慧食貓

Open Now

Now Closed

從幾方面分析一下，點解佢地個手抓餅咁好食！😉 首先, 配料勝在好多款俾你揀, 標準野有: 雞蛋、煙肉、火腿、芝士、肉鬆等等; 特別野: 漢堡扒、生菜、蟹柳. 🤓 然後, 佢個餅煎得外皮好脆, 內里就淋淋地, 口感非常之好, 而且好大塊, 以致佢可以包到好多配料入去.🫡 我地揀左一款”火腿雞蛋芝士豬柳手抓餅加肉鬆”, 好食到痴左線！🤭佢要煎既配料，都煎到熱辣辣，令芝士可以溶溶地🫠；配料質素正常，特別正既係佢有漢堡扒同埋放左勁多肉鬆; 加上, 佢放左生菜🥬, 可以令咸既配料入面, 俾到少少水份同埋淡味既食材, 令到每淡都唔會太咸太膩. 😼

#慧食貓 #sorriso_葵青區-慧食貓呢間手抓餅，相信有去開葵廣嘅都唔陌生，一直都係平靚正、足料，好多人買，個老闆長期都勁忙整緊餅、會同客傾計，之前仲貼張poster叫人「真係想食先好買，唔好哂無謂錢」，落完order之後叫人行住街先10分鐘後再返嚟比錢攞餅，有客話你唔驚我唔返嚟咩？佢居然答咁我都冇辦法，返嚟攞餅啲錢放哂喺枱面叫客自己找錢😯，佢又真係認得客個樣同埋叫左啲咩先勁，咁好記性手抓餅最好預返早少少嚟，因為賣哂就冇，之前見過好多手抓餅都係逐樣材料計，一樣材料都起碼$30起🥙【A蟹柳手抓餅】 $23 (8.6/10)有蕃茄、生菜、沙律醬、蟹柳，蟹柳佢都真係比得幾多，我攞到返屋企生菜都仲做到爽脆嘅口感😙，啖啖都食餡，勁足料、夠哂fresh🥙【B火腿雞蛋肉鬆手抓餅】 $26 (9.3/10)有生菜、蕃茄、火腿、煎蛋、沙律醬，仲有大量肉鬆，我勁鍾意佢啲肉鬆，成個手抓餅食落唔油，食完仲好想食😋😋🥙【G火腿雞蛋煙肉手抓餅】 $27 (9.1/10)有蕃茄、生菜、火腿、煎蛋、沙律醬、大大塊煙肉，呢個就勁多料，鍾意煙肉嘅朋友一定係揀呢個#sorriso_葵芳 #sorriso_新界-📍【慧食

嚟葵廣掃街 如果冇食過呢一間手抓餅 真係唔好意思同人哋講嚟過🤣手抓餅全部都即叫即整 食落暖笠笠 仲超級酥脆！每次都揀火腿、雞蛋、肉鬆餡 超多餡 再配埋生菜同蕃茄 簡單得嚟 已經十分好食😋

其實講開葵廣既美食，一直都有聽過慧食貓但每一次都食得太飽所以食唔落今次即興去葵廣第一站就食手抓餅啦材料貌似簡單，雖然講自己都整得到，但要整一件好食既手抓餅係需要慢慢整，所以一落單點完即刻講話要等25分鐘😎火腿雞蛋肉鬆手抓餅 （$26）味道：🌕🌕🌕🌕🌗評價：cp值極高，足料，肉鬆由頭食到尾，醬料令成個手抓餅更加豐富，即叫即整，25分鐘都好值得等落去🥰🥰🥰裏面仲有生菜增加咗口感之餘，亦都會令成個餅冇咁油膩📌 慧食貓 (葵芳)葵芳葵富路7號葵涌廣場1樓B01C號舖

世一足料手抓餅💛去開葵廣掃街一定會識這間！價錢親民+味道簡單美味💕聽聞將會在旺中開分店，到時記得bookmark❗️。🌯火腿雞蛋芝士豬柳手抓餅 $31每次都會叫這個🫶🏻份量足料而且材料簡單豐富😚每份即叫即煎，手抓餅餅皮煎得香脆煙韌，配料都是正常發揮，勝在拎上手即整熱辣辣，多重口感再加芝士‼️🔥簡單飽肚滿足🫶🏻其實款式還有好多，下次再試試🤗。📍 慧食貓 葵芳葵富路7號葵涌廣場1樓B01C號舖

呢度嘅手抓餅 長期都係大排長龍 全部都即叫即整 所以想食真係要比啲耐性～外皮熱辣辣脆卜卜 又帶點煙韌😋配料推介蟹籽吞拿魚！餡料份量真係超多 食到底都仲有！$30唔使 抵食夠晒飽肚！

葵廣出名多掃街小食，但呢間嘅手抓餅真心超級出色又抵食！即叫即整，賣哂就無，所以真係葵廣必食之選！其實款式配搭可以有好多，最簡單唔想煩就直接order A-G！即使再加配料每款都係$4-7@！所以佢嘅手抓餅真心超級抵食！諗好食咩，直接去櫃面同老闆娘講，佢會話你知幾耐返嚟拎，而拎嗰時先俾錢！老闆娘超勁，唔洗mark低背到哂啲客要咩👍🏻每次懶得諗，就會order B(火腿雞蛋肉鬆)加芝士！好抵食！只需$30！雞蛋即叫即煎，成個手抓餅即叫即包，所以到手時仍然熱焫焫！加上手抓餅剛煎好，所以仍然保持到脆口，非常美味！(滿分為🤤x5)好味指數: 🤤🤤🤤🤤🤤抵食指數: 🤤🤤🤤🤤🤤回頭指數: 🤤🤤😆🤤🤤

