復興粥品 (天盛街市)

Open Now

Now Closed

超咸鼓油皇炒麵😝， 唔知係咪好多老人家幫襯，所以整得咸D , 如果唔係咁咸道嘅話$14 真係冇得投訴嘅咁嘅價錢,仲要係商場鋪嘅話啲租金一定好貴, 只希望廚師放少啲鹽, 味道會好好多

依間餐廳都開左一短時間，但一直都無興趣。今次唔舒服睇完中醫諗住買碗粥就先試下，因為一粥麵都唔會好得幾多。諗住冇咁淡就買左及第粥試下，可能因為d 料要煮耐d 既關係，比我後既人都比我早拎到外賣。d 料普遍ok,有豬潤、粉腸、肉丸同豬肚，除左肉丸，全部都有兩件。豬潤係厚既唔會太薄同唔會太熟，肉丸都ok, 但其他料就都係無味既，粥底係偏咸d 同都有少少黑點，應該係鑊撈？整體黎講都冇想像中差，鋪頭都幾多人係度堂食，d 阿姐態度都ok.

第一次食，失望☹️☹️☹️☹️唔係特別好食，態度又唔好……媽媽買外賣叫左炸兩，同店員溝通左要咩嘢醬料店員用嫌媽媽煩嘅語氣表明醬料鼓油另上媽媽口頭上再三確認店員話擺曬落去膠袋度反去自己落反到屋企打開膠袋後發現完全無比任何醬料屋企路程比較遠亦費事返去攞…..最後乾哽炸兩🥲另外，叫左個白粥，味道好鹹！入邊勁多黑色一點點！幾乎每一啖都有幾粒有大又細，有啲係炭屎，有啲不明挑到手軟最後決定唔食😖應該唔會再幫襯🥹

係天水圍想食粥真係無幾多選擇，一係就連鎖店，一係就只有新北江果間老牌粥店，近期天盛街市見到開左呢間新既，今日自己就黎食個下午茶試下先。小店鋪面唔大得幾張枱，下午時間都算幾多人，差唔多都坐滿，黎到岩岩有2枱客離開先有位坐，坐底望左幾下餐牌，想叫野時見d阿姐都幾忙係咁包外賣同落外賣單，睇黎都幾好生意，我都等佢地鬆動d先叫到佢地落單。及第粥本身想叫艇仔粥，但個人認為食生滾粥類會容易反映到店家既用料，所以揀個及第粥試試，粥底都算ok，幾綿，而家d粥鋪其實十居其9都加左d豆粉開，呢間都唔例外，材料有豬潤，豬心，豬肚，豬粉腸同豬肉丸，豬潤有2塊，2塊唔同口感同味道，1塊比較硬爽d，無乜豬潤本身果種味，1塊就平時食果種口感，鞋鞋地又有豬潤味，因小弟平時唔多食豬潤所以唔評邊隻先係好野先，豬心豬肚各2塊正常，爽口無怪味，豬粉腸都有2條，1條就入面多粉d1條就空心乾淨d，豬肉丸1小粒比較咸，成個粥黎講我覺得普通啦，一般正常。炸兩呢份炸兩算幾高質，腸粉皮好光滑，食落唔會一pat野咁，油炸鬼雖然唔係好脆但都唔韌，食落幾鬆軟，加左甜醬麻醬食味道更加升級，美中不足係店家無芝麻供應，個人比較鍾意落埋芝麻，可惜。整體

早幾日行過天盛街市，見到這新開業的粥品店就好奇它的水準如何。 看了看餐牌，價錢算是很平民，其中炸兩是 $13，而且它特意在廚房的油鍋前開了個窗給途人觀看。 見它油器櫃不會存太多油炸鬼和牛脷酥，應該都幾能夠保持香脆，於是今天兩口子特意試試炸兩和鮮蝦腸粉。兩份外賣都等了十多分鐘，但可能是即炸油炸鬼的關係，拿回家的路程雖然都有 15分鐘，而炸兩依然能保有香脆的口感。 鮮蝦腸的蝦是爽口的。 在這區住了4年多，終於都有價錢親民而有水準的腸粉炸兩了！改天會再去試粥品！