川婆婆麻辣燙 (Closed)

之前食飯嘅時候見到好多人排隊，所以今晚就黎試下，睇下有咩咁特別。今次，我叫咗午餐肉和年糕紅薯粉，bb辣。湯底有d 羊肉味，紅薯粉好滑，好好食，午餐肉份量多，有5小塊，而且好入味，年糕就麻麻，係中國年糕，吾係好入味，口感一般。

每蓬冬天總會吃得特別多辣, 四川菜以大量辣椒花椒等調味,  吃進肚有股暖流走遍全身, 新陳代謝快人都暖好多。川婆婆有小炒供應外,  也有麻辣火鍋呀! 香港人朝思暮想去台灣/四川吃麻辣鍋,何用費心去 ,  香港同樣有這麻辣武器, 看誰先受不了舉白旗。選好湯底, 再點配料就開始食啦。同港式邊爐一樣有混醬。我同朋友就點了一個辣一款唔辣架, 分別係 麻辣同豬骨湯，豬骨湯個面係有粟米同豬手，清清地岩曬怕辣人仕。一口牛粒好有咬口，放係麻辣湯中更惹味, 又唔會好肥, 好有嚼勁。薯粉好彈牙煙韌,又好滑添，比一般的更闊身, 放落麻辣湯中好有傷心酸辣粉架感覺，刺激開胃。另外有鮮蝦雲吞拼韮菜豬肉，我鐘意個雲吞，都幾入味又綿，但留意比較多肥肉打成先咁綿 ，成粒撈起勁熱都要放入口先嚐為快。韮菜餃就唔太多韮菜, 唔夠香好麻麻,每隻都係一口大細架。蔬菇大拼盤$68 用豬骨湯煮更甜呀，辣湯就會蓋過本身鮮甜了,菜好完整又新鮮, 唔會有枯黃食辣後熱血沸騰, 一道力量橫走全身, 好似功夫片形容打通任督二脈, 要點杯又涼又甜飲品先, 我要替舌頭降溫消腫。水果菜有西瓜 、蘋果 梨肉同橙汁, 甜甜地幾解辣的, 好有台灣CAFE

食左川婆婆已經好多年，由佢響執左果間商場開左第二日幫襯到而家，以前住對面街基本上日日食（總有一餐食佢）而家搬番海防道就變左一星期食一次，今次先發現點解我冇寫過食評比佢，寫下啦咁。初初30幾有8個送，感覺上開心d,乜都有d嘛，而家得4個送雖然份量多左但我寧願多多幾款食。今日叫左4送加幼薯粉中辣加醋，佢既湯係冇得輸，你話冇味精就假既，但佢既味道真係好正，以前響大陸做野食好多正宗川菜，佢地都近乎大陸果邊既口味，所有送都煮到入晒味😋愈諗愈正，佢地出現之後好多人都抄佢地，但試過，佢地好味過其他人好多👍皮蛋係搬左鋪之後先有，又係我最愛之一，$28份，必叫。好啦，寫完又想食，一陣又去買先。

店名：川婆婆麻辣燙地址：尖沙咀厚福街7D地舖好味指數：7.8／10價錢：$10／6粒麻辣魚蛋味道入味，麻辣魚蛋還加入了辣粉，但仍不是很辣，略嫌魚蛋不夠彈牙，整體不錯！店名：川婆婆麻辣燙地址：尖沙咀厚福街7D地舖好味指數：7.7／10價錢：$40四餸+粉油麥菜 蟹味菇 肥牛 豬皮 紅薯細粉(菊花辣)菊花辣是最辣的一款，但個人覺得仍不夠辣。湯底入味，份量足夠。油麥菜 蟹味菇 肥牛 豬皮都是新鮮，而且入味，吃上去時都充滿麻辣味道。而紅薯細粉也是入味的，但略嫌較腍。這店是不設座位的，要堂食只有在一張類似bar枱進食，但環境焗熱，而且擠迫，幾本上沒有幾多人願意留在店內進食。 

