屏山老地方 (Moved) New Location

這篇食記，甜魔媽媽考慮了很久才發放；一來怕寫了小店會太紅，再訪會很困難；二來也是打算想將所有肉餅飯試勻，才一次綜合介紹發佈！最終還是提早無私的分享出去，因為店內廿多三十款肉餅飯（還有其他美食），實在需要招聚多位食友多次到訪，才有望掃餐牌！感謝食友 ordiary jj 率先的無私分享，甜魔媽媽於去年4月已經首訪這隱世美味肉餅飯專門店。它叫 屏山老地方，OpenRice 的分區是元朗，但實則地址位於天水圍屏山輕鐵站邊。搭輕鐵的話，可以問人豪裝了600萬 (!!!) 的坑尾村公廁在那，對面就是小店了。如果是搭西鐵來，就可以搭到天水圍站，先找大紅大紫、人龍滿佈的 華嫂冰室（約需時十分鐘），然後繼續前行轉左，一樣可以走到 屏山老地方。華嫂冰室 有多紅，到訪過的朋友相信都見識過那人龍的威力。現在基本上連平日都要排40分鐘至個多小時，甜魔媽媽自己也接受不來，所以都轉去 屏山老地方。事實上，首訪當日也是由於華嫂太過長龍，帶著小兄妹等不了那麼久，才轉來這裡！ 所以，這篇文主要給不想排到失心瘋的大家多個選擇，並不是為小店火加上油，令它成為華嫂翻版；所以甜魔媽媽盡量簡潔寫寫值得吃的食物，不多花巧形容了～

由於天色已黑所以與朋友決定由西鐵朗屏站乘搭的士到屏山老地方10分鐘車程左右，很快就到由於到的時候尙早所以人客不多我們分別叫了芒果煎肉餅飯和六重芝士煎肉餅飯 芒果煎肉餅餅就是將一片芒果夾在兩塊肉餅中間吃下去鹹鹹甜甜，味道清新適合在天氣熱的時候吃芒果可減低肉餅本身的油膩感 至於六重芝士煎肉餅飯與友人吃下去的第一口的感覺是豬柳蛋漢堡的味道(笑)但愈吃愈好吃非常下飯！本人把整碟飯都吃光光走的時候其實店內已坐滿了人客可見屏山老地方受到附近街坊們的喜愛我們吃飯的途中，隔壁桌的客人叫了豬扒擔擔麵超香！下次來一定要吃！

好難得有機會黎到屏山開飯…假期華嫂休息…咁就黎老地方啦…反正大家都一樣出名…有新舊兩舖…新舖就唔駛等位…既然係出名…就梗係要試下佢地既招牌貨啦…可惜晏晝兩點已經無哂榴槤…咁就退而求其次…食芒果囉…芒果兩大塊…肉餅就兩大層…生果撈飯始終感覺有d怪怪地…唔係人人接受…另外選左六重芝士肉餅飯...唔知有邊六重芝士…但芝士味尚算香濃…同肉餅都幾夾…呢度無餐…飲品要另外order...話梅柑桔+柑桔七喜…話梅都有兩大粒…好夠味…

這天，天氣不錯，特地到屏山，試一試這裡的特色煎肉餅飯，最初是想一試他們最出名的"芒果煎肉餅飯"，但想下想下，好像有點古怪，都是提不起勇氣試那款芒果肉餅，於是吃了這款麻辣煎牛肉餅，驚喜，外面十分香脆，内嫩滑， 我敢肯定是用新鮮牛肉做的 ，而且麻辣味十足，煎牛肉餅不是很多地方可以吃得到， 雖然價錢不算太便宜，但味道真的不錯， 不枉我山長水遠到來品嚐。

