屏山老地方 (Moved) New Location

同朋友再來老地方食飯啦，繼上次食完，想再食多次。 今次我就點左一份辣蝦碎煙肉煎肉餅，朋友就點左一份麻辣牛肉煎肉餅飯，照例都係點左少冰少甜嘅檸檬水啦，其實我都鍾意食酸嘅嘢，切得厚嘅檸檬深得我心。又點多一次蝦食，塊肉餅好有蝦味，肉質適中，肉汁鮮甜，雖然聞起身濃味，但係食起來，味道係清香可口，但係再一次嘗試辣椒都係無咩進步，得個辣味，唔夠香味； 咁朋友點左份麻辣牛肉煎肉餅飯啦，上次食羊肉，肉味好濃香；咁今次嘅牛肉，我都嘗試左一塊，味道濃香得來又可以保持清新嘅感覺，真係很少食到咁樣嘅煎肉餅，成塊肉餅肉質都幾彈下，雖然點左係麻辣嘅，但係都麻辣嘅程度啱啱好唔會掩蓋左牛肉嘅味道。老地方，屬於煎肉餅嘅地方，值得你一試。

今日同朋友去聚會去咗坑尾村一間老地方肉餅店食飯。可能今日係第一日開張，所以唔係好多人去食。 咁我朋友就點咗一份蒙古辣孜然羊肉煎肉餅飯，咁我就點咗一份黃金銀蝦煎肉餅飯。我朋友嗰份蒙古辣孜然羊肉煎肉餅飯個孜然粉好香，個羊肉嘅味道好濃味聞起身好香。我點嗰一份黃金銀蝦煎肉餅飯咧，雖然個味道冇咁濃係清香滴，但係個肉質係非常之好同埋多汁嘅。 我哋都點咗一杯凍檸檬水啦，嗰啲檸檬水都係好清涼飲起身好自然嗰種感覺，而且呢嗰間店呢好有人情味同埋個設計都好貼地鄰居生活嗰種感覺。 肉餅店嘅選擇有好多而且佢仲用咗一滴水果去整一啲食物出嚟我覺得個配搭係非常之好同埋健康嘅。我覺得唯一嘅不足就係話個配料啦，譬如話辣椒啦，因為本人鍾意食辣但係覺得個辣椒醬得個辣味冇乜嘢香味所以我覺得呢一點唔係幾好嘅，希望個辣椒會有啲香味會更加正的。 不過總體嚟講呢佢嗰邊嘅食物非常之好味同埋都幾健康嘅配搭，價錢仲好優惠添，值得一食。

隱世肉餅飯位於屏山揸車入去最方便 可以泊喺對面公廁有個停車場講返主菜 係肉餅飯因為小弟好芝士所以試咗六重芝士煎肉餅飯極好味 芝士溶咗喺塊肉餅上 香但唔漏如果食得落可以試埋蝦堡牛角包 都係名物之一

今日趁住假日，終於可以去遠D，所以決定揸車入去元朗食大家都推薦嘅華嫂冰室。懷住期待嘅心情入到去，泊好晒車，點知…原來星期日係休息嘅…溫馨提示，大家唔好好似我咁笨去到得個吉。超級肚餓嘅我哋唯有即刻上openrice再搵第二受歡迎一間主打肉餅嘅餐廳，原來就喺附近，咁就坐低醫肚啦~~餐廳環境都幾逼下，喺天氣熱到傻嘅環境底下冷氣明顯唔夠凍，即刻就叫杯嘢飲先，喜愛椰味嘅我諗都唔諗就叫咗梛子沙冰。椰子沙冰冇令我失望，椰味十足，忍唔住要飲多幾啖，正好解暑。飲完嘢就開始吃嘢啦，一睇餐牌，真係全部都係肉餅肉餅肉餅。而主食方面就同朋友各自叫咗餐廳推介嘅幾重芝士肉餅飯同蝦餅牛角包。首先哩個幾重芝士肉餅飯，芝士味香濃，可惜世事無十存一美，芝士味太香濃時又會將肉嘅鮮味掩蓋。頭幾啖食都惹味，但同大部份嘅芝士食品一樣，食多幾啖就已經濟到不得了了，連我哩個芝士狂都有點頂唔蒲嘅感覺。接住嘅蝦餅牛角包，蝦餅係炸過的，而牛角包都算係油膩，哩個配搭給人一種too much的感覺，有點後悔叫了這個，尤其喺夏天熱辣辣見到油膩食物已經唔係太開胃，仲有打孖上，汗都快滴出嚟。但係睇得出蝦餅同牛角包都係新鮮即製，我相信，分開食係會好好多

