川味美食

Open Now

Now Closed

我同屋企人都好中意食紅薯粉😋依間川味我哋真係成日食，平時堂食已經知佢勁足料，大大碗，又抵食💪🏼 加埋支豆漿真係絕配😎而我哋今次就買外賣拎返屋企，特登叫佢分湯😛 返到屋企嚇親我地：真係超級超級大碗😱😱😱 睇圖就知道佢嘅有幾誇張😂😂🙈除咗有好多炸醬，我只係叫咗豬大腸同雞絲，已經成個碗滿晒🙈 湯入邊又有好多酸菜，真係見到都流晒口水🤪🤪兩個人食綽綽有餘🧐 下次兩個人外賣一碗，絕對OK😬 會keep住幫襯！

呢間舖細細哋,係正在喺商場入面，就腳又容易搵，有電視睇，唔怕悶。餐廳有透明隔板，做足防疫，衛生唔錯，侍應抹枱亦會抹膠板，都好頻密，感覺良好。店舖食品選擇繁多餸菜可以自己配搭, 可以食薯粉、米線、上海麵底，有辣有唔辣，任君選擇，餸菜都好多款選擇，唔想諗嘅亦都有已配好的餸嘅配搭。叫咗一碗豬頸肉通菜麻酸中辣上海麵 ，一見到碗麵就覺得好大碗，上海麵原係粗麵，份量十足，到最後我都食唔曬，實在太飽，$39蚊一碗咁大碗嘅麵真係好抵食。豬頸肉好入味，通菜剛剛好，唔會太老又唔會太生，配菜好味，酸菜唔會只得個酸字，帶有甜味，酸酸甜甜好開胃。肉碎辣度剛剛好，又入味，成個配搭好滿意，值得一試。

中學的時候經常吃川味美食。近年不住荃灣，吃得比較少。最近不知為何，突然很想吃川味的湯幼薯粉。所以便來了。叫了中辣，加了蘿蔔和豬頸肉。一開始吃薯粉並沒有太多味道(我猜薯粉是煮熟後才加入湯底)，但酸菜和炸醬辣椒充分混合在湯中後，越吃越夠味。蘿蔔軟爛，豬頸肉也不錯。是記憶中的味道。下午茶時段還奉送飲品。真的是平價之選。

一向都係米線控既我 點會錯過抵食又好味既米線 川味一向都係我既上班之選 今次係再度回顧！今次一來到就點左我最愛 腩肉撈幼薯粉 中麻辣 川味用佢哋既秘制醬汁加上麻辣辣椒醬 超級濃香！！ 木薯粉方面 煙韌q彈！ 幼薯粉食落冇咁頂肚！但驚人既係薯粉份量驚人 多到好似食極都食吾完！大食量既你一定吾會錯過！腩肉方面亦都用左佢地既辣醬去醃製而成 十分入味！另外見到餐牌入面既麵底有好多選擇 例如手工拉麵 米線等 更有撈同湯選擇 係$3x幾一面單餸既選擇下 真係好扺 吾好唸住會好高級但絕對對得起個價 下次我會選擇 佢哋既手工拉麵！

晚上9點幾想搵間食店仲肯招呼你都幾難！好彩仲有呢間～～川味美食～～～😘😘但都唔想阻人收工，快快脆脆點餐，簡簡單單點左肥牛+墨魚丸酸辣炸醬米線等餐時再細睇餐牌先發現左2樣野No.1:原來佢有好多間分店，荃灣都有3間😙😙 睇返其他分店地址原來食過，但我完全零 印象😂😂No.2價錢好平😘😘 酸辣炸醬米線$26 肥牛$6 墨魚丸$5 全碗都係$37 真係好低但可惜佢只有豆漿，咁就唔飲啦！🤣🤣好！米線🍜上枱啦！講真味道就~~~都幾普通，實屬大眾口味，但求快！平！正！肥牛ok ,但墨魚丸硬左dd😣😣如果冇咩時間又冇咩要求呢間會幫到你😁😁

川味外觀睇落細細間，不過聽老公講依間店係荃灣已經好多年，而且好多人食過翻尋味由第一次食撈米線我已經覺得好抵，份量好足，基本上唔洗叫配菜都食到飽！今次我就叫咗秘製醬汁撈米線加魚腐 $26+$5秘製醬汁撈米線本身有炸醬、花生等等，所以覺得已經夠食的朋友真係可以淨叫嫁！撈埋一齊好好味，味道上有少少辣好野味！下次有機會一定會再去食吓！！

下午兩點見肚仔餓，諗住睇下荃灣有咩野食，行黎行去，都係去返呢間，其實佢兩點半後係有下午茶有埋野飲送呢間我同我男朋友己經食左無數次 ，有時我中午同夜晚簡簡單單食一餐都好正兩餸一米線$3x幾蚊碗，我叫左腩肉同埋大腸，佢就咁一碗己經有哂其他配料（炸醬、酸菜、牙菜、蔥）湯底用左豬骨湯炮製左成晚好正好濃味呀！加埋罐雀巢檸檬茶一流之選如果鍾意食辣可以食埋佢自家嘅辣椒醬。依家疫情底下，搵得唔夠$$$$$$唯有食下米線慳返餐！

