川味美食

Open Now

Now Closed

平霸！原本$20碗撈粗已經覺得好平，意外地下午茶時段2:30~5:30仲要送一餸或飲品，價值$5~6，而且學生着校服全日都享有呢個優惠，真係老麥都食唔到。有三四間分店喺荃灣，所以身為荃灣友已經幫襯過好多次，撈粗、撈幼、撈米線、湯粗都食過，最愛撈粗，最食到薯粉煙韌的特質，但真係要特別細心咀嚼，否則好易會疑似哽死自己習慣唔加餸，因為淨撈底已經食唔哂，而且本身淨撈底已經有炸醬、脆花生、芽菜同芫茜，層次已經幾豐富，之前試過加丸類，兩粒丸就咁烚熟放上面，同碗粉格格不入。叫咗小辣，但已經流哂鼻。廚房調整辣度都係加羹辣油渣，而其實枱面都有盅辣油，下次可以自己落。唔加餸就選咗送嘢飲，有$5鑵裝汽水或$6膠樽裝白/黑豆漿。奇怪招紙上黑豆漿不是指用黑豆，而是黑芝麻味豆漿，但完全無芝麻味。

一向都有幫襯川味米線。今日路經呢間分店，雖然平日都係幫襯其他分店，但都一試。當日顧客不多，只有3位食客。當我向一位阿姐重覆2次自己食咩兼指住餐牌食咩時，呢位好惡既阿姐超惡咁問返我食咩。我話講咗幾次了。佢當然不覺自己有問題，仲無禮地話要講埋幾多號呀? 同佢理論時佢仲話你咪唔好食囉。 一大清早食個粉姐，都要受氣。真心覺得呢位員工差勁的態度好影響食客的心中分數。老闆可嘗試教育員工，我沒有期待5星期服務，但也不應令顧客無端受氣，留給人負面印象。

放假就是食食食，第一次在此店吃，叫了一碗 酸辣炸醬紅薯幼粉加翼尖共30大元。店員介紹紅薯粉有粗的，但紅薯幼粉麵質較滑，所以我最終選擇少酸辣幼粉。有炸醬，生菜，酸菜，蔥花及芫荽做陪襯，酸菜不是酸，是甜的，幼薯粉真的好滑，湯底有蘿蔔味， 可能我叫少酸辣，真的好少酸辣，所以加了枱上已放置的黃辣醬。這樽辣醬不得不提，好正，有酸辣味道，都好辣的，你們下次不妨一試。

講起平價嘅米線，我會諗起呢間！我叫左個酸辣米線加雞翼尖，腩肉同豆卜，仲加左枝黑豆漿。呢間嘅米線好大碗，無論男定女，食完都會好飽。而米線嘅酸同辣配合得好好。雞翼尖就係鹵水嘅，而最鐘意就係腩肉，大大塊，啖啖肉！而豆卜就份量好多，食得好滿足。

今日同同事一齊叫川味，事關佢地成日食，我一次都未食過，反正冇帶住家飯，心思思就聊佢地一齊食啦天氣咁熱唔想叫湯粉，就叫左秘製醬汁撈紅薯幼粉。一打開，嘩！想點！多都咁既...其實我一開始覺得我會食唔晒，但真係好好食，個粉好煙un，配個汁好香口黎個近鏡先佢d 料好足，我叫左雞絲同通菜雞絲鞋口左d, 不過撈埋黎食好惹味d 菜超多，本身粉既配料都唔少花生香脆，成件事更加畫龍點睛咁今次第一次食川味夠晒飽肚(零食怪既我無時無刻都會口痕，但神奇地食完碗粉冇食立雜野Xd)

