川館 (Closed)

由於嗜辣，成日周圍搵川菜食。今日唔係太肚餓但係經過成日經過的九龍城川館打算幫襯下，點左一個水煮魚，問咗老闆三次水煮魚係用咩魚，都答唔到，已經覺得有少少賴嘢。佢話係魚柳，嘢食到台上難怪佢講唔出係咩魚，好少食水煮魚食到咁唔滿足，豬紅亦都麻麻地，但老闆態度實在很好，所以亦唔想寫得太衰。

九龍城食好嘢就好出名架了，今次見到有川味嘅酸菜魚，即刻口水都流出來了牛腩麵，牛腩牛味十足好好味，炆得好淋牛腱，入味而且嫩滑酸菜魚，白雪需嘅肉質一睇都知道新鮮，配上酸菜，真係好開胃凍檸檬🍋配可樂，爽呀

唔好以為九龍城淨係得泰國野食，朋友帶路原來有間食川味嘅店舖，一於過嚟試吓先😚😚😚❤️清湯抄手，四川來的有名小吃。抄手，其實就是餛飩，一般來說比餛飩小，咬一啖，好充實，好足料，有成6隻左右，將鮮肉餛飩搭配好入味既湯底，味道正，好有原產四川風味，湯我都飲晒。❤️柚子響鈴，見嗰名幾得意，所以嗌黎試下，其實就係炸左既抄手，配上美味既柚子醬汁，成件事好fresh，好岩夏天食，消消暑喔🤪❤️田園油菜，好有鮮肉，份量又多，爽口味美😝❤️川館雞腎，開胃必備既四川小菜，又惹味又爽口，勁有嚼勁，讓人一吃就上癮🤩🤩❤️川味芙蓉拌麵，係九龍城分店嘅限定版，香煎芙蓉蛋，餡料多多的美味芙蓉蛋，用來拌飯最好味呢，估唔到拌麵仲好食呀，好似日本嗰啲大阪燒咁，煎好左既蛋包住拉麵🍜，而呢度就係煎好左既蛋，包住用肉碎，榨菜，炒成既幼麵，感覺好特，第一次食，口感相當好，好有自家既風味🤩❤️嗌左兩杯嘢飲一杯凍檸茶一杯熱檸水，凍檸茶杯四川野食簡直係Perfect match😝😝😝

去到九龍城食四川野係有D奇嘅。打開餐牌，好多野揀，3心2意好難揀，最後揀左基本野”酸辣粉” $37. 粉 好快就到，食一啖，辣喔， 不過無酸味，粉就很水晶晶，吸唔到味又掛唔到湯，除左辣就無其他味道， 其實 都有嘅， 幾粒花生有花生味囉，成碗食左幾啖放棄。四辣雞絲粉皮 $47 ， 好咸 同醬汁太多。勁唔開心。

上網見到有人介紹, 啲相又唔錯咁, 就黎試下去到原來都唔少人, 仲以為多人識, 個位都唔太顯眼去到叫左泡椒蜆肉撚麵(小辣)同泡椒牛腩麵(微辣)點知黎到牛腩仲辣過蜆肉總結黎講, 牛腩麵好食過蜆肉, 因為個湯清同啲麵岩啲, 另一個杰撻撻, 啲麵一舊舊, 有啲難去食, 蜆肉份量都正常.

行過九龍城有時都未必一定要食泰菜,除左泰菜一樣有其他既選擇.今次經過獅子石道既街頭見到呢間川菜店就入左去試試.泡椒蜆肉燃麵第一次見到燃麵呢款麵,好奇心既驅使下就點左黎試試.同預其中既湯麵唔同,原麵係一款半湯半撈既麵,用上青紅辣椒,蒜蓉同蜆肉打成茨汁再放上已煮熟既麵底上.味道帶點青椒既香辣感,加上蒜味香濃,蜆肉夠鮮得黎又無沙,好惹味.因為係茨汁所以更容易掛係湯麵上,令麵條更入味.酸菜魚以迷你沙鍋上,底下以酸菜同芽菜做底,酸菜味香夠濃而且唔會過酸.湯底有晒酸菜既酸香味及魚片鮮味.魚片薄身帶脆口感,內有少少魚骨所以要小心食,餐廳亦好細心地係餐牌上提示有骨.川汁皮蛋皮蛋雖然切成一各1/4顆但每顆都好大粒,睇得出原隻皮蛋係有幾有隻.本來以為川汁係會有紅辣油係本上,上到枱換黎既係啡色既芝麻醬汁.放一顆皮蛋連芝麻醬入口先發現驚喜,原來川辣汁一早已經融和左係麻醬內,一食先有芝麻醬濃密既麻香味,慢慢再細嚼換黎既係川味麻辣香.

