川香苑麻辣雞煲火鍋 (Moved) New Location

今日番工有點心癢想食辣, 放工就拉左同事黎.7點幾仲未好多人,有位.今次主要叫得比較多四川涼拌小菜,加個雞煲就算拉,因為同事加我都係兩個人.雞煲我地要左中辣,聞到好'供'鼻下,食落辣度ok,我地兩個都接受到!湯底味濃,雞肉大小平均,食落麻辣感之餘,又有香口,值得一讚!涼拌薯粉,口感凍凍地滑嘟嘟,好有趣.而且莞茜味令薯粉更香,不過可以再辣D!尖椒皮蛋同事最中意,成碟有好多辣粉,呢個皮蛋就比較爽口D,唔會太腍,ok.最後當然叫埋涼拌青瓜,貪佢夠爽清甜。我地食完就各自回家，好滿足。

不知道是不是因為雞煲店開得太多，所以近來身邊不少沒吃過雞煲的朋友都開始加入吃雞煲的行列，是晚和友人聚會，她提議去吃雞煲，她說她沒有吃過想試下，而她就在開飯網找到這裡。這家店其實剛開張的時候我已經和友人來過，那時候的印象很不好，後來她在旺角廣華街那邊竟然開了家分店，但就一直沒有再去過。事隔兩年多，或許水準提升了也說不定，我就再給她一次機會。友人早到先去拿位，我到底的時候大概七點半，只有兩檯客，對比起街角那家人氣雞煲，熱鬧程度實在相差得遠。由於她們兩個都是第一次吃雞煲，而且平常也比較少聽到她們吃辣，所以我決定點半隻小辣雞煲給她們試試，至於配料我就由她們選自己喜歡吃。半隻小辣雞煲。友人們說辣度剛剛好，麻的程度也容易接受，我覺得味道好像比之前吃好一些，不過不太夠香，沒什麼特色。雞的份量不少，雞肉都算嫰。不會切得太碎，而我喜歡吃裡面的青椒與洋蔥。雪花肥牛。肥牛鋪得很整齊，雪花均勻，雖然牛味不算濃郁，但口感都算不錯。蟹柳。有透明膠包著的蟹柳，在這裡當然不奢望會有高質素的，但慶幸是那種魚肉味濃一些，不會是一條粉團的那種最差質素，而且份量也不少。黑柏葉。無論是焯一焯還是煮久了，都很硬很嚡口，我還是喜歡

秋高氣爽既天氣,至岩就去食辣啦!!!簡左個閒日ge晚上約左班中學FD黎食呢間,就係見個食評唔錯先黎試試!!坐低先知原來有d fd唔太食得辣,所以叫左個鴛鴦鍋底,小辣….好彩2邊味道依然各有各出色ja,唔會話2邊味撈埋一齊!佢有落左d莞茜同大蒜,令到個湯好香,雞肉肉質好滑,點埋佢d配料食好好味。另外我地仲點左串燒、墨魚滑、廣島蠔、肥牛…..仲有好多唔記得左lu!!佢個串燒聞到已經覺得好香,食落有隻孜然粉味,我鍾意!!個麻辣湯底值得我推薦下!下次我會試下佢個養生栗板雞鍋,應該都會幾好食!!!

依家天氣涼涼地, 最岩就係食火鍋喇, 朋友之前黎過川香苑覺得唔錯, 所以今次帶埋我一齊黎食聽佢講話試下麻辣雞煲, 有幾種辣揀既, 我地幾個都幾食得辣, 就點左中辣試下, 不過聽朋友講其實藥膳雞煲都唔錯, 或者下次再試埋啦~另外仲叫左必點既肥牛, 丸呀, 串燒呀, 廣島蠔等等...呢度d野食樣樣都好快黎到 係串燒要等一陣~雞煲一黎就聞到好香, 已經聞到陣辣味, 好開胃~同埋真係夠晒麻~d雞份量都幾多下呀我覺得~所以都幾抵~食火鍋最重要既肥牛都ok既, 唔會切得太厚太薄等等, 廣島蠔都幾甜呢度既串燒都幾濃味, 岩晒d鍾意重口味既人, 我自己就覺得燒多春魚同燒羊肉都唔錯既...同埋呢度既羅漢果茶係鋪頭自製, 我覺得冇出面個d咁甜, 食d濃味野個陣飲就岩岩好

