御希大排檔

Open Now

Now Closed

今次一定要寫食評，因為差到唔寫唔得，人生食到最貴最難食既羊腩煲，食到大家一直罵，筷子🥢都提唔起，一至舉手轉場。第一，一個羊腩煲可以收$600蚊，但係個煲羊係有酸既味，慶幸係無酸淑味，否則真的食到嘔！我地成煲野，羊腩每人食一舊，就連菜都唔想再食，因為淥落去就係酸既。 呢個羊腩煲仲要無馬蒂，無笋，裡面淨係籮白。感覺上變壞左既味道，唔想食到又痾又嘔。其它菜同樣差，碟炒蜆無茨汁，沙多到唔洗食落口，睇👀都睇到，呀姐聽到我地話好多沙，馬上拎走話取消，話D 菜唔掂出聲“感覺上佢預左”，佢地馬上換👍🏻。好可惜到碟炸大腸來到，我會說是炸硬腸，有圖有真相！到個啫啫雞煲，一吓啫聲都無就上桌，雞仲生生地。到碟蟮我會說是正常既，係小豆豉既白白淨版。到個煲仔飯，冇飯蕉，同蒸飯一樣！仲要成日有個呀叔係度講野，又話呢樣靚，果樣正，又拎3枝啤酒🍻來，迫我地要，話我地有冰筒放，放心唔飲唔計錢。到埋單時好彩check單，我地冇飲果3支啤酒，但都計左錢，佢就馬上拎走3枝啤酒話唔計，唔講其實冇退過，單果度反影到！ 為左大排檔風味既朋友，奉勸三思，會食到大家好激氣🤮其實都食過好多次，現況係差到一個點。