得龍生哥美食

Open Now

Now Closed

在黃大仙收工過後懶得煮，來到新蒲崗買外賣回家。位於康強劉的得龍生哥美食前身係全個新蒲崗都無人唔曉嘅得龍大飯店。近來專營外賣飯盒，重點是價錢非常相宜。等待期間見到得龍有自家制臘腸、自家制鵝肝腸售賣。奉送例湯：青紅蘿蔔粟米梅菜扣肉飯 $40梅菜扣肉超大份，比碟頭飯似小菜多d!梅菜很多、夠味又唔咸，非常下飯。扣肉好大一塊，肥瘦剛好一半，肥肉部分感覺不會很肥，外皮Q彈，食落還有點果皮味。以呢個價錢真的是性價比高。

自己有時候也會去新蒲崗買一些東西基於現在疫情關係 可以的話還是選擇外賣回家吃在新蒲崗找了兩下 看見這一間小店價格便宜 只需40元便有一個餐 還附送例湯或蒸餾水 就叫了一個餐 原盅臘味飯吃 另外再加了$15要了沙嗲豬皮特大魚蛋 回到家中發覺份量也挺大 飯上有臘肉和臘腸 潤腸 油脂豐富 和白飯一起吃下去相當好吃！沙嗲魚蛋味道也很好 沙嗲味突出香氣誘人 加上豬皮非常好的配搭 不失為一個精美小吃這兒價錢實惠食品質素也不錯 值得嘗試呢！！

呢日係Mikiki行過康強街條巷仔見開左間新店，門口棟左塊黑板寫住幾款飯都係$40，包埋湯、飲品或者水。見咁平就買番去試下!揀左個柱侯牛腩飯~最近疫情嚴重，聽講公司水機都容易有菌，所以飲品揀左支水番公司飲~店員好貼心仲問我要唔要雪凍既水!等緊既期間再睇下個黑板仔，見沙爹豬皮特大魚蛋都係$15，口痕痕就叫埋碗黎試下!柱侯牛腩飯番到去一開發現飯同餸係分開擺，唔會搞到d飯林哂，小店都咁貼心真係好難得!而且d汁非常多，不過因為我買完飯去左買其他野所以盒飯凍左少少，個外賣碗可以入得微波爐非常方便，叮一叮好快食得~見到d汁口水都流哂!將d汁撈落飯食超正，腩汁充滿肉香同油脂既香味~有人可能會怕肥，但果種香真係令人覺得肥都要食!牛腩份量適中，最正係夠稔又易咬，唔會痴住d牙。配菜既白蘿蔔都炆得勁好入味，$40食得咁既水準真係好驚喜!沙爹豬皮特大魚蛋食哂成個飯已經好飽，所以番屋企先叮番熱魚蛋豬皮食，一開出黎成陣沙爹香充斥住間屋，沙爹極濃味!重口味既朋友一定岩哂!長洲魚蛋真係極大粒又彈牙，豬皮入哂味又爽口，老公食到耳仔都郁!細食既女仔食一碗一定飽哂!$15性價比超高~

最近新型肺炎疫情依然嚴峻，所以唔少同事都會選擇買外賣返公司食。前幾日外賣左點心，今日經過康強街，喺橫巷發現呢度開左間「得龍生哥美食」。 見到張賀年招紙寫住「得龍大飯店」，問過門口個阿姐，原來呢間真係早前結業嘅粵菜老店「得龍大飯店」所開嘅外賣店。反正午飯還沒想到吃甚麼，一於試下。餐牌只有 5 款外賣快餐，今次揀左個臘腸排骨飯同一份小食：沙爹豬皮特大魚蛋。見到啲阿姐全部都有戴口罩同手套，感覺衛生，令人食得安心。去左附近公園抖下氣，一個人慢慢食。臘腸排骨飯 ($40)：跟飯會附送盒裝飲品，蒸餾水或例湯。今日例湯係青紅蘿蔔粟米豬骨湯，雖然等左一段時間先飲，但係湯身仍然熱辣辣，味道清淡而不油膩，真材實料，最重要是飲完沒有乾涸感覺，肯定無落味精。排骨好鮮味，臘腸惹味但唔鹹，豉油杰得嚟甜甜哋，最鍾意就係可以按自己嘅喜好而調教豉油的份量。沙爹豬皮特大魚蛋 ($15)：魚蛋雖然只有 3 粒，但粒粒都大過乒乓波，食落爽口彈牙，有咬勁，質感實在。豬皮夠腍，而且仲好入味，最正就係啲沙嗲汁，辣中帶甜，非常香濃，令食物嘅味道昇華到另一個層次。店舖另外有做盆菜外賣，有機會一定要試下。

以前響新蒲崗住，成日都會去德龍度食飯。早前知道佢哋轉咗做私房菜。今日咁啱經過，原來佢哋仲有間小店專做外賣。既然嚟到，當然要試一試啦。外賣飯，7款選擇，一個都係$40，仲包埋飲品或者例湯。結果我叫咗個原盅臘味飯同埋梅菜扣肉飯連例湯。梅菜扣肉夠入味，分量幾多。食落又唔會太鹹，值得一試。臘味飯，超香。一路行一路都聞到陣臘味味道。而且臘味嘅香味完全滲入響啲飯𥚃面。另外叫多個小食，沙爹豬皮特大魚蛋。$15，有三粒超大魚蛋，大細同長洲魚蛋一樣。仲要有唔少豬皮響面，分量十足，超級抵食。地址：得龍生哥美食 (新蒲崗)新蒲崗康強街33號地下C號舖

因為今日爸爸生日，就一齊去咗呢間留意左 個幾兩個月嘅盆菜舖，聽老豆講好似好出名！？所以就嗌咗一個688蚊嘅四人餐來試， 我哋呢就早咗兩日去預訂嘅(11am) 今日去咗攞， 呢個盆菜係連埋一個鐵盤，都算有用個煲有 蘿蔔花膠海參 魚蛋 腐竹豬皮 蓮藕蠔豉豬皮...... 十分知足料, 呢個盆菜我哋屋企五個人都食唔曬。我個人呢就最鍾意 蓮藕 蘿蔔 ，五花肉好值得讚， 十分入味得來又唔會太咸，好正呀！ 腐竹我個人都唔係好鐘意 但係鍾意食嘅會好鍾意食， 加上湯底唔會油淋淋推薦❤️❤️