川館 (Closed)

去返上星期個客度fallowing 上次講嘅嘢，早少少去到搵啲嘢食下，雖然九龍城有小泰國之稱，但真心想食啲辣嘅嘢，上網search有啲咩選擇，搵到一間近近地，又多人幫襯就走入去，點左一個麻辣水煮魚，麻味十足辣就普普通通，鍾意麻嘅話，呢個認真十級麻，魚肉無骨唔識lun骨都可以放心食，上面有幾舊豬紅，呢個水煮魚好啱自私食，唔同平時見開成個面盆咁大，加咗$10就有一碗雞湯面，有得揀粗麵或幼麵，我比較偏向揀咗幼麵

之前見人介紹過哩間舖...心思思來試下...由於唔食得辣叫左泡椒牛腩麵BB辣...但已足夠辣到我飛起....選左幼麵...比米粉粗少少都有咬口...又掛到湯...所以好入味...牛腩好淋...可能碗麵定價唔貴所以牛腩細舊分量唔可以比得多...食之前我已將放係上面既泡椒拎走...因為怕會更辣😜😜另外仲叫左酸菜魚...分量一樣唔多...定價個人覺得偏貴...味道就一般...麵加嘢飲比散叫嘢飲係平d...唔食得辣既我更係加嘢飲啦😂😂

泡淑蜆肉燃麵 增肥寶貝🥈No.2 越辣越想繼續食我真係好鍾意食辣架🤤辣對於我來講，可以叫做係另一種心癮，明知食到口水鼻涕爆汗溶妝，哈，但係你又食到停唔到，食完之後仲要周不時念起果種辣得爽快然後就會立即令人食慾大增🤩但，基於各大食肆食到gei辣，清一色都離不開水煮呀、麻辣呀，好多油呀，因為本人仲未嫁得出🤭🤭所以我好好好注重膚質狀況，一般太多油gei辣我都係避之則吉。直到我食到呢碗野💋大愛！佢果隻辣好干爽！干，意即佢唔係油淋淋個種辣。爽，意即佢真係佢好夠辣，爽🤗另外，佢個川汁係會令到所有小食食材『 唔駛講野，直接升Lv』。

值得推介的小店！適合喜歡食泡椒的朋友仔！我自己係就超多味！泡椒！牛腩！幼麵！人流唔係好多，希望多D人支持！又好味又平大大碗！由大角嘴時開張食到依家，當時仲有水煮魚食😄

初次嘗試川館🌶是在大角咀本店，到九龍城店是第一次，店比大角咀大很多，坐得舒服。很想嘗試新的食物，但主打的🍅🥚番茄蛋面是不能缺少的，賣相比大角咀的遜色，好似稀左少少🤔，吃來是一樣的超好吃，又是那家庭媽媽味😭。另外嘗試了🌶麻辣牛肉撚面，叫的是小辣， 這裏的辣並不是放辣味、辣油，整碗湯上無油面。辣味來自辣椒，吃得出青辣椒的味道，很有份量。 但始終蜆肉面出色很多😬。第二次吃這款雞翼尖，同樣也是一樣的感覺🤨，一試無妨吧，比較平平無奇，辣是使夠辣的。炒椰菜🌳很好吃、很爽口，雖然說是走辣，但也有少少辣椒調味啊，菜分量多吃得開心！

見到本店食評d相好正就決定要一試揀左間近自己既店一入去得兩位客人已經六點半走戈陣7點半都係多多兩位滿心期盼去吃結果就有點岀入總括而言又吾係話好差但吾會再去以下逐一講下叫左咩食先蜆肉燃麵 小辣湯底好結我覺得已經係最好吃既野蜆肉多 無沙蒜味重 好似b仔雞翼尖咁但就冇令人上癮既感覺味道有點寡份量不少蕃茄蛋粗麵同我想像中岀入極大人地d相好似好濃好正但現實隻色比較淡有蕃茄味 平時我都中意岀去叫蕃茄湯但呢碗俾我感覺係我都整到啦！但就要四五十蚊 不值！土豆絲都要廿幾蚊架！清脆可口以為係有加醋點知。。。原來冇乜味但有d食薯條既感覺 不算太差但冇驚喜雞翼尖 小辣個人認為不夠入味很硬 不夠淋

之前試過大角咀店覺得不錯，現在九龍城也有分店，剛巧我們去九龍城所以大家也選這間店，九龍城店比大角咀店大一陪，菜式比以前多了很多有很多選擇！今次我們叫了麵食及小食熗炒土豆絲、口水雞翼、招牌泡椒牛腩麵、泡椒蜆肉燃麵⋯等等我們食了很多東西，非常飽好滿足

川館為於九龍城，九龍城食泰菜出名就係人都知，而呢間川館叫得川字，當然食四川風味辣野。鋪頭入到去都四四正正，不過燈光偏暗，營業時間10:00-21:30。打開餐牌都有唔少既野食簡，而麵亦都有分粗同幼，今次我就叫左蕃茄蛋麵（要特10分鐘即整），唔知係咪重點錯左，個炒蛋覺得佢幾好味。而小食叫左辣炒土豆絲，川味雞腎同口水雞翼。個人覺得口水雞翼可以唔叫，因為同想像中唔同又唔辣。反而土豆絲辣辣地幾好味，亦都夠飽肚。叫左兩個麵，3個小食，2杯野飲一共$210，都唔錯呀（遺憾唔記得影相，下次補番）

