御品軒 (Closed)

久聞呢度既水牛奶大名, 呢日經過, 就買左一個外賣黎試下食落的確係幾滑既, 淡淡既奶香唔會太甜, 唔錯, 比起一般燉奶更香外賣有特價, 比堂食平d, 都算抵食

踢完波，大伙兒去吃飯，有人帶隊，來了這裡~還好，以為要吃隔離的迥轉壽司的了。還記得在銅鑼灣店吃過很不錯的崩沙腩，在這裡又照辦煮碗，來一碟蝦籽崩沙腩撈麵。碟麵很快送來，比任何食物都要快，有些朋友還在想吃什麼，我已有得吃了。崩沙腩看樣子已知是全不像樣子，跟普通牛腩是沒有兩樣的。我不介意付出多一點的價錢，但就很討厭食店「掛羊頭賣狗肉」的做法，「喊面」是怎樣也走不了的。麵很硬身，一滴油也不下去拌一拌，很健康，但不好吃。上湯很淡，當然看著撈麵上是有蝦籽的，但卻完全吃不到鹹香，似乎一定程度上也解釋了上湯的品質。我要的撈麵吃得一頭煙，其他食物又沒有這麼差。沙爹牛肉的沙爹也幾冶味，飯是珍珠米，出乎意料；鵝肝餃子22蚊四隻，已知道不是很有份量的鵝肝。但炸得脆卜卜的，總還有一點點的鵝肝味；連芥蘭也幾爽甜，切成短短的，討好，最討厭那些長得像餵豬菜般的；最後來了個雙皮奶，幾香幾滑，始終是這裡的招牌食物之一，沒有了崩沙腩，也總還有這個水牛奶。埋單位位60蚊，不算貴，也不算出色。會是銅鑼灣那邊水準較好吧！

牛肉飯和厚燒玉子很好吃很夠味鋪頭設計精緻而且舒適乾淨服務態度殷勤良好是一間有心的食店

睇完九點半,只係想食一點小食,見有粉麵甜品之小店,於是入內一試!坐低看完餐牌,不想食牛腩,發覺唔係太肚餓,只係點左個士多啤梨雙皮奶食,特色係話用水牛奶做,個人不知是否營養價值高還是其他原因,口感和其他奶類分別不太大.而且奶味反而不太重賣相不鍺,師父都很有心機砌好士多啤梨成風車型,士多啤梨都很新鮮很甜,可以一吃的

昨日與男友出旺角買禮物，見已是下午茶時間，便竄入女人街，看到這間食店有個高高的易拉架寫著水牛乳第一家 (好似係)，套餐又幾吸引，於是入內一試。要了御品軒帶子雲吞拉麵和炒肥牛沙河粉，由於兩個餐有免費小食附送，所以商量了好久，才能決定要厚燒玉子和是日甜品 <-----是芝麻糊，簡直是喜出望外！御品軒帶子雲吞拉麵︰麵質極腍，都幾難食，帶子雲吞冇乜特別，細細粒，皮頗滑，湯底應該沒有落味精，不錯。炒肥牛沙河︰好多油，但鑊氣足，幾香，配料有洋蔥、蔥等。厚燒玉子︰冇試到，但男友說口感極佳，蛋味甚濃。芝麻糊︰好似有朕藥材味，甜度適中，但芝麻味略嫌不夠濃。此店不收加一，而且服務有禮，來旺角開餐不妨一試。

今日同朋友睇完戲，係旺角諗唔到食乜好，朋友行過話試下呢間，於是就入左去喇．．．四個人叫左個　＄１８９餐，每人係　ａｂｃ　ｍｅｎｕ到各揀一款．．．我揀左沙坑腩飯　＋　墨魚　＋　雙皮奶朋友揀左沙坑腩米　＋　墨魚　＋　凍荳漿另外兩個揀唔知咩牛肉米　＋　蝦餅　＋　椰青本來其他幾個朋友都係叫河粉，不過佢話冇本來想叫個吉列瀨尿蝦，不過佢都話冇．．．最後只係試到呢ｄ野．．．個沙坑腩，腩肉唔係好多塊，但係林林地幾好味蘿蔔又係勁林勁入味，正！仲有ｄ東菇，都好味．．．最正係．．．佢用清湯整，我最鐘意咁整，仲鐘意就咁飲佢ｄ腩汁，好味得來飲左又唔會令人好口渴．．．個墨魚整到好似食蒸魚咁滑，正！雙皮奶反而冇乜特別，有奶味，不過唔夠滑．．．朋友個唔知咩牛肉米冇試，但係個蝦餅，真係好唔得！好似蘿蔔榚加ｄ蝦肉入去咁．．．而且張台有兩碟，但係一碟係切得勁厚，另一碟就切到勁薄，而又大家都係得三塊，唔多好．．．

除左出名甜品,原來仲有2樣招牌食品今日lunch time order左瑤柱坑牛腩手拉麵-個清得泥又有d牛味喎...飲完唔會口渴ga!!牛腩&牛筋同個麵的portion係50/50.好勁!!!而牛腩同牛筋個portion又係50/50!!!牛腩唔係算勁淋果種不過對比起佢個崩沙牛腩覺得呢個係淋d喎...有少少咬口.個麵唔係平時食到果d上海拉麵呀,扁麵果d,而係應該係自家製的...好特別,白白地,扁扁地.少少粉團的感覺.不竟佢都係carbohydrate丫...加鈣水牛乳-claim係自家製,無加preservatives呀糖呀唔膻呀...要左杯凍o既...真係幾清淡喎,但係又會有牛奶味!!ok!試得過!p.s.佢個裝潢幾特別.木枱木椅,好似去左一間modern版客棧

前幾天與朋友在旺角飯後到訪位於通菜街的御品軒. 這次我點了另一特式甜品"山水雪中情" - 內含芒果,蘆薈和水牛奶雪糕. 賣相的確不俗,很吸引; 味道亦很好,水牛奶雪糕有很濃牛奶味.下次會再去試試其他粉麵或甜品.

雙皮奶估唔到用水牛奶做又幾好食,好香濃奶味牛筋丸好爽口彈牙,有牛肉香味崩沙腩幾腍,腩中極品,奈何還未能完美是牛腩本身無味,個湯飲完之後好口渴凍奶茶我的至愛,味道一般,不過我知道佢用黑白奶,味道不會太差