川味軒

Open Now

Now Closed

好鍾意食呢間嘅薯粉，湯底酸酸地又有啲肉醬中和返，好耐無食，味道依然無變，但就貴左好多，加到成21蚊一碗，今次同家人分別加左貢丸蘿蔔金菇同冬菇，菇類ok嘅，但貢丸咬開係無味，唔明點做到，蘿蔔夠林但都係無味嘅，唔加好過加。

食過唔同川味既分店, 個人認為呢間份量略少同調味得唔夠入味, 只能講係不過不失我個人係偏愛食川味既撈米線, 可惜如果拎呢間一碗米線同其他川味既店舖比, 份量差唔多少成一半。另外, 如果用川味米線入面泥講, 呢間分店係屬於我心目中排名比較差既一間, 同荃灣總店個間比起上泥差左成截。不過唯一既優點就係仲保持到川味獨有既個仲口味, 而如果要選擇一款我最喜愛既食法泥講, 最鐘意就係撈米線配生菜同豬頸肉。期待日後可以再調整份量同改善好味道。

幾次打去叫外賣，聽電話果個男人（應該係老細）同個女人，態度都勁差，感覺唔休做，就算d野食叫好味，但今時今日甘既服務態度真係唔得😒比錢仲要受氣再唔改下服務態度，真係遲早幾好食都無人會幫襯！！

以前喺天水圍住，已經經常幫襯，宜家搬咗，定時定候都會想起想食，而且價錢都算合理，今日要做嘢，失咗預算，搞到時間只容許食咗早餐，之後做完嘢，超肚餓！第一時間諗到去幫襯碗酸辣粉。我例牌會叫“撈粗 + 加底 + 加腩肉／豬肚／豬頸肉 & 走辣”！以前我會要小辣，唔知咩理由，宜家叫BB都頂唔順，次次食到身水身汗，為免影響我享受美食，都係揀走辣，而酸呢......枱面有樽醋，因應自己口味，可自行加多加小！無湯熱拌紅薯寬粉本身已經有炸醬、芽菜、花生、蔥花及芫茜，所以我每次只需加多一款配料，碗粉已經好豐富，加埋底，就十分滿足！我試過見一個學生，酸辣粉加底，再加3款配料，最後都再要叫多一碗加2款配料，胃口未足！我都有幫襯過其他酸辣粉，味道、價錢都係至愛呢間，值得推薦及再幫襯！

在新北江，原來很多餐廳在晚上也要40多元，有些什至50元。實在覺得有點貴，所以猶豫了很久買什麼。此時，給我發現了這間紅薯粉。我對紅薯粉很有好感，看見價錢只是22元一碗，便馬上買來試食。它有不同的粉類，有河粉，米線，紅薯寛粉，紅薯粉條。而我選擇了紅薯粉條。我沒有加餸，但叫了多酸。回到公司，一打開，賣相十分不吸引，心想，今次大獲了。不過當我嚐了幾口，味道超級好味! 它的酸菜很酸，不會太鹹，咬起來勁爽，味道很惹味，口感好到不行。而薯粉還可以，正常味道。可能因為我叫了多酸，它的湯好濃郁，亦很夠酸味! 我真的很喜歡吃酸，所以超合我口味!雖然賣相很醜，但是吃起來超好味的!

今日同友人去左天水圍新北江商場行街街shopping ，2條友行到攰個肚又開始咕咕聲，於是决定去揾野食，行行下見到呢間有好多人食緊，於是我同友人决定坐低食！見到餐牌有我最爱的酸辣炸醬红薯粉，我就立刻叫侍應落單，由於我朋友唔食得辣，所以佢就叫左個炸醬米線加魚皮餃(走辣)！個炸醬米線好好食，D米線索晒D湯底好惹味好好食，而且米線淥得刚刚好，唔会太硬又唔会太淋，軟硬適中， 煙煙韌韌好有咬口，再配埋D炸醬食真是绝配，仲有加左魚皮餃仲更加好食，魚皮餃咬落好新鮮好好味至於我的酸辣炸醬红薯粉(中辣)就更加正喇，酸酸辣辣超惹味，真是好食到停唔到口，紅薯粉食落好滑好弹牙，再配埋D辣炸醬同埋芫荽，簡直係絕配！最後飲埋罐冰凍檸檬茶真是正到痺，超級透心涼

