廣成麵家

Open Now

Now Closed

餐肉薄過紙 咁樣加埋凍飲外賣$45都難以理解五香肉丁是正常罐頭 味道但餐肉是過份了吧餐肉薄過紙==凍飲奶茶亦不好飲 沒有茶味至於魚蛋粉…雖然覺得不好食但因為今次不是食魚蛋粉 所以不提

山長水遠去到大埔，主要去大埔街市買嘢。 每次去到大埔通常又會食番碗魚蛋粉。 大埔街市附近都有唔少食魚蛋粉麵舖。 我通常每次都會去唔同嘅店舖試吓， 而今次去咗間叫 廣成。之前我應該未嚟過，但上網睇呢間都做咗幾十年。入到店內空間都算寬敞， 坐低就叫咗一碗魚蛋河粉。 湯偏淡，魚蛋嘅魚味都幾重， 彈牙程度普通， 河粉新鮮，夠滑。整體上水準四平八穩， 但冇話特別出色好食。

餐牌寫住秘制？制服、制式？秘製？雞脾？娛樂性滿分﹗四眼妹侍應好有吸引力，對四眼妹硬係有點情意結，忍唔忍偷望多幾眼增進食慾。想見多您幾面就食多碗麵﹗凍檸樂，酒鬼宿醉殷物，冰凍回魂曲﹗雜果冰，應該無另加糖漿，只用罐頭裡的糖水，清淡不甜我喜歡，罐頭雜果都係那樣吧。熱檸茶走甜，清腸胃漂白水味﹗半啖放棄。凍奶茶少甜，普通一般，奶味出而茶味弱。紅豆冰，清清奶水味，紅豆奀滋滋。炸魚皮，淨食薄薄乾身脆卜卜，掉湯湯聽到清晰的咇咧啪喇聲，叫得凄厲十分悅耳﹗預計浸湯味道會更清甜，居然係更加咸﹗不過濕濕滑滑少少脆好過癮。炸雞中翼，翻炸屍骸縮水微燶只得一星，唯一可取白肉仍嫩滑，鹽味炸翼給我茄汁浸住食比起甜笠笠泰式雞醬更好﹗黑椒牛筋丸胡椒豬肚丸米線，食清少少不要辣椒油不要加豉油，食其天然無添加原味﹗幸運地清湯夠濃無投訴。米線碎上極度厭惡﹗碎濕濕散筲筲用筷子都夾唔到，嬲嬲地直接用羹連湯掃入肚算數，質地腍滑不彈。胡椒豬肚丸竟然爽得出奇兼爆汁順喉，豬甜味異常突出美妙。黑椒牛筋丸牛味濃濃郁郁，微爽微彈有點嚥韌。原汁牛腩飯，比起滷水牛腩我更愛五香牛腩，撈飯一流﹗顏色亮麗食慾大增﹗飯粒乾爽搭濃郁五香汁及大大舊軟綿牛坑腩，每次

從味回吾到以前味道，可能師傅退休了雲吞冇蝦太多肉，河粉冇變回味吾到廣福邨開咗店30幾年，由細食到大食到結婚生小朋友，好懷念以前人和味，真係搵唔返好食就真係好好食！佢

由父母親一代開始，多年來一直光顧廣成，今天重來舊地，看到老闆仍在打理店內事務，其餘店員年輕有禮，相信並非如其他食評所指已轉手。店內環境舒適，比起其他粉麵店空間寬敞得多，平日下午不用搭檯。菜單上的食物選擇多，價錢便宜，質素又有保證，最推薦水餃和墨魚丸，適合買回家打邊爐用。自家製的墨魚丸真材實料，爽口彈牙不會過實，一吃就知是手打墨丸，比起坊間的好食太多，值得大力推薦！兒時最愛的魚片河，份量充足，仍保持高水準

踏入呢間舖頭，感覺簡簡單單的環境，地方整潔👍🏻，印象良好。餐牌上有魚湯紫菜湯飯系列，可以揀魚片頭😍，目標明確一於叫個魚片頭湯飯，魚片頭有六粒，彈牙有魚味😋，但都係偏鹹，不過還可以接受。唔知幾時先可以食到冇咁鹹嘅魚片頭呢？紫菜分量正常，咬落去軟硬適中。炸魚皮，咬落去嘅口感，同一般食開嘅唔同，嗰種酥脆唔係好識形容😅，不過我鍾意呢種質感；同埋大大嚿有手掌咁長，唔係碎濕濕咁。 原本係想試佢哋嘅魚片頭為主，炸魚皮反而有驚喜😍

