小肥鵝火鍋料理 (Closed)

今天專程去深水埗給寶寶買禮物，順道慶祝我們的七年之癢！在開飯搜了一下有酒有肉的地方，當然可以訂位而在週五沒有限時也是很重要的。搜了一輪，看到這家評語不錯，就前來一試吧！本來想吃雞煲的我們，最後也是點了比較少有的鵝煲。味道香濃，適合重口味的我們。配上啤酒，很爽！吃過鴨煲後，服務員突然問我們要不要吃炸魚皮。要開鑊炸了。吃得在開飯看到炸魚皮是推薦菜式，我們也來一份吧！味道很好，配酒一流，就是份量比較少。然後，我們點了手切肥牛、自家製水餃、爆醬蝦丸。肥牛比本人的皮還硬，根太多了，有點失望。水餃和蝦丸有點喜出望外，味道很好。買單$788/2位，在這區和環境下有點小貴啊！

環境雖不怎麼樣，但卻是地道港式火鍋的味道用料新鮮，老闆推薦的鮮蝦，確實鮮味無比，彈牙可口。沙巴龍躉，性價比非常高，肉質鮮美。水餃王是我們的至愛，先吃一碟，回味無窮，再叫一碟。魚卜也是新鮮，故一來便點上兩碟，但需要花時間烹調，否則難以咀嚼。手切牛肉也是一絕，前後兩碟，但無奈忘記拍照。除了火鍋外，其他出品也是令人回味。象拔蚌以刺身享用，非常鮮甜，大家喜愛指背天葵飲料，坊間少有，據說是他們自家制，也是忘了拍照，大家到訪，可以點來試試，味道酸甜，令人開胃。即叫即炸的咸蛋黃魚皮，香脆可口，因為太好吃，所以忘記拍照。老闆親自現場烹煮的鵝肝，香味十足，單是嗅到味道，已經垂涎三尺，煎煮鵝肝的汁醬，再用來炒麵，令人拍案叫絕。還有很多菜式，忘記拍照，留待各位自行發掘

原本諗唔到深水埗有咩好食，就上黎搵搵有乜好食，之後搵到呢間見到菜色比較冷門，咁就同朋友黎試下，一黎試個招牌鵝煲，睇個樣以為同普通雞煲果類差唔多，食落都好似得鵝果種香味，點知老闆過黎介紹個炒鵝腸就真係正，佢哋喺我面前炒完即食，真係冇其他形容詞可以講，咁食完個鵝煲就叫左火鍋料諗住打邊爐，點知老闆又過黎推薦左炒聖子同炒雞子，兩樣都係炒到岩岩好，仲要有少少鵝肝味，原來老闆見我地第一次黎就露兩手拿手小菜俾我地體驗一下，就係咁我就中左毒啦好香鵝肝味既雞子，出面冇可能食到，有鵝味少聖子都係冇機會出面食到我同朋友都預定左仲要返黎試多幾味先得，睇到呢個post既人當俾我呃左又好乜都好，至少可以試一次

試過好多間都冇呢間咁好食！好正，各位食家一定要嚟試下！野又好食，老闆又nice，手切牛肉靚䳘腸必食，鮮炸腐皮卷好正、地方都算舒適好似係屋企食飯咁！正！嚟到呢到必定要食牛肉，䳘腸，粉皮，咸旦魚皮精選，我從來唔食都食唔停口，如果食埋個䳘煲之後一定要叫個公仔麵，真係正到冇得頂！炸魚皮頭好彈牙，仲有掌翼好夠味，刺身好新鮮好吃😋嚟深水埗一定要嚟試下！舖頭分上下2層，樓上樓底矮少少不過都好舒適！價錢合理，物有所值！

