忠記粥品 (立興大廈)

Open Now

Now Closed

好味又抵食， 選擇又夠多，價錢大眾化， 傳統有得食嘅油器， 好似油炸鬼牛脷酥，咸占餅， 你都可以選擇， 總之早晨行入去，包你揀到琳瑯滿目，食到飽曬捧著肚行出嚟 。 竟然仲有蒸蘿蔔糕，你話死未。

近排啲腸胃唔係好好，真係要食得清淡啲晏晝諗咗好耐都唔知食乜，最後諗吓諗吓都係食粥最穩陣行行吓見到忠記粥店出邊好多人，諗住都應該幾OK就入去試吓<皮蛋瘦肉粥$21>叫咗碗皮蛋瘦肉粥，一開始就咁睇以為係白粥，好似冇咩料咁畢多兩畢發現全部料系曬底，都好足料下不過由於全部D瘦肉都沉系底，搞到碗粥一開始食個陣無咩味，愈食就就越咸下次食之前要攪勻佢，真系就搞唔掂<油炸鬼$9>油炸鬼真係好難食，凍冰冰根本就唔想食

2020/12/19 日一個寒冷的下午，上完堂，未諗到食咩之際，沿住灣仔馬路一直行，比我見到呢間粥店⋯一入去，店員好殷勤，我坐低點了一碟炸両⋯不消一分鐘，店員即時放低，用一張灰色紙寫上12元。我有點錯愕，是真的12元⋯擔心是伏，炸両外表好正常，放入口，還算脆。見味道正常（心諗咁的價錢不應要求太高）我再點了個艇仔粥⋯不消2分鐘，一碗熱辣辣的粥又送上⋯味道比想像之中好，足料的！粥味也甜⋯2樣野我很快吃完⋯（因好味）店內很多公公婆婆⋯店員服務也好快⋯抬頭一看，原來這粥店是每月的第一日都會送粥給長者，回饋社會⋯現在這市道，在灣仔區賣粥，而且咁的價錢，想必經營都好困難，或利潤微薄⋯這頓飯價錢 31蚊。但我放低100蚊，叫店員不用找錢，我想回饋長者⋯現在仍有能力施予，我覺得很開心⋯

又來到灣仔食嘢，今日個肚唔係太舒服，想食啲熱辣辣，又容易消化嘅食物。係呢間忠記粥品度，叫咗個鹹蛋瘦肉粥，跟油菜 。食完舒服返晒，味道正常，份量都合理。灣仔來講算OK啦。

清淡首选! 之前喉咙不舒服了一个多月，不能吃油腻辛辣，就邂逅了这家性价比巨高的粥店!最爱皮蛋瘦肉粥+炒面或炸两。记得要在粥上面撒一些白胡椒粉粥质不厚不稀刚刚好，浓稠度刚好，不会觉得在喝稀饭也不会黏喉咙。皮蛋瘦肉粥是我进店必点的食物，好吃到去了小半个月都不想尝试其他粥料很足，皮蛋感觉放了大半个，不是切的细细的，是可以捞到大块的那种。瘦肉非常多，不是那种飞在粥表面点缀的，是真的加了很多细长细长很结实的瘦肉。咸淡刚好，吃完也不会觉得口干，所以应该没有放味精啥的炸两也是必点食物之一，好像才10块几吧，一大盘，外面由肠粉包裹，里面的炸两不是很脆也不是很软，口感很好。一份粥+一份炸两=超级饱

這間老牌粥店， 每次堂食或外賣， 來到門口， 老闆同服務員們的合作精神快速及態度專業很親切的。這𥚃有很多種類選擇， 品質好而價錢底食。也有食過很多款了，如蛋黃咸肉粽，炸両，炒麵炒米粉們，另外各粥品，如及第粥用料潔淨，肉丸粥鲜打豬肉做成的丸還大大粒好有咬口的，油條們鮮炸很香脆啊。這次講吓； 咸旦雞粥，滑雞香味肉嫰， 帶著雞皮而肉滿滿， 咸旦分量適當不會過咸， 那黃透出旦油， 整碗粥香氣十足提升， 粥底軟綿綿而一直吃下去都不會變成水樣的啊。

來到這裡麼肯定要試一下生滾粥...點了皮蛋艇仔粥 這裡的招牌 一根油條三人分 一份叉燒腸粉兩杯豆漿，銀牙炒麵一份，是不是太多了 ....真心沒有吃完 艇仔粥里各類小海鮮很鮮美 粥很濃稠 一份量也很大   銀牙炒麵搭配辣椒醬最OK……一口面 一口粥 絕配....  叉燒腸粉現做的....裡面是碎叉燒肉 也不錯 但是實在吃不下了...  豆漿冰...也很濃....這餐是最划算的早餐 超級便宜！！

