慧食貓

Open Now

Now Closed

嗰個人話嚟到葵講一定要食手抓餅，咁我今次都過嚟試吓！🌈火腿雞蛋芝士豬柳手抓餅 $31首先要同老闆講你想食啲咩，佢就會同你講幾多分鐘之後返嚟拎，之後先再俾錢嘅！咁今次成個過程就大約10分鐘左右！拎上手熱辣辣新鮮出爐，食落佢嘅沙律醬係甜甜地嘅，但反而我就唔太好甜甜地嘅沙律醬,因為我覺得唔夠惹味！整體來講我覺得依個手抓餅嘅用料係豐富嘅，同埋幾好食嘅！但就偏普通，自己喺屋企都可以整到🤔如果一兩次口痕嘅都可以嚟試吓，但就唔好抱太大期望‼️

係到睇緊食咩，都未開始買，個老闆同個肥店員無啦啦一輪咀係咁講要買就而家買，預等半個鐘，等到就等，我係得一對手嫁咋，做唔切，唔買就唔好買(下刪一百字)個肥店員就係後面一路係咁笑，我嗌都未嗌乜都無講，我仲以為我得罪左你啲咩，不過算啦當佢發up瘋啦，見咁多人推介，買完就緊係周圍去行下，反正葵廣咁多野買，過左差唔多半個鐘就番去拎，點知一食落去不外如是！好普通嘅手抓餸！仲要等左半個鐘，仲要俾個奇奇怪怪老闆同肥店員轟炸一輪，成件事好不知所謂

去過葵廣無理由唔識呢間手抓餅😎 每次去到都想食，不過之前撞正老細需要休息都摸咗幾次門釘，之後終於就到老細開嘅時間去食到！！呢到嘅手抓餅又好食又抵食！之前去過其他地方食，雖然餡料可以自己揀，但剔剔下都要最少$30-40，但呢到只要$20幾就有一個幾豐富嘅手抓餅😍•🥢 B 火腿雞蛋肉鬆手抓餅 $24🥢 F. 火腿雞蛋芝士豬柳手抓餅 $29係食過好多次嘅配搭～如其名有火腿、雞蛋、肉鬆或者芝士豬柳呢啲配料，仲有好大塊生菜同醬汁，雖然係簡單配料，但料同醬都好足夠，個醬汁又酸酸甜甜咁好惹味，而且舖滿成個手抓餅，唔會話得面頭嘅料而食到底得返餅皮～加上個餅皮熱焫焫，仲煎到好脆，大滿足😋🌟推薦度： 9/10

個日去葵廣掃街，經過見到呢間嘢，好多人排隊，走過去睇吓見佢粉紅色店面好似好少女心咁原來係買台灣手抓餅！決定買過嚟試吓！老闆好搞笑、好好記性、有少少藝術家性格，只要落咗order，照返老闆叫你嚟攞嘅時間返黎就得，錢都唔使比住😂😂😂真係大家講個信字💂🏼‍♀️《G. 火腿雞蛋煙肉手抓餅+芝士》$31大概等咗15分鐘就有得攞，個餅煎到好香脆，火腿雞蛋同煙肉呢個配搭一定冇死加埋芝士之後真係提升一個層次，食到最後都係熱辣辣又勁脆，配埋啲沙律醬一齊食好正頒發軍階:上將🎖🎖🎖🎖

為食貓嘅手抓餅出名係個老闆真係記性非常之好，我哋嗌咗個火腿雞蛋肉鬆手抓餅，入面材料非常足，火腿大大塊，肉鬆份量都好多， 手抓餅煎得香脆得嚟又咬到一絲絲嘅口感， 真係同喺台灣食嘅有得揮，入面嘅沙律醬 味道剛剛好唔會太搶過其他食物， 兩個女仔一齊share都好夠食。

不起眼既小店 店仲係係最入邊但出邊都見到有人等緊食手抓餅見到其他人拎住黎食 都好大塊 好足料就俾佢吸引左黎食S1極上手抓餅配料係 火腿、雞蛋、芝士、生菜、豬柳漢堡扒、蟹柳、肉鬆好足料一開始以為係平平無奇 但食落口感好豐富佢既汁係神來之筆 將成個餅個味提升左唔少而配料就令到口感好豐富佢每一塊餅都係即整, 所以熱辣辣即食係最好味

