德利美食

Open Now

Now Closed

係何文田站附近發現咗間串燒小店，堅大家嘅評語都唔錯，所以今次特登去咗試吓。小店嘅枱櫈數量唔多，所以我都係外賣翻去慢慢食~價錢幾貼地 而且串燒款式都唔少~🤘🏿睇得出店主好有心機燒 不過當日得店主一個燒，所以都等左差唔多成個鐘 大家可以預番時間🤣〰️安格斯一口牛 $28呢個幾驚喜 食落軟腍 而且好重牛香🤘🏿〰️雞肉串 $20/2串雞肉嘅份量唔多 但呢個價錢差唔多🤣調味都剛好 但略厭雞肉唔夠juicy~〰️燒牛脷 $18呢個都係有驚喜嘅一款🤣食落好軟腍而且好香 個口感很可以!不過如果大份啲就好 唔夠喉🤣〰️燒韮菜 $20韮菜少少辣幾惹味 但燒得乾咗少少🥲〰️燒翠肉瓜燒翠肉瓜絕對係每次燒烤必叫嘅一款呢個就燒得剛好 食落juicy多汁 ！〰️燒菠蘿 菠蘿鮮甜多汁 佢哋嘅菠蘿係連皮切如果去埋菠蘿皮就好了 可以大啖咬

今日收工經過見到有新串燒店，就忍唔住買黎試下，Happy Friday, 總要對自己好d。串燒即叫即燒，熱辣辣新鮮整好，勁惹味。1️⃣雞軟骨 （2串）HKD 24香脆可口，調味適中，唔會太咸，完全停唔到口，會一啖接一啖，如果有埋啤酒就真是一絕。2️⃣火雞腎HKD 15一串有3件，佢係薄切，所以唔會好難咬，但略嫌有d 干。3️⃣安格斯一口牛 HKD 28呢個燒得岩岩好，軟稔不韌，咬開果陣，口腔充滿牛味同肉汁4️⃣原味台灣腸HKD 15完全可以用脆皮多汁去形容，師傅功力完全把香腸肉汁鎖住，超正5️⃣燒豬頸肉HKD 18焦香，爽口彈牙，好惹味。6️⃣蜜糖菠蘿HKD 20一份有3件，除左有菠蘿本身鮮味多汁，仲多左份蜜糖香甜，後悔冇叫多份7️⃣燒魷魚鬚HKD 18爽口彈牙，每一條鬚都充滿 孜然味，必試，好在我有先見之明，叫左2串

好耐無過紅磡站, 所以今晚就同個frd行過去睇下依家紅磡站變成點, 夜晚順便係果邊食埋, 工作壓力大, 好想食串燒! 紅磡勁多串燒, 我地無特別去揾, 見到邊間有位就入去。我地經過呢間 “德利美食” , 坐既位算係露天, 我好鍾意咁樣, 因為有啲似去左大排檔, 好relaxed, 講返食物:# 燒茄子 # ***** *** 8/10都幾juicy, 有淡淡既孜然味, 唔係好濃果一隻, 個老闆仲提我地個皮唔好食埋佢, 好細心# 燒虎蝦 # ***** ***** 9.5/10好鮮甜! 本身唔係太鍾意食串燒既蝦, 因為好多時啲人都燒都燶晒乾晒, 但係呢度燒得好好, 入面係彈牙, 有juicy, 唔乾, 加埋啲調味, 好正! 食埋啲蝦膏…. 今晚最令人回味係呢隻蝦!# 燒雞扒 # ***** ** 7/10燒雞扒, 唔算大塊, 可能之前響第二度食過超大塊, 誤以為週圍既燒雞扒都係咁大塊 hahaha# 燒雞翼 # ***** ** 7/10啲邊燒到有少少脆, 但如果有蜜糖味, 啲調味再重手啲, 會更加好!# 燒韮菜 # ***** *** 8/10串燒必點之一, 啲韮菜好幼嫩, 調味唔會太

