川婆婆麻辣燙 (Closed)

我係正宗無辣不歡既人但係香港想食一啲平平地又可以過下辣癮既地方唔多今次比我發掘到一間我想不斷encore既小舖- 川婆婆❤️❤️❤️川婆婆裡面無任何座位如果立食 位置亦只係夠兩至三個人但大熱天時都無阻我冒著大汗去食裡面既食材同麵底都可以自由配搭我同朋友一直係重型選擇困難癥患者揀左好耐先揀到🤣我就揀左雞肉 魚腐 牛百葉 加寬粉 中辣朋友就揀左 肥牛 墨魚丸 芋絲 加寬粉 小辣我地都加寬粉係因為寬粉夠吸辣😏一望到碗裏面既紅 麻辣控既我就開始興奮😈第一啖要試下個辣wowwwwww一開始係感覺到辣然後慢慢有麻既感覺 味道同外面賣得好貴既四川麻辣火鍋有得比❤️雞肉唔老 魚腐夠吸辣 而牛百葉最好食 佢具備左雞肉同魚腐既優點於一身寬粉比起火鍋店窄身 正常味道 但就係差係未夠吸味上面成碗嘢都好足料好多 夠做午餐或者晚餐🙈超快咁我就好享受咁食完 但我朋友叫左小辣 因為覺得太辣 所以食得好慢自問我朋友都算食到少少辣ga🙈所以如果對自己食辣無太大信心既人第一次試可以試左bb辣先順帶一提 裡面既姐姐們都有啲燜ga 所以大家要有心理準備不過 因為太適合鍾意食辣既我 我都會去encore😏😈😈

川婆婆一直係我最愛小食店排名第一！如果經過尖沙嘴一定會來拜會一番！今日都唔例外，見到鋪頭換左d價錢牌問問姐姐，原來我最愛既小食麻辣牛丸以前$10/3粒已經無左，依家最少要order$20/6粒迫住我要食多d，肥死人啦麻辣牛丸比起魚蛋，我很愛呢到既牛丸，因為口感比較爽，牛丸煮得入味，會剪成十字形，等入面都可以吸收麻辣味，而且辣椒粉好出色，唔會咁單調得個辣字，仲好香！呢到牛丸可以係粉面加送，但上面會無左辣椒粉，所以本人推介叫小食比較好

星期六返工之, 又要外賣自取厚福街真係搵食天堂, 知道川婆婆好耐之前已經開左間麻辣燙, 今日就買買黎食啦講真佢嘅店面真係麻麻地, 而且只係普通嘅車仔麵餸, 但係對我呢講最重要係個麻辣湯底😝點菜姐姐嘅語氣真係唔多好, 只要慢少少都會比面色, 不過都唔會要求太高嘅, 又唔係高級酒店😝先叫左個麻辣魚蛋, 重點係上面嘅麻辣粉, 一 D 都唔野少, 夠麻帶少少辣味另外叫左個2餸麵, 紅薯細粉 + 煙腩肉 + 白蘿蔔, 少辣。重點都係湯底, 都係夠晒麻, 但喜歡食辣的話可以試下再辣 D, 紅薯粉浸左一陣都仲係有咬口, 白蘿蔔好甜又冇渣。如果鍾意食辣野嘅朋友, 不坊一試啊

魚蛋嚟講，我鍾意食類似四海魚蛋嗰隻魚蛋多啲呢間川婆婆嘅麻辣魚蛋非常推介佢＄10有五粒，又大粒，啲麻辣好味不在話下，佢仲有啲類似辣椒乾放上面，真係當餐前小食非常唔錯，或者keep fit人士買＄20當作一個晚餐好正😝😝其實佢入邊仲有好多唔同嘅餸菜可以揀你又可以嗌凈餸，或者嗌三餸一麵都得其他餸菜都有好多選擇，好似墨魚丸，牛丸，午餐肉，魚皮餃........等等我未試過佢啲面或粉，試過嗌淨餸都非常唔錯😋😋😋

呢間係一間川婆婆嘅外賣店，係一條小巷入面，都幾難搵xdxd每次order野食都覺得店員態度唔係太好，佢地好似好唔耐煩咁 有時等咗好耐都唔敢催佢地~食物方面，好中意佢地嘅紅薯寬/細粉，好彈牙，即叫即煮所以唔會淋哂 餸方面推薦肥牛同魚腐 - 肥牛唔會太多脂肪，份量好多；魚腐彈牙，啖啖肉好好味！！！不過要注意外賣店嘅辣度同門市好唔同，外賣店相對冇咁辣，如果中意食辣可能要嗌辣d xdxd (平時唔食辣都可以試吓bb辣)

行街經過見到少有既麻辣燙就試一試, 食物價錢中等, 味道都唔錯, 不過我覺得重點係d員工態度真係好差.交左單之後員工遲遲都唔幫我入單落電腦, 等左十分鐘仲見到張單放係等入單既位置 (得我一張單咁大把), 入單果個員工用一個"做又三十六, 唔做又三十六"既速度慢慢zip緊文件落file, 入左單先繼續zip唔得架咩? 問個員工落左單未, 佢仲要理直氣壯同我講: "未入喎, 做咩?", 入完電腦再要等十至十五分鐘, 終於煮好拎到埋黎, 員工係近乎以扔低既態度將一碗滾水咁熱既米線放係你前面, 仲要彈污漕左我件衫, 見住整污漕左都唔道歉, 老實講今時今日咁既服務態度唔得囉, 你d野幾好食都係假, 認真無下次