小店絕對係我最喜愛小食店！佢個手抓餅係宇宙級好味🤯🤯而且好抵食 其實爭扎左好耐先推介佢因為佢真係太多人食每次都要等半個鐘先食到😵😵 火腿雞蛋肉鬆手抓餅 $24 🤩🤩9.5分其實佢有得自由配搭但我每次都好懶咁揀呢個組合佢性價比係極高👍🏻👍🏻超大份，絕對可以當午/晚餐個手抓餅超香超鬆脆😋😋火腿同蛋都係煎到好香餡料勁多，每啖都好滿足超級好味🤤🤤 P.S.老闆有啲藝術家脾氣再加上佢岩岩病好間中會突然提早收鋪想食佢，都好講緣份🙈🙈 老闆記性極好每次去買，都好似睇佢表演記憶力咁唔好質疑佢落完單，聽佢話係指定時間番到去就得😂😂見過人太煩問太多野，搞到老闆燥底😛😛 

初來乍到，15:00剛到埗就看到老闆正準備打烊老闆說每天的營業時間都是隨意，有性格👍🏻聊了幾句，老闆才說他今天其實是有點不舒服，所以提早關門，但只要一份的話可以做給我們實在太好人了，所以我們不斷讚賞之餘，還點了餐牌上除自選以外，最貴的S1極上手抓餅極上手抓餅的份量很大，材料包括手抓餅、芝士、生菜、豬柳漢堡扒、蟹柳、肉鬆、火腿、雞蛋，以及醬汁，乍看之下都是一堆平民食材，猜不到一試驚人：手抓餅皮薄而非常酥脆，像是印度薄餅的極脆版本，醬汁調味非常好👍🏻把原本平平無奇的食材完美地串連起來，味道昇華了不下數十倍，食材的生熟度更是剛剛好，雞蛋是流心的over easy 絕對沒有誇張⋯⋯除了雞蛋外，這些都是我們本來不喜歡的食材，真想不到葵涌廣場的小店老闆竟能夠把它們化腐朽為神奇！難怪網上很多食評都給予她滿分💯確實以初次吃柳說，是可以給滿分的。但平心而論，個人認為，這手抓餅的味道並不是能經常吃的那種美味，而是偶爾吃一次才會回味無窮的種類。

真係好好好好食既手抓餅慧食貓❤️❤️❤️去葵芳的話 一定一定一定係必食店主超勁 又快手 雖然係要得3-4個字 但值得等同埋葵芳重有好多好野食 去埋第間買埋 再番番黎拎手抓餅 時間岩岩好講番味道先圖中係B餐火腿雞蛋肉鬆手抓餅，外層既脆口但又唔會覺得拮口 入埋好足料 如果當tea咁食 都覺得好飽🥰同埋隻蛋係半生熟既炒蛋所以食果陣唔會好乾 少少濕潤感大家可以睇睇圖3 就知點樣落單同比錢❤️店主哥哥講野好快 重會叫d中學生計下找幾多錢佢忙得番重會同人互動 其實好有愛好有鄰里街坊既感覺上次收工去到 佢已經賣晒 所以提提大家 要留意下時間啊😎

🥺🥺🥺一兩星期前吃過葵廣3樓一家店的手抓餅，覺得還可以！但果然沒有比較沒有傷害🤣🤣吃過慧食貓後，幸福感 🆙💓——————————————————————————————［雞蛋+蟹柳+芝士 $26］見大多數人都吃套餐B🤣手抓餅皮外層鬆脆，內裏煙韌😚不得不讚店主一人主理，下單、煮、收款，十分忙碌！記性極好，multi-tasking能力很高😍😍——————————————————————————————回頭率：✅✅✅✅✅#葵芳healsme#掃街healsme ——————————————————————————————📍慧食貓 (葵芳)葵芳葵富路7號葵涌廣場1樓B01C號舖

.📍慧食貓📍 #饅頭去葵芳 #饅頭食台灣菜 #饅頭的掃街系列說來慚愧，以前中學嗰陣放學之後有時間都會去葵廣掃下街🍡，但畢咗業先試呢間人人好評嘅手抓餅。老闆記性好好，可以記得每一個落order嘅客人想食啲咩，唔需要用紙抄低；而且仲好信任客人💛，比我哋自己比錢找錢。落咗order後，老闆就會同你講大概幾耐再返嚟拎，可以趁呢段時間喺附近買埋其他嘢食；舖頭好受歡迎，我去到買嗰陣差唔多要等成45 mins，但絕對值得。------------------------------1️⃣火腿芝士雞蛋豬柳手抓餅 ($29)每份手抓餅都係即叫即整🌮，唔會有擺耐咗嘅油膱味，拎上手又唔會太熱，可以即刻食。餅皮薄得嚟偏挺身，煎到黃金色✨，食落去酥脆香口😋，好容易咬開到一絲絲嘅層次，中間位又可以做到鬆軟嘅效果💯。裏面嘅餡料份量好足，由第一啖去到最後嗰啖都食到餡料，啖啖豐富滿足🤓，食嘅時候要好小心。餡料啲肉其實係普通嘢，但勝在夠熱夠香口。煎蛋有少少燶邊🍳，唔會煎到過老過熟，咬落去仲會有啲蛋汁湧出嚟；芝士仲要係半溶嘅狀態🧀，奶香配埋juicy嘅豬柳嘅油香同火腿嘅鹹味，好正呀🤤！加埋茄汁同沙律醬輕輕點綴，感覺冇咁乾，酸酸

成日都聽人講慧食貓嘅手抓餅好正，但係又撞唔啱佢開門嘅時間，今次見到有開即刻去買！🍽食物✨火腿雞蛋肉鬆手抓餅 $24：即叫即整，拎上手仲好熱辣辣，餅皮酥脆唔油，雞蛋肉鬆加埋沙律醬口感豐富，夾埋爽脆生菜解膩～食完仲想食！💁🏼‍♀️不過佢真係好受歡迎，落咗單之後半個鐘嚟攞都仲要等多10分鐘，老闆做到踢晒腳。同埋呢到落單係同老闆講聲之後就行開等，佢話認得你個樣同埋order😂 不過返到嚟都係最好主動提返自己嗌咗咩，因為真係太多人等。4點半等攞嘢食個時已經截咗單，要食真係趁早買！

💛慧食貓 @葵芳📍葵芳葵富路7號葵涌廣場1樓B01C號舖 ▫️火腿雞蛋芝士豬柳手抓餅 $29如果你想試 預左要等一個鐘先有 叫左要邊款唔洗比錢住一個鐘後先返尼攞+比錢就👌🏼 老闆又真係會記得你order左咩🤣建議行葵廣之前第一站先去左慧食貓 之後行下街買下野食住其他小食再返尼～想試呢間手抓餅好耐但次次去親葵廣都好多野要食冇位再食手抓餅😆手抓餅餅皮煎到好脆卜卜 唔會太厚 酥化得尼唔算好油膩✨ 入面有生菜🥬、蕃茄🍅、火腿、雞蛋、半蓉芝士、豬柳包埋一齊 再加埋沙律醬超夾的 啖啖都食到滿滿既料🤤勁滿足！🥰大量好fresh既菜可以中和返芝士同d醬汁既飽滯感👍🏻 食完一個已經好飽肚lu🤰🏻呢間暫時係我食過最好食既手抓餅🌟 所以今次試完之後 諗住次次尼親葵廣都必買😌 👅好味：4.8/5💲價錢：4.6/5🌟性價比：4.7/5👥服務：4.5/5

慧食貓手抓餅🔍 F款$26🍳呢間太岀名 都循例講下私心認為哥哥仔老細整既好食啲🤫 一定熱辣辣 F款有半熟蛋 火腿 生菜 漢堡扒 芝士 沙律醬同茄汁🤓 外層鬆脆既手抓餅皮夾住滿滿既配料 未食唔明點解必食 食完每次去葵廣都嗌個黎食留意翻老細岩岩病好 每日限賣150份 每人只限買一份 老規矩叫完要咩 老細會俾個時間你翻去拎 拎個陣自己櫃頭俾錢找錢(第一次食個陣會少不知所措 舖頭會有張指示大家跟住做就ok架喇~) 之前平日去平均等10至15分鐘 今日星期六去排到等半個鐘先有得食 但係值得既！

相信掃開葵廣嘅朋友對呢間手抓餅絕對唔陌生！🌯比起其他手抓餅店，呢度價錢更親民，落料完全唔畀少。特別嘅係，呢間店落單方式係口講唔會畀單！畀錢找錢要要攞咗餅後自己擺錢喺枱自己找錢。有時老闆都會再問你叫咗咩，所以即使佢叫你等xx分鐘行個圈返嚟都好，建議都係企附近等佢更記得你，亦更快攞到手抓餅！🤣🤣.1️⃣火腿雞蛋肉鬆手抓餅（$24）呢款一直係店內熱門之選！拎上手時塊餅煎得熱辣辣，咬落好香脆。炒蛋🍳同埋火腿🥓都夠熱，而肉鬆嘅鹹香都同隔離嘅材料好match！再加埋沙律醬🍼就中和返個鹹味，而生菜都新鮮，令成件事fresh返🥬重點係所有材料好易就咬得開，唔 會 出 現 咬 一啖 就 扯 晒 啲 材 料 出 嚟 嘅 情 況 ！