峯日式料理

Open Now

Now Closed

《全民造星》我無睇過 但聽講過食店係由其中一位參加者開既但最吸引我既係石燒吉列牛位於裝修以日式工業風為主，食物價錢走平民路線，選材方面絕不馬虎。店內供應的牛肉選用筋多、肉質較腍的美國安格斯牛，大部分食材如蝦、豬、雞均由日本直送，認真高質。1）石燒吉列牛小排$168加配定食另加$45，包括半熟蛋、瀨戶飯、味噌湯。飲品外加+82）石燒吉列牛小排 配 白碗 $168由於2個餐既餸一樣 統一介紹首先 石燒牛炸炸聲好聽到呢～味蕾會興奮牛真心好味既 但份量少左d 唔夠喉呀！朋友食既 瀨戶飯係出色既飯以珍珠米加入飯素同特製醬汁，似足日本風格埋單：$389-#味道7️⃣ / 🔟#賣相7️⃣ / 🔟#環境4️⃣ / 🔟 （熟食市場 地面濕濕 非高級商場 難免遇到小強）#總評可以一試 支持小店-

喺觀塘返實習既好處，就係唔驚冇野好食。放lunch我地幾個喺熟食市場遊蕩咗陣，決定食呢間日本野。冇諗過咁高質，入面既裝潢幾有格調，有種日本地道居酒屋既感覺，重點係唔貴而且唔洗排隊！我食完都唔知點解唔洗排隊😭因爲真係太好食，好高質。每個飯都會跟麵豉湯同芝麻醬沙律，個湯好好飲，唔係hea底無味。牛舌飯大大話話有成5,6塊😭仲要塊塊有厚度架痴線，而且軟度適中重牛味，個飯底淋咗啲照燒牛肉汁，甜甜地連埋啲牛舌食，啖啖肉真係每一啖都係享受嚟。

呢間野好似係全民造星其中一個開既，見佢近近地我就去試下喇，叫左個咖哩雞同吉列豬定食，個雞就麻麻地有d肥，但個豬都唔錯，50有定食算係幾抵，而且佢好似係可以fill飯，所以男人唔驚唔夠飽，但我食就夠哂飽唔洗再fill

本來今日唔係試呢間的。想食的嗰兩間，一間無開，另一間賣曬我想食的嗰個餐。為有揀呢間未食過的，因為佢個鹽燒牛舌餐吸引到我1點左右去到，唔使等位，但入埋我地就full左。見佢咁full就快快落單。點知等到1:25先有得食餓死人全店得兩個店員，一個負責廚房，一個負責樓面。。。我個fd叫左咖哩吉列豬扒。個set有湯，前菜。咖哩同炸物分開上。炸豬仲配左少少椰菜加胡麻汁。我試左一嚿，都幾脆。應該都係即叫即做。咖哩唔辣，但又唔覺得好香咖哩味我叫左牛舌。。。等到我呢。。。薄切，少少鹽調味。有幾嚿燒到脆脆地啲汁滲入啲飯度，好味。我個fd話無乜味，但我覺得咁樣淡淡的就夠喇最衰趕住走，無得慢慢食，慢慢品嚐呢間野食物唔錯，但等得太耐

峯，門口有日式門簾作裝飾，店內座位用嘅都係木枱木凳，感覺簡潔乾淨，一啲都唔嗡耷。鋪面位置不大，某啲位置坐低後可以見到廚房。當日午市時段人流唔多，唔駛等就直接入座。午餐定食有四款，咖哩牛肉、雞塊、豬排和吉列蝦。每部定價為$50，送罐裝汽水，想飲其他飲品（eg凍檸茶）就要加錢啦。咖啡豬排定食一定係首選！豬排夠大塊，切開六份，外表酥脆，炸粉唔算厚，入面塊肉有咬口。而咖哩都不過不失，有啲紅蘿蔔粒。碗飯份量睇落好少，正常女仔食應該啱啱好。溏心蛋蛋黃夠流心，不過食落就無咩味。同行友人有嗌牛肉同炸雞定食，牛肉比較普通，雞塊都夠juicy～以呢個價錢喺觀塘覓食，都算係咁㗎啦！

係官塘其實都比較少做日本定食的餐廳經過見到有人派傳單就決定試吓係熟食市場嘅鋪位黎講都算坐得幾舒服可能因為過咗食晏時間 所以無咩人=咖哩吉列豬扒定食=豬扒分量算多 一個女仔食有啲吃力咖哩同豬扒味道算不錯 隨餐仲有半熟蛋 味噌湯 同汽水味噌湯較淡 但有驚喜嘅係佢竟然加了沙律醬係豬扒嘅伴菜上=鰻魚飯= 鰻魚都幾大條 分量夠多 但燒得唔夠香口同有好多骨跟餐一樣有半熟蛋同味噌湯汽水但如果可以加多樣小食會更好算是平價的日本定食 但驚喜唔大