blog小連友介紹呢間川味美食有粗薯粉食我看完後便默默記在心中這個星期天終去一嚐位於荃昌中心都幾吊腳不過荃灣長大的我很易便找到~見菜牌介紹才知原來要5個大蕃薯才做成1斤紅薯粉~ 分別有豬骨湯及川味辣湯另外還有祕制撈粉可選之後再揀自己喜歡的餸料自由度很大~我要祕制醬汁撈粗薯粉$20加豬大腸$5和魚腐$4 total=$29撈薯粉已有炸醬,花生,芽菜等配菜,可自選辣度這次要中辣可惜未夠刺激見放在檯上有盅海南島黃辣醬啱晒加入後即時加分十倍,豬腸炆得淋身夠入味魚腐就麻麻哋不是我想吃軟身的那款有點像魚片頭,粗薯粉煙韌有嚼頭撈埋祕制醬汁同吃真的夠晒滋味值得專程去試~ 車爸爸唔辣得叫咗上湯炸醬幼薯粉$21+腩肉$4牛栢葉$5=$30 幼薯粉呈扭紋狀湯底都算好味腩肉味道不錯但切得太薄咬口一般,牛栢葉唔韌已OK而幼薯粉我就從來都不太愛一堆野般放入口不過車爸爸又頗鍾意噃!!飲品各加$5我梗係要精神支柱啦,車爸爸要黑豆漿試了一口都豆味香濃不錯~

麻辣粗薯粉 - 川味美食愛吃薯粉，特別是粗薯粉，在香港要找到粗薯粉吃已難，美味的更是不易，荃灣昌寧川味是我倆愛吃之一。睇餐牌先知原來川味在荃灣有三間分店，認真巴閉。主打麻辣及紅薯粉，亦有米線麵河粉等供應。薯粉灼得煙韌恰到好處，分辣同麻辣兩種口味，點了麻少辣，辣料肉醬掛於粉上已吃得我倆汗如泉湧，鼻涕長流，餸選擇多，仲要份量不少，$33已有三餸，正！p.s. 見坐在我倆對面的哥仔點了大辣，仲要唔飲野，睇佢食完竟然連汗都無滴......，神人也！

我認識到這間食店，其實是朋友介紹的，朋友有次告訴我她吃到了一碗驚為天人的紅薯粉，心裡知道我特別愛紅薯­粉，沒想到在荃灣有分店，所以就把我帶來了。抱著極大期望的我，沒想到也一點不失望。首先，這裡的紅薯粉份­量十足，亦有不同款式供選擇。我最愛的當然是酸辣湯紅薯粉，配料有酸菜和炸醬，湯底酸辣度適中，容易入口卻又很香，已加一分。紅薯粉嚼勁­十足，彈牙又夠滑，確實是跟普通的米線店略勝一籌。配料新鮮，價錢夠平民，確實是良心好店。朋友選了秘製醬­汁撈紅薯粉，她說最初以為會淡而無味，怎料秘製醬汁味道一流，而夏天吃撈粉會比較舒服，而她選的是紅薯粗粉­，質感也很Q，確實沒有介紹錯呢！這裡無論下午還是晚上都坐滿客人，雖然座位比較擠迫但值得一迫呢！

平時唔多係川味堂食，因為唔想搭枱，川味都算食左唔短時間，一直都好中意食涼拌幼薯粉，夠彈牙，而且涼拌冇湯，非常方便帶走，今日再食，堂食又係人山人海，所以我都係落單拎走，點知唔記得叫中辣！問個阿姐可唔可以加番，但碗野都差不多到手，阿姐機智地攞左個袋仔裝番個中辣既料俾我非常窩心至於料方面，次次都一定要豬頸肉，因為真係好好食

因工作關係，近排去荃灣比較密，再嚐「川味」，事隔上一篇食評無耐，何以發覺湯底好似淡咗，同埋＂酸辣＂得酸無乜辣？攪乜？失望！ （因無預會再寫食評，所以無影相）湯底好緊要，希望偶有失手吧！粉都係個D粉！餸都係個D餸！貢丸依然好味，雞翼一般，牛柏葉都多，但比較韌！# 環境方面好似加咗好多射燈，地方細細，堂食感覺比較熱！坐對面個男仔食到漂曬汗！唔！自已食完都即閃了！