今次已是第二次來川香苑，這種微涼的天氣食火鍋就最適合了。我喜歡這裡店面的環境比較好一點，因為有些火鍋店都會比較骯髒，這裡都比較整潔。上一次試了麻辣雞煲，不自量力的我沒想到真的很麻辣，舌頭都麻痺了，於是今次便決定轉戰藥膳雞煲。藥膳雞煲雖然味道沒有那麼濃，可是湯味比較有一種住家湯的感覺，比較清一點，很好喝。雖然只叫了半隻雞，不過雞肉的份量也很足夠，每舊雞都有肉，不會有很多骨。另外這裡的串燒跟燒羊架也很值得推介，十分惹味呢。

同朋友約左係門口等，我本身冇黎過呢度附近，所以覺得個位置都唔易搵，要靠地圖先搵到。係門口已經聞到好大陣香味，我地大約9點先去食，所以都唔洗等位，鋪頭入面呢，最重要既冷氣就夠晒喇，環境衛生都ok咁。我地都唔食得辣，所以淨係叫左藥膳雞煲，不過都見到隔離檯既麻辣雞煲好吸引咁...野食好快就黎左，我地係未落野食之前試左啖湯先，好好味至於d雞呢都幾多下，舊舊都有肉咁，煮得幾滑。同埋呢度既串燒好惹味，我地先後都叫左幾樣野。蠔好鮮甜，咁樣多配料之中我最鍾意。同埋呢度有隻醬係唔辣既，但係會麻，岩晒我地呢d唔食得辣野既人，食落感覺好得意，條脷會痺晒咁。

上個禮拜黎左呢頭附近搵食, 晚飯時間周圍都多人, 我同朋友都唔想再周圍左揀右揀, 就決定試下川香苑啦~~黎到個陣都要等位, 不過都唔洗等好耐就入得, 都好, 本身諗住食火鍋一定有排等, 因為d人通常都慢慢坐我地都唔太食得辣, 本身諗住叫藥膳雞煲, 但望到隔離位食緊個麻辣雞煲睇落又好惹味咁...於是膽粗粗叫左個小辣, 配料都係叫返d火鍋必備既肉類, 丸類等等雞煲黎到已經聞到好香~~d肉都幾多下, 好彩都真係小辣, 我地都仲食到, 不過食食下已經麻晒喇~至於d配料, 未算好好味, 不過肉都ok新鮮, 算係咁啦~~

前日因為要去文蔚街做工程，中午同D工友就近食晏，經過間叫川香苑的鋪頭，出面就已經聞到好香，不過，有個工友話喺網上睇到話有人寫呢間唔好，但見到裏面都幾多人喺個道食，所以我地都決定喺個到開飯。我地坐落就叫左個小麻小辣的原只雞煲，配料就叫咗魚滑，生蠔，時菜。雞煲只雞都幾夠份量，我地幾個人食都夠曬，味道算唔錯了，我自己就沒食過正宗的麻辣雞煲，但就我個人嚟講，呢個雞煲可以啊，啱我口味。D耗就真喺正了，味道夠曬鮮甜，就算落咗個麻辣湯底裏面滾都蓋唔到原有的鮮味，超正~。魚滑同D時菜就一般般啦，勝在新鮮。

之前已經試過呢度既麻辣雞煲, 不過我實在唔太食得辣, 個次食到麻晒咁 所以今次就試下藥膳雞煲, 呢個岩我口味多d, 幾好味~見佢貼左張紙話好補添 d雞食落都收貨, 吸晒d湯幾正呢度火鍋料有好多款, 不過我同朋友都係食肉獸, 所以大部份都係肉類, 肉類ok, 未係好鮮不過都算值呢個價, 至於其他野野都不過不失~唔想食普通任食火鍋既話呢度都算係個唔錯既選擇~

之前見到咁多食評都話好好, 咪專登來試一下。本人都去過重慶, 四川幾次, 都試過當地正宗的麻辣火鍋，而家出面間間都話自己是名門正宗, 跟本就完全不同。首先叫左個最出名的雞煲，因為我的有其它朋友唔太食得辣, 叫左一個一半麻辣, 一半唔辣的。先講下個湯底，同四川差很遠, 人哋四川的麻辣是，麻、辣、香，用上大量香料去做個湯底，食完是唔會有個種重重的味精咪, 但是佢個湯底，重味精好似食緊公仔面湯底一樣。此外，我叫左一隻雞，不是半份, 我哋四個人食, 竟然每人都食唔到四件，其餘都是骨頭，咁是咪是是一隻雞呢?我多數食雞煲都是等客人自己落的，佢就幫客人落, 而且雞又唔滑，雞煲是咪真是咁出名呀~~~~其餘火鍋料都無咩特別，都是一般火鍋料，其它串燒都可以，不過食左幾串後, 就覺得串串一樣味, 味精味多到蓋過本身味到。食物質數好一般，特別就真是特別在味精咁重，重咁多好食評，又有人post相上去，可以比10個趣