雖然紅磡確實較少到，但這一區美食林立，更有不少卧虎藏龍，這晚有緣來到「德利美食」，都是在地老友的真心推介。 雖然沒有華麗門面，更沒有舒適環境，但就勝在有種「大牌檔」的風情，無拘無束，立時令我回想起昔日上環的大笪地。雖然座位少少，其實是有不少的外賣單，預先打電話來下單，再按時來取。 餐牌就是一張點菜紙，簡單地分了肉類、蔬菜類、海鮮類及丸類，大概有近50款，定價都相宜。 下好單就見師傅不斷燒，因為等候需時，師傅又不介意我周圍影，而且，師傅亦好健談，大家就講東講西。 先來的有「雞肉串$20」、「原味台灣腸$15 x 2」、「羊肉串$20」、「燒韭菜$12」、「燒蒜心$12」、「燒海膽丸$16」登場，呢一類都算做得較快，但燒烤的手勢不俗，無論蔬菜，還是肉串，都不會燒得太乾，而且，幾款肉都很有肉香，台灣腸亦甚有質素，韭菜、蒜心都加了些孜然粉，非常好吃。 再來就是「原條燒茄子$32」，師傅說是人氣之選，亦是自家的招牌作，不要以為切開就可以拿去燒，原來都要先處理一下才可以弄成一大片模樣。因為灑了自家醬料及蔥花，茄子軟綿而惹味，果真十分好吃。 海鮮類都想試一試，選了「燒黃花魚$90」，因為未試過這做法

呢晚喺紅磡走，想搵啲嘢食咗先返屋企，但已近夜深🌒，無幾多間舖開，竟然行行吓聞到陣燒烤香氣，原來係來自「德利美食」。我多數日頭先經過蕪湖街，所以一直都唔知呢個位有餐廳。小店主力做外賣生意，但佢都擺咗張枱出嚟比客人即場拮兩串食吓。即使炎夏晚上坐喺街邊，但佢開行把大風扇，都略感涼快😚。店員友善，叫我哋慢慢揀，諗到一串都可以落住單先，等佢哋燒住先，咁就唔駛等太耐👍。串燒種類包括肉、丸、蔬菜同埋海鮮，價錢正常。1️⃣蒜香燒扇貝($60/2隻)，扇貝好大隻，肉味鮮甜，用蒜蓉調味，燒至金黃色，底部仲有啲粉絲索汁添🤤。2️⃣蒜香燒鮑魚($35/隻)，鮑魚連殼燒，品種算比較迷你，肉質有少少韌，但都好難避免嘅。3️⃣紐西蘭羊架($38/件)，羊架同樣比較細件，但生熟度剛好，而且仲好香孜然味添，羊肉味亦唔羶。4️⃣燒秋刀魚($30)，秋刀魚長長一條，燒完散發住魚香，魚肉結實。5️⃣燒翠玉瓜($12)，翠玉瓜好甜、好多汁。6️⃣鴨舌($25)，第一次食鴨舌，原來係好似鳳爪咁有啲骨要噒，幾得意。7️⃣煙鴨胸($23)，鴨胸肉嫩入味，好食。8️⃣蜜糖燒菠蘿($20)，菠蘿好大件，原個切件。佢本身甜，再加埋蜜糖燒，甜上加甜🍍，正。總括嚟講，如果喺

何文田B出口落天橋油站▶️直行無耐再巴士站▶️轉右小巷就到第一次黎都算ok唔難搵嘅👌🏻串燒外賣，因為叫咗粟米等咗2分鐘左右～平時應該10分鐘左右就ok餐牌一張紙睇哂～朋友唔食牛，所以肉類淨係叫咗雞全翼、豬腩肉、羊架雞全翼大大隻，32$ 有兩隻！！外賣盒抵讚，有兩個出口位梳下余，外賣返到屋但仲脆口㗎！特別推介豬腩位（juicy多汁啖啖肉）、燒賣（重口味卜卜脆）、台灣腸（真係食到台灣陣味、要試！）最後梗係唔少得燒韭菜，必食，但要心攝牙la CP值高，地點方便，絕對會再去☺️👌🏻

德利美食 (紅磡)紅磡蕪湖街157號地下F號舖紅磡一向多美食，而且他是一個民生區，所以食物多樣化得來價錢亦不會太貴。跟朋友來到紅磡，先係一個正餐，然後覺得還可以吃點宵夜，所以四處找適合的食店，最後發現原來在住宅旁邊有一間地道的串燒店，一邊播着電影，一邊吃着美食。雞軟骨$24 2串雞園骨爽口彈牙，非常惹味。羊肉串$20一串羊肉串帶點蘇味，仲要是配上孜然，很香口！安格斯一口牛$28一串安格斯牛肉牛味重，原粒安格斯牛粒燒，有咬口得來還是很嫩滑。金菇肥牛卷$18一串肥牛很好味，配上金菇起來燒，別有一番風味。原味台灣腸$15一串台灣腸令我諗起喺台灣去旅行的時光。原條茄子$32這個是必食之選，讓條茄子少，非常吸引，上面鋪滿了特製的蒜蓉醬，燒出來的茄子蒜蓉香，入口更是吃到茄子的清甜。燒牛油粟米$23清甜可口！蒜香燒鮑魚$35原隻鮑魚燒，肉質彈牙有咬口！蒜味香濃！由於點餐和食物燒起中間是有一段時間所以我朋友在旁邊的大枱上一邊閒聊著，一邊等食物到來。

