常會面長今雞煲

Open Now

Now Closed

小朋友見家長老師竟然「特豎拇指」，為了回饋太座眠乾睡濕、帶她嘆嘆雞煲名為常會面長今雞煲、簡稱「大長今」 頭炮小食已經跨啦啦、秘製豬手、凍食關係、走油膩感覺、酸酸辣辣、反而變成開胃小食、生煎墨魚粟米肉餅煎得微焦香、脆邊、辣辣魷魚鬚尤其亮眼、極度爽口、食完買多一份行街回家給老爸送酒主角招牌香辣雞煲隆重登場、香味十足、由於雞煲越煲越辣關係、小辣恰當好處、不會搶喉、辣味剛好、帶少少麻辣香、有層次、正所謂「冇比較冇傷害」本人少食麻辣雞煲、所以比較不了、額外叫多一份芫荽、蕩氣迴腸的豬腸放在雞煲上、雞肉、芫荽、醬汁、豬大腸、蒜頭再加上一碗白飯、絕配之也、若然該雞煲的雞肉能夠做得軟滑無比，那就更上一層樓、但我個人也會打很高分數、必定回頭再試其他雞煲及前菜

常會面雞煲位於極隱蔽嘅小巷弄入面，真係一唔為意都會睇漏眼。但係如果因為咁而覺得一定無料到，就會 miss 咗呢間出色嘅小店啦~招牌香辣雞煲 - 一定要加豬腸，一定要加豬腸，一定要加豬腸 （重要嘅事情）。一開蓋已經聞到味道好香，食落雞件夠滑又足料唔會得啲雞頭雞尾碎濕濕。最正係個一開頭已經擺埋入去一齊煮到勁入味嘅豬腸，肥美無異味秘製辣辣魷魚鬚 口感勁彈牙加埋充滿蒜香嘅惹味醬汁 （唔算好辣），食唔停口煎墨魚肉餅 其實唔係好食到d 墨魚，不過作為一個煎得咁香嘅肉餅又幾好食嘅~姐姐仲介紹埋我哋食胡椒蜆湯，蜆嘅份量夠晒多，無沙~湯底胡椒味好豐富，湯入面原來仲有豬肚同埋紅薯粉，好暖胃嘅感覺冬天飲應該一流！不過抽風麻麻食完成身雞煲味，同埋佢哋啲啤酒得細支裝所以飲啤酒價錢真係唔多抵，要知道啤酒係雞煲嘅好朋友嚟架麻！同埋温提，佢哋嘅火鍋料就真係一般過一般，上次中過伏今次淨係叫咗個菜，個體驗即刻好好多 😂

招牌香辣雞煲果然是首推，中辣不會很辣，相信嗜辣人士覺得舒服合適。除了辣味，其他佐料特色也能融合，嘗到蒜、葱、八角等。調味恰到好處，不會太鹹（屬於一般雞煲的偏鹹），甜度也合適。小食魷魚鬚有驚喜，調味醬汁惹味，彈口不硬，吃不停。鹹桔碎上配可樂，口感不錯，像喝粒粒橙汁。火鍋配料就一般。2人光顧，點餐如下：招牌香辣雞煲（一隻） x1 $278辣辣伴魷魚鬚 x1 $75鹹桔可樂 x2 $28x2可樂 x1 $16無加一，合共HK425。

嚟到呢間隱世小店，正宗的味道真係即刻躍入我嘴巴！🍲先說埋嗰碗牛雜，啲牛雜嘅味道正到爆燈💡，咬落去啲牛柏脆口得黐線，溫潤滋味喺舌尖細細品嚐，啲辣椒嘅微辣刺激得啱啱好，簡直係麻辣天堂😇。轉個頭食埋啲炸魚皮，外脆內軟，啲軟皮真係香到飛起，炸得金黃酥脆，個口感鮮美得嚟又唔肥膩，彈牙得滯，一啖又一啖停唔到口🐟。最正係佢哋嘅家傳豆腐，質感滑溜溜好味道，有種家庭製作嘅親切感覺，搭配住啲鮮甜嘅肉碎，真係一流。食物咁好味，加埋店家嘅地道款待，香港小店嘅風味經典重現，即刻俾心口好評！👍

今次嚟到筲箕灣，食咗出名嘅常會長雞煲。餐廳的嘢食份量好大，亦都好有性價比。今次兩個人嚟食，人均$200都唔使。叫咗一隻雞嘅雞煲份量，份量啱啱好，仲可以之後打邊爐加一啲野食，例如生菜🥬，蟹柳，香腸，丸類嘅食物。最好味推介嘅係雞🐓煲，今次叫咗BB辣！啲雞非常嫩，又軟，一啲都唔會硬。啲雞肉新鮮度好高，好似入口即溶咁。打邊爐啲食物就普通啦。餐廳特別適合多人聚會，有啤酒同埋唔同嘅嘢飲提供！經過筲箕灣不妨來試一下

