御品餐廳小廚

Open Now

Now Closed

即使到咗年初七，仍然有些商店及食肆未復市。當然，橫街窄巷嘅情況，相應比主街道為嚴重，有理由相信這與租金差異有關。在年初六的中午，我原本打算去位於江蘇街的七喜粥麵小廚試試他們的豬手雲吞麵，但去到居然全店滿座，對面的刀削麵店又沒開門，輾轉之下，來到這家位於土瓜灣道的食店，嘗試他們的出品，這家店是我第一次光顧，選擇都頗多，尤其是早餐，而我只拍了其中一頁而已。而座位亦一樣很多，有4人方檯、兩人方檯及4人卡位，幸而店員安排我入座4人卡位的一邊，坐著比較鬆動，而坐著對面的是一位男士，正在享受他的男人的浪漫。在午市時份，目測有9成入座率，生意相當不俗。午餐是每天不同款式，所以由店員專程遞上，以供客人選擇，我選了男人更浪漫，芋頭扣肉飯，配上凍奶茶少甜，附送例湯，承惠$54，價錢在這區應該是標準價吧。湯是木瓜排骨湯，幸而沒什麼木瓜味，這正合我心意，所以碗湯可以一飲而盡，但木瓜我就不敢嚐一口了。奶茶慣例用半透明膠杯承載，有些茶味，但不是太濃，甜度亦適中，有些茶記是即使點了少甜，都依然非常甜，但這家不會。終於主角出場了，芋頭扣肉飯，配上一頂我至愛的西蘭花，有心思。芋頭和扣肉用南乳汁去烹調，蒸煮得很腍，合符我

呢間毫不起眼嘅茶餐廳，佢個西多士竟然非常出色，真係好難得。佢個西多士好食嘅地方首先係兩塊方包唔係空氣方包，而且拎去浸完蛋漿之後再攞去炸後，出黎竟然仲夠乾身挺身。另外佢個熱度都好夠，可能係我幫襯嘅時候無乜客所以即叫即整兼整好即刻攞比我啦，因為夠熱所以亦都會令到件西多好食D嘅。

【九龍城區】【御品餐廳小廚】又係走嚟土瓜灣食嘢，唔係「大量廉價旅行團往港明美食享用兩餸飯事件」，我都未必無啦啦會咁有動力過嚟呢邊食嘢。唔知大家記唔記得有一排我做九龍城同紅磡多，之後無啦啦完全冇咗九龍城區嘅 post 咁，都幾擔心架。不過之後發現原來呢邊好鬼多嘢食，寫呢篇嘅時候，我仲好招積咁望住啲稿，信心爆棚咁嘅死款。的確比起之前冇稿喺手嘅慘況係好咗好多，寫作題材全面咗係令自己壓力冇咁大。入到呢間茶記，就坐低叫個「精選特餐」。個餐係 $44 嘅「叉燒米粉」，啲叉燒係「飯戲攻心」講過嗰啲「茶餐廳叉燒」，味道真係好一般。配菜「多士」係一片方包烘咗再加啲牛油，麻麻哋。仲有「火腿炒蛋」，冇特色，隻蛋偏老。飲「凍檸茶」走甜，正正常常。想散叫個西多，個侍應話不如叫餐啦，嗰吓有少少突兀，不過是但啦，就叫個 $34 嘅下午茶「西多士」，都係飲「凍檸茶」走甜。個西多都係薄薄哋，糖漿仲要係韓國嗰隻，即刻叫佢換煉奶，任落都好。夾埋 $78，冇下次。。。（地址：土瓜灣土瓜灣道237號益豐大廈B座地下108, 118 & 119號舖）#1amfoodie #foodie #hkfoodie #thatfoodie

試過買幾次外賣，食物質素可以，炸子雞可以，炒粉麵還可，但味道比較咸多汁。可惜，有一個超大問題，就係有伙記無帶好口罩，口罩長期不蓋口鼻，就咁包裝外賣，浪花四淺，手就更加無先清潔，比我見到有咁嘅情況之後，不敢再幫襯了，更無可能堂食吧，心驚......

本身見大廈都成日有人見呢間野外賣所以就算見佢平隔離店貴, 都試下點知幾個員工態度都超差人流已經唔係特別多駛唔駛咁燥???係就尼掉d野落檯咁款係咪咁做生意呀??由落單到我食完都仲係我背後講, 夾雜好多粗口咁市道係唔好人人都心情差但唔係要受你地氣喂, 俾緊錢你地賺架wor不如再培訓下啦唔會再來, 唔信既就自己去試下但勸大家有更好既選擇同埋認真, 無基本待客之道係應該俾市場淘汰

朋友住附近，佢話呢間茶餐廳幾好食😋今晚同3位朋友落去食晚飯，見餐牌有好多小菜選擇，待應哥哥推介小炒皇，跟住我哋又叫咗炸子雞、金銀蛋白菜仔、椒鹽九肚魚，每人一碗白飯，仲送埋例湯，加埋飲品，埋單每人都係$80蚊，好抵食，小炒皇值得一試。👍