早餐買咗鹹蛋魚片粥，皮蛋瘦肉粥加粉腸，一份炒麵，一件牛脷酥，收$94，講真，咁嘅價錢一啲都唔抵食，食物味道普通，質素水準每況愈下，以後寧願去海皇粥店，都唔會再幫襯呢一間

好幾家分店的忠記粥品每家品質都唔同早幾個月試過北角分店的，一試難忘萬萬想不到灣仔店的不是想像中那回事炸兩腸覺得粥店第二樣試得出水準的食物就係炸兩灣仔分店好失敗就係：炸兩係整定！炸兩係整定！炸兩係整定！落單唔夠30秒就上枱了……………油炸鬼淋芝芝，而且好咸，咬真D仲有種化學品味道Google過原來做油炸鬼過程中會落一種“嗅粉”嘅野可能落太多所以一陣化學品味道腸粉皮凍冰冰而且咬落去成口粉漿住個口及第粥粥底太稀，唔係綿滑，食落水汪汪豬什沒異味夠乾淨但份量較少不過不失最後真的想灣仔店做好D希望最基本的腸粉即來即做都好D

睇完波搭巴士返馬鞍山，呢間粥店剛剛好在巴士站前，冇食lunch,有dd肚餓，見到此店內都幾多食客，等好耐都未有巴士，就入去食碗粥先啦。由細到大都喜愛艇仔粥，好耐冇食過了，就叫個艇仔粥，本來想叫條油炸鬼配粥食，但怕熱氣，但又想食腸粉，所以再加多個炸兩，，粥好快到了，搞一搞，粥底雖然不夠‘’綿”但尚算足料，乾尤魚，魚肚，肉碎，大大碗，$18亦算掋食，不過味道非常淡，炸兩有三條，份量都足夠，不過腸粉皮唔夠滑，但又厚，內裡的油炸鬼不只唔脆，而且＂銀＂，老人家未必食得到。不足十一蚊質素，最後，原來人多係因為最多人的一抬是員工食飯，中伏了～😅😅😅

偶然經過,原來忠記向銅鑼灣開左分店, 叫左一碗生滾湯飯同及第粥,大大碗, 材料新鮮, 湯底鮮甜,收街坊價錢, 真心希望佢地好生意, 捱得到貴租, 繼續經營!!!!! 仲有老板一家好好人!!!!!!

早上八時門囗都已經有人等外賣，店內亦有不少客人。外賣即叫即有，唔晒等好耐。試過兩款粥品，碎牛艇仔粥，$18，好足料，肉多且大大舊上，又有好多尤魚豬皮，粥底好味道且味偏濃。另一款的粥品是皮蛋瘦肉粥，$20，都好足料，皮蛋和一絲絲的瘦肉，粥夠熱又足料，皮蛋好夠香，粥味道亦偏濃。如果要食好清淡的粥，可能要試下白粥先得。皆因以上兩款粥品，以我個人來說，味道也是偏濃。整體來說，價錢公道，足料抵食，又夠好味！

依間粥店我都去過幾次，我最喜歡食佢個及第粥，因為真係幾足料，豬潤夠爽口，仲有豬肚，豬腰，肉丸之類，又夠大碗，價錢公道，有經開去灣仔都可試一試，再推介埋佢嘅豬潤腸都非常好食，腸夠滑，豬潤又爽，豬潤份量都算幾多，再加埋豆漿就不得了，當然佢仲有好多粥類，大家去到可以選擇自己鐘意食嘅粥，油炸鬼都唔錯夠脆，講得油炸鬼就唔少得炸兩，一定要試埋！試過就知好食

下午行過見價錢抵食, 普通粥18-21蚊, 生滾粥28蚊,姐姐好笑容, 我叫左碗魚片艇仔粥,勁多魚片同魷魚鬚, 好鮮味,可能七一d 人響哂出面遊行, 人唔多, 坐得舒服唯一美中不足. 無紙巾抹手

環境3分：舊式粥鋪可以見到廚房入面做嘢，個餐牌貼左喺牆上面，簡單易明，又有電視睇新聞台，所以可以畀三分。 衛生2分：因為係下午茶時間到達，鋪頭入面冇乜客，見到啲阿姐原來都會抹啲豉油樽，用得到安心啲，可以畀兩分。 服務4分： 快手快腳，唔使一分鐘就送到，夠曬熱，畀佢四分。 味道3分：粥底都算軟綿，生牛肉碎亦頗多，都幾好味，有三分。 抵食4分： 十八蚊食碗牛肉粥，唔算係好飽，但一個下午茶黎講都叫做抵食，有四分。