思想煮意

Open Now

Now Closed

思想煮意 呢間餐廳一直想試試！見佢有幾款套餐，心思思想叫...突然又見到有雞餐，心郁郁就叫左海南雞飯！跟凍奶茶 ，多謝70大元！先來一碗例湯-有色既水，完全冇料冇味道飲左啖冇左飲！凍奶茶-飲落有2款茶底，味道可以油菜- 煮到d菜太老，蠔油好少，叫侍應比多d都拒絕食左兩三條已經唔想食！油飯- 黃色無味既飯，完全食唔出雞油味！海南雞- 跟3色醬 雞肉煮到過熟，完全唔掂，唯有靠3色醬來送飯！ 整體黎講係完全唔掂，唔會再幫襯！

只係食過4次，呢間野算平同有鑊氣，今次用外賣平台自取，點知食到一半見到盒底個到有曱甴🪳🤮🤮🤢 我已經通報左食環 睇下有冇處理同改善覺得極度噁心同不適 難以接受

一個人，想食魚🐠🐠🐠，自己煮，嫌一條太多，又要買又要洗，感覺有點難。終於選咗呢間茶餐廳，但竟然超乎預期的好，性價比高，所以決定要寫寫，比個讚👍一人前，份量剛剛好，外貌又吸引；熱辣辣，香噴噴；在鮮嫩肉滑的魚塊上，配上欖菜薑絲，豐富味蕾！米飯吸收咗魚汁，軟硬適中，沒有多餘的水份，師傅應記一功👏👏👏下次會試埋其他選擇🤞

星期六與友人一起，逛逛街，輕鬆愉快😄有啲肚餓啦，揾個地方坐、休息路過新墟，「思想煮意」店名特別喎小小店，可以坐室內或室外，餐廳🍴環境都ok, 坐得舒服看看餐牌，下午茶 2:00-6:00炒粉麵飯，小食 、多士、、等等可供選擇乾炒牛河 $38夠鑊氣，份量多，嫩滑牛肉牙菜仔，甜甜豉油味😋 略謙太多油越式春卷 $34好豐富喎，5 條 網狀春卷，炸得脆脆香口點沙律醬、薯條、少量生菜條、青瓜、茄汁豆奉送熱飲☕️ 來杯熱奶茶 😊

去開屯門，朋友推薦一間抵食茶記，地點方便，就v-city隔離，餐廳內竉唔大，枱都好迫，還好唔系咁多人，燈光較暗，老式裝修，街坊茶記吧。下午茶餐牌食品唔可以轉，例如米粉轉河粉，要計回正價。總結，$36下午茶，今時今日仲可以呢個價食到炒粉麵，都好難投訴了，若將價格因數移除，只能說剛合格而已！！

係附近返工，平時午餐都會叫佢外賣食，食物ok，所以晚上試下堂食。入左間舖勁耐完全冇人理....阿姐好似唔想做咁，有一家人都入左黎因爲冇人理而走左我地2個人食，入面唔係好多客，但眼見全部都係一個人坐卡位.....繼而阿姐叫我地唔好企門口，要企係出面企，呆哂唯有放棄啦⋯⋯

-又係睇完戲搵食時間，呢邊食店有很多選擇，不過夜晚始終都係習慣有幾啖飯落肚。經過思想煮意就入去試下。-我叫左個羅漢齋飯，好失望，得幾條菜，雲耳，豆腐，枝竹，而且汁太多，味道一般般。-朋友叫左枝竹火腩飯，份量多大大碟，枝竹同火腩真係一個好好嘅配撘，火腩肥瘦適中，枝竹索汁最啱用黎送飯。-碗例湯太咸，味精重。-凍檸茶叫左小冰，唔係走冰，但上枱基本上已經無曬d冰。-兩個人食左$92，以呢個價錢呢個質素都可以接受。

下午茶時間點肚餓，是但搵一間茶記食個下午茶先見到這間思想煮意個名幾吸引，價錢又唔貴，一於試一試。下午茶的選擇非常多叫了一份西多士，估唔到西多士都會有配菜不太油，很邪惡，好味道配菜都幾有心思。 這是下午茶份量的乾炒牛河有驚喜，有鑊氣，牛肉非常嫩滑，河粉炒得條條分明，又不會覺得太油膩，有些餐廳的乾炒牛河會炒到粘在一起，不夠鬆散，食落會不夠爽口。朋友點了餐牌上的涼瓜回鍋肉，配白飯，同樣有鑊氣，但是份量偏小，下午茶比較抵食