油尖量區都幾多鋪頭有得食麻辣雞煲, 已經試左好多間, 川香苑係第一次食, 本身黎到見到排緊隊, 好彩都唔洗等好耐就入得我個人係好鍾意食麻辣既, 所以要求都幾高, 而且試過好多間都覺得唔夠麻, 點知呢到既麻辣雞煲食落又唔錯, 夠晒麻, 雞肉都好入味, 肉質唔老至於其他火鍋料, 都算ok, 性價比黎講算值得幫襯

我係見網友推介先黎試既，本身諗住環境一般，因為通常火鍋店睇落都會比較污糟，不過好彩呢到衛生情況幾好，女仔唔洗怕。由於知道呢到最出名係麻辣雞煲，雖然我同朋友們都唔太食得辣，但都叫左個小辣既雞煲試試，食落係麻多過辣，好濃味，湯唔會油淋淋，依家出面實在太多整到辣多過麻，所以我覺得呢到既水準唔錯。其他火鍋配件都還可以，而且食物好快就黎到，唔洗等好耐。

今次係第二次去, 因為朋友想搵間坐得舒服d既火鍋店, 我就即刻諗起川香苑, 雖然開係油尖旺區, 但我呢兩次去都唔洗等好耐就入得, 而且環境幾舒服, 夠乾淨, 感覺都衛生d不過朋友唔食麻辣, 所以冇叫到呢到最出名既麻辣雞煲, 我第一次黎個陣已經試過, 果然夠晒麻, 好正宗. 今次就應朋友要求, 叫左藥膳雞煲黎補補身, 本身以為會冇咁好味, 點知食落去有驚喜, 同麻辣雞煲各有千秋總括黎講朋友今餐都好滿意, 而我黎過兩次, 兩次既食物質素都keep到水準, 配料多選擇, 價錢唔算貴, 鍾意食火鍋既人要試下

第一次試川香苑, 環境都算幾舒服, 唔逼, 之前聽朋友介紹呢到既麻辣雞煲一定要試, 於是就叫左個小辣, 個麻辣雞煲係好惹味, 但可能我自己食唔慣麻辣啦, 麻到條脷冇感覺咁 D雞肉都OK, 唔會老.火鍋配料OK, 都幾多款下, 肉類食落都算新鮮, 總括黎講呢個價錢都算值得.

嚮渡船街上堂時, 一開始係試隨變雞煲, 但係要好早去到..或者人少少先有機會放工後食到..所以久而久之都好耐無試佢, 不過就嚮佢既後幾個街口見到呢間川香苑.其實睇落d野食都係差不多, 呢日我地三人(其中有個唔係好食得辣加上後到, 所以我地嗌既野食份量係兩個人…)叫左半隻雞煲, 再加幾樣餸同埋薯粉, 講真覺得好似隨變個湯底香濃d..(因為次次行過都聞到好大陣味), 但呢間串香苑都唔係差, 我地只係嗌微辣, 一開始就食雞先, 跟住先淥野食…雞煲半隻微辣($78): 雖然唔係d大大隻既雞, 但係份量都唔少, 少少辣, 好味凍豆腐/午餐肉/牛丸/魚片頭: 凍豆腐切成薯條狀, 幾得意, 都吸到辣味, 所以唔可以浸咁耐, 午餐肉普通, 牛丸普通唔夠爽口, 魚片頭彈牙唔錯.薯粉: 其實薯粉加落微辣既湯底已經變得幾辣下勒, 好彩我都ok, 辣得好開胃呢.皇帝菜: 下次都係唔好嗌菜勒…勁吸辣味..我唔得勒…老實講, 要我下下等位又坐得迫去隨變既話, 我會揀呢間, 起碼有電視睇, 坐得又闊落d囉, 味道同價錢又唔差好遠, 最大既分別, 可能就係在於前者好大排檔feel(唔知點解..明明嚮室內..), 呢間