富景糖水

Open Now

Now Closed

之前飲過佢既糖水，發現湯都好足料又夠老火，但收工七八點黎到通常賣晒，見假日專登出門黎買佢既湯今日是：淡菜花生豬尾骨煲蓮藕由於太正，一次過買兩碗， ＄21 蚊，咁多料又濃旭！豬骨大大件，仲好重肉味，靚骨！蓮藕都煲到入晒未！飲完唔會口渴，好似番左屋企飲湯咁淡菜食落仲好濃味，花生都夠晒林，飲落好下火就係呢個大飯煲，裡面勁多料，d 湯係裡面滾下滾下，要多料定多湯，出聲就得每日都會寫今日是咩湯睇番最舊既食評，呢間小店已經起碼有十年。有時係太太睇舖，有時係仔仔，通常最早就係老豆開舖，邊煮邊開舖。今次係老豆睇舖，見間舖所有野都係佢煮咁，由咁多款冷熱糖水，涼茶，粥，米粉炒麵，蠟味飯，湯都由佢一手包辦，真係好利害。如果大家煮過野食都知，買料，切野，洗野，再煲，真係好好功夫同心機。總括真材實料抵食又好味！

今次試涼粉紫米露 ＄21加左花奶同椰奶小店家庭式經營，涼粉係由爸爸自己整既，涼粉佔一半，質感非常好，但仙草味唔算太出，又或者係出面造既加左好多添加野？紫米超足料，亦煮都夠晒林廿蚊碗有成兩個飯碗咁多，抵食好味

其實幫襯左幾次，佢幾款糖水都做我出色又算平，專登上黎寫番個食評先今次再叫左大既凍桃膠糖水 ＄24 (細既就 $21)d 桃膠由底堆到上面，唔係浮起，超足料超多桃膠，仲有杞子，圓肉同紅棗，甜度剛好，糖水有圓肉同紅棗既清香難得既係，煮到岩岩好，唔會過硬，口感一流，有 d 覺得食緊燕窩唔係誇張，但只係街坊價錢＄24 蚊， 份量有成兩湯碗! 仲係超足料唔係得水!之前亦食過芝麻糊，非常香濃既芝麻味，亦夠杰身，熱既杰度直逼黑麻糕，反而好鐘意，好真材實料，但食一碗會超飽， 只人偏甜。小店係家族生意，照早由爸爸煮理，晚上由仔仔睇舖。店內仲有好多糖水選擇，仲有炒麵炒米粉同豬骨粥，都係十幾蚊，一定會試下!

叫左碗豆腐花，叫佢加啲花奶落去，果然呢碗豆腐花變得滑左同埋香咗好多啊不過可惜佢加得唔夠多，如果加再多啲就更加好喇，價錢係10元另外都試過呢度啲紅豆沙，呢度啲紅豆沙佢整得唔夠起沙呀，所以一般

富景糖水鋪 小店介紹 招牌紅豆沙 好食 港式糖水 真材實料 小西灣美食 又平又好食,真材實料好味道 小店系列第N編今次走到小西灣即係柴灣再入一點的區域不在領展的商場內就有好多小店店名:富景糖水鋪即富景商場內的糖水鋪只此一家價錢便宜份量十足真材實料最愛明火紅豆沙綿香甘甜紅豆起沙  應節食品,五香咸肉粽大大隻都係$25 紅豆爆曬沙,好吃!店內也有其他中式糖水豆腐花,芝麻糊,綠豆沙,番薯,芒果,紫米露有涼粉小吃有餃子,湯丸等等每天一款精選湯品柴灣小西灣道18號富景商場地下41號舖Shop 41, G/F, Fullview Shopping Centre, 18 Siu Sai Wan Road, Chai Wan

即使到深夜，小西灣呢頭依舊會有唔少小店營業中，包括呢一間自家糖水舖。呢間小店每一碗糖水都係自家製，聽老闆娘講，豆腐花仲係每日中午12點自家磨制而成👍🏻！而我每次想起食糖水都必定食呢間嘅腐竹白果薏米蛋糖水，因為佢係好足料，D腐竹係煲到溶曬，所以個糖水好濃腐竹味，而且你想多薏米定多白果，只要同老闆娘講聲便可，老闆娘個人好好，好易話為。雖然鋪頭細細，不過選擇都好多，就連炒麵、炒米粉都有，不過味道如何，就唔知啦！

一月下旬‧晴對於中式糖水，大部份時間都會自己煲，但有時人懶，又或一次過想買幾款糖水的話，就會出去買。本來在附近最好的選擇是陳記，但近年好像這裡更好。除了價錢較便宜，個別糖水的水準也較高。最喜歡這裡的蕃薯糖水，夠薑味又香甜，多蕃薯又或是多水，出聲就行。其次就是豆腐花，很便宜，是晚買的時候，七蚊一碗，十蚊兩間。不要說是晚上在這個地區的只此一家，也真的是幾平的。