食落去招牌果然係招牌，肉質好嫩滑，而且唔會乾爭爭，又夠肉汁，同埋上面加埋少少蔥，好嘢味。

來到星期一了，又是「搵食」的時間！記起有一家做粉麵的，有超便宜外賣早餐！沒錯，就是富怡。看到$20的雙餸都麵，而且「凍熱同價」，很吸引吧？還有其他餐牌，不過不是貼在狹窄的走廊，就是貼得很高，教人不容易看到富怡的餐牌呢！而且富怡沒有外賣餐牌，教人無法知曉它供應的食物。門口粉麵部只花了2分鐘多便煮好了！到底$20的沙嗲牛肉煎蛋米粉的質素如何呢？沙嗲味比一般早餐店的多，米粉好普通，不夠爽口。牛肉…不夠嫩滑，吃得出是鬆肉粉的味道！煎蛋普通。此外，還莫名其妙的多送一塊牛餐肉，薄薄的，是圓罐頭的那種，絕不是白豬仔。基本上我很少吃午餐肉，不過它都多送了，吃了一口…不知是甚麼牌子的午餐肉，肉質很差，又沒有煎過，不好吃。最後還有幾條菜點綴。雖然是$20，但又再失望一次了。

聽說這裡的牛腩不錯，於是與同事前來試試。內在的佈局與典型的茶餐廳很相似，就是在很小的空間內，擺放最多的食客。所以坐下不久，侍應便要你趕快地決定要吃的是甚麼，好讓他們儘快把食物給你，也期望你儘快把食物吃完，然後離座。雖然選擇都算不少，但在這種壓力下，只好點選了招牌菜，就是牛腩飯了。想不到牛腩這麼多，然而很入味，最喜歡是夠軟，一點都不韌。蘿蔔的味道也不錯。當中略為美中不足的就是汁料太肥，想用來餸飯也不敢混得太多。

Fu Yee Noodles is one of my favourite lunch spot in Kownloon Bay. They offer the BEST beef brisket dishes nearby the area. Fu Yee Noodles are always packed during the afternoon, lines appears early and everyone craves for their beef brisket dishes. This is actually the first time I sit in the Cha Chaan Teng for lunch. The place was small so tables are aligned right next to each other. Expect to sit with random people in your table.I usually order Beef Shank with Rice, but I suddenly crave for a

有位外國的同事對中國文化有濃厚的興趣, 特別是食物, 所以就帶他來食地道的食物, 牛雜.同事叫了金錢肚搭牛腩河粉, 本人就叫了牛雜牛筋河粉, 這裡的牛雜真的特別好食, 肚多汁, 肺爽口, 橫膈膜粉, 腸類甘甜而且全部都很入味.湯底應該係牛腩湯, 濃郁好喝, 河粉也剛剛好不會太軟, 雖然不算太平不過在這區已經算很不錯呢.