川婆婆麻辣燙 (Closed)

價錢比譚仔公道，餸菜小食款式亦多。叫咗剩5餸中辣，份量足料。辣香麻足。正美中不足係，每次落單後等23分鐘先有得食，伙計話即叫即煮。$36真係食到好飽肚如果可以唔洗等咁耐就好了

行完山過黎呢邊食野，下午間舖冇咩人，雖然環境比較狹窄，坐得冇咁舒服，不過30幾蚊有三餸，又真係幾抵。米線上到黎，啲配餸都幾豐富，每樣餸既份量都幾多，真係好抵食。我同朋友都鍾意食辣，佢個湯底好夠辣，味道唔錯！

去到東大街，想食啲濃味野，就揀左川婆婆嘅麻辣麵。三餸一麵加野飲 $43今次叫左麻辣小辣紅薯粉，魚蛋，白蘿蔔同魷魚，加杯凍檸茶。麻辣味幾出，魚蛋彈牙，魷魚口感都唔錯。三餸一麵都係35蚊，算良心價。

行完山，喺石澳搭返車出嚟筲箕灣梗係要去東大街食買埋嘢先走啦！東大街咁多嘢食我嘅不二之選梗係川婆婆啦😆必選娃娃菜，多蒜，今次就同朋友都叫咗小辣，不過我個個似中辣多啲，竟然又發現左辣啲真係好食啲不過就會食慢啲😂不停飲嘢🤣🤣🤣睇落好靚，好夠味，棒棒的😍 娃娃菜好林好甜木耳好爽。我今次做轉左薯粉，好好咬，加埋個蒜泥完全冇得輸！如果食得麻辣嘅人去食應該會更加開心。大食女仔表示，經過筲箕灣首選之一👍🏻👍🏻👍🏻

放工後，饑腸轆轆，但又要戒澱粉質，終於諗到去川婆婆，食淨餸。6pm去到，只有兩枱客，服務姐姐客氣友善。不巳為然，叫了淨6餸，微辣。但原來通脹猛於虎，加價巳經悄悄進行了。原本6餸37蚊，變成5餸36蚊，不過既然點了菜，免得過就不要改來改去了。等了十分鐘，終於可以祭下五臟廟。頗大的一碗，料足飽肚，味道不錯。6樣餸分别是:娃娃菜，分量最多最飽肚，煮得軟稔，菜葉外層包了一層辣油，內心還保留了菜本身的糖份，鮮甜清新。冰豆腐，有3大塊，浸在辣湯內，吸了豐沛的湯汁，如果喜歡川婆婆的湯底，是一個好選擇。雞絲，其實是雞肉片，稔滑但又仍然有少許彈牙，分量適中。雲吞，無論size及分量皆少，味道普通。魚腐，不是那種可以吸滿湯汁的順德魚腐，近似魚餅，有兩塊，味道普通。蝦餅，分開碟後上，炸得過干，然後上到枱也凍了，味道普通。這裏的湯底，够麻，如果吃得辣可以直接選中辣。但湯底有穌味，可能有落牛油/羊油，若不抗拒，味道是不賴的。埋單44蚊，在筲箕灣來說，都是平價之選。

我從前在尖沙咀返工食過一次，個麻辣湯底幾特別，另外特別在係有企位，所以有點印象。直至2年多前轉了工作地方大約半年後，在東大街見呢間有得坐，就當然去坐一坐、食一食。沒有令我失望係湯底一樣帶著蒜香麻辣味。這陣蒜味在這二年間，間唔中就會來吃一下。雖然是加盟店，但老闆及老闆娘是非常有心做好招牌。由開鋪到關鋪都是由他們合力製作每道菜。加上這筲箕灣店是加盟店，晚上也有烤魚及雞煲。個雞煲都是我和朋友經常來吃之選。日子耐了，間一排就想來吃。就是這陣蒜味湯底，讓我記得川婆婆。

慕名而去，没想到失望而归。非常简单的食物，居然40多分钟还做不出来，也不是一般店铺可以做到的，非常失望。如果不改善不提高效率，恐怕过不久就不会在东大街看到这个店铺了。

尖沙咀店粉絲到東大街見到川婆婆便走進去，店員面黑黑吾多想做嘅態度坐底叫左中辣(辣還可以但不麻)紅薯粉、響鈴、魚片頭(很難煮得難食)🆗豬潤(太硬)另加一份魚蛋(加辣粉)🆗，絕對唔會再食嘅店！如想食還是到尖沙咀店吧

