小肥鵝火鍋料理 (Closed)

我已經第三次去食喇~~開頭係見到啱啱開不如try try點知有驚喜喎~~到第二次介紹埋d朋友一起去食..個個都話好食...呢期又見凍凍地想十下十下~~咁第一時間就諗起小肥鵝...d食物水平完全冇變喎...無論d小食同招牌肥鵝煲真係冇得頂...食完加d再加d烏冬入去...哇d味真係正~大家真係不彷去食食...平靚正....

適逢朋友生日，安排了係小肥鵝打邊爐，第一次感覺裝修幾光猛、整潔，服務員的態度都幾親切。去到壽星點了招牌鵝煲、同預先訂左的三文魚剌身，原條鱆紅魚，及象拔蚌剌身、同其他火鍋食物。最令我難忙的係鵝煲同刺身，講到鵝煲的湯底真係一流，煲極都咁入味，通常一般的火鍋店係加水後就慢慢無味，但唔知點解依間鋪頭的大廚一定有秘訣整到越加湯就越入味，尤其是放烏冬落去，吸哂D汁，超正~~~~講到刺身，首先壽星連環叫左幾碟三文魚刺身當前菜，估唔到有日本料理的水準，再來重頭戲原條鱆紅魚和象拔蚌剌身，簡直令到食唔停口，條鱆紅仲有二食，整番個鹽魚身，送酒一流。因為本人比較喜好刺身，全程食多過講。而其他火鍋食物都好新鮮、如鵝肝、鵝腸、手切肥牛、豬腦等，都搞到大家狂食。最爽就係隊Hoegaarden，淡而不漲。食完13個人，又刺身、又劈酒(唔知幾多支加杯啤酒)、又火鍋，每人都係305蚊，好過落Bar...食過番尋味，一定再去~~~推薦！

睇東TOUCH介紹呢間野， 諗住去試下新野。當晚去到約7點幾， 唔使等位， 入去第一時間叫左招牌肥鵝煲， ＄118。食物上枱尚算快， 但D鵝肉數量就好少， 得2件肉， 骨就多， 鵝頭都有2件，份量少得有D過份。而且D鵝食落都麻麻地， 冇鵝味，肉質淋池池， D汁又好咸， 唔好食。跟住叫埋鵝腸， 牛心頂， 黑色牛柏葉和鯇魚皮。D食材食落真係麻麻地， 鵝腸好厚身， 一D都唔香。 牛柏葉没有原料味道， 仲要係淋既， 一D都唔爽。鯇魚皮腥到嘔， 滾幾耐都仲係咁腥。牛心頂食落仲有陣漂白水味， 唔知食緊乜。本來未夠飽， 仲想叫多D野食， 但上左呢幾樣之後， 已經唔敢再叫其他野食啦， 為有埋單。2個人埋單＄310大圓， 絕對唔抵食，同埋好耐未食過咁難食既火煱。

今次係第二次嚟呢間食店打邊爐，首先，點咗作招牌菜鵝煲，因為有朋友唔食得辣，所以點咗唔辣既招牌鵝煲，食完鵝之後，點咗其他嘢食嚟打邊爐，點咗手切牛肉，鵝腸，田雞，魚卜，大蜆，牛肉好新鮮，帶少少肥，好甘香。鵝腸整得好乾淨。田雞係即劏既，上枱時田雞仲震緊。魚卜係好難係食肆到食到既，好大個。大蜆，新鮮，好鮮甜。最後，加咗稻庭烏冬同皇帝菜。所有嘢食都好新鮮，好味。