御希大排檔

Open Now

Now Closed

今次一定要寫食評，因為差到唔寫唔得，人生食到最貴最難食既羊腩煲，食到大家一直罵，筷子🥢都提唔起，一至舉手轉場。第一，一個羊腩煲可以收$600蚊，但係個煲羊係有酸既味，慶幸係無酸淑味，否則真的食到嘔！我地成煲野，羊腩每人食一舊，就連菜都唔想再食，因為淥落去就係酸既。 呢個羊腩煲仲要無馬蒂，無笋，裡面淨係籮白。感覺上變壞左既味道，唔想食到又痾又嘔。其它菜同樣差，碟炒蜆無茨汁，沙多到唔洗食落口，睇👀都睇到，呀姐聽到我地話好多沙，馬上拎走話取消，話D 菜唔掂出聲“感覺上佢預左”，佢地馬上換👍🏻。好可惜到碟炸大腸來到，我會說是炸硬腸，有圖有真相！到個啫啫雞煲，一吓啫聲都無就上桌，雞仲生生地。到碟蟮我會說是正常既，係小豆豉既白白淨版。到個煲仔飯，冇飯蕉，同蒸飯一樣！仲要成日有個呀叔係度講野，又話呢樣靚，果樣正，又拎3枝啤酒🍻來，迫我地要，話我地有冰筒放，放心唔飲唔計錢。到埋單時好彩check單，我地冇飲果3支啤酒，但都計左錢，佢就馬上拎走3枝啤酒話唔計，唔講其實冇退過，單果度反影到！ 為左大排檔風味既朋友，奉勸三思，會食到大家好激氣🤮其實都食過好多次，現況係差到一個點。

星期六放假，揸住車去到油麻地果頭，見到永安後面剛見到之前拆咗嘅大排檔開返，就即管坐低試吓，而且嗰度有位可以睇到車，還有個服務員態度都幾好,，招呼我坐低介紹我食咗個沙嗲牛肉米粉，跟埋個紅腸太陽蛋，沙嗲牛肉整得唔錯，米粉都好好食，飲杯咖啡亦好高水準，咁嘅價錢確實幾好，但美中不足，等個早餐都有差不多10分鐘，希望店舖會有所改善改善，環境來講比以前好好多，可惜天氣比較熱，都仲係冇冷氣嘅大排檔，只講食物有80分以上

今日去到佐敦區搵嘢食，去到吳松街永安後便，見到裝修咗兩年以前舊式嘅大排檔，跟住見到一間裝修幾特別，門口貼住好多圖畫又又得意嘅圖案，所以坐低落去試吓，叫咗一個涼瓜排骨米，估唔到食落去完全有酒樓水準，而杯奶茶就不在話下，大家有機會去佐敦區，不妨一試

岩岩揸車去永安買少少野經過發現吳松街熟食中心翻身完環境乾淨左好多為左可以睇住架車 就坐底叫左個豬扒炒出前一丁加凍奶茶估唔到杯奶茶幾有好飲 個面底仲好足 加埋凍飲午餐$50 有找真抵食

早餐$32有豬骨湯底，火腿通粉切絲而不是就咁一片片，有坑紋嘅通粉係小時候嘅口感和味道。早餐還配搭兩款餸，我選了扎肉和紅腸，扎肉和紅腸上碟時都係熱烘烘的，一看就是正宗越式扎肉，中厚度食落有口感，紅腸煎香后味道特出，與附近一些餐廳只把室溫食物放上碟而沒有煎香，御希早餐真係勝人一籌。本人不好甜，叫了一杯少甜檸檬茶，送上來是一杯400ml有多嘅凍飲，茶味濃度剛好，檸檬有四片，新鮮檸檬味道沒有苦澀，同行朋友要求一杯濃味檸檬茶，老板也即時特製，服務態度一流！

見係完全翻新嘅熟食市場, 即管坐低試下早餐, 理論上應該都唔會錯得去邊。早餐b)沙爹牛麵+二道菜選煎雙蛋+熱奶茶沙爹牛個汁濃, 少少甜但係完全唔覺有花生味亦無咩辣味 😰, 而且碗麵嘅湯實在太多, 一撈開個汁就直頭稀曬 👋牛肉應該都係用鬆肉粉醃, 都滑同爽口既叫做。麵底唔係大光麵而係另一種比較硬身有些少似伊麵 (sor睇唔到貨盒牌子), 的確大打折扣。奶茶正常, 但茶味並不是太濃。總括來講, 佐敦區32蚊嘅早餐只能夠講係對得住個價錢。