川粵米線大王 (Closed)

十二月九日 (星期三)我和老公仔相約另外兩位同事一齊看排球賽決賽日很早已來到紅磡,先吃過午餐,再去霸靚位看見餐牌,很便宜,連飲品都是大概三十元老公仔點了自選的米線有魚皮餃,豬腸和魚腐每樣餸老公仔都很滿意,尤具是魚皮餃,很鮮甜至於米線和湯底亦不錯...低讚!而我則吃了雞肉米線雞肉很稔,吃得出的新鮮最好笑是菜菜子吃的重慶雞少辣米線原來比想像的要辣很多吃得她滿頭大汗...哈哈!快快吃完午餐,急忙到紅館看排球賽...Be the Legends!

有次路經, 見到d圖幾靚.之前小豬兒帶過我吃, 她叫口水雞都很正.她叫的米線, 她不喜, (即圖片2), 因為那些辣辣是辣椒油的辣, 不好吃而我的腩肉炸醬, 腩肉都不錯, 少少像燒肉.炸醬又是和x仔很不同, 像是碎肉, 下次另上可能好d.便宜但可能唔太適合d食辣ge bb

練完波~一早約定去食依間~即刻搭車去~一去到~勁多人~好彩唔使等好耐~朋友之前提過依間野一定要有準備先去食~去到之後佢問左我一個問題~就係有冇帶紙巾~有冇辣得咁緊要呀搞到我勁想快D試~好快就有得入去~一入到去~即時將諗定既野落單啦~大家都叫左口水雞~因為朋友既極力推介~不過朋友跟米線~我跟紅薯粉~之後叫多個小食~夫妻肺片~不過全部都係叫小麻辣~先黎就係夫妻肺片~超正~唔辣~超香~正~之後就係口水雞~D紅薯粉超滑~好難夾~不過都幾好食~飲左啖湯~初初入口個陣冇咩野~點知一去到喉嚨~即時黎料~超勁~成個人即時興晒~不過碗粉真係辣左少少~D口水雞一放入口就feel到佢點正法~D雞真係唔錯~OK滑~而且超香~完全唔辣~冇左佢~唔知點食晒碗粉~不過佢環境就真係可以改善下~新舖個面企理好多~

重慶口水雞紅蕃薯粉(微辣) $25 送飲品我是紅薯粉的粉絲，有次行開經過見有這間店，一於試試。紅薯粉不粗不幼，煙韌有口感。至於個湯可能我叫重慶酸辣湯微辣(因為怕怕勁多辣椒油)還可以但湯底味道不夠豐富配菜有芽菜、炸菜。口水雞就不合格來到時都未解凍，我明白口水雞不會熱辣辣食，但都不能夠凍嘛就算我放落個湯處浸浸先食都不太大幫助。雞肉本身就毫無雞味可言，純靠個醬汁帶出味道來，而個醬汁味道算是可以，但我總覺得雞太凍點都無用

自從晌深圳食過川菜同酸辣粉之後...我就成日心思思去想食...但香港好難搵到一家比較正宗o既食店!約大半年前...屋企果頭開o左間食重慶燒烤...同埋一間食酸辣粉口水雞o既食店~Good呀!同我晌深圳食o既非常相近...而且好香口...夜晚零晨時份唔知係咪晌度煮辣油...好香~香到好想飛落街食返個宵夜~剛好同同事講起...佢話佢屋企附近都有間好好食...就係川粵!一路講一路講...一直都無機會去川粵試吓~琴日終於去o左啦~一去到好彩唔駛點等位(同事話七點幾等位等半個鐘o架要~)...行入去己經聞到我渴望己久o既辣味...嘩~好吸引呀~望吓隔離左右果d枱...嗯...口水雞好似好吸引...酸辣粉一定要叫...但又想食涼粉...仲好想試吓個蒜泥白肉...我次次食親o野都係咁...哩樣又想叫...果樣又好想食...但同事話哩度個粉好大碗...所以唔敢叫兩個粉...怕食唔哂~我o地叫o左:1) 酸辣粉(少辣) - 一般! 個湯好普通, 唔夠酸! 食落一d都唔吸引!2) 麻辣涼粉(少辣) - 可能我當哩個係小食...所以一條條個感覺無咁好...少少麻...少少酸...味道普通.3) 口水雞(少辣