好味既野係會食過返尋味既，就好似呢間位處村屋中，隱世既“老地方”咁，之前嚮一次偶然既時候，試過佢既肉餅飯，就一食難忘，間唔中都想再黎幫襯。位置較隔涉，其中一個方法係西鐵出口往坑尾村方向，經過荷花池、又經過沙塵滾滾既貨櫃場，嚮一個同村屋格格不入既中國傳統式新淨廁所斜對面!小店舖面好細，最出名既係用不同配料結合而成既肉餅飯，例如蕃茄芝士煙肉肉餅、鰻魚肉餅……我上次試過芒果肉餅，創新得黎又好味，而且限定既鮮蝦牛角包都好滋味!至於服務同舖面衛生方面喇喎，就唔好有太大期望啦!建議最好坐室內喇，經驗所得，嚮繁忙時間未洗既廚具放嚮舖藍色果d箱度，惹來幾隻烏蠅陪住食 除左以上2個menu之外，仲有廚師推介，鐘意試新野既我，叫左個口水雞雞肉煎肉餅飯，可能即叫即整既關係，每次都要等至少15分鐘，熱辣辣既肉餅有一隻手咁大，幾條生菜墊底索油，肉餅底面都煎到好香脆，內裡既免治肉同口水雞混合一齊，有少少麻辣，非常惹味香口!平時唔食飯既我，都爬左大半碗飯呀!朋友既另一款肉餅有桂花粒鋪面，內裡有足料既鮑魚，有咬勁且足料，都唔差!

呢間同華嫂冰室一頭一尾，實際上港鐵係應該出天水圍站大約行15分鐘先會到，但信我，呢間好值得去！榴槤重口味？？係😂但如果你鍾意食榴槤就一定要試！試之前其實都抱懷疑心態 食左一啖就諗: 點解咁夾既😱!?榴槤餡多到湧出黎 甜甜地😍好鬼香同鹹香既肉餅一齊撈飯真係好正好正😋留意，榴槤的確有搶味既情況 但整體味道依然very nice😈而且兩塊肉餅夾住，其實份量係好多...果王唔係你杯茶👀？咁食呢款就食到濃濃既肉餅味喇～煎得好香 又夠熱😀偶爾仲咬到肥豬肉粒 好好食👍芒果係配角 味道唔突出😳芒果迷係會失望咖 建議試其他更加有趣既組合，例如桂花鮑片、六重芝士😏推薦大家加多$10配柑桔話梅蜜/蜂蜜紅棗茶🍹足料又好味！

星期六游完水六點鐘就已經肚餓，決定同男朋友搵呢一間馳名嘅生果肉餅飯一試！唔知點解係因為時間尚早定係星期六啲人出晒街？唔使等位，食到差唔多七點幾都冇乜人。男朋友唔鍾意生果入饌，所以點左黑椒蘑菇雞粒肉餅飯，結果佢嗰個肉餅出乎意料地好食。超級夠黑椒嘅辣味，煎到外脆內軟嘅肉餅入面又有粒粒爽口嘅蘑菇，搞到我係咁偷食佢嗰塊肉餅..... 其實我都好想試吓另外一啲鹹味嘅肉餅，奈何呢度最出名嘅係生果肉餅飯，唔係唔試呀嘛！至於我嘅芒果肉餅飯等左成20到30分鐘先到, 可能已經食完個好出色嘅肉餅，呢個反而無冇咁驚喜因為佢個肉餅係原味，唔會有黑椒，冇咁香口。而且中間塊芒果比較薄，兩塊肉餅夾住食，其實唔係太突出到芒果味，只係食到淡淡的芒果甜味。下次我會試其他非生果系列既肉餅香辣牛肉肉餅都好想試。另外缺點就係冇得單叫油菜，餐牌上好似沒有...

