文記金豬皇

Open Now

Now Closed

位置上比較隔涉，既在蘇屋邨外圍，又遠離元州邨領展商場，昌華街順寧道交界……不過好友誠意推介，即管試試買來晚飯加料。幫襯了3條燒腩骨、1隻白切雞，盛惠$280，比屯門新墟街市外的斬料檔還要便宜。約3小時後開盒，白切雞肥瘦適中，皮下還有整齊啫喱層，層次分明，據知是該店師傅們親自主理；薑蓉兩大盒，似是手磨，還見薑頭薑尾。雞剛好熟透，不帶血水腥味，一下子就啃掉十多件…做漏了一個動作，就是回家應該立即將那盒燒腩骨開盒，就可確保皮脆。忘了，還好師傅有在盒頂角落開了個大孔，使得部分燒骨仍能保持脆皮。又是，皮脂分佈理想，入口不會一口油膩，皮脆使嘴饞，所以雖然她隔涉，但會再返單。

見到咁多好評一個負平都冇，咁就諗住試吓睇吓咩料。用外賣APP嗌外賣，好快就送到。叫咗兩個飯，至尊燒鵝四寶飯同至尊燒鵝腩骨燒味飯 第一：燒鵝竟然無醬點第二 ：燒腩瘦到一個點，以為自己食緊特瘦豬扒第三 ： 燒腩有浸豬蘇味，同埋佢啲燒肉好淡口，低鈉燒肉第一次食第四 ： 燒鵝係無味，係咪之前嗰日8號風球冇開工醃唔切隻鵝？第五 ： 最好食係個紅腸同埋鹹蛋第六 ：公司個垃圾canteen嘅燒味飯都好食過第七 ： 個飯嘅汁係冇味嘅汁又少，成個飯乾爭爭，咩料啊第八 ： 食咗兩啖即刻忍唔住飯都未食完就要upload個食評

今日呀媽叫去斬料，成日食黎食去個幾間好悶，心血來潮揸著架車係附近兜下，見到呢間燒味個名勁西利🤣叫文記金豬皇。.6個人食飯叫左一條細骨「文哥燒腩骨$148/斤」，約$8x，個燒肉正到呢‼️皮脆到卜卜聲，肉唔硬唔會死咸，我可以講係長沙灣區最好食👍🏻.除左叫燒腩之外，仲叫左「玫瑰豉油雞$60 半隻」價錢ok，濃郁的雞汁配豉油味中帶點焦糖香。 雞肉肉質柔嫩多汁，充滿醬香同玫瑰露酒既酒香香氣。.小食就叫左「泰式辣鳳爪$40」同「麻辣海哲絲」無骨鳳爪味道幾好，唔會得個白醋酸味，蔥絲、香菜、麻油個味好香好夾；麻辣海哲幾特別，細心留意佢款海哲同平時食既唔同，比較粗身同彈牙。.斬個料都咁多野講🤣 佢個燒腩真係好鬼正，而家仲回味中。

長沙灣保安道順寧道一帶燒味鋪多，但要揀間真係好食又唔係真係易揀，而且你知道好食有料的鋪頭未必會係顯眼位置。文記金豬皇就正正係係昌華街一個唔起眼的位置，但師傅文哥精心鑽研的金豬同燒味卻是比同街其他出色。玫瑰 豉油雞一眼望落去色澤鮮亮 ，雞肉本身做得皮爽肉嫩，滷汁中散發著淡淡玫瑰露酒香味，帶點焦糖香，肉質柔嫩多汁， 最重要係雞胸部位都唔會太鞋， 啖啖肉得嚟都幾抵食。文哥燒腩骨豬皮金黄松脆又嫩口， 腩肉肥瘦肉層層相間，肉質甘香，近骨的位置，肉質厚實得黎帶有鹹香。文哥的金豬果然係 不同凡響。泰式鳳爪無骨鳳爪集酸、甜、辣的味道，而且仲arm晒懶人一啖食晒，爽口非常，而且仲令人非常開胃食唔停tim

