川粵 (淘大商場1期) (Closed)

勁量涼拌粉超抵食 辣度任選夠惹味係淘大一角開左間酸辣涼拌粉😋，一碗碗超大碗既涼拌配料放滿display雪櫃，一於買返屋企試下，小店仲有賣埋串燒添，不過今次就無買到啦～涼拌粉麵底包括涼皮、蕎麥麵同埋紅薯粉都係$25，另外可以再揀餸既～😙今次揀左涼皮(小辣)+紅油豬耳仔$12+鮮蝦$12同埋紅薯粉(中辣)+酸辣豆腐皮$12~仲加左盒手撕雞(小辣) $38添。估唔到涼拌粉超大碗🤣仲要唔止個碗大，連啲粉既份量都好多，食極都有咁🤩配菜好似花生、芫荽、葱同菜甫咁鋪滿成個碗，撈勻黎食勁正。涼皮好彈牙，冰冰涼涼一片片好有口感～紅油豬耳仔都正，好爽口，而且份量都幾多嫁😛鍾意食既話呢個值得點吖！紅薯粉揀左中辣，夠辣夠惹味，每條薯粉外層都比醬汁包住；而且啲薯粉彈牙好味～個豆腐皮都唔錯，一樣入哂味。另外要左盒手撕雞，啖啖肉送飯唔錯～一樣裝到好滿，不過下面就有啲芽菜墊住既🤣

其實如果鍾意食辣嘢嘅人都知辣嘢有分好多種，而重慶四川麻辣就好有「川味」嘅味道，而家九龍灣有一間外賣店，價錢非常之抵之外份量仲好多添，最細心係乜嘢？係佢會將湯同食材分開另上，所以我住咁遠返到去都唔會俾啲麵吸晒啲湯，走左個味道❤️❤️❤️豬大腸香辣雞翼酸辣粉（小辣）呢個組合配酸辣粉簡直係一流，豬大腸爽口彈牙，香辣雞翼惹味香口，配埋正宗滑脫脫嘅酸辣粉真係非常好味😋如果唔鍾意食辣嘅話，可以嗌走辣，但係都不失佢哋嘅「川味」。雪花肥牛手撕雞蕎麥麵（唔辣）肥瘦適中嘅雪花肥牛配鮮滋味十足嘅手撕雞，加埋煙煙韌韌嘅蕎麥麵，簡直係健康之選嘅組合。

👧🏻😋👅🍽✨一流串燒外賣店😚-❤️川粵❤️🇭🇰九龍灣牛頭角道77號淘大商場一期地下G129號舖 🇭🇰-⛩之前成日經過好多人等串燒, 今日早收趁冇乜人試左, 勁好味真係抵佢平時咁長龍⛩過膠餐牌用水筆落單慳紙⛩串燒有齊豬牛羊雞海鮮菜, 另外有好多川式小食, 選擇多價錢合理-🐷 串燒 - 豬頸肉 $15✨厚切方形豬頸肉好Juicy✨唔會太肥, 肉多但爽口唔韌-🐐 串燒 - 羊肉片 $16✨一串長既肉連住但都好易分開方便食✨邊位燒乾身脆口而入面肉厚多汁-🐔 串燒 - 雞腎片 $15✨雞腎最緊要食爽口, 大小適中唔會太硬太難咬✨片狀表面面積較大接觸到多d調味粉好正-🍆 串燒 - 茄子 $26✨一開有少少失望好細條, 冇平時食開嗰啲咁肥大✨但原來幼身茄子可以全條都俾蒜蓉包住, 燒得又更熟更腍, 連個茄子頭都好有味✨皮冇燒燶可以食👏🏻-🐖 特色小食 - 小酥肉 $48✨人間美食! 每一舊都係肉, 冇多餘炸漿✨半肥瘦豬肉, 差唔多舊舊個比例都係咁, 仲lung住少少筋so crazy 😑 -