荃灣「川味」很多年了，以前食過其他分店，確實真係E間係最好食！👍間中也會幫襯，每次食都好滿意！平時也很多人！以前試過某星期六，未夠6點已勁多人！今天叫咗：「貢丸、雞絲酸辣紅薯幼粉」！配料有炸醬，酸菜，蔥花，芫茜。紅薯幼粉煙煙韌韌，滑溜溜，十分有咬口, 份量十足！唔知點解E度既貢丸特別好味！貢丸內有菇，又彈牙！！雞絲鞋身但嗦哂D濃濃的湯！都好正！（平時我喜歡食麻辣，但E度的酸辣湯底，酸酸辣辣，令人一試再回味！）總括：水準非常好。價錢平、份量多很抵食！推介！

川味係荃灣黎講，不過呢間唔知點解係好食D同平價D!!!本人都好鍾意食D小食，如果係比較熟悉荃灣的朋友，都知道荃豐果頭都係撈麵多，因為唔想成日都食呢樣野，所以今次又去食返川味。食左川味都好多年，以前多數都係食無湯撈，因為我唔鍾意太熱同成日覺得有湯好難食，但係最近唔知點解好鍾意佢酸辣湯加炸醬GA味成個湯底都好好味，有埋蔥同炸醬真係一流...通常我食既話，都會叫2-3個配料，多數都係腩肉，豬頸肉，生根今次食返，可能係好耐無去，感覺上成碗都好大碗D豬頸肉同腩肉食極都有，而且兩款肉都好軟，好易咬口，食肉最好不過就係易入口，個生根都係基本之作，普普通通最愛既係粉條，又彈牙又易入口又唔會易斷，連埋個湯真係好好味加埋成樽$5的豆漿，荃灣另一間$6的!!!!!!!!!!!!!!!!!!!!!!!!!!!!!!又飽又好食!!!!!服務感態度好好，叫佢加炸醬又肯加加汁又肯加川味絕對係唔知食咩時，最好的過口癮選擇!!!

很久沒有寫食評了...星期五的晚上，一個人的外賣二話不說就想到了這裡儘管中醫勸我不能吃辛辣濃味的食物，還是要豁出去了每次來的例牌也是腩肉撈紅薯粉（幼粉）今天也不例外，要了不辣，多炸醬回到家，滿滿一碗外賣，便宜卻很足料很入味的腩肉，很惹味的炸醬，配合軟軟的紅薯粉，每一條粉也沾到配料的味道就這樣慰勞了一天辛勤的工作，滿足p.s.竟然忘記拍照片了......

之前在荃灣工作時，常常到此處食粗薯粉，現在轉了工，對它的粗薯粉仍舊懷念，現在工作地方雖有薯粉食，但仍不及這裡！今天剛巧有事到荃灣﹐便叫了外賣，質數仍然超好，因此也引不住要來給它一個正字！！剛才提到，今次是外賣關係，粗薯粉是焗了半小時才食的，以為食時會較堂食時沒有太多嘴嚼感，但最估不到是嘴嚼感仍然存在，而且粗薯粉被酸辣浸了較長時間的關係，更加入味！較堂食時更好味，配上了此店的自制炸醬及我今次叫的貢丸(超彈口)，一碗20多元的粗薯粉比教其他麵店真的值得多來幾次！

去荃灣想平平地咁食一餐真係有好多選擇，去到川味既門口，二話不說，重溫往日＜酸辣＞夢，叫左個酸辣粗薯粉，配腩肉同豬頸肉，少辣等左５分鐘就上菜，快！！！眼見ｄ豬頸肉同腩肉份量都不少，開心飲左啖湯，酸味依然，係呢個炎炎夏日，增添了我不少胃口，但唔知係咪叫左少辣呢！無咩辣味，食係上黎無咁過癮，薯粉仍然是我最愛的薯粉，又Ｑ又彈牙又健康，仲要份量十足如果要挑剔的話，覺得腩肉唔夠肥，似瘦肉多Ｄ，不過我叫左個豬頸肉搭救，所以無扣過分，一啖一滿足咁食！份量夠，酸味夠，再配罐可口可樂！大滿足