由2018年開始認識尼間舖，到左依加2022年都有一段日子，食到連老闆都認得我。其實咁多年果價錢都冇乜變過，都系食物大大份，價錢又平民。加上系間超級良心小店⋯ 最近旺角中心仲要開左間新分店，得閒經開一定要幫襯買下先。葵廣咁多間舖頭，真系食間聽尼間就系尼間。 ⦁B餐-火腿雞蛋肉鬆手抓餅 $26簡簡單單一份手抓餅，配料比出面既多，基本上買一個可以當一餐。或者去鄰近既手搖店買多本野飲，咁就完成一個lunch。

嚟到葵廣 冇理由唔食呢一間手抓餅啦 竟然今次俾我撞正冇人排隊 即刻買咗嚟食！呢度嘅手抓餅真係做得好出色 餅皮熱辣辣 脆卜卜 入面嘅餡料非常之多 揀咗最普通嘅火腿、雞蛋，肉鬆 再加埋生菜同埋醬汁 簡單嘅配搭 但已經好滋味❤️

每次想食手抓餅都老遠咁撘車嚟呢度食$26咋！！勁抵！！！又多醬汁、又多料！每次都要叫肉鬆～真係靈魂～～手抓餅好脆卜卜、又有油香老闆同員工都好nice好好人，好有禮貌可能我細食，每次食完都飽咗一大半，掃唔到街所以建議細食嘅人要想掃街、又想食手抓餅要有策略！如果唔係會好易浪費或者食得一兩樣野

💛 #葵廣良心小店 #慧食貓葵廣嘅「慧食貓」不嬲都超出名，但我都只係第二次食😋 每次食都覺得好幸福好好味！F. 火腿雞蛋芝士豬柳手抓餅 （$29）手抓餅即叫即整，個皮又熱又脆又唔會油好好味😋 餡料勁多，又好香，芝士好正，但加埋生菜又一啲都唔會膩，超鍾意😭💛💗 同埋佢份量都好足夠，$29嚟講非常抵食！如果要去葵廣食，要早啲去落定order，老闆會叫你隔幾多分鐘後再返去比錢攞嘢食，好方便㗎😆 不過都唔好太夜去，因為佢哋賣晒就冇㗎喇🫢

突然之間好想食手抓餅😚就係咁😆呢個係我嘅lunch haha 😛 我揀嘅係≡≡≡≡≡≡≡≡≡☘︎︎ S1 火腿雞蛋芝士豬柳🐷煙肉蟹柳肉鬆🫳手抓餅 $38 ≡≡≡≡≡≡≡≡≡餡料真係好多😁雖然全部都係簡單嘅現成材料，老老實實🙊自己都可以整到～但係都好鍾意食呢一間嘅出品！金黃香脆嘅手抓餅真係好惹味😋（人在江湖🥹唔通日日都咁得閒自己整咩😂靠哂你啦慧食貓🐱）而且今日先知原來佢係唔止落沙律醬，仲有其他醬料混和，唔怪得知咁好食啦😋唔通係秘製醬汁⁉️老老實實，隻慧食貓係邊？⚠️營業時間縮短，好似係13:00-（？）歡迎補充～🥰🥰▼・ᴥ・▼

對上一次食好似已經係一年前lu，中間有幾次去都撞唔啱時間，一係冇開門一係賣曬，今日終於比我買到！未食都好滿足🥺🤣火腿雞蛋肉鬆手抓餅($26)雖然拎咗返屋企食嘅時候已經唔熱，但依然好香脆，係記憶中嘅味道！口感同味道都好豐富，有生菜嘅爽脆、有火腿雞蛋嘅鹹香、有肉鬆嘅甜味、仲有甜甜哋嘅醬~大滿足！😋

.📍慧食貓📍#饅頭去葵芳 #饅頭食台灣菜 #饅頭的掃街系列------------------------------1️⃣ 火腿雞蛋肉鬆手抓餅 ($26)老闆真係好犀利兼好nice，慧食貓坐立葵廣多年依然可以保持食物水準，而且冇因為名氣而瘋狂加價，喺呢個通脹得咁犀利嘅社會下真係好難得💛。講返食物，其實都冇咩特別需要補充，手抓餅即叫即整，溫度係充足且宜人嘅熱，餅皮酥脆香口唔油膩，餡料食材雖然簡單但配搭豐富，特別係海量肉鬆，食嘅時候非常滿足☺️。另外想提一提佢呢款肉鬆係偏濕，鹹味比例較多，配上超fresh嘅蕃茄生菜同酸甜嘅沙律醬， 味道上又會平衡返，除咗好食同好抵食之外小編都諗唔到有咩形容💕。------------------------------🔸整體評分：8.2/10🔸小編回頭率：7.5/10

🔥🔥人氣慧食貓美食店🔥🔥無論食幾多次，一樣咁鍾意！😋😋😋蟹籽吞拿魚手抓餅$27（8/10）呢個爆多吞拿魚嘅手抓餅食咁多次一樣都係勁多吞拿魚，入面又有生菜，食落口無咁油膩，食到最後吞拿魚多到可以用匙羹筆多一羹嚟食！🤣🤣🤣地址：葵芳葵富路7號葵涌廣場1樓B01C號舖#慧食貓 #人氣黃店 #手抓餅 #葵芳黃店 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfood #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong