川品雲南米線

Open Now

Now Closed

今日過來大角咀😅見好耐無食, 又過來食一下, 今日叫左個酸菜魚🐟微辣米線, 等左一陣送來, 份量一般, 都唔係特別多😛, 入面有d萵筍又有d豆卜, 有d芫茜蔥, 來左飲啖湯先, 唔係好辣唔係好酸, 味道也唔錯, 米線煮得剛剛好👍唔會好淋😋浸左d湯更加好味道😊 入面d魚片都比好多塊, 切到薄薄, 食落彈牙爽脆👍👍而且依度煮的湯底, 湯底唔會好肥好油😆😆都算係敢, 60元一碗😜價錢都可以接受😚不過食完都幾口渴🤣🤣

今日約咗朋友行山 ,行山前一齊食lunch . 呢間餐廳專門食米線 , 長期有好多人排隊 . 所以一定要有心理準備唔好諗住去到即刻有位 湯底有辣有唔辣 , 甚至有微辣 . 米線軟硬度適中 ,鮮腐皮煮得恰到好處唔會爛曬 .白蘿蔔一定要試，超級好味，完全冇揸 ,索曬啲湯汁入去，好好味。 腩肉亦都非常入味. 酸辣湯底 非常開胃唔會好油膩。 我哋嗌咗個前菜 ,蒜泥白肉 ,肥瘦均勻 薄切 個醬汁做得非常出色 。今日我哋等咗30分鐘,不過真係值得😋 暫時係我食過最好味嘅米線

鍾意食米線嘅人類 我唔容許你地唔知呢一間米線😂第一次朋友帶我嚟食個陣覺得應該都只係平平無奇嘅粉麵檔，點知一食愛上咗😂豬頸肉米線+魚皮頭+枝竹 沙嗲湯底($70)豬扒米線 蕃茄湯底(少辣) ($52)豬扒、豬頸肉必試❗️❗️本身豬扒同豬頸肉醃得啱啱好，雖然係煎但唔知點解係會食到人地好似泰國餐廳嗰種炭燒嘅香味。而煎得嚟又唔會好乾身，都仲係好juicy，最癲係即使浸晒落d湯到個皮都仲係脆嘅，究竟係點做到😂而本身米線唔會話煮得好腍，係熟得嚟有口感。本身湯底都有好多選擇，有麻辣湯、胡椒豬肚湯、蕃茄湯、沙嗲湯底。呢幾隻湯底都試過，味道好好濃郁。真係米線界世一🤍

📍川品雲南米線（大角咀）呢間係曾經入選米線關注群組既十大好食店🩷豬頸肉米線（+$9芝士腸 $9蘿蔔 酸麻辣湯 微辣）🩷豬頸肉米線（+$9麻辣鴨血 $9脆貢菜 麻辣胡椒湯 小小辣）平時唔食米線既男朋友都話呢個米線既質地好食 軟糯又彈吓彈吓🤣豬頸肉好好食 外脆內軟～如果佢係另上就100分 浸着湯一陣始終會淋啲🙉 蘿蔔清甜冇渣❤️ 芝士腸普通～麻辣鴨血冇內臟味～ 脆貢菜係貪得意未食過叫 個口感係有似豆角mix菜咁🤣🤣個湯底係濃郁 我叫既麻辣胡椒湯 胡椒味好重 有愈食愈辣既感覺🥴 枱面有紙巾好貼心🩵

都好耐無過來吃, 敢啱過來奥海城個頭, 敢不如過來食一下, 要左通菜鴨血鹹蛋流心丸加韭菜餃, 轉左要薯粉同要少辣, 都已經晚上8点多, 但依然好多客人😀等左一陣碗粉送到, 份量唔少, 賣相吸引😋飲啖湯先😆少辣好似辣左d😄食啖薯粉先,浸左d湯勁熱😂 不過煮得剛剛好, 鴨血有三件, 都幾好食, 唔會食到有陣腥味😅通菜也比得幾多, 條條都好幼嫩, 食落唔會好老🤩👍鹹蛋流心丸, 咬一啖流心爆出來😆食到有d咸蛋黃味😁韭菜餃食落正常味道, 入面都好多韭菜, 但唔夠香😄食得好滿足, 不過有d口渴😅😅