今日五點去到呢間元朗新熱店，叫左個麻辣肉餅飯。肉餅外表都幾吸引，煎到個皮脆脆地、微燶。但可借，佢用左莊c敏光管0.03廣告嘅概念同方式，去演繹呢道菜。首先，同樣都係辣（個廣告唔知做乜諗野，有d火焰喺度）而肉餅係即叫即生煎，新鮮滾熱辣，入口係「最hot moment」。然後食一啖飯。小吖！凍嘅。應該係由午市擺到而家。「至cool感受」！再食多幾啖肉，覺得好漏，只有咸味，無鮮味，同莊c敏嘅高潮眼同姿勢一樣，又咸又俗。總括就係「最hot moment,至cool感受」,又咸又俗啦。個廣告拍得好肉酸，我真係接受唔到囉！雖則我係一個咸到苦嘅真男人。但我都有底線架！(麻煩主角轉做克包嬌吖，唔該！)

今天係小女子生日(哼哼不要問我貴庚)車爸爸早喺16/8跟我慶祝當天午餐我還帶他到屏山老地方吃朝思暮想的煎肉餅飯^0^原來在舊舖走不遠處開了新鋪位地方明亮簡潔~生果肉餅都係這店名物見有限量榴槤煎肉餅咁特別就叫一客試試什麼味道啦~六重芝士都係我target不過怕太漏不敢叫下次再約甜魔媽媽食先得~須然落大雨但係一樣咁鬼熱重溫杯大話7解渴良品跟飯+$10(原價$18),車爸爸的凍奶茶跟飯+$5(原價$13)未夠香滑聽聞華嫂的很不錯可惜星期日休息車爸爸應該比較難試到了~期待已久的榴槤煎肉餅$55有D失望肉餅煎得有點過火面層過硬,味道方面榴槤非常香濃不過跟肉餅真的夾不了上個人認為分開來吃就比較好~(多謝車爸爸的支持因為他從不吃煮熱的生果)另一份黑椒香蔥煎肉餅飯$39呢件煎肉餅真了得味道香濃肉汁豐腴超級好.好.好吃連挑咀的車爸爸也大愛它呢!!我倆真過份還要多件上回吃不到的奶油豬$16這豬不便宜啊不過比坊間的大隻烘到脆卜卜熱辣辣食也不錯但我還是喜歡上回的牛角包多點~

這是我第二次顧草蘆了，上次來碰巧遇上店舖休息一星期，真倒霉！始終夏日炎炎，山長水遠來此處確實要點誠意，因為即使坐完西鐵，還要再轉輕鐵，然後再穿越停車場走一段路，不算很遙遠，但夏天就是烈日當空，考驗誠意！來到屏山，除了一入村便見到人龍的華嫂外，其實還有不容小覤的榴槤肉餅飯！你沒看錯，我也沒打錯，是榴槤跟肉餅！當造的榴槤蓉，十分成熟甜美，夾在煎得香脆、爽口彈牙的肉餅之中，完全不令人覺得突兀，反之，是種榴槤的浪漫！若你不吃榴槤，你還可選芒果肉餅！同樣用上甜美多汁的芒果配肉餅，但個人比較偏好榴槤的口感，會跟肉餅更配。接受不了新事物，這裡亦有多款鹹食的肉餅，相信跟這塊是一樣香脆彈牙的！

聽朋友介紹呢度有好多款新奇配搭既肉餅飯，今日同男朋友終於一試～ 可能好多人都仲去舊舖加上今日下雨天，所以周末都唔駛等位～ 好彩～ 新店舖地方雖小但感覺整潔。 兩個人叫左一碟榴連肉餅飯同一碟紫菜鰻魚飯。等左大既十五分鐘左右就送上～ 先講講紫菜鰻魚肉餅飯，入口香脆，肉餅面既紫菜十分香口，配埋鰻魚肉餅，味道出奇地好夾，唔錯～至於榴連肉餅，感覺好清新好特別，唔會好膩，不過個口感我相信就唔係個個都能夠接受喇～Anyway, 都係一間可以encore 既小店~😊