中學成日去食，差唔多每個禮拜都去食😍，陪伴我度過六年時光，係中學回憶，隔咗幾年，味道仍然係當年味道我叫左豬頸肉腩肉大腸(酸辣炸醬)湯米線送黑豆漿，下午茶時段送野飲，著校服全日送野飲 ，怪唔之得中學成日去啦豬頸肉腩肉大腸(酸辣炸醬)湯米線($43)，價錢可接受👌，每個餸$5-6，每個餸份量6-7舊，若果你叫丸類嘅餸有3粒，本身有嘅炸醬都好食，少少辣配米線幾正，”月尾”無錢叫一個餸都夠食，$31左右，豬頸肉腩肉大腸份量多，配米線起正，夾一殊米線，放係匙羹，再放餸，然後一啖食落去，想想都好味，但略嫌湯底有少少油膩，依間分店米線偏軟，其他分店米線偏硬。你可以揀撈米線都得，有秘制醬汁去撈，又係另一番風味⋯⋯

今日同朋友出黎荃灣行街，行行下覺得有D餓，我又想食薯粉，佢就帶左我黎川味食個下午茶啦~平時我都食開湯粉既，但我朋友係咁叫我試下撈，話幾好食架!咁我就試左撈粉啦。食完之後個人都覺得湯粉好食好多!!撈粉真係太乾又無咩味啦~真係唔推薦

平時成日行過見到好多人。今日落雨反而小人可以一試唔怪得知咁多人，原來好平，如果唔加送嘅話30幾蚊就有！唔食得辣但係又想試吓，就叫左最少辣。點知辣到我哋幾個都食得好辛苦 要加$6飲豆漿叫左 大腸 + 通菜！本身湯入面有炸醬 我懷疑係啲炸醬令到碗麵咁辣 好多菜好好呀！！好多大腸 好多米線 $42!!! 雖然辣度有驚喜，但係味道是冇驚喜的好吃 你會估到的酸酸辣辣味

落雨天☔️，唔想落街食，食川味薯粉係一個唔錯既選擇天雨關係，要提前一粒鐘叫多賣，送到上黎就啱啱好。因為份量比較多，我地三個女仔食兩碗都食唔晒，真係好抵食另外我地都叫左兩支黑豆漿，唔會好甜，感覺健康啲

同事帶路下，就黎左呢間舖頭食。午飯時間都唔係好多人排隊，我地三個人等左一陣就入得樓面姐姐響我地等緊果陣，已幫我地落左order，非常貼心。我就點左呢個酸辣炸醬紅薯粉+雞絲+腩肉，好大碗，一上枱果下有少少嚇親。個湯底唔太濃味，飲左都唔覺口乾，略嫌唔夠辣。雞絲似係雞胸黎，岩哂減緊肥既我不過有少少鞋呢，同埋份量太多啦。腩肉都唔太辣，冇乜肥膏，抵讚，唔食得辣既朋友仔都可以試下。紅薯粉煮得好淋，但因為好足料，最後我食剩左半碗紅薯粉，覺得有點浪費呢。加6蚊就有豆漿飲，可以揀白豆漿或黑豆漿，Nice!

川味美食的分店不少 但各個分店的水準都不錯👍🏻👍🏻而這次我在荃灣的分店與友人吃了一個午餐 想推薦一下👍🏻👌🏻川味一向的水準也有一定保證 雖然味道並不算是最出色 但也絕不會失禮🙅‍♂️ 今天點了一個酸辣腩肉米線 味道不錯 酸中帶辣🥵🥵 而且配菜亦很多 如酸菜 芽菜 韮菜都應有盡有川味的米線一向是比較偏向幼身 與其他店不同 但亦有其特別之處 而且它的米線份量十足 對於我這樣的年輕男子來說 的確算是抵食而又飽肚的選擇

呢間係我去開荃灣既飯堂之一！我每次都好掙札叫撈粗好定湯幼好，食湯薯粉一定要配幼，食撈薯粉一定要配粗粉😂呢個係我多年既習慣，而且我仲好鐘意叫佢兩份墨魚丸😂豬頸肉😍

今次啱啱經過荃灣，食咗依間川味粉麵。川味係我中學時代成日食，因為真係抵食飽肚嘅頹食。中學果時成日都十幾二十個同學一齊訂川味，因為學生好似平少少。.無食過一年，今次食番，唔知味道如何，係唔係當年咁多餸大碗呢？😂😂.店入面嘅環境唔算大，多數係四人位同二人位。仲有個大冰箱放咗啲加錢嘅汽水。而店舖衛生都算清潔🧹乾淨。點咗個上湯炸醬河粉$25。加腩肉$5，同海帶$5。叫咗少辣。😁河粉份量係超多，而且唔容易碎，好容易夾到。浸落去啲少少肥肉嘅炸醬湯底好入味。而個腩肉少肥肉，啱晒我食，不但腩肉太過硬，好難咀嚼，要花少少時間去嚼。而海帶有成五至六（大條），而每條（大條）可以分開兩條（細條），海帶唔腥而爽脆。👍🏻麵粉同用料唔叫超高質，但依個價錢，要食得飽用料多算係不錯，頹食之選🤣🤣🤣。