叫左個薯粉微辣，食魚皮餃，薯仔片，芝心丸。另外朋友食了一個中辣的粉絲。仲叫多左兩碟小菜，炸花枝丸同辣的炸雞翼三隻。價錢唔貴，而且係東大街有不少好食餐廳，呢間係我最鐘意食粉麵的其中一間店，不過好可惜今日之後無得再食佢個川婆婆雞煲，唔知尖沙咀分店會唔會仲有得食呢😀😀😀😀😀😀😀😀😀😀😀😀😀😀😀😀😀😀😀😀😀😀😀😀😀

之前只食過尖沙嘴的外賣川婆婆，味道一試難忘，今日經過東大街，見到有位坐就入去，環景簡單乾淨，寫紙仔方式tick食物同尖沙嘴外賣門市一樣菜式，我今日叫左小辣，仲叫左四餸，都係加7蚊我點左1. 午餐肉，煎香左唔錯，但放湯憲佢淋曬，可再煎赤d，2. 白菜仔，解膩，索曬湯底既麻辣同孜然粉味，爽甜3. 冰豆腐，建議食得辣既叫，辣汁入曬肉，淡淡咬出汁4. 豬大腸，新鮮唔臭，但可再入味d粉絲底都係為左索汁，但食完會有d濟，因爲索水😂😂😂最後我叫左呢碟椒積雞翼，唯一缺點面頭d炸蒜粒鹹左d，其餘，脆，滑，juicy！重點係食到你飽，我地一行2碗加雞翼都係98蚊！

今日返工口淡淡所以就去打電話叫外賣自取好方便 15分鐘可以拎食返個大spicy 冇錯呀一定要食大辣食到個人出汗同流鼻水芝山丸 土豆好味因為浸左勁耐嘅辣湯 吸收哂所有汁 正記得要加飲料 唔係好辛苦

晚飯時間賣外賣，叫冬菇肥牛豬大腸烏冬一碗野啫，企喺門口企足40分鐘！！！如果要等咁耐，係咪要喺買前同客人講聲先？好啦終於拎到個烏冬，返上樓打開，烏冬俾錯米線，冬菇俾錯豬紅！ 正常我就會算數照食既，但呢碗野我等左40分鐘！仲要食唔係我揀既餸？好嬲，又落去換過。其實唔止一次係要等咁耐，之前都試過好幾次要等好長時間，但今次實在太過份，先忍唔住打食評。。。。。。仲有，有個女侍應，我幫襯佢地幾次，佢都係黑我面的。。。有時忙，明白到佢係好難好客氣，但依我睇無論有冇客忙唔忙，佢都係一樣。。。頭先去換過碗野係佢第一次對我溫和d。。。

依家麵店係經常有人排隊嘅，今次我都好願意去排，因為實在好耐冇食過，同埋諗起佢嘅麻辣都流曬口水!😋😋凍豆腐、豬紅、雞腎、漢堡扒粉絲豬骨湯底: 材料質素高，凍豆腐吸哂d味，咁熱嘅天氣真係食佢，一層層又好有口感； 豬紅煙煙韌韌； 漢堡扒肉都有得揀 真係非一般嘅麵食材料； 雞腎都鹵得好入味㗎!😋😋麻辣豬皮: 豬皮又厚又爽又林，加咗麻辣料更野味!避風塘豆腐: 又熱又辣既炸豆腐，做到豆腐皮好脆，細細粒好好食!其實價錢都好商議，有麵有小食，百零蚊兩個人食咗 一餐!

點餐後半小時仍然未有得食， 工作太慢， 30分鐘後才上一點有菜， 不能接受， 應該落單前講清楚需等候半小時或以上， 不會再光顧， 食物味道一般， 服務不能接受， 建議光顧鄰近麻辣餐廳

米線來講，川婆婆一直係我心目中最愛嘅米線，乜野譚仔南記全部都比唔上，完全取代唔到佢係我心目中嘅地位。我食開三餸米線都只不過係＄33 ,加埋杯凍檸茶都係＄40 ,女仔黎講可以食到超飽，絕對係抗通脹嘅食物。除咗價錢非常之抵之外，佢嘅食物質素亦都係我咁鍾意佢嘅原因之一。咁我今次就叫咗金針菇蘿蔔同埋魚腐。 我鍾意叫呢三樣配菜嘅原因係佢哋都可以索晒啲湯汁，非常入味。食川婆婆米線唔少得就梗係食辣啦，我叫左小辣，但最緊要嘅係要叫多蒜！！！！佢個秘制蒜醬真係超級正，如果可以嘅話我真係好想買返屋企加落所有湯麵到！！！！不過唯一嘅缺點就係佢哋廚房嘅人手應該唔係幾充足，次次去食都要等起碼15分鐘先食到碗麵，不過好食嘅嘢就係要付出時間去等待，我係好願意為呢碗麵付出時間