掂檔美食快餐

Open Now

Now Closed

朋友介紹就黎到呢間小食店一試，門口位已經感受到佢既歷史，只有兩張枱。晚餐時間，多數人都係外賣，幸好有張枱。叫左滑蛋吉列豬，滑蛋吉列雞同小丸子。飯可以簡燒汁、咖哩汁、黑椒汁等等。。。滑蛋真係好滑身，入口即刻滑走左，仲可以保持吉列皮有少少脆，真係好西利。肉味就無乜架喇，不過個醬一流，撈飯必備。吉列豬配既燒汁係放入口哇左一聲，香甜唔咸，配搭米白飯，一流。吉列雞配既黑椒汁微辣唔搶味，仲帶少少醬油味。就咁睇個飯乜都無，唔覺會飽，但可以叫姐姐多飯，但本來唔多飯，女仔都夠飽。

在荔枝角道和界限街交界處的地方因為附近很多學校，所以導致附近的小餐館，食店一無例外都是親民價，其中有一間在711附近。它名字叫掂檔，從阿妹小一開始幫襯佢晚餐到而家中四，老闆夫婦依然微笑待人。待學生非常關心。而我地食得最多的就是滑蛋系列。今次分別是滑蛋吉列魚柳，滑蛋吉列豬扒。滑蛋柔軟熱辣辣，色彩分明。黑椒汁濃郁撈飯真係一流。30幾元送埋飲品，飯多，食物足夠。在眾多學生心目中係不可忘記的味道。雖然我們搬家不再住附近，有時候經過都記得幫襯一兩次。老闆娘她們還親切記得我地樣貌。街坊客就是這樣熱情。學生時代的回憶，平民親民食店。

環境 : 舖頭主要做外賣同快餐, 位唔多但服務很好和很快. 光顧的大多數都是街坊街里, 學生都唔少, 很多一看便知是熟客仔. 而且快餐店應該是家庭式經營, 雖然說是快餐店, 但整體很有家的感覺, 不管是人或食物. 食物: 第一次黎食, 試左餐廳推介既滑蛋鰻魚飯. 本身自己也很愛吃鰻魚, 如果出面餐廳有鰻魚的菜色, 我也必定會叫, 而且出面不是很多餐廳有鰻魚飯吃, 所以我諗都冇諗便叫了來試. 鰻魚飯整體都算唔錯, 飯既份量都幾多, 鰻魚汁味道都整得唔錯, 佢鰻魚夾系滑蛋入面, 雖然鰻魚份量唔多, 但咁既價錢算係低食. 而且個鰻魚飯賣相都幾靚架.價錢: 滑蛋鰻魚飯$35 連熱飲, 算是十分低食, 雖然是頹頹地, 但一定係深水埗平食之選.

一間專做學生生意既小食店，但都有碟頭飯食，有個鰻魚汁配蛋幾夾，平時好多學生幫襯，另一小食章魚小丸子都好好味，10蚊7粒，但坐位數量就唔多，如果想堂食就會有d迫。

學生時代喺附近讀書，成日都會幫襯掂擋，畢業多年，突然好掛住昔日的咪道，決定過來食個lunch。掂擋主要以外賣為主，堂食唔好expect 有好多位坐，lunch通常俾附近學生哥佔領哂。我係襯附近我叫左個D餐(照燒汁吉列雞扒蛋飯)等左幾分鐘個飯就已送到，滿滿嘅蛋汁包住剛煎好既吉列雞，飯既硬度適中，最緊要係只需30蚊就搞掂(連飲品)，係30蚊、30蚊、30蚊！！！！ 試問除左M記, KFC 等快餐，依家邊到可以用$30 食到個飯同加野飲？無! (學生只需$28蚊)食番學生時代既味道，真係幾感動！

太子不嬲平價飯餐廳多，呢度係其中一間，亦係最常幫襯既一間！上學既日子呢度會有好多學生堂食或外賣，通常會電話訂左先過去拎！點解甘多人？？原因好簡單，就係好平，味道好！今次叫左滑帶子蟹柳飯，可以選雞扒、叉煙、豬扒、燒汁、咖哩汁等。好多選擇！個蛋好滑下，同出面果啲牛乳蛋有得揮！燒汁甜甜地，不過幾多下，如唔鍾意多汁既記得預先講定少汁。蟹柳同帶子幾多，全部熱lala,正！29蚊，仲包罐裝或支裝飲品！抵食過雞，豬扒，肉都好嫩滑，又多。舖頭仲有其他小食，如炸燒賣、小丸子、糖水、薯餅等。雖然細細間，但好多野食，老闆娘好好人，雖然忙，但都會問我地要唔要送外賣