聽就聽得多話好食。。但今次就第一次來試。。兩個人食兩款,皇牌既六重芝士肉餅及榴槤肉餅,好果本身超中意芝士既話你應會好中意。。但我覺得太漏,原本佢既煎肉餅係好香口好脆但有芝士令到肉餅淋左少少。反而榴槤肉餅就喜出望外,估唔到個味咁夾。。好甜好香而肉餅又juicy 。。不過呢兩款要60元。。以食過午餐係肉餅飯來講就算貴啦

Facebook 成日見人post呢間肉餅飯，星期日終於的起心肝去試六重芝士肉餅飯-身為芝士控當然諗都唔洗諗就ORDER呢個啦~well....可能期望過高,以為真係會好芝士...結果芝士好似少左D WOO...冇拉絲既效果,只不過係面加左D creddar cheese中間夾塊三文冶芝士,請問點叫六重芝士啊???收得我60蚊一個飯我期望唔係咁簡單囉,肉餅份量跟本就唔夠食一碟飯,唔知點解我覺得傳統蒸肉餅飯好似jusicy d,唯一值得可取既係佢既肉餅既肉係半肥瘦都叫合格既,可能唔係芝士會好食D掛.......支然粉炸雞肶-我錯了~我唔應該係肉餅飯專門店食炸雞肶,我唔應該以為加左支然粉就會好似重慶燒咁好味~~個雞肶炸到勁DRY乾曾曾....好恐怖,好熱氣啊~~~~~　呢杯野飲係唯一推介既,泰國青寜加SODA好MATCH好清新,酸酸地好開胃肉餅飯呢就overprice ga la, 又唔係好jusicy,好彩有呢支秘製醬油打救,大家食肉餅飯記得落.....so overall I will give an ok to this shop, still room to imporve....

今日熱左好多！同女朋友拍拖..塊食老地方肉餅 舊老地方已經執左！依家得返新鋪對住馬路果間！由於今日假期所以都要等位！大約等左20分鐘左右！入到去一人一個肉餅飯💪 先黎一個六重芝士肉餅飯，食落去好香芝士味！的芝士咬落的可以拉長👍🏻！同埋芝士溶左小小落去肉餅度.. 加埋的飯好夾.. 好好味 而另一個豆豉蒜香雞蓉肉餅飯！一上碟果時已經嗅到陣陣既豆豉香味！開頭以為佢會好咸！但食落完全吾咸！岩岩好！（食呢個肉餅最好吾好落豉油）不過就吾係好食到的蒜香味！不過對比起來本人鍾意食馬拉盞吊片肉餅多！整體黎講係好食既

復活假一早起身特意到屏山吃華嫂，怎料才十一時左右去到已截單，本以爲空歡喜一場，最後竟發現後者比前者好吃十倍的老地方 店內主打煎肉餅飯，幾乎你說得出的配搭都有，有傳統的有創新的，想創新一點可點貼在牆上餐牌那些。個人認為第一次吃還是保守點，於是叫了兩客正常的。 這個是馬拉盞吊片煎肉餅飯，肉餅煎得外脆內腍，裡面的肉汁還非常多，吊片份量亦沒有偷工減料，配搭馬拉盞的鹹香，簡直可以送多兩碗飯。 我點的是六重芝士煎肉餅飯，一上檯已經覺得非常吸引，肉餅厚度如漢堡包，眼看已見不同的芝士夾雜著厚厚的肉餅，怎料一切開簡直不得了！溶化的芝士竟可拉出絲，豐富的肉汁加上芝士，可以說我近來吃過最美味的食物！另外，餐牌上還有個榴連芝士肉餅飯，下次一定要來挑戰這個。 餐飲點了柑桔話梅蜜和咸檸七，話梅蜜確是不錯，柑桔有媽媽在家釀製的味道，咸檸七則正常沒有特別。 吃後與朋友分享才知大家都經常來吃，為何我卻知得這麼遲