大熱天時，小妹同他竟然咁有恆心走去元朗坑尾村覓食，之前就去過同樣係個邊既華嫂，好彩時間尚早個時唔使把排隊。而今次就去近期幾出名既味道百變肉餅店，屏山老地方。初時小妹並唔知有呢間店既存在，都係得同樣鍾意覓食既報料先知，據聞最出名又特別既係餐牌上無寫出黎既水果肉餅，包括係榴槤、荔枝同芒果味，今次都係為左前者而來的。我地入到元朗再坐輕鐵去坑尾村，一落車轉右行3分鐘就到喇，後黎先知原來我地今次去既呢間店係分店黎，華嫂隔離個間係總店，不過講到位置都係新既呢間比較方便。.十二點幾入到去，坐位唔多，人都唔算多，不過就見到唔少人黎買外賣，叫親都係肉餅，肉餅餐加埋飲品都係四十幾蚊，都唔算貴。.餐牌上既肉餅款式真係好多，好似黑椒香蔥味、咖哩雞肉腸、麻辣牛肉同黑蒜豬手等。仲有埋每日精選，花多眼亂，每款既價錢都會有唔同，唔知邊隻最好味呢?!.除左肉餅之外，仲有自選麵食，一般既公仔麵餐、三文治、烘豬仔都有。一場黎到梗係叫返個隱藏版既水果肉餅，本身想試荔枝同榴槤味，但原來荔枝唔係成日有，而榴槤味肉餅當我地落完單後竟然賣剩一個，可想而知再晏點黎應該就無晒呢個味道。另外再叫個麻辣味肉餅，一人一個可以齊齊分享。.咁熱既

天水圍西鐵行過嚟10分鐘唔算遠,舊舖冇位指左去新鋪唔洗等位又舒服d~好多款...嗌左芒果肉餅&咖哩雞肉腸肉餅...芒果肉餅其實就真係肉餅夾住左塊芒果,甜甜地😅反而咖哩嗰個成塊黃黃地有咖哩粉香又有粟米粒好似仲特別d,不過芒果個肉餅就juicy d,但2塊都煎得香...脆脆地嘅~+$10叫左杯芒果之巔,芒果汁底有少少果肉再撞罐可樂都ok又襯返個肉餅...$10抵試~下次再有機會入嚟會想試下其他嗰d,見到隔離枱都好似唔錯~雖然天水圍係有d遠不過都值得入嚟試吓嘅👍😋

呢到未搬店前來過一次,但果次得早餐,8月終於來到..自己一個專程來試一次,地方大了好多,叫了個蜂蜜薑茶同限量的芒果肉餅飯,薑茶好夠薑味左唔覺蜂蜜味,肉餅由於即煎,等了5個字,外觀唔錯,幾大碟,芒果夾在中間,味又出奇地夾,肉餅底面都有煎香的,飯可自加甜豉油,整體來說唔錯,都幾健康

今日放假難得入黎呢邊, 諗住搵D特色野試下, 突然醒起老地方之前話想試好耐！我地係坑尾村落車,上網睇其實係好快就到, 點知我地睇錯左地圖掉轉左方向行...(*留意返唔係係元朗公路上!!)折騰左一大輪,我地去到已經4點幾, 好彩假期去到都唔係太多人本身一心黎到想試個榴槤肉餅飯！但想叫先知原來已經一早賣哂, 芒果紅茶都係但一埸黎到都想試下生果肉餅, 所以我地就叫左個鮮茄菠蘿腿蓉煎肉餅飯,龍鳳檬樂加個西多士看似好簡單, 但個肉餅的確煎得幾香幾脆, 入面都唔會太乾肉餅唔算厚身, 略嫌入面都唔係幾有菠蘿味, 蕃茄菠蘿果D都較少..但整體以普通煎肉餅黎講還算不錯！同普通茶記既西多差不多, 入面既花生醬份量唔會太少~龍鳳檬樂原來就係入面加左半個到既咸檸檬！*見到個沙嗲牛牛角包賣相都很不錯！下次要黎食埋！仲有早D黎試個榴槤肉餅同芒果紅茶！！>_<