掂檔嘅炸燒賣係我食過最好味嘅炸燒賣！新鮮滾熱辣咁樣將個皮炸得超脆！入面係魚肉燒賣，好有咬口！而且佢仲加咗好好味嘅醬 係出邊！好似煉奶咁同個炸燒賣非常夾！今次除咗食炸燒賣，仲叫咗個下午茶餐，紅腸煎蛋米粉再加個冰紅茶都係20蚊姐而家係大家樂食個下午茶餐20蚊都食唔到囉米粉好足料，煎蛋煎得超級香！雖然油多左d，但絕對係茶餐廳既風味！而且仲係流心嘅！超正！

係掂檔揾既平靚正飯，係好難係第二到揾到既！大大碟之餘仲好好味！今日叫左滑蛋叉燒飯粟米汁都係$29仲要連凍飲！佢個蛋真心唔知點可以煮到咁滑，滑到好似加左牛奶咁！d叉燒唔肥，份量多之餘好香好甜！飯量都超多！女仔都係叫少飯好d。最愛幫襯小店，希望可以繼續做落去！

睇完新假期就特登周圍走搵野食去到呢間野 原來係一間我經過無數次但從未入過去的小食店門口有點普通 入面坐得兩枱人果刻真係有點覺得吾對路 但難得黎到點都試下一坐低二話不說叫左個滑蛋鰻魚飯一碗生菜魚肉同埋一個咖啡撈面只需要$34 仲有支裝野飲蛋煮得剛剛好蛋汁同鰻魚混為一體完全冇中伏 啖啖都係鰻魚味 咖哩撈面 $8 加餐肉同火腿每樣$3 午餐肉仲要吾係A4紙咁薄加埋都係$14 隨時細食少少 真係十幾蚊食得飽 窮L 恩物其他野都係三十蚊現在香港地一個晚餐冇四十蚊都吾洗出門口但呢度都係三十蚊就可以一定要大力支持呢d 良心小店

小食店蒸既燒賣食得多，但炸既燒賣都係第一次試，一係唔試，但一試真係不得之了。😆😆外皮夠脆，內裡魚肉夠香，最重要係一般小食店既炸物都係 '油琳琳'，但呢間店既燒賣真係唔知點炸，竟然係一啲油都無，我一個人食左 8 粒都唔覺 '漏'，勁呀！😋😋伴碟既有老闆秘製既 '沙律醬' 同 '華鹽'，我好貪心咁問老闆可唔可以兩款都試，佢笑笑口無托手㬹，俾個 Like👍！個 '沙律醬' 真唔講得笑，一食就知唔係街邊平時食到嗰啲 '傑撻撻' ，味道恰到好處。😋最後仲要讚吓老闆👨同老闆娘👩親切既態度，又好禮貌，呢個時世真係好難得，香港真係需要多啲呢啲食物同服務都咁高質素既小食店！👍👍

          如之前所說，日本菜在香港簡直如貴族一樣，是料理中的名牌，只要背上日式二字，連半碗飯也可以賣得貴一點。        然而不是每間餐廳都是這樣的，聽聞在太子就有一間看起來平平無奇的日式料理食店，味道好之餘，價錢又非常平民化，所以今天我就親自去一試它的手勢。這裡是裝修簡單，就似是常見的外賣快餐店一樣，店內大部份是廚房，餘下的空間就只夠放幾張圓檯。首先來到的是炸燒買，相中物看來雖然殘缺，但現在有相看，總比沒有好吧？ 不知在炸的過程中發生了什麼事，燒買的皮居然脆如炸雲吞皮一般，這確是一項優點，卻同時也產生另一個問題。因為它使我有一種在吃炸雲吞的幻覺，咬下去卻是軟綿綿的，造成一種失望的反差。適應了第一次後，其後吃每一粒，依然著得有點怪怪的，但外脆內軟的口感再配上甜甜的沙律汁，確是依然美味的。 然後是炸薯角，以外形來說，無論怎看都是如沙律明蝦角的樣子，外層依然奇脆無比，但內容不再是燒買軟綿綿亦有點彈牙的口感，使之前的問題沒有發生在它的身上。取而代之，內容是口感豐厚的高密度薯蓉，無論外形，口感與味道都異常新奇。 最來到的，是滑蛋鰻魚飯。看圖已知道沒有騙人，這是不折不扣的滑蛋，而鰻