華嫂威風八面，未到十二時已截單。然而，你不做生意，人流便到附近其他餐廳找吃的，我想不少食客也因去華嫂不遂而轉到這家屏山老地方。 這店門口有兩邊，但是顧客也是在門外的馬路等位，等位環境一般，顧客要在馬路旁邊食塵。 較早，約十二時到，等了十來分鐘即入座。肉餅是鎮店之寶，當然必須一試。本想吃一個牛角包、一個肉餅飯，但牛角包已賣光，只好一人一個肉餅飯。最特別的是此店的肉餅竟混合水果！不是普通飯店常見的窩蛋、咸魚等等配料。結果點了馬拉盞吊片煎肉餅 大約等了十分鐘，厚厚的肉餅飯便端來了，肉餅外皮煎得金黃香脆，但以匙羹輕輕一按，肉餅又會擠出豐富肉汁。旁邊配的是白飯，以為會枯燥乏味，亦看到旁邊食客加了少許豉油，有樣學樣加少許豉油，以為是什麼秘製甜醬油，原來只是少許鹹味的豉油，毋須加豉油亦得，因肉餅本身做有輕微鹹香，再加上肉餅及肉汁佐飯一流。不像一般肉餅一樣肉團團，這兒的肥瘦均勻。 六重芝士肉餅則較為膩，雖然只是有輕微鹹香，配起本來有點鹹的肉餅亦算是搭調，但又芝士又肉餅的確是較為肥膩，普通食客未必吃得消，下單前需先審慎考慮。 這些榴槤、芒果肉餅，怎樣聽來也比鮮茄麵、餐

行完屏山文物徑，剛好是午饍時間，便來到屏山老地方。我點的是蕃茄肉碎配墨魚丸米粉，有三粒墨魚丸，米粉屬普通貨色，肉碎不多而且碎濕濕。友人點的是豬排印尼撈麵，汁料是少辣，豬肉鬆軟，可惜麵煮得不夠沐身，略硬。兩個主食勻提供生菜，算是不錯的配搭。值得一提是青檸梳打，竟是原罐梳打上枱，檸檬片與冷和糖水另上。

因為男朋友住元朗關係放假有陣時都會係元朗搵食😋今次我地就試左一路都想試既屏山老地方而黎得呢度就梗係食煎肉餅飯啦😆😆我地12點半左右黎到 岩岩好有台 唔洗等裡面環境就一般般 因為始終係村屋格式大家都係食完就走唔會hea好耐其實佢啲肉餅勁多款 黎10次都應該試唔哂稍嫌飯唔夠乾身 （可能本人喜歡吃較硬既飯）

上一次來到屏山老地方已經是半年前的事了，當時有幸吃到每天限量發售的榴槤肉餅。這裡的肉餅都是每天新鮮製造的，一邊吃一邊聽到師傅在廚房裡「啄」肉餅的聲音。我們剛吃完的時候(大概2pm)，伙計跟等位的客人說肉餅已經賣光了，可想而知它的吸引力有多大!這次去了舊店，很幸運的等了幾分鐘就有座位。我們坐在門外近馬路，剛剛被帳篷遮蓋的地方。各式各樣的肉餅花多眼亂；有傳統的梅菜/鹹魚，也有較特別的。而最出名的榴槤和芒果肉餅沒有放在這餐牌內，而是貼在店內的。朋友每次來都吃不到榴槤肉餅，這次也不例外，因為季節的關係，要等到夏天才有。唯有夏天再跟她來碰碰運氣..朋友點的黑白芝麻核桃煎肉餅飯 - 肉餅很厚，外面煎到微脆，配上黑白芝麻很香口。另外的朋友點了薑蔥牛肉煎肉餅飯 - 因為有「牛肉」才點的，但結果薑味太突出，蓋過了肉餅本身的香味，有種「啖啖薑」的感覺，比起其他肉餅較為遜色。我喜歡重口味的所以選了辣的肉餅。外層煎得很香脆，裡面伴有很多煙肉和辣椒碎，很香口但而且不覺得肥膩，但吃不出有菜甫的味道。朋友覺得有點辣但對我來說很perfect。這裡的肉餅有住家飯的感覺，有點像小時候媽媽做的肉丸，能夠感受到師傅的用心製