朋友話我知小肥鵝有萬有引力，每一次幫襯都會一次比一次歡欣，講到甘厲害就今日happy Friday 試一試🤔👇🏻個招牌肥鵝煲（小辣）鵝肉又香又野味😋老細極力推介我地加隻膏蟹，加$130蚊....唔係呱😳甘平！超多蟹膏喎！鵝四寶包括有鵝肝、鵝腸、鵝粉腸、鵝腎。老闆冲過來幫我地落鵝腸，係有滿滿嘅肥膏架😚而且有鮮味，唔似外面的食市，一般都帶有雪味。繼續有鵝粉腸絕對係最精彩，非常肥美，腸跟脂肪之間仲食到鵝潤，食到😋😋脷。打邊爐放鵝肝都係第一次，原來入口係軟綿綿，好特別，雖然係另一番口味，仍值得👏🏻👏🏻由於一堆脂肪爆棚嘅東西放入煲，時常有大量油浮面，在此讚下服務人員時常記得幫我地撇油，好貼心😊四寶剩低兩件鵝肝，老闆介紹我地用去煮蝦子麵，真新穎🙄大家都猶豫左一陣，見老細誠意拳拳，最終交咗兩件鵝肝比佢😅 佢親自係另一張枱，用一個細煮食爐即場下廚。原來除咗蝦子麵同鵝肝，佢仲放鵝油去炒，香到一個點😲十個👍🏻熱辣辣既咸蛋炸魚皮，魚皮好薄而且脆口，咸蛋味又無太搶，我鍾意😘自製蝦子蝦腐，外脆內軟，聞到蝦子香味，同魚腐比係另一個世界。亦係另一個必點菜式，頂呱呱！牛肉質數平平，可能不是主打的原故。相反🐷腩肉味道就

雞煲食得多啦～就試下ne間無意經過發現的鵝煲啦！ 個鵝煲比的鵝份量岩岩好夠我地3個人食，個姐姐仲幫我地煮佢地的招牌鵝腸tem, 連側面的肥膏一起食有種入口即溶feel, 連不多鐘意食肥膏的fd都忍唔住搶攻。沒叫其他特別餸，所以沒咩可以提，不過即炸響 鈴出色程度都令人驚喜架，即炸起仲有黃豆香味沾肥鵝湯底好食到umm~~ 服務好又會同你起走d油，重點係個晚經我地三人鷹眼認為前方出現藝人（細細粒）,不過沒影相，人地私人時間無謂阻人啦 店沒有很大，撞岩世界盃間店又開到夜一夜，所以基本上我地醒水食完閃水啦～

鵝煲野味濃香，好似食廣州的野味煲，鵝是貴價食材，我二人同行以$148的鵝煲大約四份一隻鵝是合理，最主要是它的味道濃香撲鼻，精華是之後的鵝粉腸及鵝腸，放進煲內炆煮一分鐘，那肥膏腸肥美可口，這是這餐主打要素。跟著，加入清湯作火鍋，它再加入濃香鵝醬汁，味道也不會減淡，叫了碟手切肥牛，也能match到。 其它海鮮和火鍋料也是新鮮貨品，我也不多形容，主打鵝的食材和新鮮海鮮，絕配。最後二人埋單$580。有驚喜，值的。下次多些人再來，可吃多些配料。

有朋自遠方來，不亦樂乎 ﹗打個邊爐，隊兩杯先啦 ﹗難得安神、地魂娘、比利民能夠聚首一堂，梗係要食餐好既。供應既調味料非常平實，青蔥、生蒜、炸蒜、指天椒、豉油，我都係最愛基本同簡單，生蒜炸蒜大量指天椒撈豉油夠晒美味喇。招牌肥鵝煲一隻，食家推介，鵝煲新嚐試 ﹗雞煲就食得多，鵝煲都係第一次，同事大大力推介。所有配料跟鵝完全被極大量的芫茜蔥掩蓋，十分有氣勢 ﹗略焗一兩分鐘，職員便前來攪兩野。左兜右炒，終於到盧山真面目，眼見都是不般材料，乾蔥頭、蒜頭、中芹，還有大大劈醬汁囉。要再焗，耐心等候滾起的一刻 ﹗白煙狂噴，香氣四溢直撲埋黎，開呀 ﹗汽泡卜卜響，梗係先來件鵝髀肉。醬汁甜美可口不單調，百種香料有層次，滲透每條肉絲之中。鵝肉彈滑幼嫩，鴨肉望塵莫及啦。滾上醬汁一件接一件送入虎口，美味得無話可說 ﹗鵝仔細細隻那夠我地四個大男孩食呢？真心回味無窮，無介紹錯，可以添食 ﹗蟶子，新鮮指數都合格的。洗得乾淨，肉質甜美嫩滑，無投訴。記得要打醒十二分精神烚到脫殼就要即食喇，過熟就會韌到橡膠一樣。正宗鮮鵝腸，掉落滾湯拖兩野要起喇，烚過耐就會縮到變蟲仔咯。雖然腸皮有少少鞋，不過超級鮮甜，爽脆索索聲，整條食一氣呵成

