寶蓮寺小食亭

Open Now

Now Closed

成家去昂坪行山，坐低喺石凳石枱度小休，食番啲嘢補充體力。食除咗圖片入面嘅仲有杯芒果西米露同多一碗豆腐花，總共$14x,五個人食。豆腐花唔係超滑嗰種，反而有人手磨嘅顆粒感。茶果好大個，好實，食完好飽。個素包幾得意，好似食緊肉嘅叉燒包咁。西米盞中間有豆沙餡，甜甜涼涼咁。呢啲米粉就好抵食呀，滿瀉出嚟咁呀，味道正常。仲有杯芒果西米露，係普通茶飲店中杯size，西米意外地有彈性，加上芒果汁，冇得唔好飲，不過好似係$35，貴唔貴就見仁見智啦。冇冷氣不過都比較通風嘅，所以唔會好熱好焗，反而係多蚊囉。職員姐姐們態度好友善！