呢間麻辣燙去年經朋友介紹，已經食過無數次，我通常會叫中辣，我鐘意食麻，但我真係有時候會心血來潮又去食，可惜鋪位冇冷氣冇位坐經常要外賣好少堂食。扭扭粉係每次必食，肚餓一點會叫埋麻辣魚蛋 午餐肉，金菇，肥牛。。。有時候叫得太多就加大左個碗真係好正！拉我去食個位老友返左加拿大成日懷念麻辣燙味道同個種麻！我知佢好痛苦，哈哈哈！愛麻的一定要食，夏天食都係外賣啦 我已經試過佐敦同新開個間，不過冇咁好濃囉唔知點解，叫做有得坐下，不過個人都係會黎老店買 今晚又食，真係上晒癮！

收工要OT，同事去川婆婆買麻辣麫，麻辣麫就冇我份，但送既辣魚蛋就請咗我食，魚蛋彈牙又夠麻，好味喎。不過因為佢係魚蛋之上再加辣粉，所以有啲乾同搶喉，如果可以咖哩魚蛋咁，有啲汁就好好多。

一向超級熱愛麻辣燙，去到大陸邊度都會食，五餐肉土豆寬粉乜乜乜。唔知係唔係喺香港冇咗地溝油呢樣主要材料，呢間感覺好正宗嘅麻辣燙食過之後都係覺得不對味。點左必點嘅五餐肉、木耳、冬瓜，仲有年糕土豆，今次要左紅薯細粉。打開蓋好香，不過只係濃濃嘅花椒味。食落去，只係得個麻字，太麻喇掛！ 感覺上係唔小心落多左花椒粉，因為成碗都係啡色粒粒粉。雖然味道一般，但份量又幾足，餐肉咁貴都有5、6塊，其他料都十分足稱。總括嚟講，算係不過不失。

當一個人很想吃麻辣火鍋時，最適合最快止癢的就是吃麻辣燙。厚福街的川婆婆想必有不少人也認得，幾年前已進駐厚福街。其菜式選擇算多玻璃櫃內清楚展示不同配料。由唔辣，bb麻至菊花辣選擇，可選多蒜，少油是我的最愛。這次點選了4淨餸中辣少油，分別是皇帝菜，餐肉，雞肉，手打潮式魚旦。其中餐肉是吸辣汁一流，雞肉沒有雪味，味道很夾。手工潮式魚旦更是推介，不是很多地方有可以選擇，混入豬肉的潮式魚旦，很香很入味。不過，有一段時間無幫襯，份量少了。也移走了椅子，堂吃的話只可站著，及擠在細少的枱面了。

轉車反屋企肚餓諗起川婆婆，天氣有啲熱叫左個雞絲涼皮小辣外賣，未拎到反去系車到已經好香好吸引我，食落仲正好入味。岩哂中意食辣嘅人！ 今次冇海帶絲，希望下次食到拉。正！間鋪大啲就可以坐系到食勒。

朋友成日話川婆婆啲辣好正，一定需要試，嗰日行街終於試到啦，當然我地係叫辣魚蛋啦，碗魚蛋廿蚊有十二粒都幾低食，其中有幾粒魚蛋係超級深色咖，我地估一定係煮左好長嘅時間，麻辣好濃，啲味係即時味到架，空氣裡瀰漫嘅辣嗆味係會令人打噴嚏，真係香氣十足！粒魚蛋就麻辣爽口，十足四川風味，食完第一粒開始個口好辣，不過又真係辣得好好味，食完成身係熱咖，冬天食暖暖身子仲正呀

2條為食貓突然引起又想食辣..........wakakakkaka...........其實只係lunch time 睇過下D辣野.........忍唔住放工即刻試下姐.......不過.......食評真係未必一定正確........每個人口味不同........食川婆婆我深深體會到大家不同ge 口味...........(no offense)等叫野食時叫左麻辣魚蛋 ( 7.5/10)其實係魚蛋上面加左辣粉,仲有D糖係入面.........味道ok....叫左4餸面: (6/10)豬紅,豬腸,冬菇,蘿白....小辣.....本身係闊薯粉,佢竟然俾左扭扭粉我........- -"其實我都唔mind ge........不過佢地睇住中國好聲音.......勁唔專心........咁當然會錯啦..........唉!飲個湯底先............不錯不錯........不過唔夠辣囉.......之後就唯有叫佢加辣........佢加左至少1湯匙份量ge 辣油俾我........咁就有番多D感覺.........!但當我食D餸時.......我只係覺得咩味都無...........

