Video
5-min walk from Exit B1, Tsim Sha Tsui / East Tsim Sha Tsui MTR Station
continue reading
Introduction
This Japanese restaurant mainly serves bake dishes that include meat, seafood and vegetable items. It is designed with wooden style and sake bottles to bring you a casual vibe.
continue reading
Additional Information
全新裝修川酒舍，搖身變做有格調既居酒屋除保留特色串燒之外更加入唔同種類既刺身、壽司、同一品料理當然唔少得黎自沖繩既Orion黑/白生啤，特色Cocktail、紅/白 、日本威士忌同埋Sake
Opening Hours
Mon - Sun
12:00 - 00:00
Above information is for reference only. Please check details with the restaurant.
今次再幫襯，已經轉咗型做居酒屋形式🍶，由於得我一個人食🥢食唔到太多野😂😂唯有每一類都叫D嚟試，試晒雞、牛、豬、海鮮、飯類(事後先發覺冇叫蔬菜類嚟試🫢)我就叫咗🐮燒厚切牛舌串、🐥免治雞肉棒、燒日本雞心串、🐷燒日日黑豚腩串、🐠燒白鱔串、🍙燒明太子飯糰，大致上都OK👌🏻不過明太子飯糰可能同我相像中好大出入，我自然幻想到會好似出面飯糰食到明太子一粒粒有咬感，但整完出嚟好似同普通飯糰咁冇乜特別，以為自己食緊一舊白飯+飯焦咁…而白膳串我係特別欣賞，仲叫多串嚟食呢個真係冇得輸如果menu出返有七里香串同牛髓骨就very good
continue reading
曾經係尖沙咀出名買衫聖地加連威老道，有一間開業接近一年嘅日式居酒屋，門口雖然比較樸實低調，但入到去裏面裝橫好有日本嘅氛圍，播住充滿節拍嘅歌，充滿氣氛。居酒屋主打日式串燒、全部即叫即燒，另外仲有燒酒啤酒🍻，主打嚟自沖繩嘅Orion啤酒，勁適合一大班朋友聚會Chill 下，食下串燒，同埋飲啤酒。當日同朋友點咗以下食物：蒜燒日本廣島蠔生蠔用上日本直送廣島蠔，蠔肉新鮮，上枱時仲熱辣辣，燒生蠔表面充滿蒜香，好惹味，蠔肉多肉夠鮮甜，另外仲有蠔水保留喺殼度，夠哂鮮美。川酒舍炸飯糰手工飯糰係川酒舍主食其中一樣主打，製作步驟繁複，見到師傅用心處理，絕對係心機嘢同誠意之作。送上枱時覺得外表好靚，而飯糰炸到外層好香脆焦香，飯粒充滿紫菜味同埋日本醬汁味，表面放上咗日本生雞蛋，撈勻嚟食，令到飯糰充滿蛋香，味道更加多層次。惹味京蔥豚肉串師傅燒得啱啱好，鎖住豚肉既肉汁，豚肉用上咗半肥瘦，燒完之後食得出脂肪嘅香，豚肉質感嫩滑軟身，配埋京蔥一齊食，好香口，鐘意食京蔥既朋友千祈唔好錯過。免治雞肉棒串日本居酒屋受歡迎嘅串燒之一，免治雞肉棒燒至外面微焦香脆，內裏雞肉爽嫩多汁，食落啖啖肉同好有咬口，配上攪勻嘅日本生雞蛋黃嚟食，口感滑溜兼帶有香濃蛋香。汁燒雞肉串川酒舍嘅雞肉串燒全部用上日本雞肉，雞肉肉質鮮嫩，好惹味。汁燒雞腎雞腎有彈牙同嚼勁嘅口感，師傅將佢汁燒再灑上一啲鹽味，食落好惹味，啱晒鍾意食燒內臟嘅朋友。鹽燒雞皮雞皮燒得非常香脆，香脆嘅外皮，加上皮下脂肪部位都燒成有咬口，加上鹽粒嘅調味好正，好似食緊薯片咁，食落唔會有油膩感。汁燒雞胸脆骨坊間比較少見嘅串燒，亦都係佢哋拿手嘅串燒，食落口感同好似雞軟骨咁脆，雞胸骨亦帶有少少雞肉，有軟骨咬下又有肉食，超有口感。秘燒七里香如果食串燒想食得刁鑽啲，可以選擇七里香，七里香就係雞嘅屁股，特別多肉，燒出嚟香濃惹味，帶有肉汁。鹽燒雞中翼雞中翼相當肥美大隻，咬落啖啖肉，雞皮脆口味濃，肉嫩有肉汁。惹味雞肝串雞肝外面燒至帶焦，內裹帶有又黏又軟嘅獨特口感，外脆內軟，肝味醇厚，食落非常甘香。惹味雞心串雞心好鮮嫩，口感方面帶有彈性，食落帶有油脂香，香濃入味。鮮魚湯煮娃娃菜娃娃菜夠新鮮，味道本身略帶甜美，同鮮魚湯嘅鮮味幾配合，再加上菇，口感唔錯。飲品
continue reading
涼涼地, 想食串燒, 朋友介紹川酒舍,所以今日就去試試, 局居酒屋佈置簡單樸實,好有日本感覺 ,職員推介汁燒雞脆骨, 燒汁好好味, 個骨好脆口, 完全同雞軟骨唔同我地仲叫左汁燒翠肉瓜, $68秘製爽口白鱔,個鱔好肥好厚肉, 好香魚味, $78蒜燒大聖子, 必食, 又大又肥, 勁勁鮮甜配埋大量蒜蓉,提升左海鮮既鮮味$25炸飯團, 個皮厚左D,味道正常,好香口的 .$32爆芝士烤菇,我地掛左傾計,所以芝士凍左無咁好食, 啡菇大大隻,好JUICY$25脆香焦糖蕃茄, 一定要食, 蕃茄勁大隻,又厚又甜又香又多汁,上面仲有焦糖,配合得好清新好味
continue reading
個標題可能對佢有啲唔公平這就是我的感覺先講環境：大致上都好整齊，算係衛生服務態度：呢方面佢哋真係做得幾好👍食物方面：呢一部份呢，就真係唔係好掂基本上佢所有嘢都係好鹹落啲味粉，落得太犀利喊到確喉😳希望佢哋整理返好啲啦
continue reading
今日去到尖沙咀加連威老道，這一間居酒屋叫川洒舍，地方唔大，不過坐得好舒服, 居酒屋主打串燒，燒烤，有好多唔同日本酒，清酒啤酒當然都係主打，大家可以一邊食串燒一邊摸吓酒杯底飲兩杯👍🏻三款前菜都好吸引E一個係雞拼盤有好多唔同部位 都幾特別 $138燒飯團，燒到外層香脆焦香，放埋日本生雞蛋撈埋一齊食，令到整個飯團味道更加香濃川洒舍燒飯團$48魚湯湯煮花甲係我必選鮮魚湯煮花甲$98原隻燒生蠔$78爆芝士燒烤菇$32腩片蘆筍卷$48⚠️💁🏻♂️ 溫馨提示：所有體驗均屬於個人分享，食品質素及服務只代表當天的評價。歡迎留言及分享你們的用餐體驗。大家緊記酒店或餐廳質素可能因各種原因下跌, 本人沒能力亦不是我控制範圍內。還望大家明白🙏🏻🙏🏻如果喜歡這影片，請按讚、分享、訂閱！
continue reading