寶蓮寺小食亭

Open Now

Now Closed

今年農曆新年去大嶼山昂坪半日遊，順便到寶蓮寺小食亭，位於大嶼山昂坪昂坪路寶蓮寺。 小食亭提供多款地道素小食， 價錢經濟又美味。 今次點了豆腐花、炒米粉、齋、春捲和糕點等等， 豆腐花香軟滑溜， 甜到適中。 炒米粉大大碟，好抵食。 酸齋更是我最喜歡的，酸酸甜甜很開胃。 素春捲香脆可口， 最後還有糕點我最喜歡的煎堆仔， 煙煙靭靭口感。 我推介這裏的豆腐花和酸齋， 兩款都是我每次必點的素食😊。🏷️溫馨提示～ 整個用餐體驗均屬個人分享意見， 只作參考😊。

幾乎每次到寶蓮寺都會係呢間小食亭點啲茶點先走之前食過米粉、鹹水角、芋頭角、芒果汁都覺得幾好味又比隔離餐廳便宜很多=====眉豆茶果=====大大件，主料是糯米，但入口之後沒有過於粘濡的感覺，而餡料因為加入了眉豆和芝麻的而變得很特別，粉粉的，如果細少少會較容易咬。=====紅豆綠茶糕=====茶味濃，口感實淨，坊間少見，陣陣回甘茶味=====焗西米布甸=====奶香味濃，custard 造得幼滑，西米彈彈地==============================PS 小食亭只收現金

去天壇大佛除左有大佛參拜之外🪷仲可以去埋齋堂品嚐齋菜, 齋堂旁邊有個小食部, 有好多款式嘅齋菜同糕點, 仲有豆腐花😍買完可以去戶外餐枱坐低食, 我今次就試左小食, 下次去寶蓮寺可以試埋齋菜!齋堂分左貴賓齋同珍味素, 貴賓齋會坐係齋堂裝修得較靚個邊, 而珍味素就會坐係較簡樸嘅一邊, 餸菜亦都有少少分別📍大嶼山昂坪昂坪路寶蓮禪寺°°°°°°°°°°°°°°°°°°°°°°°°°°°°°°#MrsLong #hk #hkmami #Longs #influencer #親子 #hkkids #HKFoodie #Yo你去食 #Yo你去食齋 #寶蓮禪寺 #天壇大佛 #齋堂 #寶蓮禪寺齋堂 #齋菜 #素菜 #素食 #香港美食 #香港一日遊 #大嶼山 #大嶼山好去處

粉果皮很干，眉豆馅太咸。豆腐花放糖超级多，也没有冻的。芒果布丁吃起来像塑料，芒果西米露用的是超市芒果汁。寺里这家比市集那里差太多。如果不是因为开在寺里应该没人会去。

是日趁天氣好，上昂坪參拜寺廟同佛像，洗滌心靈之餘，途中見到多盆荷花在作展示，的確賞心悅目😄行完市集、大佛之後，如有氣力，都頗建議行多十五分鐘入去心經簡林望下，為一個不錯的行程🥰（記得注意天氣）在進入Wisdom Path之前，可以係呢間小食亭補充體力。價格比隔離的齋堂相宜，不過就要坐戶外/半露天圓桌。小食亭有多款點心、糖水、炒米粉、齋等選擇。美味齋 $45價錢比一般街賣貴少少，但味道相當有驚喜。當中以咖哩齋最出色，都幾推薦經過的人試吓

相比間貴齋，呢度勝價比高好多，不過如果去寶蓮寺一心諗住要食齋，就算在天壇大佛底無買到貴齋嘅齋劵，都會喺行入寶蓮寺嘅時候去買，我就係其中一個，見到$150一位心裡面都嚇一嚇，不過又諗住一場黎到就算啦，結果都係後悔，因為兩間野都又寶蓮寺打理，不過呢間嘅性價比真係高好多。睇吓個餐牌就知道同樣$150呢度似乎精彩好多，不過呢度唯一缺點係無冷氣。叫咗個酸齋拼盤、炸煎堆同埋炸芋角，味道均屬一般，未係好食到飛起，雖然無入面坐得咁舒服，不過真係抵食好多。

大雄寶殿左方有間緻寶齋，是戶外食堂。自助式。我買下$35芒果布甸，$45齋鹵味及$20凍豆漿。總共$100。該店只收現金。齋鹵味微温好美味。份量足。芒果布甸果肉新鮮。凍豆漿好飲。

寶蓮禪寺位於大嶼山， 是一座佛教寺廟， 經昂坪市集， 大約步行二十分鐘便可以見到寶蓮禪寺牌樓， 然後跟著指示牌便可以到達禪寺。 寺內中間的大雄寶殿供奉阿彌陀佛丶釋迦牟尼佛及藥師佛。寶蓮禪寺提供齋菜，亦有小食店提供小食， 例如蘿蔔糕丶 蓮蓉西米布甸丶 馬豆糕丶 酸齋和咖哩齋等， 味道不俗😋。