紅磡區川菜其實只有兩個選擇, 不是聯川, 便是川粵. 每當辣癮起而人在紅磡的話, 我都會到川粵. 坦白說, 講正中, 講味道, 可能聯川比較好, 但相比起聯川, 川粵至少企理一點, menu易睇一點....每次必吃是口水雞薯粉. 口水雞的雞本身其實很麻麻, 極冇雞味兼偏肥, 但因為醬汁好味搭夠, 香、麻、辣三種味道齊全, $25有雞有粉送凍飲又可止到辣癮, 仲想點? 還有其他推介麻辣青瓜, 不錯麻辣涼粉, 醬汁好, 但涼粉偏林水煮魚, 雖然是鯇魚, 但以$60的價錢我覺得不錯, 當然我最掛念是當年銅鑼灣滿江紅的水煮魚. 值得一提的是川粵已經在機利士南路開分店, 價錢比舊店貴幾蚊 (試乎菜色而定), 但會比較企理乾淨.

工作關係路過紅墈, 見有麻辣粉, 即時走去試試。 張點菜紙複雜到呢.......連我個friend都睇唔明.....都唔知點解要整到咁複雜... 幾經辛苦終於點左碗粉等食。 服務? 差就梗架喇, 想點吖~~~ 無鬧人已經ok。 叫左小辣, 不過只得一陣麻香, 無辣味~~~ 而且都幾淡, 無咩味... 所以要再加豉油同醋調調味。 友人點左碗清湯底就更加係淡過清水, 無味都飛起.... 木薯粉ok~~ 幾好味~~ 好過食米線。總括而言, 食物水準一般中見平淡。

水煮魚片:水煮鯇魚片，以$60這價錢與其座位狹窄快餐店環境互相配合，其實水煮食物已經被辣椒蓋過原有食物的鮮味，因此，只靠食出魚肉味有沒有“霉爛”就知，噢!這裡魚片無問題。配菜有黃芽白和大豆芽菜全都很新鮮爽脆，沒有辣味。酸辣粉:本港很少食到重慶酸辣粉，中辣完全不辣，只有花生碎和肉碎的酸辣粉，粉條有質感，有點似意大粉，意大利粉則較軟身。在大陸食過重慶人煮的重慶酸辣粉，味道較濃，不知是否材料有別。担担麵:配料有鮮腐竹、魚皮鮫、脆皮腸、菜芯，除了鮮腐竹以外其他材料全部不好食。每款配菜加$3，超抵價。凍檸檬茶，太多冰，飲到一半後再飲已沒有茶味只有難飲極的冰水味。一位女侍應生態度很友善，不像在 openrice 所看到其他人遇到的服務態度差又沒有笑容的侍應。

間野好似唔休做咁~ D店員既態度真係差到冇人有!我一個月前都諗著食, 不過食唔成~ 因為D店員態度好差，劃好紙仔又唔肯收! 仲聽到有檯問佢要等幾耐，佢話好多人，仲要等十分鐘喎! 聽到咁仲唔走人咩~~~ 今次又鼓起勇氣再去，人唔算好多，心諗應該冇問題喇掛~點知一入到去就撞正個黑面店員，招呼都冇，掂行掂過...好~我忍! 坐低後叫佢執檯，竟然黑面，唔駛掛~去到點菜，又冇人理，望(bear)左我地一眼又都冇意欲行過來去到呢到已經好想走~不過被友人勸止，咁唯有繼續等啦~等左20min先有碗麵食我食口水雞紅薯粉，味道... 好一般~要我受咁多氣先食到碗咁普通既粉，一定冇下次!真係好唔明點解有人會讚果度既店員nice~ (唔係呀fa~)店內發現一件趣聞: 晚飯既小炒要自備食具 XD 真係威喎!

夜晚o係club house游完水覺得好肚餓又好耐冇食米線……於是坐低就叫左個口水雞米線，小麻辣，+金錢肚、大腸個米線黎到果陣，個樣好麻好辣咁但食落麻味係夠辣味都ok,飲湯果陣最覺但連埋米線食呢，就覺得米線冇果種麻辣味囉米線還米線、湯還湯咁……豬腸同金錢肚冇咩味係口水雞好少少，肉質好嫩滑但都覺得汁還汁、肉還肉咁我咁為食都爭D想放棄碗野……為左麻ge感覺，我比個OK啦同埋有機會都會試埋其他小菜ge...