到左十一月仲有生日飯食加上昨晚食左一餐難食既宵夜，今天有人要食多餐補返數，其實深水埗我十年都吾會來一次，因為我住得好遠，好少在里頭附近出沒，如果沒人帶路，我應該去吾到目的地。佢地最出名係鵝腸，個女侍應好有耐性地幫手煮，仲得閒搭下傘，又搞笑氣氛好好，她又吾係一味馮誠你，又串下你，又笑下你，但又吾會令到你覺得反感，搞笑高手 ok wow 老闆可以請到里D員工可以話係汁到啦，好員工難求，老闆要珍惜亞。D鹅腸的確好食，熟到剛剛好，爽口既又食到鵝既肥味田雞係活既，上枱仲育嫁(好驚，超嫩又滑，甘新鲜除非你自己烚過火。。。響鈴都值得推介佢哋有個吾知咩牛，好un好難咬，又無牛味，最失敗就係叫左里個牛同豉油蝦(無鲜味，甚至有少少霉)，仲話拿過獎吾知係咩獎？今餐ok啦，仲有其他好食既嘢，甘當然都有難食既嘢，但至少仲有個女侍應帶比我們無限既歡樂，比個讚她]]]]]]]]]]]]

每次食雞煲我爸爸一定首選深水埗既小肥鵝，因為佢除左鵝煲之外其實雞煲刺身都好出色架!!! 一入到去店員已經超好服務態度，店長仲會介紹當日有咩新鮮既野比我地食我地就叫左個象拔蚌同章紅刺身，大大盤又鮮甜，店長仲私人醒左四隻蝦刺身比我地試，連唔太好食刺身既男朋友爸爸都讚不絕口！估唔到佢除左雞煲，佢D炸野都好好食好惹味！個瀨尿蝦好食到停唔到，又大隻又多肉，真係好食到令我地有衝動再叫多碟！店長推薦我地食酥炸牛腩，出奇地都幾香口好食，點沙律醬又幾夾喎！等到個雞煲上場喇！！食雞煲一定一定要叫佢招牌既鵝腸同即叫即炸既響玲！！雞煲開始滾起店員就會好細心過黎幫我地落鵝腸，佢話第一樣要食左鵝腸先，肥膏多左好爽口！！ 啊～今晚店長推介$80六隻鮑魚/蝦，我地簡左鮑魚，都幾好味～ 至於響玲浸左雞煲D汁黎食真係一流啊，佢炸到好似入口即溶咁，超級推薦！！最後店長仲介紹左鹹蛋黃炸魚皮比我地，第一次食覺得幾有趣，又係好香口！不得不提，店長好識做令我地食得好開心，而且佢推介既野都真係好好食，今晚兩老同我都食得好開心啊！下次一定會再黎！食左咁多野最後埋單一千一百幾，都算好抵食啊！

朋友是會在不開心的時候，出現在眼前兼會安慰你的，幸好我身邊也有一班好朋友，他們知道我唔開心就相約小弟去打邊爐，目的地是深水埗的小肥鵝，雖然未聽聞過，但攪手吃了幾次都覺得不錯，於是就來試下。 與幾位朋友先到，我地呢圍人就最無所謂，所以就先叫幾款小食，順道喝喝帶來的Rose。先來松花雞腿、炸魚片頭及黃金魚皮幾款過一下口隱，印象最深刻非黃金魚皮莫屬，以咸蛋黃醬包裹著炸魚皮，不但香口，更令人追住吃，不消一會已清碟了；而松花雞腿做法也特別，先將皮蛋釀入雞腿中，再進行煙燻，所以吃來有淡淡的燻香。 平時食雞煲就多，很少機會吃到鵝煲，所以點來一個招牌肥鵝煲。鑄鐵煲雖大，但份量較少，只有1/4隻鵝左右，不過好吃就沒有所謂了。鵝件早已燜得腍滑，肥瘦適中，醬汁也很惹味，有友人說不夠濃味，可是小弟卻覺得這淡身的味道藏著濃郁的鵝鮮，並不是單純用濃重香料去蓋過鵝味的做法。 雖然鵝煲好吃，但精髓卻在新鮮鵝腸身上。正想將鵝腸好似平時去灼時，侍應說等她來，她二話不說將整碟倒進鵝煲內，再將一碗鵝汁倒進去，好像炒餸一樣，剛剛熟就即時夾來吃，每條鵝腸都嫩口彈牙，那層肥膏的甘香令人陶醉，越吃越滋味。