話說男女小編都好中意去戲院睇戲🤣前幾日睇戲之前梗係要食下嘢㗎啦😚#孜然辣椒肥牛籠仔飯 ($50)😋好味指數：(7/10)送例湯一碗😚叫咗小辣，但係都係有好多辣椒🌶食落去肥牛好淋，一啲都唔會覺得韌😆味道就比較辣同有少少咸，不過因為下面係白飯，所以送飯食都ok嘅😝飯嘅份量就一般，大概有碗半飯左右🤔

一條友食飯經过思想煮意，說起初開時食物都可以，咁就坐低再試試啦，全間舖得八九個客諗住唔使等好耐添，点知人算不如天算，凍檸茶落錯凍奶茶，唔緊要，等足半個鐘又唔緊要，但係香草牛油豬頸肉变成美極洋葱豬頸肉就太難接受，仲要太咸了，。不太爽

上次來食寫左好評 之後就轉左餐牌加左價 味道都ok ge，但已經唔算抵食湯勁咸勁重味精 朋友飲左一啖就冇飲麻婆茄子飯個汁幾好送飯 我個frd唔食辣野 佢就覺得辣味好假好似食緊啲辣粉 就咁睇覺得料唔太足 我自己覺得味道ok川味炒豬扒得個兩舊豬扒 斬開幾就收$50 超唔抵食 但味道都ok嘅食食下突然勁大陣煙味飄埋來 個frd係咁催我走 食得勁唔開心

今日有野做 諗住搵間茶餐廳坐陣sip下時間叫左個焗豬扒飯 $42 加熱奶茶 $6 有碗湯送例湯 飲到有藥材味苦苦地 唔係味精湯來熱奶茶好大杯 味道不過不失焗豬扒飯焗得好香 炒飯乾身有獲氣 食落唔覺油膩 個汁有茄味唔係快餐店啲會汁來 但比較少 食到一半就係食炒飯 不過我唔鍾意用汁撈飯 所以反而幾鍾意配料有洋蔥 蕃茄 蕃茄好酸 酸過平時食嘅好多 好開胃 豬扒 冇醃過冇味道 食耐左會覺得鞋同埋唔新鮮份量較小 適合女仔食 做體力勞動嘅男仔一定唔夠 但唔知點解成場都係大叔冇咩女仔食總結：豬扒扣分 但炒飯同個汁同配料都幾好 下次會再來問下可唔可以轉雞扒

今日，09/07/2017, 去到屯門，近天主教小學那邊食午餐，就去了間小店： 思想煮意入到去，感覺室內光線比較暗，整體正方格局，都算好坐，而且都多人黎食架。我同我個仔選了卡位坐 我叫了一碟：鼓椒涼瓜雞球炒麵 包中湯$42, 我個仔就叫了XO焗牛柳粒飯 $48 包中湯 + $3 凍飲。但一黎到，碟麵超細碟 ，我從未試過叫炒麵食，會細碟到咁囉正常人係唔夠食架，公平d 講味道係唔錯嘅，可惜d雞球係番:落去都韌囉我個仔就話佢碟:食都:，真係要改善下。

今日同老公打掃完屋企已經是下午2:00，打算搵間茶餐廳食下午茶，行開經過呢間餐廳，一於試下。我叫了星洲炒米，米粉無炒到碎濕濕，炒功幾好，炒米帶有辣味，配上火腿絲同洋蔥一齊食，唔錯，但佢D蝦粒無味，麻麻地。老公叫了沙嗲炒牛河，牛肉幾淋，但D沙嗲味偏淡，帶D甜味，同食開沙嗲味唔同，河粉都炒得幾好。成餐的重點係餐飲，我叫了凍檸茶，好好飲，茶味夠，好多片檸檬，而且甜度配得剛剛好，一試難忘。老公叫了熱奶茶，茶味濃，而且好滑，奶同茶配合比例剛好，而且好香。這間餐廳茶水做得好出色。

今日一早起身，打算在茶餐廳食早餐，於是選擇這間餐廳食。這間餐廳的早餐價錢相當親民，3餸一麵都是$29，比起一般連鎖店食，已經好抵食。我叫了沙嗲牛肉、漢堡扒、牛腩配公仔麵，每份早餐配白麵包，我將漢堡扒夾埋麵包食，相當好食，漢堡扒煎得幾好，唔多油，但最意想不到係早餐有牛腩食，牛腩好淋，好入味，沙嗲牛都好有沙嗲味，整個早餐食完有飽肚感。我家人叫了雪菜肉絲米配漢堡扒午餐肉，雪菜不是罐頭貨，雪菜比一般出面食都大塊少少，好有雪菜味，午餐肉煎得剛好，都是不油膩，配上麵包食一流。