是日姐姐問在尖東有無野想食,我就叫佢買D有趣既野.佢搵到呢間簡左幾樣野,但係就無粉麵因為唔太HUNGRY個湯個味道都幾重香料味,而且幾似小肥羊個湯底.這感覺是說不出什麼味,就是帶辛辣,又重香料,亦有種食口水雞之類既川菜味扣除麻變成既味那些配料質素一般,無咩特別,腸係廚C腸類夠哂咸,但只能夠講,配粉麵食先最好,味哂個湯先好味.咁樣剩食配料唔夠爽有幾會要試下配個粉,因為本身呢個味道都幾惹味

我本身都係一個好懶既人但都忍吾住要係度呻下•••••本身係tst返工，之前想試厘間舖頭好耐但一直都冇試，見到電視介紹後更加想試下，點知一試就。。我點左紅薯扭扭粉，麻辣魚蛋，麻辣皮蛋。。 我本身食野都冇咩要求的人但真係未試過食完一碗麵好似食左成碗味精麵咁。。都未食完碗麵就勁飲水，我對湯底都吾太講究但都頂吾順！全碗都係味精野，我點左羅白，肥牛娃娃菜同響鈴卷，（羅白又硬又冇味，連羅白都冇羅白味）（肥牛除左雪藏味完全冇牛肉味，吾知係咪雪得太耐）（響鈴卷未放落碗湯已經淋曬，吾知係咪放得太耐)紅薯粉都夠彈牙。。麻辣魚蛋算好小小,但其實都係得過香字。麻又吾夠辣又吾得！麻辣皮蛋仲衰,吾知本身隻皮蛋已經變壞左定係啲調味料有問題，臭的！食左一啖已經吐番出黎扔了......p.s 個湯底淨係得味精味，其餘食到既都係味精！完全味精覆蓋曬成碗麵！所以有時真係吾好盡信啲電視，雜誌介紹。。其實我寫呢篇食評都係想發洩下占，點解甘多味精都有人去食，講真依家香港人講究健康，食物新鮮，先會多人去食，吾怪得之間鋪甘細都甘少人去食又吾洗排隊拉，原來係有原因既！

       之前不經意行過尖沙咀厚福街這條街，看到一個紅紅的店面，好得意！所以行入去看下，原來是之前在大陸吃的麻辣燙，這里的餸可以隨便選擇，價格也適中，看到好多人幫襯，所以決定買碗試下，這間鋪頭蠻小的，所以叫了外賣，想到之前夜宵磨介紹過這間鋪頭，有麻辣燙，水煮魚和麻辣魚蛋，和麻辣皮蛋，但是不知道味道，所以先買最多人叫的麻辣燙試下味道，付了錢，在外面等待號碼，10分鐘左右，就叫到自己的號碼，不用太久，拎著麻辣燙跑回辦公室，打開，好香呀，我點了 紅薯扭扭粉，分量夠大，紅薯粉好Q, 軟軟的，但是柔韌性好好！不錯，湯汁夠麻辣，夠香，整個OFFICE都是麻辣清香味道！好贊，第一次吃到這麼正宗的麻辣燙，之前在大陸生活，一直好懷念！因為吃的太快，不記得拍照，下次補齊！麻辣燙裏面的配餸，我點了蘿蔔，肥牛，娃娃菜和豆卜，豆卜吸嗮湯汁，好甜，好好味，蘿蔔好清甜。肥牛沒有凍肉的味道，蠻新鮮！之後放工約埋同事一起去幫襯，點了水煮魚，麻辣皮蛋和滷水雞翅。都好好吃！夠嗮味道！             以後我會繼續幫襯這間小店，夠正宗，老闆也夠好人，還和我聊天！年紀輕輕，做出這麼好吃的嘢！好勁！不誇張的說，這間店

川婆婆麻辣燙是我吃過最好吃的平價川菜，40元不到就有一碗，湯汁辣中帶香，昨天路過尖沙咀，特意先打電話去點餐，選擇外賣自取。很遺憾的是我點的是紅薯寬粉，回到家打開蓋子才發現給我煮的是紅薯扭扭粉，一開始以為是我自己落錯單，但看了膠袋裏的點餸紙也是tick寬粉，那應該是製作過程中出現失誤~雖然都是紅薯粉，但最好還是按客人的要求做比較好喔！可以清楚看到我要的是紅薯寬粉。。。回家才發現是扭扭粉...雖然湯汁已經好味到什麽粉都很好吃，但最好還是按客人要求來做~~希望下次不要這麼大意啦！