庭壽司外賣專門店

Open Now

Now Closed

老公今日去青衣跑步，所以一早決定今晚食壽司呢間「庭壽司」叫做喺運動場附近，last order 八點好似冇得即時叫，要預先打電話去落單俾時間佢哋整，其實我哋食嚟食去都係嗰幾樣但一定會有嘅係大滿足$48裏面包括「蔥粒吞拿魚腩蓉+魚子+海膽」一件滿滿幸福，所以叫大滿足另外一樣一定會叫嘅就係芝士玉子，我相信老顧客一定會叫呢個，因為喺出面從來食唔到，有少少蕉蕉地嘅味，即是食暖暖哋芝士會爆出嚟另外我哋鍾意食佢嘅海赤蝦，啖啖肉好大隻多過佢嘅甜蝦🧡🧡跟住嗌咗啲海膽軍艦、墨魚壽司我老公至愛😂兩個人我哋嘅胃口差唔多每人食12件左右，愉快的星期五晚

呢間壽司係一個好耐以前嘅朋友介紹去食過，當時仲有堂食，堂食時代真係好食好多，所有壽司都新鮮做起，尤其火炙同埋嗰啲卷有紫菜要新鮮即食，有得堂食質素真係爭好遠好勁多。疫情之後變左只做外賣，最近去食返嘅味道爭好遠，雖然都好食，但有對比之下堂食真係好太多。嗌外賣都要早啲落單，曾經試過去朋友屋企下晝4點落單想7點拎，點知佢話全晚外賣已full，佢哋唔知生意如何，但呢次外賣5點叫6點半都順利拎到。普通壽司刺身嚟講，呢度就唔推介，普通正路。但火炙壽司同埋卷物就十分之特別，喺出面比較少見，American sushi style。我推介以下菜式，睇圖都見到幾好食咖喇🤣🤣大滿足豪華卷北海卷火炙三文魚腩火炙玉子(好似有兩款，都推介都好食)以前堂食靚仔同好食好多，希望老闆考慮下開返。永遠懷念堂食系列 (留意番，而家冇堂食㗎啦 )

呢間係青衣嘅外賣壽司舖好受歡迎每逢假日一定要提早落單如果唔係好快，截單賣晒壽司刺身，好新鮮即叫即整款式種類都好多仲有好多日式小食添芝麻八爪魚螺肉中華沙律都好好食另外仲有鰻魚飯同埋日式豚肉飯啲汁好惹味每次招呼朋友一定嗌呢間

📍 庭壽司外賣專門店 (青衣)青衣青敬路77號海悅花園14-16號舖==============================週末放假唔想煮飯，所以打算叫壽司外賣返屋企食，呢間壽司🍱店係青衣好多年，雖然壽司新鮮好味，但出哂名態度唔好同價錢偏貴，不過因為太方便所以都成日幫襯，但會盡量提早落單，避開人多時間職員態度會好少少🤣==============================食物⭐️⭐️⭐️⭐️⭐️🍱庭盛E餐（2人前27件） $248呢個Set ge 組合係我地比較鍾意，同埋計過係平過散叫，所以次次都會叫呢個set🤣成個set最好味就係蔥粒吞拿魚腩肉壽司，入口魚肉軟滑唔腥，配埋新鮮ge 蔥粒真係好滿足😌其他壽司材料都好新鮮，絕對好食過出面好多壽司店😋

青衣呢間日本小店真係好正架，都食左十幾年，今天休息特意返來買個外賣回家食，店舖細細，但壽司款式都多不勝數，今次我只係食午餐，點了二個飯同埋我的必點🔖🔖＊火炙芝士玉子＊照燒鰻魚飯👅鰻魚飯魚油香味十足，鰻魚燒到脆邊，非常高質，鰻魚汁調味適中，唔會太甜太重味，鰻魚夠多也夠厚，口感豐富，好食過好多貴價日本餐廳🍱日式叉燒飯👅叉燒飯好吃，香軟不硬，油脂比例非常好， 飯煮的剛好，值得再品嚐的叉燒飯火炙芝士玉子厚厚的玉子面頭有火炙芝士，食落去有焦香味，帶點脆感，係一個好特別的口感總結⭕如果來到呢間日本餐廳，必試火炙芝士玉子，大大力推介❤️💯