見人話大角咀要食嘅米線就係呢一間川品咁我今日就嚟咗試～下午茶時間去到都坐咗一半人舖頭用QR code落單唔錯！第一次食唔知食咩好本身見人哋啲相好似話豬頸肉好出名？但係淨係見到雙拼肉裏便可以揀豬頸肉，如果普通食雲南米線就冇得加豬頸肉🤔所以我最尾就叫咗蘿蔔，豬大腸同埋鴨血然後揀咗酸辣湯嘅中辣再配凍檸檬茶少冰少甜！碗麵嚟到都幾大兜👀配料嚟講芽菜份量超級多唔錯！但係我叫咗中辣又未至於好似譚仔嘅中辣，我覺得湯底偏鹹食完有啲口渴～不過欣賞佢豬大腸超級多！反而鴨血就好少不過最大問題係我叫咗三個餸，竟然可以比小左蘿蔔！！？不過即時同咗店員講佢都好快即刻煮俾咗我另外檸檬茶都不過不失，個茶底幾好飲！員工態度都OK ！不過就冇想像中咁好食，可能太大期望？

呢間米線裝修簡單，枱與枱之間有啲窄，冷氣太大再加上風扇，見左場3位女士比較辛苦，QR code自行落單，除咗匙羹放米線入面其他餐具自己櫃桶拎腩肉，嫩雞肉，麻辣中小辣，腩肉覺得肥肉過多，雞肉正常，辣度唔算太辣炸醬，滑牛肉，酸麻辣中辣，炸醬份量少放左落碗到，冇得另上，牛肉份量可以呢間好多食評話好所以黎朝聖下，當日非常期待，但係覺得 好一般，兩碗米線外觀睇落去非常吸引，但係食落去湯底好普通，唔會特別過黎呢度食，因為週圍都有呢隻味道，提早過黎食晚餐未夠六點到，以為自己食緊下午茶，米線份量非常之少，女士都未必夠何況男士，食完返屋企要再食公仔麵😱未試過一間米線咁少份量，但係收緊晚餐價錢，兩杯飲品非常唔得，凍檸茶好苦(我冇叫少甜，係正常黎嘅)，奶茶好淡睇顏色都知唔對路，所以總結試過一次就夠

成日聽朋友講大角咀有間好好食既米線，今日慕名而黎，我品嚐左佢地既豬頸肉米線，揀左酸辣小辣整體賣相都好正。餐廳的環境簡約而舒適，唔會好迫，令人感覺自在。當米線到個陣，熱氣騰騰，酸辣香味撲鼻而黎。米線的口感滑順，吸收了湯底的精華，酸酸辣辣。豬頸肉切片厚實，肉質鮮嫩，油脂適中，咬落去個陣肉汁四溢，仲有脆口，令人驚喜。小辣的酸辣湯底，酸味同辣味相互交融，令人一口接一口，真係欲罷不能。搞到叫左罐可樂總體來說，川品既豬頸肉米線是米線愛好者既必試之選！

人氣雲南米線🔥🔥🥘🍜米線關注群組推介豬扒白蘿蔔米線🍜🥩🐷蘿蔔勁入味， 豬扒易入口， 米線偏淋麻川口水雞米線🍜🍗雞夠入味，也不會太辣人氣小食👍酥炸墨魚卷🐙， 即叫即炸熱辣辣晚上放工有時需要排隊🧑‍🤝‍🧑👬大約15分鐘炸豬扒和湯底真正👍九龍大角咀大角咀道38號, 新九龍廣場, G 地下, 023-026舖#foodie #foodiehk #香港好去處 #Japanfood #Instafood #yummy #hkfoodie #hkig #hkfood #ymmyfood #food #美食推薦 #美食推介 #食べ物 #料理 #美味しい #相機食先 #香港美食 #打卡 #雲南米線 #酸辣 #川品 #川品雲南米線 #米線關注群組 #豬扒米線 #麻川口水雞 #米線#大角咀美食 #大角咀推介餐廳