平時午飯時間都係喺淘大搵嘢食，好多嘢餐廳都食過晒🤔，突然見到呢間新開嘅專做外賣嘅川式料理，吸引咗我眼球。😶行過去望吓，餐牌非常簡單，有酸辣米線、涼拌粉、串燒同特色小食，見到佢哋啲小食好想試吓，於是點左一系列嘅特色小食返去同同事分享。小食揀咗萵筍、木耳、蓮藕片、土豆絲、海帶、鳳爪、手撕雞、魚皮等等。個人最鍾意食手撕雞😜，夠入味又唔會好鹹，同芝麻味道好夾。☺️其他小食都好滋味，價錢唔算貴。整體來講性價比都可以，一定會推介朋友同事過嚟食🤗。

淘大終於開左一間酸辣麵，涼皮啦！勁開心！！餐廳只有外賣，門面和餐具有文化的特色。職員非常貼心，會問問住得近唔近，需唔要要分湯👍🏻餐牌的MENU 比相像中的多，除左有手工涼皮酸辣粉外。仲有不同的串燒和小食。等我有機會再試試其他的食物先。1.手工涼皮（$25)微微酸，好醒胃，涼皮好夠涼，闊身，咬落彈牙得黎少少煙韌。配料有莞茜，青瓜絲，花生，菜甫，口感豐富➰酸辣豆腐皮（+$8）➰香蒜金錢肚（+$15）2.酸辣粉（ $39）可能平時我食得辣，今次叫既小辣不算太辣，但整體味道不錯。鍾意辣嘅朋友可以叫中辣／大辣。本身的配料有青瓜絲，脆卜卜的花生，芫荽蔥，➰滷水牛腱（ $18）有咬口的滷水牛腱的滷水味唔會太濃，配埋酸辣粉非常夾份量非常多，有成8-10塊。滿足！3.口水雞（ $38）雞嫩滑，入味！唔會太辣，岩岩好。整體而言，份量多，非常抵食！

抵食串燒 take away, 每樣都係十幾廿蚊，唔知原來多春魚一份係有3條度，仲叫左兩份，串燒有時驚會好咸但呢間岩岩好，小辣唔算辣，可以試中辣，有孜然味。魷魚鬚有咬口但唔韌，五花肉熱食應該淋啲如果拎得遠應該叫豬頸肉，但食得出豬肉唔係擺好耐醃到冇晒肉味果啲，本身應該冇醃，燒既時候先落調味。菠蘿多汁，一咬爆晒出黎。撈喬麥面先經濟實惠$25超大兜，另外有涼粉、紅薯粉、酸辣粉揀。default 落左芫荽、花生、菜脯、青瓜絲, 建議中辣，另加涼拌青瓜同蓮藕片更加麻辣爽口。______________________________🏠 川粵📍九龍灣牛頭角道77號淘大商場一期地下G129號舖💵 $100+

淘大依頭嘅串燒選擇唔算多，要食到差唔多要去到德寶咁遠，而且價錢都唔平；試下依間小店。今日打電話落嚟叫外賣居然六七分鐘已經有得攞，分別叫咗串燒同涼拌粉都幾好食，逐樣講：豬腩肉：必叫，$15大大嚿，脆脆地真心正牛肉粒：少乾，都算唔錯魷魚：好吃但細舊羊肉：乾到。。。唔好叫茄子：廿零蚊抵玩，但未算勁正涼伴粉麵底25，有菜甫花生蒜頭。叫左肥牛海帶料，海帶8蚊俾勁多，好抵。味道唔錯，我唔算食得辣，叫小辣感覺可以；鍾意辣嘅朋友可以放膽大辣。整體來講性價比高，一定會再encore，只可惜收得算早，9:30已經差唔多收爐，宵夜真係要早啲嗌先得。補多句現場係冇坐低嘅位食嘢，搵堂食嘅朋友仔要留意。佢仲有埋其他麻辣小食嘅，有機會試埋再同大家回報。