朋友話青衣依間庭盛壽司好食，今日放假就去試吓，外賣咗三樣嘢：一件特上南吞拿魚，一個三文魚特盛（4件 ）三文魚 三文魚腩 花之戀 辣味三文魚，最後一個豪華卷，出貨都算快去到比錢完$，返到屋企拆開見到壽司偏細，之後發覺點解三文魚特盛冇咗個魚腩多咗個甜蝦壽司，問佢話冇魚腩，所以俾甜蝦我頂住，有料👍🏻😑好嘢，再睇佢個豪華卷三文魚 吞拿魚 魷魚加海膽配合令到個賣相一個伏字，好似啲地獄料理咁🫣食落依幾樣嘢味道完全唔夾，對依間壽司店好失望唔會再有下次。

呢間舖頭好多年前已經食過最近的起心肝開始寫食評然後諗邊啲餐廳我一定要去寫, 庭壽司絕對係其中之一第一次食佢嘅時候疫情都仲未開始,而當時嘅佢都仲有堂食好可惜而家佢已經冇再做堂食啦 對於唔係住喺青衣嘅人來講都真係要專登揸車或者行去海旁吹海風食返返去個主角：食物好老實個人覺得壽司要好食取決於啲魚生夠唔夠新鮮而呢度呢我覺得佢價錢合理 材料都算成正比不過佢最主打嘅係 火炙壽司, 而火炙壽司對於食材嘅新鮮程度呢都唔算太過重要嘅而係呢一個範疇呢我覺得佢絕對值得滿分尤其係會令人一試難忘嘅火炙芝士玉子相信大部份人平時食壽司都唔會叫玉子壽司 原因係性價比低 食隻蛋都要比1X蚊 但係呢度嘅火炙芝士玉子絕對可以顛覆你嘅諗法佢哋係玉子上面灑上芝士粉再燒焦香  一咬落去食到焦香味同埋少少玉子甜同芝士鹹嘅衝擊 絕對係一個嶄新體驗我第一次食完之後每次去都一定會食夠3-4件先可以收手另外其他火炙都好好食以下係必食之選:火炙芝士玉子火炙明太子蟹柳火炙醬燒玉子三文魚特盛火炙蒜香三文魚腩火炙柚子油甘魚性價比：８／１０回頭率：１００％

15年前已幫襯緊呢間唔search唔會搵到嘅隱世壽司呢排搬番去附近食得更密😌😌大推庭之戀、大滿足、帶子壽司庭之戀有一大舊海膽喺上面大滿足係咩都有，一件滿足哂咁多個願望帶子壽司夠哂厚身，夠哂口感勁足料震撼味蕾所有火炙壽司都係入口即溶抵食好食火炙芝士玉子、火炙左口魚邊、火炙三文魚又係每次必叫另外三文魚籽壽司、蟹籽壽司亦十分新鮮值得叫埋啊仲有壓軸雞泡魚干！！抵食，送酒一流特別日子記得提前落單如果唔係會截單就食唔到啦落單時都好有禮貌唔會因為受歡迎而串

通常一至五放工唔煮飯，唔想諗食咩就會外賣壽司🍣返屋企食😆·成日聽人讚呢間壽司店好食，不過位置真係好隱世下😂都幾多人買既關係要等好耐…小店無櫈坐建議打個電話落單先/揸車去買可以係車度等·🍣帶子（$15）🍣蝦特盛（$28）🍣三色船($36)🍣特大海膽($36)🍣三文魚特盛($38)🍣醬燒玉子($10)🍣三文魚籽軍艦（$18）🍣火炙芝士玉子($8)🍣蔥粒吞拿魚腩蓉軍艦（$18）🥢雞泡魚干（$28）·試完之後大食仔呢個壽司控表示 唔會再encore😂三文魚唔肥美.海膽唔得.朋皮推介既腐皮壽司又唔岩我地口味😂都係壽司郎好食啲！·📍庭壽司青衣青敬路77號海悅花園14-16號鋪

