川粵 (淘大商場1期) (Closed)

其實如果鍾意食辣嘢嘅人都知辣嘢有分好多種，而重慶四川麻辣就好有「川味」嘅味道，而家九龍灣有一間外賣店，價錢非常之抵之外份量仲好多添，最細心係乜嘢？係佢會將湯同食材分開另上，所以我住咁遠返到去都唔會俾啲麵吸晒啲湯，走左個味道❤️❤️❤️豬大腸香辣雞翼酸辣粉（小辣）呢個組合配酸辣粉簡直係一流，豬大腸爽口彈牙，香辣雞翼惹味香口，配埋正宗滑脫脫嘅酸辣粉真係非常好味😋如果唔鍾意食辣嘅話，可以嗌走辣，但係都不失佢哋嘅「川味」。雪花肥牛手撕雞蕎麥麵（唔辣）肥瘦適中嘅雪花肥牛配鮮滋味十足嘅手撕雞，加埋煙煙韌韌嘅蕎麥麵，簡直係健康之選嘅組合。