有時夜晚喺屋企飲下酒🍻，串燒餸酒就最啱。呢間小店近PolyU新hall。佢哋嘅串燒大約有四十幾款。🥢雞中翼$30/兩串兩串四大隻好抵食！雞皮燒得亁身香口，雞肉保持到肉汁。🥢安格斯一口牛$28肉味好重而且好多肉汁。🥢燒豬頸肉$18表面有少少焦香，肉質好爽彈。🥢燒新鮮海鱔$45海鱔肥美而且口感爽彈。燒過後入口魚油滿溢。🥢燒牛油粟米$23燒得均勻金黃，吸收晒牛油香味。☕️樽仔奶茶$20甜度低，茶味濃厚又唔澀。

到底係紅磡人鍾意食串燒，定係所有人都會去紅磡食串燒🤣點解呢區可以咁多串燒食😋😋今日去黃埔個frd屋企，上去前叫我幫手拎串燒外賣，呢間串燒都幾多人等，價錢睇落唔貴亦多選擇。.串燒熱辣辣先好食，所以一整好我就偷食左幾串😅😂😂好鍾意佢個孜然粉味道唔會太over，辣味適中，亦唔會好重味精。.串燒🍢雞全翼 2串 $32牛仔骨 $43燒豬頸肉 $18羊架 $38羊肉串 $20燒豬腩肉 $20燒花枝丸 $16原條茄子 $32燒魷魚鬚 $18火雞腎 $15燒新鮮田雞 一隻 $30.咁多野夾埋都唔使$300，我地成4個人食，已經好夠食👍🏻有幾樣串燒都幾正，好似「牛仔骨」腍身得嚟有咬口，一啲都唔韌，而且牛味濃，本來師傅有問我地切唔切，我地就要求唔切，咁先可以鎖住啲肉汁。之後「羊架」好後悔無叫多2串，羊架本身抵食，加上佢勁少肥膏得黎一啲都唔韌，又唔會有羊酥味。「燒新鮮田雞」好特別，平時食田雞都好少有串燒，佢將隻田雞界開再燒，惹味十足。「原條茄子」係川燒既精華，燒得入味又夠淋、加埋個特別醬料好餸飯👍🏻.So far串燒樣樣都好食，絕對會回頭幫襯👍🏻👍🏻其中一樣欣賞既係佢燒得好快，唔使等太耐。但見佢foodpx

德利美食👻紅磡區一向都多串燒鋪最近又再開多咗一間咁樣食串燒又多個選擇依間係近蕪湖街油站個邊地點都幾方便又易搵大大個廚房可以一路食住等佢燒😛.🔅燒大虎蝦 HKD 47大大隻虎蝦估唔到仲係有口感彈牙唔似啲唔新鮮既蝦咁淋有咬口又燒得好🔅燒三文魚頭 燒秋刀魚 HKD 38 30串燒鋪都食到三文魚頭出到黎又幾有驚喜三文魚頭又多肉表皮脆脆地咁秋刀魚一樣都係燒到表面脆脆地入面就仲係軟既唔會過硬🔅雞中翼 雞全翼 雞軟骨 HKD 30 32 24雞翼就係串燒必食架啦今次仲有揀雞全翼好有bbq既感覺雞軟骨脆口咁食無得輸既串燒🔅金菇肥牛卷 燒魷魚 HKD 18 18依間串燒鋪有我最愛既金菇肥牛卷即刻要試下佢肉汁燒完都仲係有勁多夠juicy好好食🔅原條茄子 燒韭菜 HKD 32 12茄子成條燒再配埋啲香料粉燒出黎既茄子特別好食韭菜燒完都唔會老平時最怕咬落好多根燒得啱啱好😆.整體黎講：即燒串燒 濃味好正😚.🎈 德利美食 (紅磡)紅磡蕪湖街157號地下F號舖