今日 再 去食，奇怪裡面啲人轉左，只淨一個樓面見過，相信已經轉左手，因為我食左佢地20幾年，今日再食 雲吞 和 牛腩 及腩汁完全唔同左，非常冇凸出既味道！！問果位熟口面樓面係咪轉左手，佢唔太敢講，又想講。所以今次最後一次食算了。我見樓面同廚房全部人唔同晒，以前係家庭式，而家肯定轉左手。好可惜……..尋不回的味道…以前廣福邨舊鋪 一星期食最少7餐係佢，而新鋪我見過有舊老闆的相片坐陣的，而今日已經不見了！！相信現已轉手比人了！！！好失望！新手食物一般，唔值一試，完全冇味道既腩汁！！

入嚟大埔一定唔可以錯過廣成麵家三點幾入嚟食，舖頭都仲係絡繹不絕，可見廣成麵家真係老字號，好多街坊、慕名而來嘅人都會嚟幫襯～今次唔係太餓，試咗佢啲淨食：魚蛋、墨丸、鳳城水餃、鮮蝦雲吞… 啲魚蛋都係自己打，粒粒都好彈牙超高質！水餃同埋雲吞皮薄餡靚，真材實料雖然係小店，但衛生情況都不錯，而且因為疫情有曬啲隔板，而且好寬落，所以食得安心舒服啲夥計都好好人，就算好多人佢哋都好有耐性，而且有效率，啲嘢食好快到下次入嚟大埔一定會再食！

其實呢間野都食咗好多次㗎啦，都係見佢幾好味，就繼續食，雖然本身啲衛生已經唔係幾好今次我照樣都係嗌咗一淨魚蛋。大家可以留意下右上角，有達好似辣椒油嘅不明物體，我自己就冇加辣椒油嘅所以我知道一定唔係我整，雖然就話啲嘢都幾好味，但係我覺得衛生都好重要侍應方面，啲侍應都好好人價錢都唔算貴，淨魚蛋$32

是咁的早排喺YouTube見到有段片就係講大埔嘅魚蛋粉其中一間就係廣成麵家咁今日就咁岩lunch time經過咁就不如試試佢啦原本入去之前都係諗住食魚蛋粉但結果我入到去坐低就見到對面食緊牛腩飯好似好正所以我最尾就違背咗我嘅原意又魚蛋粉變咗叫牛腩飯食牛腩同牛筋都好多亦都好淋好入味啲牛腩汁亦都唔會太鹹撈飯幾好食然後牛腩飯有得跟餐所以加$2有凍飲而同行嘅友人就食咗魚片頭魚蛋粉我都偷咗一粒魚蛋嚟食都真係唔錯另外佢嗰個餐有得加$8有一碟魚皮好脆同埋份量都唔少所以大家都可以加返份魚皮食下

黎到大埔當然要食呢間店！一定要試呢度既魚蛋河！份量都算幾大碗，魚旦口感好彈牙～河粉質感爽口，推薦大家可以去試下，而店舖環境幾乾淨。下次有機會再試埋其他野食先。😋

星期日同屋企人去左食廣成麵家，聽說呢到既牛丸麵係好出名，一於黎試下。我就叫左個牛丸河，湯底係正正常常，牛丸不單止好彈牙爽口，而且仲好有牛肉既鮮味，裏面仲充滿肉汁添嫁！既然黎到食，就叫左個炸雲吞，雲呑皮炸到超級脆，裏面既餡估唔到係鮮蝦豬肉，再點上泰式辣醬，真係好滿足！食麵最重要既緊係配翻杯凍檸茶，成個早餐就完美啦！

諗住去大埔街市上面食豬排麵，點知原來裝修到7月先重開，唯有行返落去搵嘢食，見到呢間咁多人食緊應該都唔會差，行入去睇都幾多種類，有西式早餐同中式粉麵，叫咗個牛筋米，牛筋夠腍，鹵水入味，米粉冇軟爛，好味；熱奶茶都好香濃，所以香港地多人食而唔係因為招牌嘅，應該係好味先有咁多人

I’ve been to this place a few times. They offer basic soup noodles dishes but also rice soup dishes. My favourite are the rice noodles with fish balls and fish cake, simple dish but very good. The broth is really nice.The restaurant itself is small but clean. Service is fast and reliable.

一個人入去叫左碗雲吞河粉同魚皮魚皮超級好味道！跟餐 $9！抵食！鬆脆！未食過咁好味的魚皮！職員服務亦都非常好！有禮貌～Worth trying ! Recommend !