上次食過雙重芝士煎肉餅飯，今日一心想食榴槤肉煎餅飯，因為上次食唔到，但原來要夏天先有。我地有3個人，叫左3款唔同嘅肉餅飯試下。最驚喜係核桃芝麻煎肉餅， 一送上台就好香芝麻味，肉餅表面煎到脆脆地，入面d肉又唔會太乾，核桃好脆，黑芝麻更香，好似芝麻糊咁 味，但又有肉嘅香味，估唔到哩兩樣食材同肉餅咁夾，另外，肉餅嘅肉調味較輕，所以核桃同芝麻嘅味都無被蓋過，好味。最好味係辣味菜莆煙肉煎肉餅飯，一樣外皮煎到脆，肉質嫩，菜埔爽口，但唔太鹹，至於煙肉味就唔算好出，另外加咗d辣椒少少辣更惹味，越食越想食，另外要推薦佢地鋪嘅辣椒油，應該係自家製，睇上去同出面食魚旦粉嘅辣椒油差唔多，有d渣個陣，一食落就知唔一樣，好香，但唔會太辣，有d瑤柱味，加埋肉餅食送飯一流。另外，薑葱煎牛肉餅飯就薑味太濃，無咩葱，蓋過肉嘅味，婇似食緊燒味飯d薑葱咁，但值得讚嘅係哩個肉餅除煎得香脆，肉汁係3個之中最多，同肉質係最鬆軟彈牙，如果少d薑就更好。另外仲叫咗奶茶，奶茶一般，有d澀。

喺元朗租單車踩入屏山，兜兜轉轉搵到馳名食肉餅飯嘅地方，仲可以俾狗仔坐出面，太好啦！今日人唔算好多，阿姐叫我哋落定單就差唔多，因為所有肉餅飯即叫即煎，係需要啲時間。我成日諗⋯肉餅飯其實可以有幾好食呢？ 咁多人都介紹佢，肉餅其實好難整得難食，佢有咩咁令人驚喜嘅地方呢？得哋三個人叫咗3款唔同嘅肉餅。1. 京蔥薑牛肉肉餅飯 2. 蓮藕章魚肉餅飯3.蒜香辣椒雞粒肉餅飯三個肉餅份量足，飯個份量都好多，肉餅好厚，外面煎得好香入面又鎖住啲肉汁，味道配搭突出，難怪咁多人嚟食，枱面有豉油辣椒油俾你加，佢個辣椒油好香又辣辣地，撈飯一流。我哋三個女仔以為會食唔哂，真係好大份，但因為太好味，所以碟碟清！ 飲咗龍鳳可學同大話七， 兩杯飲品分別係鹹檸可樂同話梅七喜，飲品都份量充足而且一啲都唔hea. 俾杯有鹹檸底嘅冰你，再俾罐汽水，呢餐好滿足！

上星期六相約幾位好友入屏山食好西^0^自從上年四月按此可重溫,第一趟嚐過屏山老地方後便經常心思思去食肉餅飯,今趟已是第三次到訪了!!我們還要試埋華嫂冰室呢^0^今次一行5大2小先到屏山老地方吃肉餅飯,可幸到埗時舊鋪還有吉檯那便不須移往新鋪,其實新鋪就在不遠處步行2min便可到達,新舊店也坐過的我比較喜歡那種老店的感覺而新店較光猛企理,那要看看自己愛那種感覺吧!!這兒的肉餅飯花臣特多,有傳統的梅菜煎肉餅,鹹魚煎肉餅外亦有特色的如七重芝士煎肉餅,辣味欖菜芝士煎肉餅等新奇味道,還有菜牌上沒有的,生果煎肉餅,我便試過榴槤肉餅可按此重溫呢^0^每次來我也飲{大話7}酸甜醒胃最襯較漏的肉餅飯啦~{辣味菜甫煙肉煎餅飯}太美妙了吧!!肉餅鬆軟依然,混入辣菜甫簡直如虎添翼令整個肉餅加上無限意思,愛C它喇!!!最正係附上份量不少的青菜即時健康不少呢~接棒嘅係{芝士七重天肉餅}一口咬下車媽媽真的有點興奮,事關味道極像在吃漢堡包(因為車媽媽不吃午20多年了)真的令我驚喜莫明啊!!最後上檯係{馬拉盞吊片煎肉餅}珠玉在前難免覺得它沒上