川香苑麻辣雞煲火鍋 (Moved) New Location

一向嗜辣的我超鐘意食雞煲，食過好幾間，呢間係會食過返尋味的！雖然佢地服務態度麻麻，但因為好味所以都會encore!湯底可選麻度同辣度，選左中麻中辣，我食得好辣都覺得個湯底幾辣，先來半隻雞連煲上，雞很新鮮亦很滑！之後加湯打邊爐，叫左好吸湯既凍豆腐，吸盡精華，生蠔亦好好吃：）

幾Friend 約我吃飯，叫我諗下想食勿 ，哈哈，想起佐敦有間雞㷛唔錯，就約佢地啦, 搭小巴去最方便。晚飯時間等了10分鐘，四个人一到齐，就安排了入座，坐枱剛剛好, 不大不細, 裝修簡潔。麻辣鷄㷛當然要叫小辣試試先啦，雞肉入味, 嫩滑, 有個friend 係雞痴, 吃到停不了, 吃到剩番三分一, 就叫了鮮枝竹, 响鈴, 魚餃,肥牛...鮮枝竹夠滑, 新鮮，嗦了麻辣汁, 好入味，好夾; 响鈴夠脆, 只要浸一浸，就已吃到佢既雞湯+响鈴香脆; 提那碟肥牛, 夠鮮又肥美 正 魚餃夠精緻, 一口一啖！侍應不太多, 但反應及落單快,  啤酒夠凍，吃个痛快比个like 佢

哈哈,愚人節個晚約左一班朋友食飯,因為有d friend好夜至收工,我地等到佢去食時都已經11點.估唔到呢度仲係咁爆人,去到要等位.我地其中有1個friend唔食得辣,所以我地叫左個盤辣子雞佢1口都無食過!!雞肉俾辣椒埋沒左,好香口,而且雞肉好滑身.不過唔知係咪人多關係,我食左2~3件就無晒啦oh no~好彩,仲有個雞煲,麻辣鴛鴦雞煲,叫左田雞~肥牛.成日食田雞肉都覺得同雞肉隻味好似樣咁一樣咁滑溜味道香!!!呢度麻辣雞煲愈食愈暖胃,食到嘴唇又麻,我都有流左小小汗,如果夏天食仲正ja

隨變無位才來這間。侍應目無表情，拙於溝通。食物濃味卻沒鮮味。雞煲是招牌，當然不能衰，但配料如肥肉，$68一碟而極具彈性，共13片無雪花肥肉，謝謝。羅漢果水淡而無味。難怪無人排隊，9點時店舖只有半成入座。更重要，桌子細而狹窄。不舒服。下不為例

今日Helly同ar水諗住打邊爐，叫埋我。黎依度食大家又無乜異議，三老友走左入去試試。3個人點食有限，每人各叫碟想食嘅就算，梗係唔少得雞煲添啦！水水嫩嫩既蠔隻隻大大粒雖然同正常一樣涮完會好似縮左人工咁不過咬落去仲係飽飽蠔肉同蠔香，仲有重量級既麻辣感覺！嘴唇食到紅晒，因為食蠔之前不停貪吃D雞，趁佢涮左無耐食堅嫩滑！！唔係講笑，連佢隻麻辣程度都唔係講笑沙爆魚肚係ar水近哩年先迷上，話鍾意佢爽之餘又有種食緊魚皮既感覺，好正！我試左舊，種感覺又真係幾特別既

我最愛打邊爐, 由其野食熱辣辣仲食到佢既鮮味添阿我覺得!! 琴晚雖然涼得個少少但都阻止唔到我同班朋友去打邊爐!!!我都6個人哎左好多樣野食, 首先梗係個麻辣正宗雞煲拉, 跟住仲有眼見個d囉!墨魚滑、炸魚皮、鮮笋尖、鵝腸、炸響鈴、魚肚、麻辣豬耳、凍豆腐、牛柏葉.......我無數漏應該係咁多拉! 個麻辣雞煲見唔見到有一層油係面? 超級辣!!! 我同隔離個friend食到(哈、哈)聲, 仲要城面谷到紅晒, 不過食得咁刺激真係堅正!! d雞好厚肉大大件, 1d都唔鞋! 腍腍軟滑好麻辣! 不過食雞個時城日食到d辣椒籽搞到個口好麻, 所以真係有好有唔好!! 個墨魚滑我放左落去10分鍾到就夾左上黎食, 好彩裡面都熟晒, 好爽d肉仲有粒粒蟹籽係到.個鮮笋尖我平時好少食, 因為城日聽d阿媽講都話好毒, 今次食覺得真係幾味喎, 爽脆爽脆既感覺, 食到好開胃阿!鵝腸我無食到, 見到1團野咁真係無乜興趣, 班仔就係咁喪食, 又話愈肥愈好食阿!! 由其佢d肥膏. 魚肚試過下, 韌韌地應該本身個質地係咁.麻辣豬耳仔好爽, 食落小小辣都入晒味, 而且d骨頭好軟唔怕咬崩牙!!哈哈凍豆腐隻口感太腍, 唔知係咪我滾過籠