屋企間唔中都要買燒味拜神。今次試試長沙灣嘅新店。餐廳預先放咗燈帶、朱古力金幣同埋祝賀字句嘅紙牌。而佢哋仲會幫乳豬cosplay，聽講嚟緊仲有萬聖節🎃服裝。🥢聘禮金豬 $988原隻乳豬好巨型，拜神送禮都好得體☺️。豬皮燒得色澤均勻，啖啖都香脆鬆化。豬肉肥瘦均勻，軟腍易咬。既有油香，又充滿肉汁。乳豬內外都塗滿醃料，令豬肉本身嘅甜味更加突出。唔需要乳豬醬都夠味😋。餐廳亦有供應價錢經濟實惠嘅燒味飯。當日亦有唔少街坊購買午餐或者斬料加餸。下次會再幫襯👍🏻。

時近中秋，一家人團團圓圓食餐飯就最好不過，出外太多人，尤其節日，都仍然未太安心，為免家人為餐飯而大費周章，煮少少小菜，再加點「斬料」就是最便捷的方案。鋪前貼出了價目表，價錢亦一目了然。除了燒味，亦有很多抵吃的燒味飯盒。在旁的凍櫃內，還看到有些冷盤，故此，又要了一盒海蜇來試一試。在等候期間，看到鋪前貼了一張單張，原來店家有善心派飯活動，真是越來越難得，尤其現今不景氣的環境。一次過買了三盒食物：一盒冷盤、兩盒燒味，感覺應該都足夠！「涼拌海蜇」（$40），海蜇厚度適中，柔軟而有爽脆感，口感又帶爽，微微辣，有些麻油香，作為冷盤，真是很不錯。燒鵝買完了，有點可惜，退而求其次，要了「港式燒鴨」（$40），師傅很好人，給了鴨脾。雖然是燒鴨，但一樣不失禮，外皮色澤亮麗，咬下去非常甘脆，充滿油香，肉厚卻很嫩滑。「文哥燒腩骨」（$74）是師傅推介，因為剛燒好不久，果然，那一層芝麻皮口感非常香脆，咬下去脆卜卜，而醃得入味，味道鹹香惹味，卻不會死鹹的，肉質鬆化不膩。「斬料」是本土飲食文化，真是歷久不衰，而且，更是豐儉由人。

中秋加餸文記金豬皇長沙灣昌華街28號順寧大廈地下J號舖每到中秋節，一家人聚一起食吃豐富的晚餐及月餅，天氣好會到附近公園行一圈賞賞月。通常唔想老人家太辛苦煮飯，因人多決定不出街食，在家買燒味炒小菜。港式燒味，燒肉非常入味見到燒到好靚，口水直流一於買來自肥計劃先！呢度70幾蚊份量有點少，可能是中秋關係吧麻辣豬雜拼就幾惹味，岩下飯，有豬耳豬肚咁。如果鍾意食辣佢個針汁好開胃，食得起勁。

懶煮飯嘅時候梗係去斬料啦，喺收工嘅時候比我發現咗一間新開嘅燒味店，一於斬番幾樣加餸先😉叉燒一定要嗌啦，叉燒肥瘦部份適中，入口feel到肉質很爽，水準不錯，肉質鬆化唔在講，相當有咬口，加上帶點燶邊，而且叉燒沾滿了又甜又香的麥芽糖，好食的叉味😗招牌手撕雞，勁抵食囉，雞嘅份量原來勁多，勁大隻，雞肉皮爽肉嫩，店員細心起肉，完全冇骨，鮮滑多汁，原汁原味，咸香味十足，勁送飯囉😍😍麻辣鵝腸，成份有鵝腸、花椒、乾辣椒、八角、香葉，所以食落麻香味十足，又能保持鵝腸既脆嫩，分量仲要好多，真係好好味，性價比好高😍另外佢哋仲配埋唔同嘅醬汁😊😊

開了不久，這家文記晚上的廉價尾場燒味就已經吸引了我的眼球了，今晚就決定過來斬料回家吃！一份份的選擇，有些＄５８有半隻燒鴨， 半隻白切雞，或者有些細邊的更會搭半條叉燒呢！有些＄５０，有些還＄２０呢他們也有飯，普通燒味單雙拼只要＄２８。。。這價格有夠驚人！一條燒腩骨＄９８非常多，皮脆而且肥瘦均稱，肉質細嫰不會死咸，實在好吃！半隻滷水雞＄６０口感好滑溜，不會太肥還保留一些雞味，入口不會有碎骨，切的刀工好，入口不乾不鞋有肉汁，這價格實在不貴！泰式辣鳳爪＄４０不在表上的鳳爪，甜酸辣都重味，非常厲害，喜歡泰國菜的不妨試著問問店家！