山長水遠由大煲走到去筲箕灣,緊係要有啲特別先吸引倒我地專登去試啦!由地鐵站出黎 行左唔夠10分鐘就黎到開喺一條平平無奇既後巷既雞煲店喇🙊雖然門面裝修都唔係fancy,但啲雞煲同小食真係絕對有驚喜嫁!真係搭個半鐘車出黎都抵🤩兩個人叫左:一個小辣香辣雞煲 (半隻雞)+1份豬腸,辣辣魷魚鬚, 墨魚餅, 一個薯粉, 飲品可能真係餓得濟啦 我地兩個食哂 清枱🤣首先講下個雞煲🤩真係一打開蓋已經香到流哂口水!叫半隻雞, 個份量真係夠半隻雞.啲雞食落好滑, 唔鞋 唔老!聞落夠味之餘 食落都好有味.豬大腸唔係後上嫁 係煮既時候已經加埋落去煮所以超入味!怕辣既朋友 就叫BB辣好喇 因為真係幾辣😹(我食開譚仔中辣🙊)然後到辣辣魷魚鬚 呢個係絕對有驚喜 魷魚好爽口 唔會梅個醬汁好香 好惹味! 岩哂重口味 又中意重garlic既朋友!個味係類似譚仔算泥白肉個汁但呢度個醬汁係獨特啲既🙊唔知加左啲咩咁香😹墨魚餅都算好誠意既, 個size係夠4個人分一定要趁熱食先夠香!我地太中意魷魚個醬汁既關係 拎左黎點墨魚餅食😹好正呀🤩雖然佢開喺後巷 但都超多人排隊我地食到9點 出面都仲有人等緊位!所以黎之前 記得要訂位! 同埋o

位於筲箕灣內巷的惹味雞煲(ps.逢星期三休息)❇️香辣雞煲今次試左佢中辣既雞煲半隻，份量唔算多，但勝在炒得夠香！如果第一次黎食建議揀小辣，同埋鍾意食豬腸既朋友一定要加埋豬腸落去一齊炒。食完D雞仲可以加湯打邊爐，建議唔打邊爐都可以加少少湯再叫個烏冬/ 出前一丁煮，非常入味！❇️辣拌魷魚鬚必食小食推介！每次黎食雞煲都一定會叫埋依個小食，爽彈魷魚鬚配埋香辣既秘製辣油，加上蒜蓉同芫茜，重口味之選！💯💯💯❇️胡椒豬肚浸蜆第一次試佢個胡椒豬肚浸蜆點知都有驚喜，胡椒豬肚湯夠鮮甜濃味，有重胡椒味，好明顯落足料，蜆肉夠鮮甜，有豬肚絲同少量紅薯粉，最後連湯都飲哂😆😆😆

常會面位置好吊腳 真係舊顧客或街坊先識嚟呢度座位好少 所以最好都係打電話訂位先本地手切肥牛肉質幾好 厚薄適中雞煲都幾野味因為有細路仔 所以加多個豬骨煲湯底比佢哋打邊爐煎墨魚肉餅好好食 每次都會叫墨魚咀 好爽口👍水餃麻麻哋 唔使叫無骨鳳爪 都OK總結 雞煲 手切肥牛 小食都唔錯但其他火鍋配料如丸類 餃類 炸響鈴實在非常一般尤其係響鈴唔脆如果只系想咗打邊爐的話 可以搵其他選擇

睇完open rice既食评，谂住去试下，預早三日訂位，准时到达，個老板娘，一定要我哋四个坐死角位，話有小朋友出入唔方便，都仲系要我哋埋位，仲黑口黑面，跟住我忍唔住同佢讲，嘩！當眾講你哋啲态度咁差嘅，跟住先唔敢出声俾我坐返中间嘅位置！跟住点食评上嗌嘅餸，胡椒雞豬肚煲，再加啲其他嘅火锅材料，煲雞湯好重味精，食完翻屋企饮咗成晚水，啲火煱材料更加离谱，买到咁贵一碟够胆畀啲佳X嘅平價嘢當材料！！！講真！真系未试过喺火锅店食嗮X寶既材料，今次有幸领教哂啦！打死都唔会去第二次，后来再試隔离嗰两间铺头，用料良心好多！以上内容保证绝对真实！绝无低毁成分！

這條巷都有幾間食肆，可是被一些民居遮蔽了，容易令人遺忘。今日晚間天氣突然變冷，凍凍地去食雞煲就最合適。店內位置有限，坐得比較迫陜。點了招牌香辣雞煲(1隻)，要BB辣，店員問加唔加腸，即豬大腸，非加不可。等了又等，隔離左右都已經食緊，我還在等。當煲上枱時，店員便打開氣體爐；煲到出煙時，店員便會幫你打開蓋；攪一攪便說可以食。一隻雞份量都不少，所以要煲多一陣，最初食不覺入味，不過食下食下，辣味慢慢浸入豬腸和雞，繼而散發一些甜味。雞件總算新鮮，有些肉質比較嫩，有些就比較韌。豬腸洗得乾淨沒有羶味，有些比較腍身，有些要用力咬，因比較韌。食完整個人都暖笠笠。