川味軒是我中學的回憶，當時學校不讓叫外賣，我們總會悄悄的叫川味軒😂😂這家店又以前都現在，大部分時份都大排長龍，特別多中學生光顧，原因大概就是這家店便宜又好吃吧。這日跟媽媽來吃，叫了2個淨幼薯粉，我比較喜歡吃幼薯粉，覺得比較好咬。然後點了兩個小吃麻辣豬肚，豬肚切得很幼，感覺更加入味了麻辣腩肉，這個好像也不太像腩肉。不過是挺好吃的兩份小吃都是$20元左右，而且很大份。賣單不過$100，十分抵食吧！

今日好想😋😋食酸辣粉，🤗🤗去完郵局順便買酸辣粉返屋企食。豬肚腩肉海帶雞翼尖酸辣細薯粉（中辣）🙈🙈佢啲份量唔多🤦🏻‍♀️，好似隔離麗x酸辣粉好D。我記得好似係＄45🤔🤔🤔。豬肚腩肉唔係一大件嘅，好似係籮底橙嘅感覺，碎濕濕？比我嘅感覺係偷工減料，整到好細件，鋪係個面上面，睇落去好似好多咁🤔🤔🤔。海帶佢個海帶唔糸一條條個隻，系蝴蝶結，就好似喺大陸食麻辣燙嘅海帶。唔係好爽口，偏淋，雖然係咁，反而軟身好食啲。雞翼尖有少少臭雪藏味，唔夠味。🤦🏻‍♀️🤦🏻‍♀️🙅🏻🙅🏻🙅🏻細薯粉細薯粉都okay，不過就係中辣唔似中辣，唔夠辣。

平時新北江一排都好多野食揀不過耐唔耐都要去食下紅薯粉吊下癮一入去老闆已經係咁叫我坐低入面外賣電話都響唔停~除左湯粉仲可以揀撈粉仲有好多配料可以加~我就叫左個酸辣紅藉粉　再加多個皮蛋豬頸肉真係好好食！咬落去唔會淡味　而且好咬口　又唔會比得個幾舊你～好香　啲面好淋練牙力既面～不過個魚餅就。。。有啲HEA因為似打邊爐啲魚蛋咁 (的確係佢入面配料都有花生　肉碎　芽菜等等唔加料都已經夠食～飲一飲個湯　個酸真係好正 我叫左小辣 真係唔算辣 我諗下次可以試下中辣!份量都算多 因為我已經叫左少粉但都係食唔晒個皮蛋都好好食好香 而且下面有啲(辣油)?食落去辣辣地咁 不過我一個都食唔到咁多啦~

今日行經新北江買野，順到諗住食吓薯粉，初初落單店員好有禮貌，我叫咗一碗幼薯粉加2個餸，再加一碟小麻辣青瓜。碟青瓜好快到咗，點知食到一半，碗薯粉仲未泥，就係呢個時候，比我見到嗰店員呀姐發現自己比錯我嗰碗薯粉比隔離枱既客人，碗薯粉當時已經放低咗係嗰位人客枱面幾分鐘，仲要嗰位客人已經用筷子撈過碗野，嗰呀姐就咁拎返嗰碗比另一位客人撈過既嗰碗湯薯粉放係我面前。我當時已經明言我唔會食呢碗野。就係呢個時候，呢間野既老闆好惡，一點禮貌都冇同我講，呢碗野係比人用筷子撈過，但冇食過，係你嫁啦…我心諗，咁做生意都得既，雖然果位客人話冇食過，但放咗係人地枱都有幾分鐘時間，加上人地用筷子撈過，我點知係咪真係冇食過。我要求換新既都好正常啦，唔換不得止，仲要咁冇禮貌同我講，係你嫁啦…我相信任何一個人比你見到自己碗野比人撈過，又放咗係人地張枱咁耐，再比返你，你都唔會夠膽食。講真，我都有幫襯開呢間野，其實都知唔應該有過份既要求。但最基本，我黎食野，只係要一碗屬於我叫既薯粉姐，你係我睇唔到既情況下撈咗，我冇野講，但全程比我見到係果店員呀姐自己攪錯咗在先，但果老闆仲要聲大大話返我轉頭。咁既服務態度，真係唔得囉最後，我望住碗

