恆達油渣麵

Open Now

Now Closed

店舖屬於內街店外就係賣濕貨既露天街市地方細細坐摺椅得都好迫,不過食懷舊食物好好氣氛,等食物時見應該係老板娘不停捧一碟碟烝餸出爐又有涼茶同湯,超吸引下次一定要試好有媽媽感覺豬油渣麵入面豬油渣原本下爛野豬肉檔淨返唔要豬皮,聰明老一輩將廚餘整得好食過貴價野,豬油渣切得勁大舊好香好林,湯底好香蝦米味道麵條雖然好粗但都入到味又冇煮到爛晒一d都冇糊口正,辣菜脯好惹味但好辣唔食得辣小小都唔好試因為菜脯撈左辣椒粉鴛鴦腸生炒糯米飯入面嘅臘腸唔肥幾香玫瑰露味道,潤腸就普普通通啦,糯米飯可能要一路座熱所以比較林冇生炒感覺但係放左好多葱花好清香花生咸咸香香都好脆襯埋糯米飯食好夾另外銀菊露好甘好濃甜度剛剛好,整體都唔差會再食,不過地址真係難搵左小小

油麻地好多懷舊小店，早排睇到報紙介紹呢間油渣麵即刻就黎試試位於油麻地廣東道，屬於內街，店外就係賣濕貨既露天街市，環境認真麻麻。油麻地係老區，就係老區先保留到呢的懷舊老店。店內坐位不多，午市時份好多公公伯伯食飯，估計大部分係街坊生意。 先黎一碗豬肺菜乾湯，用上燒豬骨黎煲湯，多左份燒骨既鹹香味，加上菜乾既清甜，好濃但好潤喉碗內仲有部分豬肺同豬天梯，可惜我唔食豬肺晒左 豬油渣麵，豬油渣其實係炸豬肥膏提煉豬油淨下既副產品，早年香港人窮就將呢的炸到香脆既豬油渣加上上海粗麵製成平民美食。隨住時代變遷慢慢越來越少食店會做豬油渣了！呢到既豬油渣唔算好脆口，鹹香味十足，湯底好鮮，再加上辣菜脯好惹味一碗湯一碗麵非常滿足繼續返工去

世俗人往往以金錢掛帥，無論居所、工作、衣著、甚而最基本的果腹之食，都以「豪」為榮耀。雖然具質素的食材與付出的代價存在無形的等號，但莫非平民便別無選擇，沒資格享用美食？！在大家渴望世界大同，將眼光放遠一點的世代，原來在香港愈來愈貧富懸殊的環境下，仍可發掘到努力為打破隔閡的小店，令我為之動容！廣東道橫跨旺角、油麻地及尖沙咀三個地域，尖沙咀那一段是我最為熟悉的，至於油麻地這一段，舊式唐樓林立，晚間燈火暗淡，環境跟商業遊客區的璀璨，似乎存在很大的落差。我們的目的是找吃的，在這段的廣東道焦點自然放在平民食肆。來到打正旗號賣油渣麵的「恆逹」，玻璃櫥窗偏偏又胋上糯米飯、牛腩飯、碗仔翅、豬手飯和豉椒炒蜆的彩條，令人眼花撩亂，加上店內滿滿的食客，因此引起我們一試的衝動。內進後，又何止糯米飯、牛腩飯、碗仔翅、豬手飯和豉椒炒蜆這般簡單，牆上白、紅、黃的條子，繼續將美食逐一攝入眼簾，更有一週靚湯和清熱涼茶，選擇何其多，更富有自家的個性。老實說地方淺窄，左手邊數個面壁而坐的座位，右手邊僅有一張供4-5人的小圓桌，算是小店中最舒適的位置，有幸佔上兩席，享受 VIP 的豪華！先來杯五花茶，黑漆漆的色澤，入口順喉帶小

今日好嬲，我和同事常常來買(大)油渣麵加(雲吞)都係$35(細)$25,知前試過一次老闆娘收我(大)油渣麵加雲吞$40,同老闆娘講平時收$35,佢先比番$5我，今日居然收我$45元，我問老闆娘加價咩？老闆娘講冇加價係$45元(大)油渣麵$30加雲吞$15=$45)(細)油渣麵$22加雲吞加15=37，我話同事前日一樣(大)油渣麵加雲吞都係$35元，老闆娘話冇買過$35元，最重要今日同事去買(細)油渣麵都係收$25，(大)(細)油渣麵加雲吞大家一樣有六粒雲吞， 我覺得佢(海洋價)。

未夠鐘晚飯，記得附近有間恆達油渣麵，由於店內只能坐十個人左右，一見有位即刻衝入去，店內除有油渣麵外，還有蒸魚、小菜，短短十五分鐘，店內食客同買外賣之客人都好熟，仲有講有笑，相信大部分是街坊，而我點了碗油渣麵，好大碗，油渣夠肥但不夠脆，不過夠多，蔥花又夠多，上海麵不會淥得過火，硬度適中，整體上不錯，但還是上水好食。

那些年我們沒有富裕的生活，卻有街坊們的守望相助。夜不閉戶皆因誰家都沒有什麼好去偷的，缺乏物質的時候發揮創意而來的食物甚能代表那時的環境。還記得慈雲山4座的婆婆挑一條擔挑，一邊放了的藍子內有白底藍邊的手繪瓦碗和火水爐，另一邊則是放著”粉仔”的大煲。五毛錢一碗燙手的粉仔，我們都把它放在公園欄杆上邊吃邊呼的品嘗。甜美的豬油渣湯頭混和了浸糊了的上海麵甚覺溫馨，加上青蔥和炒菜甫辛辣的滋味一直都只能懷念。即使有時候豬油渣過了火，傳來只有苦味…….無論在深水埗還是大角咀著名的小店，都沒能幫我找到兒時回憶。最終只能在這裡找到最近似的。 有種珍貴的味道~ 叫做懷念﹗

My dad took me here for my first 油渣麵 more than a decade ago at this shop. Since then I have fallen in love with this local dish as well as this tiny little store. The lady is still here all these years serving them up hot and tasty. Why hasn't this place got any michelin stars?The 油渣 are a bit chewy, more so than most other stalls. Some that I have eaten are quite crispy, but at 恆達 I think they soak it back in the soup thoroughly before serving. For the noodles, I think they are homemade, thick