自從幾年前搬到碼頭附近，就慢慢愛上這個小社區。沒有樓下就是地鐵站的方便，但下至街市凍肉海鮮、上至餐廳外賣，多數都是小店，都充滿人情味。逢周日工人姐姐放假的日子，帶小朋友出街後就好自然會叫外賣，如是者，一個月都會叫兩三次庭壽司的外賣，我就認為壽司正常的味道就是和樓下外賣店一樣。直至到近日叫多外賣平台的壽司直送，先發現原來份量、價錢都可以很大差異。加上小朋友出世需要較大生活空間，快將搬離社區，臨別秋波，令我特別細味每件壽司的味道，和認真紀錄起黎。庭壽司 (下稱 樓下壽司鋪) 位於全青衣最不起眼的海悅商場內，沒有冷氣，所有鋪頭都是小小的約200呎。它的裝潢絕對保證外區朋友行過不會有衝動叫餐無誤。不過往往到晚飯時間，門口摺枱總坐著兩三位朋友在等外賣，還有在路邊停著車等的客人，這和樓下壽司鋪的布局有很大反差。逆著時代巨流走的庭壽司，不找外賣平台送餐，叫外賣要用過底紙每件畫的，或者打電話一件一件叫。雖然有時老人家我怕同人溝通，但還是要硬著頭皮講足15樣壽司，講到不知從何時開始，聽電話的姐姐開始講得出我叫陳生。事隔廿幾三十年，我開始明白中學那年，探訪獨居伯伯叫得出佢叫羅伯時他眼神散發出被人重視的喜悅

呢間垃圾，打去問就話有咩有咩一叫order就冇咩冇咩。執咗佢啦！ 加左價又唔講。惡過共產黨千兩價錢，爭先咁嘅質素。每一次都係咁樣，以後都唔會再食。啲嘢又唔新鮮，態度又唔好。打電話去叫order行到去先話俾我聽冇，我欠咗佢㗎火炙庭蝦，同舊屎喺隻蝦上面有咩分別

Work from Home 就嚟完, 所以今日就對自己好d, 可以係屋企食住壽司開會😌呢間壽司小店主要做外賣，仲要有時會小休。所以每一次都會打電話睇下有冇開，順便叫埋order, 佢會同你講大約幾時d 食物會ready ,方便客人預時間，非常貼心。通常會叫蔥粒吞拿魚腩蓉飯，夠晒肚同抵食，$50有找。今次就散食，返到屋企一打開，好失望，全部都好細件，比之前食細件咗好多😿雖然質素依舊，應該唔會再幫襯，唔抵食之餘，計埋個大小，覺得有d貴😔

今日好想食白鱔，諗住酒樓無供應，去街市買自己煮，但見到佢死到硬哂，即時無哂心機。上網左望望右望望，竟然發現了這間小店有鰻魚供應；無乜劣評，決定一試。晚上六時許到逹落了單，要等45分鐘。眼見也有不少人來幫襯，估計中伏機會較少。午市$48,晚市加$5。飯熱辣辣，鰻魚口感不錯，份量算多，鋪滿成個盒。略嫌鰻魚汁不夠惹味，蛋卷比較普通了一點。以一人前角度來說，好過商場幾間日式餐廳。三文魚特盛共四件$36，平均$9一件，食落有魚味。特大海膽壽司$30,味鮮甜，等於兩份海膽。啱哂鐘意少食飯的我。帶子壽司$14,大大件，有鮮味。其他壽司就覺得普通了一點。例如：象拔蚌細件了一點，食落無乜味。油甘魚上面應該有柚子汁,所以食不出魚味。赤貝$12和蒽粒吞拿魚蓉$16，味道尚可，但不是物有所值。

營業時間十分混亂 之前有幾次下晝落場前半個鐘去又已經截左單。今次專登睇住佢營業時間開始左一個鐘去又係咁，永遠都冇原因下會食唔到。可能小店生意唔憂做，唔會再諗去食。

青衣區內可以吃壽司的地方不多，今次來到人稱區內隱世壽司店，這裡沒有堂食，只做外賣，而且每次來這裡都要碰運氣，建議事前先致電店舖，因為好容易就摸門釘！鰻魚及玉子手卷✨小朋友最愛，好快就清晒⋯海膽軍艦✨海膽清甜，搭配一片小青瓜，味道清新。魚生類壽司✨實屬正常，沒有太大驚喜。雞泡魚乾✨味道香濃，沾上最佳配搭的蛋黃醬，非常惹味。炙燒左口魚邊及三文魚壽司✨炙燒味道及魚香都不夠。第一次選擇嘅餐點，沒有令我太大驚喜，後來朋友建議我試點其他特色壽司，下次會再試試。