在大角嘴這個美食聚集地，有一間頗有名氣的米線店引起了我的注意。抱著好奇與期待，我決定前往一探究竟。📌小鍋米線🍜選配酸麻辣湯+微辣+滑牛肉+貢丸+豬紅* 米線軟硬適中，滑順可口* 酸麻辣湯底酸辣適中，香料調配得宜* 滑牛肉質嫩滑，貢丸表現正常，豬紅彈牙可口* 整體口味均衡，料理精細，令人回味無窮📌豬軟骨+脆炸鯇魚雙拼米線🍜選配酸麻辣湯+微辣+炸豆+蔥* 米線質地同樣出色* 湯底酸辣開胃，加入炸豆與蔥增添層次* 豬軟骨Q彈有嚼勁* 脆炸鯇魚本身酥脆多汁，但有部分浸在湯中變腍了，另僅記食用時小心鯇魚中的細骨凍豆漿🥛* 預製豆漿略顯平淡，未能完全展現濃郁豆香凍檸茶🍹* 檸檬茶清新不澀，恰好解膩總括來說，這間米線店無論在米線本身，還是各類配料與湯底調製上，都展現了出色的手藝。值得一試的地道米線小店。

川品雲南米線喺大角咀嘅一間餐廳，今次我試左腸仔、鴨血、枝竹同麻酸辣中辣米線。餐廳環境簡單舒適，氣氛輕鬆，適合小聚或一人食。d 米線姐姐服務態度親切比人感到溫暖。米線真係好正！湯底一流，濃郁香濃，帶有獨特的川味。腸仔鮮嫩有彈性，鴨血鮮美滑嫩，枝竹爽脆可口。麻酸辣中辣口感剛好，辣味香辣醇厚，酸味帶來一份清新。每一口都令人回味無窮。鐘意食辣既人一定要試。如果你喺大角咀附近住或者番工，一定要去試下，包上癮。

我是外賣的，食到一半先至發覺有粒黑色野在湯底上面浮吓浮吓，然後我攞支筷子撩起佢，發現有手有腳有翼，仲好似大咗肚，因為太遠又落雨關係，沒有拎返去餐廳投訴，即時扔咗。

米粉爽滑彈牙,非常有咬勁。而且佢配搭上爽口嘅雞翼醬汁,令整碗麵包含了豐富的層次感。丸子方面,個個都肥美多汁,外層酥脆Q彈,簡直太出色了。醬汁入味,鹹香並重,跟米粉及丸子相得益彰,非常開胃。整體份量十足,食得好飽,而且價錢相當親民,絕對係性價比極高嘅選擇。作為一道簡單但又美味嘅快餐,我真心推薦大家一試!

又黎食川品雲南米線，朋友第一次黎大角咀，要求由我帶路。所以就帶佢地黎呢間個人覺得還可以的米線店。一如以往揀腩肉、餃子，都係一碗包2個餸。但就比之前食加左價。個湯底就依然都係濃味，不錯，當然食完都係會好口渴。不過呢間比一般米線既微辣再辣左少少，可能本身腩肉個辣帶左落黎。佢可以揀米線既軟硬，呢樣幾好，因為我自己偏向食軟啲既米線。另外，再加點了紅油抄手，其實都係韮菜餃😂😂所以當晚食左好多餃🥟🥟🥟😂

今次叫左碗爆汁貢丸加魚腐米線真係好正味！貢丸彈牙多汁，爆汁四溢，每一口都充滿嚟濃郁嘅肉汁。配上鮮嫩嘅魚腐同綿滑嘅米線，口感豐富。湯底鮮美醇厚，加埋脆卜卜個炸豆，增添一份滿足感。