全深水埗最好食火鍋，服務態度好，無加一，食物超水準。今日點了個雞煲，辣醬鮮味、好惹味，加埋湯做打邊爐一流。牛肉肉汁多，唔肥唔瘦，剛剛好，桶蠔夠新鮮。值得推薦，4人食，平均每人200元左右，算係咁。

入去坐低緊係叫番個鵝煲啦～一份$148。（平時食野唔睇價錢，今次食晒都要望吓！阿金毛紅衫唔知係未老闆兼聲大大嘅「收銀伙計」口中所說嘅一份=4分之1隻嘅鵝煲，究竟價錢是多少！？～～～）原來4份一隻入面總共有2條頸，半個咀,6-8件沒有半隻手指公咁大嘅骨、5件小肥鵝出名嘅肥鵝膏！承惠$148，抵到爛啦！全部都係骨骨膏膏邊樹搵呀（我真心覺得頭頭有篇食評講嘅先係正確⋯）咁當然會叫碟鵝腸啦～「收銀伙計」極力推介---魚肚，話係咩鎮店三寶，我就話唔駛喇（皆因我地都唔食魚肚嘅～），點知阿「收銀伙計」突然私人醒碟「黑面」過你，煲都未黎，先食碗麵～～～～～～咁佢緊係又推介佢嘅活魚刺身喇⋯⋯我地叫左碟刺身，食晒佢嘅鵝煲+鵝腸，仲要睇多part tbb，賣埋廣告都未黎。一催～～～嗰位「收銀伙計」就話「即刻切比你」，明晒呢d刺身真係任何一間連鎖sushi店嘅章紅魚都好過佢呀～～～呢個食材只可以話比喺txxxx嘅好d d,但係X田嘅都好過佢呀～形容吓活魚刺身嘅口感：「結實，彈牙，鮮味」。佢三樣裏面一樣都冇～～～同場加映---落辣椒絲外傳～正常火鍋店做法，一黎已經擺起枱面比你任落。誰不知，我淨係叫鵝煲同鵝腸咋，佢

難得一間唔太起眼既小店..佢有2/f服務態度...9/10食物種類...9/10環境...7/10（老店算係咁）價錢...7/10（要食好野當然比番咁多.絕對值回票價）認真講味道堅好服務生有講有笑有介紹.隨時有個係附近stand by

友人介紹深水埗有間鵝煲, 雞煲就食得多啦, 鵝煲原本都1516 怕SO, 上OPENRICE 睇下, 有好多好評, 好! 一於去試下啦…… 店不大, 仲有D 窄, 行過柗邊看到D鵝煲賣相非常得…..而且好香好濃4人叫了一個例牌, 店員好細心介紹, 大約有1/4隻, 應該夠食, 另叫了鵝腸, 魚皮…….鵝煲一到, 香氣四射, 試一舊, 沒有SO味而且非常入味, 皮不會好肥, D肉有少少咬口…..其實食落有D肉羊南煲的醬料味. 食到一半, 店員幫忙倒入鵝腸, 不停攪拌, 大約5分鐘話可以食…….吓,真的, 好似仲好生咁……好啦, 就即管試下, 超驚喜, 不但熟, 而且超爽脆. 佢係有d肥膏黏住個種…….五係搵d化學野拿過個種……….吸左d鵝汁, 又香又爽又濃.魚皮好大塊, 外面加了d似7味粉, 幾好味, 但兩邊尾部炸得不夠身, 有d un, 五夠脆,但味道咸咸辣辣, 算不錯.之後加點什錦牛肉, 腐竹, 西洋菜..牛肉超正, 有不同部位同不同切法的牛肉, 一次性比你試. 全部手切, 牛味香濃, 最特別有一種好似牛油個樣, 以為好肥, 點知食落好爽口, 油甘味濃郁. 因為不同位置, 又不同切法