慧食貓

Open Now

Now Closed

今次係我第一次寫食評，為了葵廣人氣手抓餅，每次經過都售磬，今晚都唔例外，原本想走了，可能老闆見到我勁失望既樣子，加上跟老闆有緣😉，佢問口叫我唔好走住，企係度，仲有一份賣比我，我以為自己聽錯，那刻心情非筆墨所能形容呀！老闆話佢6:45就截單架啦！太夜黎就有緣先食到，好風趣幽默！🤣手抓餅大大份，新鮮熱辣好好味，多謝老闆

次次去親都賣哂 今次特登開鋪前等終於買到 唔洗5分鐘已經排滿長長既隊一路排一路諗食咩款好呢聽到前面個女仔叫S1 即刻望下係咩先火腿雞蛋芝士豬柳煙肉蟹柳肉鬆($38)我就決定貪心啲 跟佢叫S1❤好似樣樣都有 樣樣都有得食😋😋食左一半已經飽到我呢因為即叫即整 就一定要等望住佢整 所以熱辣辣又香噴噴半酥脆手抓餅再加上面既所有食材滿滿有片生菜同蕃茄終於明白點解我次次去親都賣哂真心好滿足😍😍😍本身想簡C 咸牛肉但可能個日無貨賣哂另一款簡左D蟹子吞拿魚手抓餅($27)見到覺得好顛好似放左成罐吞拿魚咁真心滿到瀉😳😳😳😳食到底仲有餡😋不過下次我唔會再做擔心既孩子簡返一至兩款食材就夠啦食完佢已經飽哂 無得再掃街建議大家早啲去啦~如果唔係有排等#foodie_aki #yum_yum

朋友推介的手抓餅. 的確唔錯. 個皮煎得很鬆化. 餡料好豐富. 食到尾都仲可以食到餡料. 唔似有啲食到一半已經得返塊皮. 我大鄉里第一次幫襯. 去到見前面個太太諗左一陣, 轉左兩次餡料. 跟住聽到哥哥仔叫佢5分鐘後返黎拎, Byebye! 錢都無收. 咁到我, 我咪講話我要D set. 同樣叫我5分鐘後返黎拎. 咁我就14:59走, 15:07返到去. 嗰時有啲多人. 我照排隊比錢. 我問D得未. 可能我細聲啦! 而且咁多人佢應該唔記得咗我5分鐘前叫左. 佢問多次我要乜. 放低左錢, 隔離嗰幫手就嗌邊個要D. 我好順理成章地行埋去拎左. 然後行左去後面小小嘅電梯位食. 但好唔開心全程聽到俾人誤會嘅對話 ☹️ 因為原來我上一個都係要D. 咁哥哥仔就話個幫手俾錯左人 - 即係我. 因為係嗰個人先嘅! 跟住個幫手就嗌 - 排隊拎啦唔該. 其實無人排緊隊, 客人只係企埋一邊等拎. 而哥哥仔就繼續用小小問候語話嗰份俾另一個人拎走左🤯佢有啲勞氣. 但個客人都話唔緊要. 講多兩句哥哥仔就話cut單收鋪. 其實咁亂係咪派籌好啲呢! 我order嘅時候係無咁多人, 所以你唔俾任何號碼我叫我5分鐘後返黎拎o

火腿雞蛋肉鬆手抓餅 $26今次黎到葵廣掃街食左好多人氣食物，但最後得到最高評分，最滿意就係慧食貓的手抓餅，絕對係葵廣人氣掃街首選，下次都會再幫襯❤️新鮮熱辣，即叫即做，份量厚而札實，有煎蛋，香煎火腿，香脆肉鬆，生菜加埋茄汁同美奶滋，仲有煎得好香脆的手抓餅，大大啖咬哂所有食材，完美結合😍真係好好食😋慧食貓深得唔少學生歡心～因為多年嚟都幾乎冇加過價 都係2x~3 x除咗本身大件又好食之外 ，老闆記性好特別好都係成功嘅因素🤣E.g. 🙂 : 行過去，要過b吖唔該！🙏老闆：👌🏻，大約4個字～半個鐘之後過黎啦另外特別之處就係自助俾錢及找錢，所以提提大家盡量就唔好俾咁大面額嘅紙幣啦🤣慧食貓 (葵芳)葵芳葵富路7號葵涌廣場1樓B01C號舖