新北江有好多食肆，上到去lunch hour 排鋪都堆滿人。因為太耐冇食薯粉既關係，就簡左食川味軒，聽人講呢到d服務態度好差，但我呢次食又唔覺，可能唔同人掛🤔我地兩個人一人叫左一碗，一個係湯薯粉，另一個係撈薯粉。我食既係：無湯熱伴紅薯粉條+滷水蛋 小辣 $25 呢款薯粉係幼身既，好煙un，另外本身個薯粉都有d配菜：炸花生、炸醬、蔥、芽菜、莞茜。所以其實唔加餸都唔會好齋，而且口感同味道都好豐富。另外，佢雖然係撈薯粉，但唔會乾爭爭咁，而係有d汁。朋友食：酸辣炸醬紅薯粉條+滷水蛋 中辣 $26其實係我個個既湯版😂不過湯既味道冇撈咁濃同辣，所以我覺得撈好食d。二十幾蚊食碗面都抵既，份量可以，而且味道都唔錯。但係因為係細鋪，坐得唔舒服，都係快快食完快快走😂😂

.............酸辣湯米線 $22 👍👍👍(5分滿分).............自從無左屋企嫁村巴後 好耐兼極小去#新北江 食飯🙈其實天水圍勁大 由南去北要一段時間 我都懶得塔車去食😂因為新北江 都係頹頹地既食物🙈👉上一次食係第一次食 也是二年前的事🙈每次經過見到都有人等位👉地方極度淺陋😂😂食得辛苦嫁 不過夠平👉22蚊 #酸辣#米線 / #紅薯粉 /#河粉 但無飲品🙈 可配#熱湯 / #熱拌👉👉留意： 熱拌比熱湯 多了#花生 😍👉第一次食個陣足料好多 大碗好多 仲平d😊今次食 乜都小晒 唉 二個字吾洗就食完 證明幾細碗😱👉不過湯底ok 但下次我會行前幾間 比多幾蚊要個飽肚的#酸辣米線 

因為有親戚來，所以就決定咗加送，去咗新開嘅分店，係我屋企樓下買咗盒口水雞同埋豬耳。我舅母食咗一啖就即刻話佢好正宗嘅四川風味，因為佢係四川人。我食一啖之後都覺得好好味，佢啲辣嘅味道入左我個口入面，齒頰留香，啲雞肉都好好滑，但啲骨略嫌多咗，份量都唔算話好多。另外啲豬耳就同另外啲餐廳食嘅差唔多，都係好爽，但係佢呢一間嘅汁就比較做得出色同埋正宗

見到人不多，就食呢間啦，份量不多，女仔食其實勉強夠，男仔應該要食2碗先得配菜無乜，有幾條芽菜，味道靠調味料，不是在配菜上但酸度合適，呢度無檸茶飲，所以不會太OVER薯粉夠彈牙，夠入味，因為其形狀能勾得住湯汁海帶同平時食開既無咩分別，只係湯汁帶起味道因為呢度飲品無咩選擇，所以飲品都係要去第2度買

不時放學後也會到北江搵食，食個下午茶放鬆下。北江食肆近年多了不少新食店，有譚仔，韓國野，芝士麵。但我唯愛川味閣的紅薯粉，為的就是那辣辣的湯底及酸溜溜的醋。不過價錢一年比一年增長，由十多塊的一碗粉變了二十多塊錢。點了腩肉薯粉$22因為腩肉餸加$5=$27不知何解每次到來只會點腩肉這道餸，可能是因為腩肉大件又夠辣吧！腩肉的鹵汁味加上麻辣味很岩和紅薯粉並在一塊。腩肉不會太柴太乾口，還會帶出少許肉汁。中辣加醋這樣的紅薯粉是最惹味的。走青是必做的，因為我不愛蔥，芫荽在粉內。友人的是大腸，海帶，幼薯粉$30幼薯粉驟眼看份量會比較多，因為幼幼的粉卷在一起，我覺得幼薯粉的咬口不錯，滑溜的粉比起粗薯粉咬勁則較小。大腸清洗乾淨，鹵水味也不錯，海帶大件兼爽口。評分：8/10下午茶最好的選擇，吃了多次也不厭，薯粉好像不會肥。