係大時大節諗住同同事食餐好，呢間搵到新開又近公司，不過係有啲失望。到埗先知得番咖喱系嘅定食，蛋包飯個啲全部無得揀。環境店主盡用地方，坐得幾逼下。隔唔走個陣油煙味，食完返公司要噴除味。一個定食有湯，有飯，成碗咖喱汁另上。我叫嘅係牛，正常，不過不失。有隻溫泉蛋，呢個係幾意外嘅。豬扒，份量黎講係多嘅，同事都食唔哂。雞塊，同事話都幾好味。小驚喜係無之中仲有選擇，有鰻魚飯，不過我地大部分都唔好，有同事轉呢個（價錢係貴小小如果無記錯）。大條嘅，燒出黎都幾好。得番汽水揀，熱飲唔夠杯，不過熱奶茶真係唔得。

1. 石燒牛小排配白飯（$138）(定食升級：前菜、半熟蛋、瀨戶飯、味噌湯＋＄45)外觀已經好吸引，每面大約燒8-10秒，燒至6-7成熟就食得，有芥末、芝麻醬汁、柚子檸醋可點，本身已經好多肉汁😍😍😍不過點芝麻醬汁食就更正🤤🤤🤤入口肉質嫩滑唔會韌👏🏻👏🏻👏🏻彤樂評分：9/102. 石燒吉列牛小排配白飯（$168）(定食升級：前菜、半熟蛋、瀨戶飯、味噌湯＋＄45)外層酥脆，入面肉質依然嫩滑，不過略嫌外皮同肉有啲分離，但都係好吸引😋😋😋彤樂評分：8.5/103. 咖喱吉列蝦蛋包飯（$128）🍳🥘🦐咖喱並唔係日式咖喱嘅偏甜，而係有微辣，用來拌飯就一流，特別鍾意佢地隻蛋🥚唔係流心，但入面加左奶同芝士就好香滑🥛🧀而且吉列蝦真係做到外酥脆內滑🦐推介！🤤彤樂評分：9/104. 咖喱吉列豬扒蛋包飯（$138）🐷🥘🍳佢地每日用肉錘揼鬆豬扒，加上吉列外皮，所以做到外脆內肉質嫩滑😋彤樂評分：8/10

在IG得知這家料理店跟某巨星幫有關，加上友人介紹就來試一試。其實地點不難找，在附近上班一族都知道那兒是熟食市場，不過提醒不熟路的朋友，如果使用地鐵觀塘站出的話，切記從A2出口離開向南洋商業銀行方向，見到藍色天橋就轉左入直行，安盛金融大廈旁邊就是了。咖哩吉列豬排定食：有齊基本的部份，湯、沙律、主角吉列豬排、飯，先說說沙律，一般的菜絲加入日本芝麻沙律油，但動點在於那隻"凍"溫泉蛋，對 !! 是廚師故意做成凍的溫泉蛋，蛋黃仍是流心的，用醬油滷出來的蛋跟茶葉蛋當然不同，不會太咸而且充滿日本醬油味的蛋很彈牙。至於主角豬排呢.....厚度是適中的，略為不夠肉汁，大小還可接受，炸得剛剛好不會過火位變燶，味道OK。咖哩牛小排蛋包飯：飯量十足，大大片苛包蛋煎得剛剛好，中間仍然有蛋黃流動，問過廚師是使用安格斯牛肉，肉質嫩滑JUICE，入口即溶，配以咖哩汁簡直是絕配。日本牛肉薯餅(左)/蟹肉忌廉薯餅(右)：廚師建議先吃牛肉餅，又滑又香的薯蓉包著嫩嫩牛肉，一口咬下去滿滿的肉汁流出來了，非常美味。另外蟹肉忌廉餅裡面混入芝士，不但香口，薯溶裡充滿了忌廉汁，脆脆的外皮兩者夾在一起真是天作之合。飲品：種類算多，推介日

23/10/2018 觀塘的新餐廳真係好多 間唔中就開一兩間見呢排介紹得幾行 就同同事一行4人走去食已經再預早半個鐘出去 去到店仔細細已經坐滿人都差不多等左15mins 先入座 選擇唔多 都係得4款 係門口等時都已經揀好左食吉列豬扒定食🍱汽水🥤就出去自己拎不過等上菜的時間就真係有點耐同事叫左個唐揚炸雞 份量唔係好多 佢見到就話吉列豬扒抵食D個吉列豬扒都炸得幾靚仔同唔會太油個咖哩都好味的 岩岩好配哂個飯 女仔食剛剛好整體來講 以呢個價錢 CP值唔錯不過都係之後等無咁多人先再黎食啦