朋友一直嚷著麻辣煲幾吟好食 今日佢終於帶我嚟試囉係渡船角呢頭都有好幾間我地因為唔想等位所以嚟呢度說實要食火煱呢類張枱大d 好d呢度都算好鬼迫張椅又唔係好舒服當呢度大排檔就 ok ...我地2個人叫半隻麻辣雞煲再加幾款食物午餐肉唔新鮮冧 bat bat 張枱己迫爆 雞煲本身d雞唔算鮮味一般 ...呢樣叫窩筍東西好特別個樣似西芹但唔係爽身食落又似瓜冧冧地全晚最好食都係肥牛新鮮.甜美 !呢度有十款八款調味我覺蒜蓉同葱花最好加落d有少少麻辣味肥牛到味道層次突出好味 !牛栢葉也很適合吸咗麻辣湯好味 !呢度無茶水供應辣辣地都要叫罐汔水真係嚟食野唔好冧住邊食邊傾 ...可能我地叫少辣食完條脷毫無麻感

生日飯第二擊 又係打邊爐七點幾無訂位五個人其實又未至於係超好食 不過麻辣係我喜歡的味道話就話係雞煲 但係上黎係一煲湯加煮熟左既雞件...同我認知中既雞煲有出入而且雞既份量比較少..都唔知夠唔夠一隻不過唔緊要啦 雞都幾嫩既已經叫左微麻微辣 都有d料到喎但係個湯底超油!另外佢個麻辣醬好正叫左少少火鍋料 價錢不算便宜有海膽丸同蟹籽丸 好少見!正!當然唔少得芝心丸帶子好大粒 都幾甜 如果佢可以解一解涷先比我地好d...肥牛唔好 肥膏多過肉...最後唔少得麻辣湯既朋友:嚮鈴同薯粉 好味道~~~由於無人等位 有位哥哥仔好好人比我地食埋蛋糕影埋相先走佢簡直係有求必應老闆娘好似有少少唔like但係都無出聲 好彩!又一餐完滿生日飯 多謝朋友們

又貴又普通仲有鐵絲係煲入面份量少但價錢唔合理雞係預先用＂老＂水煮過再放入去，根本不是那回事開始人多時我們快吃完而出面有人等位就指著我們對外面輪候人說，要等多久就看他們。 什麼服務態度不會再有下次

想食左雞煲好耐了，又再回來渡船街搵雞煲食。第一次係同幾位好友食「隨變雞煲」，第二次係同家姐、姐夫去太子食(唔辣的)，而今次由於渡船街間間雞煲都排滿人，所以好求祈咁試左一間，我估應該唔會太差呱~!!其實我自己覺得雞煲唔係有D咩特別0既味道，只係麻辣+雞+打邊爐OR唔辣+雞+打邊爐 所以，今次係因為想食辣，所以就想試多次雞煲煲煲煲煲煲煲煲煲煲....了~ 攞左飛，等左20分鐘左右啦。店員個個樣子都蠻有殺氣，金毛、冇乜表情、同眉戚戚咁...好驚啊>_<P.S. 我一坐底就整跌左支麻油，成枱都係油林林，仲要係同人搭緊枱喎....好彩冇俾人小咋.....嚇死~_~HEY~ 其實雞煲店D打邊爐料好貴囉我想講，好多間都係咁>_<店內地方不太大，38個位左右啦大家估到是什麼嗎? 今次叫左麻辣田雞煲 $102嗯...冇咩特別，成日要吐骨有D煩 & 感覺冇乜肉食但田雞肉是滑和能夠入味的，打到後段時間田雞就開始"鞋"和"UN"了脆鯇腩 $68LEE碟魚係推介食品之一啊，望落去都肥肥大大幾吸引但再看真D，其實不夠新鮮，魚肉不夠通透呢食落

朋友相食麻辣火鍋, 結果選咗呢間, 聽聞OK, 即管一試, 成晚一路食一路有加單, 但食咗近兩粒鐘, 食到一半, 老板娘同伙記就係度多次係度吹食快D, 大佬, 食緊火鍋丫, 唔係飲杯水！明白佢地要做多D生意,但如果有時間限制, 唔該時先講明, 咁客人食到中間又加單, 叫完野後先叫我地食快D!!!老實講, D野食係咪好得, 個人覺得好一般, 各人口味各有不同. 而服務都好重要.只此一次, 絕冇下次!