紅磡人有福了😎呢頭愈開愈多串燒店🤩想搵宵夜食絕對無難度，呢間仲開到凌晨架！今次同幾個朋友去，叫左成噸串燒🤣價錢都係街坊價，性價比都OK！因為實在叫得太多，講下啲比較印象深刻嘅先🥳招牌燒茄子 ($32)茄子係小編食親串燒都必定會叫😋茄子質感相當軟嫩😌加埋表面蒜香十足嘅蒜頭同孜然粉，超惹味呀😁燒豬頸肉（$18)表面燒到微焦😚食落充滿油香，口感非常爽口，正😋燒雞中翼（$30/2）燒雞翼係小編朋友最愛😍咬落啖啖肉，層皮先係重點🤩超多孜然粉，咬開肉汁豐富😋唔錯唔錯🥰蜜糖燒菠蘿（$20）完全無expect過會係咁大個🤤 咬落清甜多汁😋消膩一流！

9 0 後 的 味 蕾.作為理大嘅一份子，紅磡串燒舖一定係我哋最愛食物之一，搬番紅磡住就好懷念以前讀書成班同學仔夜晚晚坐街邊吉串燒，辣到要灌幾罐可樂既日子🥺.咁啱見到近何文田站開咗間新嘅串燒店，今晚忍唔住落街買番幾盒外賣番屋企慢慢拆😋叫串燒最驚係等得耐，我哋今次叫咗十幾串，最後等左20分鐘左右，時間都算快！.識食串燒一定明白調味粉既重要性，啲粉過多會攻鼻，過少又會搞到食物燒烤味重。.呢間既味道啱啱好，每串都醮上足夠既調味粉，叫左少少辣，刺激味蕾雞翼平、$30四隻；雞腎厚、爽；波蘿超甜、多汁；金菇肥牛份量都多，菇汁保留到；茄子；翠肉瓜厚身、咇汁；原條茄子醃得入味、重蒜香味。.串燒店仲有賣自家制既薏米水同酸梅湯，啱哂食到㷫烚烚既時候降降火😂

喺何文田地鐵站出口不遠處有一間新開的串燒鋪，可以食宵夜因為佢開到凌晨兩點，聽老闆講佢哋係生燒，等嘅時間會耐啲，但係幾有誠意，仲提我地要食咗海鮮先蒜香燒帶子$60蒜香燒生蠔$45我哋好聽話影完相就食咗海鮮先，蒜蓉味好正，帶子同生蠔都幾好食燒倉魚$90魚類仲有鯖魚等等平價啲嘅選擇，我哋比較鍾意食倉魚所以揀咗倉魚嚟食，幾大條肉幾嫩燒粟米$23燒菠蘿$20食啲蔬菜及水果平衡下 都唔錯本身仲叫咗雞肉串及羊肉串，不過冇黎到，下次搵機會試吓先

何文田站附近新開左間食串燒嘅舖頭，過開嚟又有新地方可以食啦😍😍位置喺大街轉入少少又唔會好嘈仲可以擺出露天嘅地方，小店座位數量唔多，應該好多人都係叫外賣😚😚等既過程同店主傾左兩句，聽得出佢好有心機慢慢燒🤩🤩招牌燒茄子 ($32)🍆🍆原條茄子充滿孜然粉嘅香味，加上佢嘅秘製醬汁同埋蔥粒，入口軟腍，又香又好食雞中翼（$30兩串）🐥🐥燒雞翼～～我最鍾意食～食串燒梗係要有雞翼啦，叫左小辣燒完仲係有肉汁係入面幾好雞肉串 ($20 兩串）🐔🐔滿滿一串既雞肉，可能比較薄，燒完有d 乾身雞肉軟骨棒（$16)🐣🐣免治雞肉加埋少少軟骨，好有日式居酒屋既感覺，如果有埋月見汁就好啦🤔🤔燒牛脷 ($18)🐮🐮好大塊既牛脷，兩塊少少地過下口癮😛😛安格斯一口牛（$28)🐂🐂一口size 既牛岩岩好，食落夠軟腍，好香牛味😋😋燒豬頸肉（$18)🐷🐷肥瘦均勻既油脂，燒完好香，同d 孜然同辣粉好夾🙂🙂燒豬腩肉（$20)🐖🐖豬腩肉一層層肥瘦相隔，怕肥既一下就可以咬走d 肥膏😗😗燒秋刀魚（$30)🐟🐟原條秋刀魚燒完塊皮夠脆，入面d 肉仲幾嫩滑添👍🏻👍🏻📍 德利美食 (紅磡)紅磡蕪湖街157號地下F號舖#香港美食 #香港必食 #hk