口淡淡，係時候搵d 刺激野食開下個胃勒。餐廳佈滿熊貓，枱亦闊落，入去就有種優閒既感覺。話明要刺激味蕾，梗係簡水煮野啦。水煮魚$68好少見咁平既水煮魚, 雖然用魚柳，但魚都算滑，入面仲有豬紅同芽菜，最好味d芽菜，吸曬d 麻辣味，食完個咀麻到震震下，好過瘾。招牌泡椒牛腩麵$39簡左粗麵，幾好咬口，雖然簡左微辣，牛腩都食到好強勁既泡椒味，中意食辣既唔好錯過。油菜$23唔知用左咩油既關係，碟菜都好香。總括成餐以咁既價錢，算性價比高呀。

個日同朋友去左食 食左個火鍋肥牛幼面佢話火鍋姐係有湯跟著叫左微辣 其實一點辣都無都等得唔算耐 5-10分鐘 可能因為係3點先去無人d staff態度一般 碗面還可以下次會試燃面 姐系潔既汁🤨

今日公司午膳時間到此餐廳吃午餐，但換來一場惡夢。下午1:18落單叫清湯抄手+担担麵，但等了最少20 分鐘先自有清湯抄手可以食，而担担麵等了超過20分鐘全無蹤影，最後取消order 收場。原因：餐廳員工只顧外賣訂單，而忽略堂食顧客。食物方面，清湯抄手的抄手與其他餐廳相比抄手的size 較少，湯較多油，唯一抄手的皮係好食外，餡料、湯同菜都不合格。建議：（1）返工午膳時間，打工仔唔好去惠顧此餐廳，否則唔會夠時間在午膳完時準時回到公司工作。（2） 員工曾建議等得耐，便取走回公司完成該份担担麵，本人不建議這樣做，因有機會再等更長時間去等。（3）食物不抵食，因價錢$27清湯抄手，但饀料細，湯多油多。最後此間餐廳對我來講是永不再惠顧

很有福呀! 朋友請食麵! 被帶到川館, 帶著期待心情吃辣味道。吃燃麵, 當然是食其筋道! 我們點蒜蓉帆立貝燃麵及麻辣肥牛燃麵, 麵的質感夠筋道, 很彈牙! 蒜蓉味重, 帆立貝軟熟, 湯底較清。相比之下, 本人還是喜歡澴味較重的麻辣肥牛, 它的香不僅來自辣椒, 還有其花生碎及花椒八角, 香味不足, 令人連湯也想渴完! 肥牛的肥瘦分佈良好, 真的有肉可吃! 朋友知道喜歡吃皮蛋, 就讓我點了川汁皮蛋, 川汁特別, 甜甜的, 但皮蛋未算好吃, 整體普通。最後是柚子響鈴, 我沒有看餐牌上的英文, 我以為是打邊爐的響鈴, 誰知是炸雲吞, 它算是香脆而不油膩, 但外皮略嫌太乾太燶, 但豬肉餡料及皮的比例剛好, 配合柚子醬一起吃, 味道不錯!

我鍾意食辣，但唔係因為有辣野食而鍾意川館每次經過九龍城，都會想去川館食碗泡椒牛腩麵。牛腩麵煮既過程已經落左泡椒，所以冇得揀唔辣，只可揀辣度，同行朋友冇得食真係慘喇麵既湯底本身就有泡椒既辣味，又有牛腩同肉味，就咁飲已經好正。麵有粗、幼兩款，個人都係覺得幼麵好食啲（可能因為可以沾到多啲湯，入味啲），麵質幼滑，但又唔易斷，而且加底只需要５蚊！川館既牛腩質感比較腍，有時會有小小好似啫喱咁既油脂係入面，質感唔錯啦，而且相當入味，講起都流口水，我真係好鍾意食呢個麵呀！不過，佢都有要改善既地方，我平時就會飲哂個湯底既，有時候個湯底唔知點解會比平時咸左，我覺得係浪費左個湯底既。希望佢改善返，唔好突然變咸，等我可以次次飲哂個湯底55/45

元旦日，打算好好休息。在附近公園行行，再在大街小巷走走，走著就到這餐廳前，被食物牌吸引入內，不貴，又有想食的麵。我們叫了川館牛腱麵(走辣)$40，加熱柚子蜜$8，麻辣肥牛燃麵(微辣)$49，加凍奶茶$8。再加田園油菜$24。總體來說，不太多人，環境舒適有輕輕的背景音樂，味道不錯，人很好有禮，價錢好讚，寫意。感覺健康，可選無辣，微，小，中，大辣。

平時去九龍城都是食泰國菜，今次我朋友帶我去試新口味～～～就係食四川野🌶🌶🌶入到店內，見到幅好大嘅熊貓🐼壁畫，老闆話專登請人來畫喱幅畫，仲有喺店內見到好多各樣熊貓的小擺設，幾有意思喱碗泡椒牛腩麵，見到個湯底清清地，真係吾好比佢呃到，食到我個朋友出曬汗，佢D牛腩好軟淋淋，一定要試👍🏻👍🏻👍🏻蛋包飯就食得多，蛋包麵就好似未試過我一點喱個麵，D服務員就話（識野）🤣🤣🤣原來喱款麵係老闆自己研發出來嘅麻辣水煮豬頸肉，勁野味，食吾停口🌶🌶🌶熗炒土豆絲，炒得好爽口吾好見喱碟野好似冇乜色，嘩～～～一食落去又係辣到你追住食🌶🌶🌶香酥雞禁😋我最愛嘅鷄翼