成家去昂坪行山，坐低喺石凳石枱度小休，食番啲嘢補充體力。食除咗圖片入面嘅仲有杯芒果西米露同多一碗豆腐花，總共$14x,五個人食。豆腐花唔係超滑嗰種，反而有人手磨嘅顆粒感。茶果好大個，好實，食完好飽。個素包幾得意，好似食緊肉嘅叉燒包咁。西米盞中間有豆沙餡，甜甜涼涼咁。呢啲米粉就好抵食呀，滿瀉出嚟咁呀，味道正常。仲有杯芒果西米露，係普通茶飲店中杯size，西米意外地有彈性，加上芒果汁，冇得唔好飲，不過好似係$35，貴唔貴就見仁見智啦。冇冷氣不過都比較通風嘅，所以唔會好熱好焗，反而係多蚊囉。職員姐姐們態度好友善！

黎到寶蓮禪寺一定要去試埋豆腐花同齋菜，由於下午食咗野先上黎，所以黎到叫咗豆腐花、鹹水角同芋頭角。豆腐花大大碗而且好重豆味，而鹹水角同芋頭角只需$8（一隻），而且比出面酒樓既大粒，食完兩隻我已經好飽。

下午茶時間點咗幾件點心。我買咗豆花、椰汁糕、西米布甸、花生糯米糍。合共$39。豆花微温。好易入口。椰汁糕彈牙。足料。西米布甸足料，好食。花生糯米糍足料。食客可以坐係戶外。感受一下寶蓮寺清靜下進食。

嚟到 #寶蓮禪寺，除咗向 #菩薩 #求個安平，順路仲要食埋 #齋菜 先至夠全面。上次試過 #齋堂 為我哋準備嘅 #全素宴，今次一於幫旁邊嘅「緻寶齋」，試吓佢哋嘅 #素點心🤤 行咗成朝，差唔多3點先有嘢落肚，大家都餓到有啲失控😅 #食物櫃 裡面嘅點心，幾乎每款比都比我哋嗌齊🤪 最後當然要加埋個 #甜酸齋 先夠完美😂 食物份量係多咗啲，不過味道真係唔錯㗎🤤 尤其係佢哋嘅 #鹹水角、#芋角、#春卷，#口感鬆化 又 #唔油膩，最緊要係唔覺得自己喺度食緊 #草 😂 最後就因為一句「唔好浪費」... 我哋居然可以清晒枱😚 之後為咗達成 #朋友仔 #願望，我哋每人再食咗碗 #豆腐花😅 係咪好 #amazing 呢？🤣🤣

同朋友由東涌地鐵站出發, 行山至昂坪, 行咗兩個幾鐘終於上到嚟啦 行一行昂坪360市集, 再行下大佛, 走之前當然要食碗豆腐花先啦 之前一向都係寶蓮寺外嘅餐廳食的, 今次我同朋友行下行下, 見到有塊板寫山水豆腐花, 便行到入寺內, 都係第一次行入黎,見到有呢個小食亭, 又有我哋想食嘅豆腐花, 一於試一試 豆腐花好大碗,有熱和有凍的, 佢哋會加咗薑糖汁, 好好食, 有豆香除咗豆腐花有豆漿仲有其他糕點和炒米粉, 仲試咗個綠茶眉豆糕, 綠豆紅豆糕, 艾糕綠豆眉豆茶果 - 正呀, 好有長輩在生時整的味道, 外婆去了天家後, 要自己外面買黎食, 仲要唔係咁容易買到綠茶紅豆糕 - 好香的茶味, 比較幽香清甜, 適合食淡味的人艾糕 - 去濕之選朋友和我都好滿意, 價錢大眾化, 也坐得舒服, 下次再來

寶蓮寺小食亭大嶼山昂坪昂坪路寶蓮寺難得放假約左朋友去昂坪同大佛一帶行下，上落大佛行左幾百級樓梯之後，即刻覺得餓餓地，所以朋友就建議黎寶蓮寺入面既小食亭歇一歇，補充下能量係counter揀完食物，出面就有好多石檯可以比我地坐低食，今日涼涼地岩岩好，非常舒服食物既款式都幾多，有甜品，炸物， 齋鹵味食物既質素都唔錯，最鐘意食呢到既酸齋芒果糯米糍都值得推介大大粒芒果肉好好味食飽後，記得自己收拾返餐具同垃圾做個有公德既人

360推出香港人優惠，成人來回88蚊，小童45蚊。今天全家上＜昂貴又唔平＞的昂坪，順便過去寶蓮寺！在參觀正殿後，來到寺內的小食店。原來小食店有多款素小食，唔一定碟碟大盤DRY。難得來到寶蓮寺，當然要試試。春卷　 十分脆口, 但油   摩囉酥　　好似老婆餅    　　 眉豆粿鹹的茶粿，白色皮是以糯米製成。   豆腐花　　口感超滑，唔鞋口，無酸味。配天然的黃糖，正。　註：平常遇到的豆腐花，是加透明的人工糖漿，味道總是帶酸的。現在每碗15蚊炸！而寺外的小食店17蚊，而且有傳統的石枱石櫈，很配合寺內古色古香環境。行入ＤＤ，坐得舒適Ｄ，小食價格實惠Ｄ。果然是幸福係要行多步！    看到隔離的客人在享用芒果糯米糍，真係有芒果，十分吸引。下次一定試試！