台灣手抓餅 | 慧食貓葵廣掃街必食人氣小店，位置唔多顯眼，但幫襯人流滔滔不絕！先落 order，拎到食物先再比錢，老細超 NICE，好信任客人。因為即叫即整，所以等候15-20 分鐘左右。今次揀左 “火腿雞蛋肉鬆手抓餅” $26餡料除咗火腿雞蛋肉鬆外，配埋蕃茄生菜 + 沙律醬。沙律醬真係有畫龍點晴效果，配搭埋幾款配料效果出奇夾。而且配料份量十足，每啖咬落去都有餡料，真係好好食呀 😋值得推薦人氣小店，回頭率💯，記得落咗order 先去兜個圈呀！😂

慧食貓地址: 葵芳葵富路7號葵涌廣場1樓B01C號舖#yauyau_葵芳🌯🌯火腿雞蛋肉鬆手抓餅 $26行過見到呢間小食店好多人排，去到落完單個店主同我講半個鐘之後返嚟攞，我見佢咁多人佢嘅味道應該好好咁啦。我準時返到去拎，可能佢多單整太多，擺耐阻，我食落冇咁熱，個餡裏面有菜啊芝士火腿沙律醬，肉鬆仲有啲蛋咁，個皮望落就好鬆脆，咬落就淋嘅，頭一兩啖都還可以，之後越食越唔好味，食落仲有浸月餅蓮蓉怪味，一啲都唔香口，食到最尾幾啖我同男朋友都放棄咗啦。呢間應該冇下次。味道: 2.8/5番兜: 0/5#葵芳美食 #美食 #好吃 #instafood #foodstagram #foodphotography #yummy #foodiehk #hkfoodie #foodie #igfood #hongkong #hkfood #葵芳台灣菜 #台灣菜 #慧食貓

講起葵廣嘅名物，一定唔少得呢間手抓餅！每次去親都要等至少15分鐘以上，而且老闆十分有性格，每日賣晒就唔做，所以如果想食嘅話就要早啲去買啦！通常老闆7:30之後就會閂門，有時真係為難左我哋呢啲返工嘅朋友入到葵廣都差唔多7:30😭😭雖然好難買到，但係都冇咗我想食佢嘅決心，因為真係好好味！推薦：⭐️火腿雞蛋肉鬆手抓餅：通常我會再另外加芝士，半酥脆嘅手肘餅再配上半溶嘅芝士，以及略帶鹹味嘅肉鬆簡直係絕配！就算要等半個鐘亦都十分值得！份量十分足量，女仔可以同朋友分享！ 但係小心因為太足料，會食到周圍都係！味道：🌼🌼🌼🌼服務：🌼🌼🌼🌼環境：🌼🌼🌼抵食：🌼🌼🌼🌼

每次黎到葵廣掃街，都要去慧食貓幫襯手抓餅💛依間已經係我由讀書幫襯到依家，真係葵廣名物🤣次次去都超多人，多數要排隊，想食既朋友記得預留時間等候，同埋唔好太晏去，有機會截單架！我自己每次都係叫B加芝士，特定組合🤭落單記得睇店鋪出面既instruction🤣每次去佩服老闆點解可以記到咁多單😂叫完預返時間黎拎就得。手抓餅襯熱食，出面煎到脆脆的 而入面嘅餡料都非常豐富，再加埋芝士真係絕配！而且佢多料得黎都岩岩好，唔好full到完全咬唔到。其實材料不是最特別，但係佢每一個組合食落都好夾好好味😋真係葵廣必食💛💛

香酥嘅手抓餅加半溶嘅芝士🧀、肉鬆同煙肉🥓，鹹鹹香香咁，哩個組合好難會唔好食🤤，手抓餅係即叫即整，落單後大概要等20分鐘，就會有熱辣辣嘅手抓餅🔥！如果大家都叫肉鬆要小心食果陣唔好跌到周圍都係啊🤭。食完成個勁有滿足感啊！！！

去到葵廣除咗買衫，就當然要去食埋慧食貓嘅手抓餅🤭都係非常多人~當日都好好彩地 係佢截單前買到🤭想食嘅朋友都唔好太晏好呀！！💬火腿雞蛋芝士豬柳手抓餅餡料食落好豐富💖新鮮熱辣嘅手抓餅加埋雞蛋火腿豬柳等惹味配料仲有熔芝士😍我至愛！！！本身會擔心食緊豬柳強咁，但食落又另一感覺，食到一半都唔會好油好膩，我見佢其他款都好多人叫🤩🤩決定下次去葵廣都要試埋至得！！另外老闆娘真係超勁，畀完錢都唔需要收據證明，按住指示時間返到嚟就收到岩款嘅手抓餅，勁！

每次響葵廣二樓行過都會見到好多人響呢個神秘角落，其中最具人氣就係賣手抓餅既慧食貓。其實我都唔知佢點運作，反正有隊就排，排到講低食乜，隔一陣返嚟擺低錢，仲係自助找續，真係好靠大家自律，之後再等多陣就有得食啦！我都唔知佢哋點解可以記得顧客柯打，亦唔知個先後次序係點樣整出嚟，反正整個等候過程大概係10至15分鐘，還可以接受啦。① 火腿雞蛋肉鬆手肘餅 $26② 鹹牛肉手肘餅 $25手抓餅熱辣辣，煎得好香而唔會太油，少少脆口，軟得黎又有少少煙韌，而且餡料好多，醬汁適中，啖啖都有料！正阿！不過我覺得鹹牛肉有少少齋，下次我要自選配料加蛋或者肉鬆先得！

呢間手抓餅店嘅裝飾有好多貓貓🐱相❤️❤️❤️價錢亦都唔算太貴👍🏻口味選擇都ok～手抓餅香脆可口，而且啲餡料同醬汁都配搭得唔錯🥰真係好好食，第一次覺得手抓餅係咁好食😋

ᵍᵒᵒᵈᵎᵎ 火腿雞蛋芝士豬柳手抓餅 $31呢度採用先落單後俾錢既方法 一直都好疑惑佢記得我叫咩架喇？😂 好彩又真係記得 拎上手手抓餅熱辣辣 仲好鬆脆🤩 入面既火腿、雞蛋、豬柳啖啖肉 好juicy😋 加上半溶芝士同大大塊生菜解膩真係神級配搭😍 而且份量十足 兩個人share食都超飽肚😎I was really confused by their operation style as we needed to order first (without marking down!!!) and pay afterwards 🧐 Luckily, they remembered and made a correct one for my order😚 Flaky scallion pancake was hot and crispy while a bit oily yet🫣 Ham🍖, egg🥚, cheese🧀, lettuce🥬 and pork patty🐷 was literally a nice combo✨ Taste was good and the portion was

慧食貓行行下街有D肚餓所以買左手抓餅食見好多人排隊 都覺得會幾好食可以按自己喜好叫唔同送今次叫左肉鬆,火腿,芝士D送比得好足料 叫左一份兩個人share都好夠!~下次會再食

成日喺IG同OpenRice見到個個都勁推介呢間手抓餅 難得嚟到葵廣就諗住試下啦😎啲人冇講錯 個staff嘅attitude勁差😳我行埋去order佢即刻話byebye廿分鐘之後再嚟攞 之後佢梗系唔記得我order咗啲咩啦😓佢整好之後一野遞過嚟好彩我接得切如果唔系就好笑啦…👌🏿火腿雞蛋肉鬆手抓餅食嘅時候系熱辣辣嘅 就系好普通嘅薄餅入面夾啲餡😅入面的確好多肉鬆好足料 不過我就嫌太多 鐘唔鐘意就見人見智啦 整體味道ok嘅 不過我就唔覺得需要encore🤣