九龍城 川館星期六緊係要食返個靚brunch啦～今日我就去咗九龍城呢間「川館」食麵嗱～🍜 蒜蓉帆立貝燃麵 （$56）呢個麵係類似四川擔擔麵嘅質地，幼身但夠曬煙韌同彈牙。湯底係好結身嘅啡色嘅，都應該係擔擔麵嗰種有花生嘅湯底。我揀咗微辣，麵入面有超少量花椒、青椒，有少少麻辣感覺但一啲都唔會剌鼻或者唔舒服。（鍾意食辣可以揀辣啲😆）麵入面有七八粒帆立貝，仲有啲生菜喺入面咖😋🐣 香酥雞翼 4隻 （$31）香酥雞翼係即叫即整嘅，熱辣辣香噴噴咁上枱。而且一咬落，個皮好脆！入面又夠曬嫩滑，正😙🍹 凍檸檬茶 （$8）凍檸茶我嗌咗少甜少冰，果然有聽我講少到😝 甜度啱啱好，唔會遮蓋咗檸檬嘅味道。

開九龍城附近，當然就順便覓食啦！星期五先來個early lunch，11點半啱啱過咗早餐時段，如果唔係仲抵！一條友冇王管，就淺嚐一碗微辣嘅泡椒牛腩麵啦！好多時餐廳都係麻辣、酸辣，泡椒湯底嘅配搭喺香港好少見，幾特別。望落以為湯底好清淡，第一啖湯，好似辣度好微，但其實啲麻辣會慢慢出黎㗎！所以都係跟餐配杯飲品會好啲，平日食開小辣嘅由微辣開始試會好啲。我個人比較喜歡泡椒多於花椒果種死麻（仲細細粒成日唔覺意食到！），而且呢個湯一啲都唔油，食辣野之餘冇咁多罪惡感～牛腩份量唔算多，但女仔都夠食，同埋我覺得啲騷味好夠。配上都好幾條生菜，即時「感覺」健康咗。幼麵感覺有啲似蘭州拉麵，配湯會夾啲。

今日同同事喺九龍城收工求其入咗間麵館嗌咗個推介嘅麻辣肥牛燃麵同事嗌川味芙蓉拌麵唔知落單嗰位係咪老細超好禮貌喺我地猶豫緊粗定幼麵時就幫講比我地聽分別最後因為幼麵啱掛湯啲所以燃麵嗌咗幼麵真係無介紹錯我嗌咗小辣個湯底係我從來都未試過唔油膩 唔係豉油鹵水味有啲似酸菜魚啲湯底但又濃厚啲配埋花生碎同肥牛真係超正朋友個芙蓉蛋麵係九龍城限定原來係煎蛋包炒麪！唔怪得粗麵夾啲！真係好香口兩個都係跟餐+$8 有嘢飲我唔食得辣但又想食辣真係唔飲凍嘢唔得我地嗌咗個雞絲粉皮同清湯抄手share粉皮好大碟 我清晒啲花生碎青瓜粉皮係粗底 好有咬口嗌咗正常偏少辣 十分正抄手應該係豬肉椰菜餡好清甜我地解辣一流😛埋單每人都係一百飽到捧住肚走

朋友約係九龍城食飯，以為食泰國嘢，但帶左我去食川館😂，入到去坐低都覺乾淨企理，而且我都想試下川菜嘅😋- 担担麵（少辣）麵上鋪左雪菜，肉鬆同花生，朋友說味道調校得很不錯，麵爽彈🥳- 酸菜魚份量足料大份，魚肉滑但帶點細骨，故食的時候要慢慢食🤣，配上大量酸菜，芽菜薦底，酸酸的非常好味。- 川菜涼拌薯粉（BB辣）因想食麵， 故薯粉我轉左麵😋，個醬汁係麻醬帶點麻辣，蛋煎得剛剛好，配有肉鬆加青瓜😘而且d麵掛晒醬好味啊😋- 燴炒手撕苞菜炒得都爽脆不咸，個人覺得有點油，但撈埋入酸菜魚一齊食又ok🤪仲想試下佢其他嘅野食，咁以後黎九龍城以後又多個選擇囉😘

If you want eat great noodle please try here I feel 川館 is great food and good staff and good cost performance👍👍泡椒牛腩麵 滑雞米線 little spicy is my favorite.個人的には香港有数の麺屋さんだと思います。コスパ、スタッフの対応、5年通ってます！是非九龍城を訪れた際は寄ってみてください🙆‍♂️

一碗簡簡單單米線🍜🍜配合一種麻椒的涼伴汁，簡直提升到另一番風味，米線軟硬適中，每條都沾上麻麻辣辣的醬汁🧂，配上蔥花，每一啖都充滿了四川味覺，而煎蛋煎至剛好，帶有一點點焦香及脆口。在一間充滿古色古香的店舖加上一碗煎蛋麻辣米線！正到爆😍😍😍😍

好想食酸辣粉，於是搵左屋企附近的川菜。入到黎見到有撚麵，比佢吸引左就試下咩黎😂叫完先發現係 燃 唔係 撚，不過冇所謂啦，我都係唔知咩黎😂環境好可愛，幾有中國風。肥嘟嘟的熊貓🐼加埋黑白山水畫的竹林。除左壁畫，連牙籤筒都係熊貓造型。泡椒蜆肉米線煙韌，麵條質地幾好食。想食辣又怕辣既我，叫左微辣，結果真係好微辣，冇咩辣的感覺😂下次可以試返少辣。湯底比較稠身，夾米線會沾上湯底👍有青椒，紅椒同花椒🌶️蜆肉冇沙。

喺九龍城附近見完學校，帶着小朋友諗住食個早餐。大部份茶餐廳嘅茶餐都唔太適合，見到呢一間川菜館佢嘅早餐係一碗麵，加個蔥花卷或者饅頭，配埋豆漿都只不過係$35 ，咁就試吓啦。我哋一去到剛開舖，店內座位唔會好迫，坐得都舒服，都算乾淨。不過唔肯定佢哋有冇BB櫈，因為我哋冇問佢攞。我哋叫咗一個番茄牛肉麵，一個榨菜肉操面。店員話今日只有饅頭，陪兩杯凍豆漿，買單$70 ，真係好抵！蕃茄鮮牛肉麵值得推介，首先佢嘅湯底唔係一般味精味湯底，係真係有好香濃嘅蕃茄清湯，湯底入邊好多茄肉，真材實料，絕對唔hea。麵底我哋揀咗幼麵，佢係傳統上海幼麵，麵質好彈牙幼滑但又唔會黐埋一舊舊。牛肉係類似打邊爐的美國肥牛，食得出有牛味唔會好鞋，雖無手切肥牛咁香口彈牙，但不過不失總好過罐頭沙嗲牛肉。每碗配有少量蔥花，討厭蔥的人記得走青。榨菜肉崧湯麵就一般，榨菜偏鹹令整個湯都鹹咗啲，湯底比較淡不及蕃茄湯咁多料咁濃味。肉崧即係肉碎，分量都Ok而且食得出非罐頭，係自家醃製的肉碎，不過都係偏鹹咗少少。麵底都係上海幼麵，好食！最後上檯係兩份饅頭，Size偏細但我覺得跟餐嚟講非常合理，而且即叫即蒸夠晒熱，幾好食！而家出面食個常餐食罐頭嘢都

行過見到入面幾多人，原來有川菜食，有分一人肥牛餐同二人水煮魚餐，兩款配搭我都睇唔上眼，就望吓隔離左右食緊啲咩，隔離有個男人食緊水煮魚面麵，我就跟住叫咗一份，原來咁樣係散叫，想食散叫就散叫又唔係差好多錢水煮魚水煮真麻辣有後勁，大約有10件魚，意外驚喜有豬紅，第一次食水煮豬紅冇咗血腥味，唔會死實實帶咀嚼感雞湯麵隔離枱食緊幼麵，我有跟住嗌，啲麵似上海麵比較淋，雞湯唔油好清湯，加少少水煮魚汁，變咗麻辣湯麵