前幾晚返屋企前打算買外賣，突然間好想食口水雞。但去到佢已就快關門，執拾緊，佢話口水雞一早賣曬，我唯有帶著失望而去。我行左一陣都買唔到外賣，再經過時，佢問我有無其他想食？睇下整唔整到俾我。我問有乜方便？佢好好啊，問我食唔食酸辣紅薯粉，我就要咗一碗！十分鐘車程之後，我好開心咁試下碗中辣酸辣粉！唔油，夠辣，無乜配料但都好食，唔算好酸，但夠麻辣！我食完又無好頸渴！好開心的宵夜！$20的快樂多謝阿姐，會再幫襯

我幫襯川婆婆甘多年 之前好食d而家換左人 換左新人 真係差過之前 好求其煮 煮又吾熟 換番都係甘 一次又一次失望吾會再幫襯 煮面邊有吾洗五分鐘出黎比我拎 之前我等十至十五分鐘都ok而家五分鐘都無 好明顯吾熟囉 我叫佢煮耐d佢話熟嫁啦 我食甘多年我吾係吾知 好撈氣 想叫番之前果熟人煮 佢話今次吾係佢煮仲要新人服務質素好差！

香港都有好味麻辣燙，非常難得 😋.平時食開口水雞，今次食麻辣海帶拼蓮藕。海帶比較幼身，食起黎唔夠粗身開心 😂 不過膠質都算夠，有咬口，都滿足 👍🏻 蓮藕無特別，正常地好食.下次會叫返口水雞，性價比更高 😍

自從去完上海北京就對麻辣燙念念不忘一路都好想食番麻辣燙見到尖沙咀有間川婆婆咪行過去試下鋪面係都幾up dup 下 係巷仔度 無凳 企位得兩個因為我好想食 所以一於少理 決定落單我就嗌左 貢丸 金菇 小棠菜 娃娃菜 小辣四餸係37蚊 都唔係好平呢度雖然好多人等 不過我等左兩三分鐘就有啦😂嚟到就唔係話好香 又無話聞落好辣咁 不過就一定係熱辣辣但係食落就好辣 同我以前係上海食嘅差好遠😥佢就比得幾多菜下 好多娃娃菜我見好多人嗌口水雞 仲埋哂添 應該口水雞就唔錯我就無嗌 我覺得無咩特別🤷我唔會話想特登過嚟食不過如果諗唔到食咩 可能都會過嚟嘅🤔

今日好懶，唔想出去食lunch, 諗起想食川婆婆嘅麵，就打去叫外賣，因為要滿$80先肯送黎我公司，所以要跟同事一齊叫，12pm 打去，要1pm 先送到，等咁耐, 肚餓真係幾難忍~ 同埋聽電話個男人，態度好差，佢想發脾氣咁，唔知佢本身躁底定太多order 做唔切~之前親身去買過，女人態度比較好!我揀左套餐C，4餸+ 1粉 ($40) , 湯底要左BB辣，餸叫左黑椒牛丸，魚片頭，芝士腸，白籮卜，粉麵就揀左烏冬值得讚係外賣黎到，碗烏冬仲係熱嘅，食落少少辣，係幾惹味~ 比較喜歡黑椒牛丸，幾爽口，但籮卜太大舊，切细d會好d

野食係好食，湯底係好味，你會feel到唔係味精湯嘅感覺，幾鮮味。啲辣味都好野味，唔係一味係辣椒油嘅味。湯嘅份量好足夠。唯一唔好嘅野就係次次打電話去叫外賣，店員態度都好差，又惡，問清楚小小都比人鬧咁嘅語氣，但明明已經好有禮貌咁問佢野。不過face to face 咁就態度會好小小。（女店員語氣好啲，男店員真係有啲惡囉，令人有小小反應）另外，堂食其實企2個人已經好逼嫁喇，所以拎走食都係最好，又熱又企係到食好易成身汗。

川婆婆的麻速燙和小食, 都是我喜歡的味道。川婆婆在厚福街的店以外賣為主, 沒有座位, 如果要內用的話就需要在細小的位置上站著立食, 即使如此, 也不減我經過尖東時想要一去的心情而每次其實都只會點最掛湯的餸料, 比如說是枝竹、響鈴、午餐肉等等, 若然需要配上粉麵作為一頓正餐的話, 粉絲就會係我的唯一選擇, 務求要辣得徹底, 辣到發麻, 如果可以做到少一點紅油而不減去辣度, 相信我會更加興奮。而他們家的一份辣魚蛋或牛丸, 也是相當的惹味, 那秘製辣粉辣勁十足, 花椒味出眾, 滿口麻香啊。

每次經過厚福街附近都必定會去川婆婆食翻串麻辣牛丸先，呢個味道真係會令人上癮嫁！！就算隔一陣要去食飯就算每次都要等十分鐘都覺得值得嫁 因為真係好好食牛丸好大粒又夠爽口最重要係個辣粉 辣得黎好過癮十蚊有三粒大大粒牛丸

川婆婆必吃魚蛋 逢親係尖沙咀一定來食通常我叫少啲辣粉否則就會孖潤咀😂😂但趕時間真係唔可以食因為等都要等10分鐘 (但真係好值得等)魚蛋好彈牙 辣粉好香聽聞老闆真係喺四川帶辣粉翻來架😍😍