今天食完時新後仲好想食野, 甘就來到川粵我地叫了1. 口水雞 ($19)- 正, 辣得過隱, 皮滑肉嫩, 雖然無咩雞味, 不過真係台台都會叫既食身.2. 白肉($19) - 好食, 不過唔夠辣, 我把肉浸口水雞既汁內, 真係正到不得了. 越食越有麻辣既感覺.3. 酸辣米線($25) - 牛肚好淋, 肉碎好味,米線好似飛過水, 食緊既時候唔會好lim住d牙. 最緊要個係個湯底真係食得出酸及辣及係有層次的.店子細細, 加上要食辣野, 所以d人係會食得比較慢. 唔想等既朋友真係唔好向peak hours來. 不言只會等到一肚氣. p.s. 店子既冷氣temp控制得好好, 不會太冷又不會太熱. 要食白飯既人士可以自己帶飯來.

呢間口水雞真係.......無得彈呀大大話話係紅磡住左兩年,紅磡都真係一個幾多抵野食既地方但我都keep住一星期幫襯兩次以上"口水雞米線中麻辣"一年真係講左唔少次食極都唔厭原因係咩?雞香, 辣同麻既感覺好match好balance岩岩好不過都有其缺點就係大細問題~地方唔夠大所以除左米線辣令到我熱之外環境都令我熱到出汗店員nice,真係好nice~有時叫外賣佢地得閒都會行出黎同你吹下水除左呢隻雞仲有好多其他正既辣野肥腸啦肺片啦白肉啦~等等等等..............真係推介

俾老闆娘叫左好耐...叫我上黎寫食評...終於記得寫啦大大話話黎依度食野都大半年..因為佢近poly..好多人都特登落黎食~當然我係其中一個啦~黎依度一定要食既就係口水雞啦!!!!因為真係好好味...我個人就鐘意食雞胸~因為真係比較好味...你可以叫佢地俾雞胸你..因為老闆娘同埋d 員工都好nice...環境方面雖然可能麻麻..但係我覺得野食好味搭夠~聽老闆娘講遲d會開多間分店..應該都靚d架啦!!!!價錢方面呢...我係一個特例, 我比較大食..我又要食一碗野加一碟口水雞小食再加一杯凍飲, 但係都只係43蚊d正常人應該25蚊就可以好飽架啦^^

本身去「時新」食，之後因為太多人，所以就是但搵左呢間食喇。入到去個時已經四點幾，一坐低個老闆娘就係咁催我地快D嗌，因為佢話個師傅要走WOR.咁係好急促既情況下，咁就嗌左下午茶餐 - 炸醬腩肉紅薯粉 (小辣)開頭食食下都無唔覺得麻，但之後就愈食愈麻，個咀唇好似無左感覺，但係就唔覺得辣WOR，碗粉好熱~D粉都好好味，可惜D腩肉係燒肉切成..有D失望。環境同MENU就比較污糟，座位比較迫狹。 因為環境污糟，所以座得唔係好舒服。MENU上寫著「歡迎自來白飯，外來食品及飲品另收...」 這豈不是自相予盾@@

紅磡真係廿年唔黎一次周圍D路都唔識行原本想搵漢堡包, 不過搵唔到變左食米線一點左右去到, 門口已經有人等緊但個阿姐淨係識叫人等陣又完全冇反應....D人就咁走左相反, 有個大叔就好好人, 同我地講就快有位,已經執緊野比我地坐, 我諗呢個似老闆多D我點左個口水雞酸辣米線, 男友食魚鬆米線1人叫左1杯凍檸蜜環境都幾迫下, 1黎係要搭枱(多人冇計)2黎就係D枱同櫈都好細....入面又熱D MENU立立痴痴.....幫我點野食既大叔真係幾好人, 雖然好忙但全程都好有笑容個米線上枱時, 好明顯見到碗野係有D紅色係面度對於我呢D唔太食得辣既人講, 都有D擔心米線比平時食既粗少少, 我見舖頭D盒寫住XL粗食落都有少少新奇, 粗粗地+硬硬地個湯好辣呀, 我已經揀左最少個種辣都食到流汗,流眼水個口水雞幾入味, 可能係凍食所以呢種辣反而幾鐘意D雞既份量都有幾多架, D肉都好滑, 幾好味男友個魚鬆就好普通啦, 同街買D魚片差不多佢話係比較咸少少咁, 都OK我地仲叫左個淨蘿白, 好似$8 有個細碗裝D蘿白好林好甜, 男友話送辣野最岩喎佢本身鐘意食辣, 所以覺得幾岩佢但我就一啖面一啖野飲先食得晒成碗...HAH