從傳單姐姐手上接過傳單，就上咗去嘞～兩點嚟到，剛好有位，食到尾都keep住有人嚟。lunch menu主要係揀四款食材選擇，豬、牛、雞、蝦。唐揚雞咖喱定食套餐有：四小件炸雞，一罐汽水、麵豉湯半碗，白飯一碗（可添），咖哩汁半碗及辣味螺肉兩粒。日式嘅碗碟托盤，為呢個唔夠分量嘅定食加咗小小分。但份量唔係重點，試味先！。咖哩汁：唔夠杰，味道同超市買個隻日式咖哩磚煮出嚟差不多！。飯：軟硬度同黏度都ok，但可以熱啲！。湯：健康版。。雞：一口雞，體積細小，味道唔錯，肉嫩，咬開見到有油脂，肉嘅面積好小！————————————————服務：我：有咩汽水？等佢講完有咩揀。我：芬達吖唔該。店：自己出門口個雪櫃攞。店員對每個客人都一視同仁，堅持守護店內食客。佢企喺度吹水都唔會拎比你。自己拎唔係問題，但地方淺窄，就唔係咁想行囉⋯⋯ 搭枱，店員落單唔分A/B兩枱客嘅單，先後次序唔清楚，店員嚟到枱邊問有無叫炸雞？遲落單個食客反應快，搶答成功：有！店員一秒放底轉身就走～～～我當時仲講緊我都係點咗炸雞！搭枱食客聽到我講即時比返我。#只有日式外表，沒有靈魂#唔係無禮貌，但又感受唔到佢嘅禮貌#健康七分飽#沒有掛念#謝謝

又係觀塘開飯團時間，今日黎咗熟食市場諗住食另一間西式人氣店，不過一去到已經打晒蛇餅，前面要等十幾個人，等唔切之下就拉大隊過咗隔離一間食日本野嘅餐廳。七個一枱都好快安排到入座，嗌野食就只有四款可以揀，吉列豬排、吉列蝦、牛肉同唐揚炸雞定食，跟餐有一罐汽水，一律賣50蚊，另外唔夠食可以再添白飯。睇到實物就有少少失望，同枱嗌晒四個款，總結黎講豬排係最抵食，蝦有三隻，雞有四塊，牛就都會一小碟。試埋個味道先下定論，我自己食嘅雞就真係不過不失而已，炸粉唔太厚，雞肉亦算嫩滑，但個日式咖哩就好普通，似平時屋企買咖哩包返黎煮個種，同埋女仔食份量都係岩岩好夠咋，男仔一定唔夠！PS睇返先知原來係「星」開嘅新餐廳，不過我就覺得試過一次就算，性價比唔高，食完都冇好大意欲回頭再食～

朋友告知，全民造星既阿神喺觀塘開左餐廳，喺觀塘返工既我去左試～午市都唔少人，前後食過三次，影左相呢次，同同事一個食牛一個食吉列蝦，不過幾次黎講都算食過哂幾款，縱合一下：定食有湯，有半熟蛋，仲配多罐汽水。吉列豬扒好大塊切條上碟，幾好食，炸粉唔會太厚，肉質係幾好，同埋食完好飽。不過嗰日冇半熟蛋，俾左螺肉。牛肉就有少少乾身，所以覺得稍為遜息。吉列蝦，吉列野都係唔錯，所以蝦都幾好！不過份量黎講得三隻，就少左啲。炸雞，都幾好食，唔係特別好，但都唔會差。咁多野黎講，吉列豬扒係最好食同最托食。上網睇話飯係任添，不過餸既份量黎計，其實只添飯都真係冇咩意思😂反而期待搵次夜晚去食石燒牛！*備註：食過三次，得第一次去見到阿神咋

值得一試的！新店！一次經過熟食市場地下有個幾靚既BANNER, 系咖喱豬扒飯炸蝦蛋包飯咁... 環境+服務：幾靚，餐具都很美木製，比想像中的食肆有心思，餐廳佈置有用心，老闆是個有原則有禮貌的人。餐桌比較大，座位以三位三位為一單位，但其實雙數人客(4,5,6,8人)比較多。對老闆來說，除了貪新鮮來試下新野既人潮太多外，餐桌佈局對令老闆應接不閒。但對客人(即系我地XD)就坐得幾舒服！！！不過張櫈好重XD食物：其實主要集中幾款，豬扒、雞件、牛肉、炸蝦，仲有一堆既蛋包飯款式~第一次試，就系吉列豬扒飯，有個蛋、湯、菜、豬扒、飯、咖喱汁＋送汽水一罐。我地幾位同事一齊去試食，一個食炸蝦，一個食唐揚雞，我食豬扒 豬扒：份量好大份，食落去好似無落味精，豬扒邊位比較乾身，但中間彈牙，豬扒厚度剛好~有質感，肉厚/炸皮薄/肥膩少/GOOD，好似原塊豬扒掉落去炸咁，無乜味，但好處系配上咖喱，味道適中，反而特顯咖喱的味道。無出面食既好熱氣好炸既感覺，反而有種舒適感，配上白飯(珍珠米?)，有種飽腹感不膩。個湯：比意外中有驚喜，飲完唔會口渴，味道清徹，不像外面的味精湯；味道濃，但不口渴。(反而系豬扒食完令人有點口渴，