3/5還是不錯，不過沒以前好吃。Is still nice but not as good as before (中英雙語，Chinese and English review)章魚小吃，來過幾次才第一次試呢。半生熟的章魚口感一流，又香又麻，少辣，好吃。雖然墨魚肉餅食唔到墨魚味同口感，但作為肉餅咁食係唔錯的，玉米甜甜的，肉餅煎得微脆，口感也好。主角雞煲味道香濃非常，但少了以前那種一吃就知道是常會面的味道。雞件皮爽肉滑，還是好吃的。(Google translate)I have tried octopus snacks for the first time. The half-cooked octopus is first-rate, fragrant and numb, less spicy, and delicious. Although the cuttlefish meat cake can’t tastes the cuttlefish taste, the corn is sweet, the meat cake is slightly crispy and the

朋友介紹筲箕灣有一間好正雞煲，今日特登嚟試試，之前已book位，但嚟到仍然要等10分鐘，店舖比較細，主要做街坊熟客，店員態度好nice,食物方面招牌雞煲非常好食😋其他小食也不錯，推介煎蠔餅，非常新鮮，麻辣牛柏葉同魷魚鬚，值得一試👍

周末夜，銷售員A和會計員M與好友共聚，已經多年沒有來到常會面，但水準及服務依然有極大改進空間。常會面雖然位置有點偏僻，但不知何故經常客似雲來，店舖面積亦有點細，故此建議必需提前訂位才到訪。常會面雞煲: 雞肉嘗算嫩滑，少辣味道適中，如好辣朋友可以嘗試中辣。手切肥牛: 略遜一籌，肉味不足，性價比較低。生蠔: 只屬二人份量冰豆腐響鈴: 非餐廳自制食物，相信只屬於即買包裝食品。生菜整體來說，餐廳服務一般，食物水準極普通，而價錢亦不算便宜。銷售員回頭指數: 2分

邊個話夏天唔可以食雞煲🥳最近嘅天氣開始轉涼，屋企人就諗住去食雞煲，初初其實阿媽都唔同意，因為其實真係好熱，但因為太耐冇食，而且真係好鍾意食常會面嘅雞煲🐔我其實會稱依間做隱世雞煲🙈事關佢個鋪頭係喺一個巷仔入面，但即使係巷仔入面，每一次佢都會好多人排隊，一定要事先打去book位我哋成家四個人嗌咗一隻胡椒豬肚雞煲，湯底大概15分鐘之後到，成個雞煲好足料，好大陣胡椒味，又唔會話太辣，但我自己好鍾意飲佢啲湯，如果接受到胡椒味嘅朋友，一定會好鍾意，事關好暖胃。至於雞煲入面啲雞係好滑，唔會覺得好鞋，同埋食得出係新鮮唔會有好大陣雪味👌🏻。而且個雞煲好足料除咗豬肚同雞之外仲有好多冬菇，竹笙，竹係非常之索味。如果想來試吓雞煲嘅朋友記住一定要book左位先，如果唔係真係有排等，同埋佢哋係星期二唔開㗎，千祈唔好摸門釘

約咗朋友即興去食雞煲，本身就去筲箕灣嘅鋒記小炒王，點知一去到原來佢星期一休息，一場黎到冇理由打退堂鼓架。於是去咗隔離果間-常會面長今雞煲 試下。 由於星期一冇咩人所以唔使等，即刻有得入。雞煲店緊係叫雞啦，本身諗住叫半隻再加打邊爐就算，店員話半隻好細，會唔夠食，於是聽佢講叫咗一隻。佢比咗個桶我地擺雞骨，都幾好，一方面冇咁污糟，另一方面佢都可以做少啲。雞煲黎到，店員幫我地整，一路煲緊果陣，啲麻辣味一路蒸出黎，幾香，但聞得多會令到個鼻痕痕地。煲咗一陣，經間店員黎翻咗幾次，之後佢話食得，開得餐！雞好惹味，配料都幾多，開頭食唔係幾辣，但有麻嘅感覺，之後越食越覺得辣，可能我捱唔到辣，朋友話冇咩嘢。食完個煲其實都有七八成飽，之後我地叫咗美國肥牛，貢丸同自家水餃。肥牛普普通通但索哂啲汁都好好味。貢丸都唔會有油膱味，幾好食。水餃係自家制韮菜餃，係新鮮料包嘅，好好食。好友相聚緊係要啤一啤，店員話青島有優惠，我地叫咗6枝青島$98。佢啤酒全部都係細枝裝。食辣野配啤酒加吹水一流。如果人多可以叫多啲野食，有機會會再黎。