天寒地凍, 最好是食火鍋9點半去到坐低即刻叫左個鴛鴦辣雞煲,之後叫埋廣島蠔, 鵝腸, 雞子, 貢丸, 魚片頭, 雪花肥牛, 墨魚咀等, 湯底較想像中辣得多,叫左就唯有頂硬想. 而碟碟配料新鮮, 分量十足.正晒! 仲值得一讚既係雪花肥牛, 肥瘦比例恰到好處, 食落香滑有肉味, 物超所值.佢呢度每一碟份量都幾多下, 最緊要就係好新鮮,鐘意佢呢度d鵝腸-必食,又夠肥又有口感又滑,抵食啦.雞子好潤又夠晒大粒,廣島蠔都好新鮮,錄完都咁滑,總之就真係都好好味啦=v=仲有佢呢D服務態度都算OK,上菜又夠快手!今晚我地7丁友飲飽食醉，個個都好滿足﹗

周末無咩節目，同男友到佐敦覓食，去到一間排晒隊既火鍋店，見天氣又凍咼，就決定試下。呢度主打係麻辣雞煲，所以艾左一隻雞麻辣煲(我同男友都好大食下加)。以一家主打雞煲店黎講，呢度食物選擇其實幾多！我地重有艾鵝腸：好滑好'un'好有咬感,不過嚴唔多夠肥囉!!! 墨魚丸：質地爽而且份量幾大，岩晒我地！ 肥牛：算嫩滑,仲好薄片下，唔會’鞋’口。　男友中意食羊，所以又艾左份燒羊架同燒羊肉添：吃得出濃濃既羊肉味，唔會好酥不過多汁、好淋，好味阿！！男友之後仲追加左兩碟添阿。　再艾左份老闆介紹既自制魚皮餃：呢個我中意，d皮有嚼口但又唔會好似像筋咁，食得出函肥膏唔多添！不過可能是假日，店內好多客人，不過上菜都算幾快，係加水艾左兩次姐，其他一切服務各樣都ok。

今日好想食火鍋，番工到放工都一直掛住打火鍋。所以點都要去食番下！搵晒朋友出動先得，火鍋要多人食先正架嘛!! 7點幾，其中一個朋友已經先去到坐低左，本身想叫作叫定個藥膳雞煲先，不過原來佢未食過，所以決定等齊人再叫。點左 ~ 麻辣魚鍋 . 魚好新鮮，滾到出黎d湯水其實好清甜， 入口又會辣辣地，鯇魚肉刀好滑下。四寶丸 . 有墨丸，牛丸，龍蝦，貢丸，呢幾樣都教為出色，粒粒君雲而且爽口彈牙。肥牛 . 麗牌兩碟，無變衣好好味，同出面D急凍肉無得比。沙爆魚肚 . 細碟左小小，不過用料算中上，值番！而且魚肚滑無沙。自制魚皮餃 . 皮刀係好有口感，最緊要係肥膏唔用料足。水魷 . 錄完仲好爽彈牙而且幾香魷魚味添。夫妻肺片 . 新鮮，而且夠乾淨，爽ロ!!涼拌蓮藕 . 古唔到呢到有得食，細細個個陣ah媽成日整，同呢間味道不相伯仲。爽口，食個時又藕斷絲連，好特別，推介！成晚野食靜系記得個大概，我地一行七人，飲左好幾枝花果茶同藍妹，最可惜我想食既響玲卷同鮮魚卜都缺貨，有啲失望，不過整體係好味的！推介！

由於無記之前有飲食節目介紹，我就 book 了 8pm 與幾位朋友一起試麻辣雞煲，好可惜，試過一次後，從此 black list。一，我們其中二人於8pm前到達，已經見到門口已經有20個人以上在等位，侍應此時才跟我說是齊人才可入座，而我朋友們8:20pm終於到齊，結果在雨中等了又等，終於到9:15pm後才可入座。原因是已入座吃第一輪的客人根本沒有時間限制，他們不停的加單加單。此食店實在不應盲目接 booking，明知 8pm 做不到第二輪就預先跟客人講聲，等不等就是客人的選擇。看見有另外8位的客人，等了個多鐘都只是給他們五人枱，他們嬲到拂袖而去二，座位超窄，二人枱就坐三個人，四人枱就坐五個人，坐得極不舒適。三，麻辣雞煲 (中辣) 完全沒有辣味、沒有麻味、沒有香味、沒有雞味，湯底很削、很稀，眼見湯底滿有配料 (青椒，洋蔥，莞茜&大蒜,)，但完全沒有其味。雞件沒有斬得太碎，慶幸雞肉尚算嫩滑。四，配料叫了牛肉、魚滑、墨丸、脆肉鮠等等，都是一般質素，很普通！總而言之，此地方不會再去！