工作一整天放工當然想儘快回家吃飯其中最快捷方便的就是斬料送飯最近家附近新張燒臘店叫文記金豬皇路過又見店員向我熱烈推介於是買了三盒回家加餸試試首先是醒神開胃的泰式酸辣鳳爪原隻去骨的鳳爪連帶少軟筋入口非常彈牙而且很入味其酸度辣度也不多不少剛剛好另一道是叉燒例牌厚切的半肥瘦肉製作蜜味和肉香相輔相成肉味濃郁而味道帶鹹入口順滑而肉質不會過腍最後燒鵝皮夠香脆並散發鵝油香鵝皮夾雜淡淡煙燻香味肉質外脆內嫩肥瘦均勻而且切得骨肉比例剛好總體這間新燒臘店真不錯下次一定要買來試試再跟大家分享唄

樓下新開咗燒味舖就幫襯試吓，食咗叉燒飯同埋麻辣手撕雞，叉燒飯價錢唔貴20幾蚊已經有一盒！叉燒肉質都唔錯，邊位有焦香，肉質又夠軟林林，調味都做得幾好，仲配搭左兩條菜。鍾意食辣嘅話麻辣手撕雞就不能錯過！呢度嗰個手撕雞夠晒辣，完全係火噴噴嗰隻！感覺有啲係口水雞同埋麻辣嘅二合一版本，一食落去條脷即刻感覺到噴火😂一路食仲一路標汗！肉質都keep到夠嫩，重點係一整塊的雞皮，睇見都係口水！份量都多，50幾蚊來講算好抵食！

昨日中午行過見到呢檔新開張燒味檔，老闆仲派緊飯比d長者，見d燒味幾靚，收工就走去買左一斤燒肉，仲送左半隻貴妃雞，夜晚開飯拎來食，d皮仲好趣好好味，長沙灣區燒味的話，呢檔真係數一數二，老闆好好人，良心商店，下次會試埋佢d滷味先

當日同男朋友經過長沙環好想食真正香港傳統美食。乳豬,叉燒同埋油雞。先講乳豬我覺得哩間餐廳最好食係佢哋乳豬嘅豬皮。我要話絕對係脆香脆嫩滑。可以燒到一啲都唔濃但係保留到乳豬嗰種味道。亦即係所謂嘅色香味,顏色獨特,口味甘香,實在令人懷念。同男朋友試咗另外一個叉雞飯佢哋嘅雞真係特別鮮嫩。我要話皮薄餡靚，而且雞皮真係冇得彈。非常之彈牙同嫩口。滷水方面我哋食咗豬耳仔，我認為真係甘香回味。非常之有咬口的口感怕，出邊好難食得到。😊

附近有新店開張，見到啲花籃鋪天蓋地，人龍不絕！由於新開業嘅關係，有好多優惠推出，咁着數！我當然唔會執輸啦！買咗三樣嘢，一個大袋裝得晒，紅色嘅豬仔頭，感覺可愛！外賣盒分咗兩種，一種係凍物嘅透明膠盒，另一種係斬料嘅傳統發泡膠盒～無骨鳳爪～香香辣辣非常惹味，無骨食得好方便，調味非常啱我胃口！燒鵝～燒鵝唔算肥，絕對合理！而且燒鵝汁非常夠味！肉厚而且口感良好！肯定係新鮮之作！燒肉～食燒肉最緊要個皮夠香脆，呢度絕對滿足到呢個條件！肉嘅部份唔會死咸！好味道！該有嘅醬料都比齊，而且一啲都唔吝嗇！good good!

行過見到有間新店開張，見到佢地將剛剛燒好既燒鴨拎出嚟，當然係要買新鮮野啦！要左半隻燒鴨，師傅好好人仲問我想要邊隻，叫我揀。其實講真隻隻都咁靚，所以我是但叫左隻。返到屋企打開睇，好大盒，食落肉汁juice! 果然好新鮮!好味！下次試吓佢地啲豬腩骨，見到個樣好脆好吸引仲話新張期內買1斤燒腩骨送半隻雞！都係$148有兩樣！雞半隻都$60啦！真係好低！